تجمع خاص للي أوزانهم 60 كيلو و حابين يكون 55 كيلو أو 50 كيلو

[تووته البسكوته]

الحراير
الكمون يمشي لبطن والجاي الاخضر عجيبين

 

[FatoOoMa_<3]

سلااام عليييكم بنااااات

ماشاالله عليييكم والله قدها و قدووود كفوو استمرووووو
رااح نووصل عن قريب انشالله

اليوم

بناات قبل لا تتريقوون اكلو ( جوز) خمطة يد قبل الريوق .. خاطين عنه ب برنامج دكتوز اوز انه يحتوي على الاحماض الدهنية الاساسيه و البروتين ف يخليج تحسين بالشبع طول اليووم

الريوق : كورن فليكس فتنس مع نص علبة حليب قليل الدسم مع قفشتين كبار شوفان


و السناك كان الساعه ١٠ تفاحه

الغدا : سمك + سلطة ( خس + خيار + بروكلي + جزر + قفشة زيت بذر الكتان و قفشة ليمون و خل. البلسميك )

و بعد الغدا ٣حبات لوز

و السنات كان كاكاو وايد الميلك الصغير فيه بس ٦٩ سعره حراريه مع جاي اخضر

و العشا انشالله بيكون فواكه و رووب

 

[توووووتة الحلوة]

مساء الخير بنوتات

باك مع ردودكم

الحراير
مرحبتين يوه زعلت انو وزنك زاد
مو مشكلة ان شاء الله تعوضينها

سأكون يوما
مساء النور ... لا تزعلين حلو نزولك 300 جرام نعمة كبيرة، قلت لك الدايت يبله صبر وبال طويل ... السالفه مطوله ... اما بخصوص حمية سكارس ... قلتلك صعبة جدا ما عدا وجبة العشاء مشبعة. احسن شي امشي على التخفيف و الرياضة :rerrerek:

ام براك
و عليكم السلام ورحمة الله و بركاته
الف مبروك لعروسكم اليديدة سلمي لي عليها و انقلي لها تبريكاتي :eh_s(7):

شي حلو انج بديتي تحسين بالشبع بسرعة :rerrerek: نعمة عظيمة الحمدلله. لكن كثيري من الخضار منها مفيدة و منها علشان ما ينخفض الايض (معدل الحرق في جسمك) عندج

الف مبررررررررررروووووووووك :ggdw: على النزول المدمر

اما بخصوص عيونج، ذكرتيني بأختي ... صايرة من تالي تخاف من الدكاترة ... الموهيم اذا تحسنتي طمنيني عنج ... اوكي

اما بالنسبة ليومك ... مثل امس ... الاكل قليل، انا خوفي الوحيد انو نتيجة قلة الاكل ينخفض معدل الحرق عندك

دبة موت
ايه حبيبتي ... انتبهي، هذي هي الحياة، يبلها الفطنة. انا اتذكر لما كنت بعمرج 21 سنة شلون كنت بريئة بتفكيري و تصرفاتي .... و احمد ربي اني ما تزوجت و انا في هالسن

الف مبروووك على النزول :ggdw: عقبال الكيلوات الباقية ان شاء الله

باك مع بقية الردود نطروني

 

[توووووتة الحلوة]

دبة موت
اتعب و انا اقول يومك روووووووعه :rerrerek: الله يبارك لك. و الرياضة اروع و اروع :ggdw:

الحراير
ايه هذي حروره اللي اعرفها ما تيأس ابدا :ggdw: حلوووووو انو ما جاك الاحباط نتيجة الزيادة :rerrerek:
بصراحة ما اعرف غير المسهلات
اعرف عصير البرتقال الفريش واااايد زين ... مسهل طبيعي اذا شربتيه على الريق

كلي رقة
مسااااااء الخيييييييير يا حلوتنا لج وحشه

اما يوميات الريجيمة تونس :rerrerek: بس ليش ما غيرتي الريوق ... نفس ريوق ذيك المرة ، التغييير حلو. اما الغدا ما قلتي شنو اكلتي فيه؟ ياااااااي احب المجابيس يمي يمي

