تجمع خاص للي أوزانهم 60 كيلو و حابين يكون 55 كيلو أو 50 كيلو

[BNTO LA MISHO]

السسلام عليكم


يومي كان /

الريوق / حليب خالى الدسم
الغداء / توستهه
السناك / تقهويت هالمرهه بدون حلوو
العشاء / توسته وسلطه

 

[الحراير]

صباحووووو

شلون الرشيقات
ام براك انا كنت ناويه اشتري جهاز الخصر بس انا نفسج ادري راح امل لانه دايم اشتري ومااستمر
افضل رياضه عندي المشي والرقص

يومي للاثنين
صايمه وتفطرت جباتي وشاي

وسناك قطعة كيك مع نسكافيه
والعشا كان دجاج مشوي مع دايت سفن واكلت قطعة اناناس

وبعدها شربت زنجبيل وشاي

وحاليا اشرب شاي رويال

 

[زوراروسا]

صباح الخير
يومياتي امس ع الريق نسكافيه بدون سكر والفطور حبه كيوي وحبه تفاح وروب بالتوت
السناك حب شمس + شبس
الغذاء خفيف + كاس شاي اعشاب
العشاء سلطه خضرا وشوي سمك مشوي
لعبت رياضه خفيفه 30 دقيقه
واليوم علي الدوره ما اظن العب رياضه بس بحاول اتحرك بالبيت و التزم بالتخفيف ان شاء الله

 

[وحيدة امى]

معاكم تسمحولي

 

[توووووتة الحلوة]

صباح الخير يا حلوات

ام عزيز و صعب انساك
مشكورين على ذكر تجاربكم، و هذي رسالة واضحة مني للي يحبون و يعملون الدايت القاسي

صعب انساك
يومك رائع، الله يبارك اكلك صحي :rerrerek: قلبو لاتنسين الرياضة

ام وليد
يا اهلا بالحلوة نورتينا. احنا بخير، و البنات الله يبارك لهم ملتزمين بالدايت :rerrerek: قلبو الفطور ممتز لكن الغداء خفيف ... علشان كذا خبصتي شوي في العشاء. انا مو اول احاول اخفف بالغداء .. بعدين بطلت لاني اصير اقضيها سناكات من الجوع
لا وصيرين حلوين يا ام وليد ... شادة حليك بالرياضة :ggdw: و حتى بالاكل الظليمة شينه

سأكون يوما
دايما ملتزمة سواء بالاكل او الرياضة و تعجبين نوعية اكلك ... صحي :rerrerek:

ام براك
لا ما راح اهاوشج اطمئني. اولا يومك حلو كثير و بدون مجاملة. السبب الثاني: انو انتي تكلمتي عن الايام الخوالي ... اقصد ايام البلعة فطبيعي اشتقتي لهم، فلعلشان جذي اكلت فرايز و كنت ناوية تاكلين كندر ... مقدر وضعك النفسي حزتها >> خفي عليها يا المحللة النفسية ههههههههه

بنتو
وعليكم السلام. كان اكلتي قطعة حلو علشان خاطرك او 3 تمرات

الحراير
صباحو ... يا حروره الدميلة
انتي مثلي انا كلش مو صحبه مع الاجهزة للاسف. من الرياضة ما احب الا المشي ... و على طاري الرقص .. تعرفين ترقصين زين؟ انا بصراحة ما اعرف ارقص كلش ... حتى في المناسبات ما ارقص ... خبرج اخاف انحسد من كثر ما انا محترفة في الرقص و اخاف من البنات يغارون مني هههههههه
اذا تعرفين ترقصين ابجي عندج تعلمين ... بكم الكورس؟ و كم مدة الدورة؟ >> ترى اتغشمر معاج لووووووووول

الله يتقبل منك حبيبتي و يومك رائع بكل المقاييس :rerrerek:

زوراروسا
صباح الفل ... قريت يومك حلو و صحي ... كويس انو ما سويتي ريجيم قاسي :ggdw:

وحيدة امي
اكيد نسمح ... نورتينا يا جميلة اهلا و سهلا فيج :ggdw:
بليز عنوني اذكري كم طولك؟ و كم وزنك؟ و كم هدفك؟

 

[توووووتة الحلوة]

بنات بحسب التقويم الهجري كملت 29 سنة

كلللللللللللللوش :happybday: كلوووووووووووش :lolo:

و هذي كيكة الاحتفال :ggdw:

و في الختام حبيت اقولكم ...

