تجمع خاص للي أوزانهم 60 كيلو و حابين يكون 55 كيلو أو 50 كيلو

[مربيه اجيال]

مرحبا ببالستينات:ggdw:
وينكم من زمان

وزني الحالي 64

طولي 148

الهدف الاول 60

الهدف الثاني 55

الهدف الثالث50

الهدف الرابع 45

يارب سهل وبارك لنا يارب


اليوم تغديت شوربا خضار مسلوقه

وسناك بسكوت سامبا مع القهوة

وعشاي ان شاء الله بيضتين مسلوقه

فطور مافي لاني انام الصباااح

اعذروني يمكن دخولي قليل بسبب ظروفي بس التزم ان شاء الله معاكم بيوم الميزان اهم شي

بالتوفيق صديقاتي صديقات الرشاقه:eh_s(22):

 

[ام عزيز 4]

هلووووو بنات اشلونكم


بعد شوي راح امشي وانزل يومي بلليل

 

[BNTO LA MISHO]

السلام عليييييييييكم والرحمه

ام برآك ، بخير ربي يسلمج شلونج انتى وشخبببببار الداىيت معاج


بس بنات عندي تناقض بشكل كبييير

اخفف اكل واكل كاكاو ماعرف اتقهوى من غيرها


وان شاءءءالله شوي بكتب لكم يومي

 

[شواآاقه]

هلا ام عزيز

بنتو انا حماتي نفسج مشكلتها الكاكاو ماتقدر تقطعه
بس لازم تخففين منه ولو تقطعينه احسن بس عشان ماتحرمين نفسج اخذي لج نتفه حزة السناك

 

[شواآاقه]

حياج الله مربية اجيال
والله يعوض عليج بحمله سليمه
ويرزقج بالذريه الصالحه إن شاءالله
ويارب توصلين للوزن اللي تبينه بصحه وعافيه

 

[سأكون يوما ما أريد]

مرحباا

يومياتي

الفطور: 3 شابوره بر وحليب منزوع الدسم
الغدا: سلطه + ربع صدردجاج + 6 ملاعق رز
العشا: روب قليل الدسم + شريحه توست+ همبرغل مشوي1

المشي 40 دقيقه

وخلطه قشر القهوه​

 

[صغيرة على الحب]

بنات اليوم انا زعلانة خربطت

الصبح اكلت توست اسمر ورومي خضار

عقب طول اليوم ولا شي لان كنت تعبانة و نمت و عقب طلعت ما مدى

بليل رحت عزيمة و بوفيه و كنت يووووووعانة اكلت من كل شي قطع صغيرة و اكلت حلو لعد

زعلانة من اللي سويته مادري شفيني

اوعدكم باجر تمر و لبن لان صراحة ما بخرب اللي نزلته

 

[الحراير]

مرحبا كيفكم ياحلوين
هلا وغلا ام براك والبنات كلهم
يومي لليوم فطوري بيض وتوست اسمر وشاي
وسناك قطعة كاكاو وبعدها شربت نسكافيه وقطعة معمول تمر

وعشاي حمسة دجاج واكلت قطعة توست وبعدها شاي

وان شاء الله صايمه وبعد شوي بشرب عصير كيوي بالاناناس
اليوم مشيت ٣٥دقيقه

توته قبل الميزان بيوم ذكرينا

بنات منو عندها انستغرام علشان تضيفوني

 

[ام عزيز 4]

عوافي حراير وياليتني وكل البنات


يومي

ومشيت٥٤دقيقه+ ١٠ دقايق القرص الدوار + ٥دقايق تمارين للزنود

حراير انا عندي انستاغرام اسمي billarosa

وانتي شسمج؟

 

[الحراير]

الله يعافيج ام عزيز
حسابيFatooma1979

 

[توووووتة الحلوة]

صباح الخير يا حلوات

ام براك
احنا بخير :eh_s(15): الحمدلله
ما شاء الله ... شكلها كانت ايام حلوة كثير ... ايام البلعة اتوقع انك مشتاقة كثيررر لي هذيك الايام. تبين الصراحة وناسة ... ما الومك لا و كل شي مرتين ريوق و غدا و عشاء ... كنتي مشتغلة شغل عدل لوووووووووول. بصراحة مشاركتك هاي تونس :dddds: اصلا احب طاري البلعة

شواقة
صباح الورد ... غداك صحي و تمام :rerrerek:

مربية اجيال
اهلا و سهلا فيك :ggdw: نورتي

ام عزيز
اهلا فيك، احنا بخير ... الحمدلله. اعجبتني كثير رياضتك :rerrerek:

Bnto
وعليكم السلام

سأكون يوما
اهلا فيك ... يومك تمام كالعادة :rerrerek:

صغيرة على الحب
لا تزعلين نفسك ... مو مشكلة تعوضينها ان شاء الله

الحراير
اهلين حروره، احنا بخير ... الحمدلله
اما على موعد الميزان ... ابشري من عيوني. راح اذكركم ان شاء الله. و حلو نشاطك اليوم 35 دقيقة انجاز :eh_s(15):

 

[كلي رقة]

ام عزيييز بسالج عن حبوب برايورين اشرايج فيهم
انا توني اخذهم مدحها لي الصيدلي

 

[ام عزيز 4]

ام عزيييز بسالج عن حبوب برايورين اشرايج فيهم
انا توني اخذهم مدحها لي الصيدلي

والله تمام ماشيه عليهم .. قللي من تساقط الشعر اخذي من الصيدليه شامبو مال تساقط الشعر لاتستخدمين مال الجمعيع

 

[ام عزيز 4]

بنات حبست ابين لكم شغله مهمه اذا بتسوون رجيمات قاسيه مجرد انج اتهدينه راح يرجع الوزن كله حرام تضييع وقت ووجهد

انا كنت مسويه رجيم محمد ربيع القاسي نزلن اب 4 ايام كيلو ونص

واول ما بديت اكل نظام 1000 سعره رد الوزن كله

ضاق خلقي لكن تعلمت من غلطتي ولا للرجيمات القاسيه

 

[إم بــــرٍآك]

توته ضحكتيني هههههه والله صج وناسه الاكل

ام عزيز ممكن تنزلين صورة القرص الدوار وحسيتي ان منه فايده ولا لا

 

[Ŝ3β_άηśαķ]

مساء الخير

امس ما كتبت يومي جاتني الدوره وخربته مرررره لذالك مرح اكتبه لأني مؤ فخوره فيه بس يلا اليوم راح بخيره وشره وحنا عيال اليوم


يومي الاثنين

الفطور : شابوره وحليب قليل الدسم وتفاحه خضرا

الغداء : سندوش فيه بيضتين وطماطم وعصير أناناس كي دي دي

العشاء : ٧ تمرات وكوفي

سناك : حبه فراوله

والحين : زنجبيل



الحمد لله

 

[Ŝ3β_άηśαķ]

ام عزيز
معك حق وانا مجربه على كثر تخبيصي بس مايزيد وزني كثير لانه تخفيف
يعني من العام الى ها السنه تخبيص وأكل موطبيعي و٣ كيلو زياده الحمد لله


ام براك

حلو القرص الدوار يبرز الخصر

 

[أم وليد الشمري]

مسااء الخيررر
شلونكم بنوتات ؟
وشلون الدايت معاكم؟
ليدي .. جمون ... عسى ما شر لا حس ولاخبر
امس كان وايد حلو مشيت الصبح نص ساعه وفطوري كا ن خفيف وغداي الطامه بالليل طلعت اتمشي وشربت ميلك شيلك
اليوم:
فطوري : سبع تمرات وحليب خالي الدسم
غداي: مرقه لحم شوي
عشاي: جالكسيxxx
والحين بمشي نص ساعه
الحمدلله شربت ماي وايد

 

[سأكون يوما ما أريد]

مرحباا بالحلوات...

يومياتي:.


الفطور: حليب منزوع الدسم + 2 شابور بر

الغدا: ربع صدر دجاج + سلطه + 6 ملاعق رز

السناك: عصير برتقال نادك

العشا سلطه روب وخيار + دجاج مشوي

رياضه 30 دقيقه

وسلامتكم​

 

[إم بــــرٍآك]

صار خاطري اشتري هالقرص الدوار متاكدين بينفعني كم مره اشتري اجهزه ومااستفيد منها

ابتديت يومي بتمره وحليب قليل الدسم 250 لم
والغدى بيضه مقليه وجبنه مالحه ملعقه و4 زيتونات
بعد الغدى زنجبيل بالنعناع
العصر
حسو تقريبا كوب

المغرب شاي اخضر

العشا
تكساس فرايز < بتهاوشني توته

حرقت العشا بالمشي نص ساعه

من شوي مسكت الكندر باكله وقلت لاااا أكلت تمره