 

[كلي رقة]

:ggdw::eh_s(7):كل عام وانتي بخيييييييييييييييييرتوووووووته

 

[كلي رقة]

امس كنت مريضه حدي
ريوقي كان توسته وجبنه وشاي حليب
الغدا ماكو
العشا رووب اكتيفياصغير وتوسته
طبعا مامشيت وهذا مضيق خلقي لو امشي انزل زيااااادة

 

[ام عزيز 4]

صبحكم الله بالخير بنات


امس يومي كان تمام الحمدلله

لن الصوره مو راضيه تتحمل انشالله انزلها


ومشيت نص ساعه وتمالرين 10 دقايق

 

[ام عزيز 4]

كل عام وانتي بخير توته وعسي ايامج عامره بطاعه الرحمن

 

[إم بــــرٍآك]

توته امس كان يوم ميلادي لاتقلدين هع

كل عام وانتي بصحه وعافيه ورشيقه يارب

 

[Ŝ3β_άηśαķ]

توته


كل سنه وانتي بخير

عقبال ١٠٠٠٠٠٠٠٠٠٠٠٠٠٠٠٠٠ سنه

 

[إم بــــرٍآك]

يومياتي

الفطور صمونه وحليب

الغدى
رز ابيض وقطعه دجاج صغيره
سلطه جرجير

العصر
شاي كرك و4 قطع من بسكويت قهوة الصباح

العشى سندويتش تشيكن فيليه وخيار

اليوم ماشربت ماي وايد نسيت بس ملحوقه الحين ان شاء الله بشرب

 

[ام عزيز 4]

ام براك عوااافي


وينكم بنات ليش القروووب نااايم



مسا الخير ياحلوووين



ييومي


ريوقي>>شوفان بالحليب +عصير قريبفروت


غداي>>شيش طاوووق


سناكي >>وافل+جوكلت +كوفي


عشاي>>شوفان بالحليب +كيوي


رياضتي>>30 دقيقه مشي+45دقيقه تمارين


والحمدلله انجزت

 

[الحراير]

مرحبا

توته حتي الاخبال بالرقص يضعف محد عندج اقفلي الباب وارقصي لو ديسكو او مصري وعراقي المهم في هز وردح هههههه


يومي ليوم الثلاثاء

فطوري بيض وشاي

وغدا مافي طبعا
وعالمغرب قهوه و3تمرات وحبه صغيره قمر الدين وشاي

والعشا دجاج بالخضار بالفرن وبعدها زنجبيل

وحاليا روب خالي الدسم مع خيار ونعناع
واليوم العصر مشيت ساعه والحمدلله مر يومي بخير وسلام

 

[الحراير]

وكل عام وانتي بخير ياحبيبتي توته

>>>>>>بنات اليوم مسموح لكم تاكلون كيك وعصاير احتفالا بتوته هع

 

[زوراروسا]

صباح الخير
كل سنه وانتي طيبه توته والله يبارك بعمرج ويعطيج الصحه والعافيه يا رب
امس يومي كله غلط بغلط للاسف
ثاني يوم دوره وكنت مشفوححححححححححححححححححححححه ع الاكل اكلت الاخضر واليابس والحلو والمر والدسم والخفيف
وطبعا بدون رياضه اللهم لك الحمد شو اقول بس
اليوم بحاول اخفف فجع والتزم بالتخفيف
يارب عونك

 

[إم بــــرٍآك]

صباااح الخير بنات شلونكم بنتي الله يحفظها مقعدتني من صلاة الفجر

ام عزيز كنت مدمنة قريبفروت يمي عليك بالعافيج

حراير لاتحرضينا ع الكيك ترى مانبي الاشاره هع
توته وينج ياغصن البان

 

[ام عزيز 4]

صبااااحو بنات...

عوافي حراير



ام براك انا اخذه لانه يحرق الدهون

 

[كلي رقة]

صباااااااح الخييييييييييييييير

امس كان ريوقي تويته وجبن سلايس وحدة وجاي حليب
وغداي كليت عيش اشتهييييييييييييييييته يمكن 10 قفاش
والعشا 3 تمرااااات وقهوة عربيه وبس

وزني 67.5
مانقصت الا غرااااااااام وااااااحد بس بعشر اياااااااااااام صدمة:lkmnkl:

لييييش مع اني ملتزمة عدل قمة الاحباااااااااط:eh_s(2):