بالعافية عليج قلبو :eh_s(7):

توته البسكوته
اهلين توووووووووت شلونج؟
زين يعني ماله داعي اشوف مديرج
لاااااااااااا بلييييييييز لا يضيق خلقج، عادي اللي يصير معاج، انا كذا مرة ازيد و انا مسويه دايت ... تصير بأحسن العائلات بالعافية عليج ما اكلتي ...
و شي حلووو انج اقتنعتي بكلامي فيما يخص الرياضة :rerrerek: و شكرا انج افدتي الحراير، اممممممممواه

فطومتي
و عليكم السلام يا حلوة

كلامج روعه فيما يخص الجوز، قد شفت الدكتور اوز يقول هالكلام في برنامجه و اقنعني جدا بالفكرة و يقول انا شخصيا قبل الاكل اسوي جذي :rerrerek: مشكووووورة على النصصيحة و التذكير :eh_s(7):

رووووعه يومك :rerrerek: و صحي جدا و مغذي للجسم ... الله يبارك لج

شوي و انزل القائمة و اسم العضوة اللي حازت على اللقب

 

[توووووتة الحلوة]

اوزان المشتركات

رومي
الوزن السابق: 64
الوزن الحالي: 64
مقدار النقصان: ثابت

توتة الحلوة
الوزن السابق: 60.3
الوزن الحالي: 59.7
مقدار النقصان: 600 جرام

زوراروسا
الوزن السابق: 61
الوزن الحالي: 61.5
مقدار الزيادة: 500 جرام

طريق السعادة
الوزن السابق: 71.9
الوزن الحالي: 70
مقدار النقصان: كيلو و 900 جرام

سهام الهاشمي
الوزن السابق: 66.3
الوزن الحالي: 65.5
مقدار النقصان: 800 جرام

ام وليد
الوزن السابق: 61
الوزن الحالي: 60.700
مقدار النقصان: 300 جرام

الحراير
الوزن السابق: 59.2
الوزن الحالي: 60.2
مقدار الزيادة: كيلو

سأكون يوما ما اريد
الوزن السابق: 61.300
الوزن الحالي: 61
مقدار النقصان: 300 جرام

ام براك
الوزن السابق: 60
الوزن الحالي: 58
مقدار النقصان: 2 كيلو

دبة موت
الوزن السابق: 68.7
الوزن الحالي: 68
مقدار النقصان: 700 جرام

توتة البسكوتة
الوزن السابق: 89
الوزن الحالي: 90
مقدار الزيادة: كيلو

الحائزة على لقب رشيقة الاسبوع اهي ... ام براك بمعدل خسارة 2 كيلو

المركز الثاني من نصيب طريق السعادة بمعدل خسارة كيلو و 900 جرام
المركز الثالث من نصيب سهام الهاشمي بمعدل خسارة 800 جرام

 

[توووووتة الحلوة]

الف مبروووووووووووك ام براك على اللقب :ggdw:

و مبروووووووووك لي طريق السعادة المركز الثاني و سهام الهاشمي المركز الثالث :ggdw:

 

[إم بــــرٍآك]

حراير وجودج بالقروب اسعدنا وملكتي قلوبنا بطيبج الله يحفظج ويخلي لج عيالج

توته توني اشوف د. اوز عن الايض تكلمو عن البهارات والفلفل الحار والقريب فروت

اما عن الخضار اكل بس موالكميه الي المفروض اكلها كمياتي قليله

توته تحسين ان خسارتي هذي طبيعيه اواصل
ولا شنو مع اني مرتاحه بطريقة اكلي حتى لوانه قليل
ودي اشبك من الايباد بس جذي احسن قبل لاانام ادخل المنتدى واطلع اخف لي :d

 

[FatoOoMa_<3]

مبرووووووك بناااااات على النزووول
عااشت ام براااك والله

انا اعتبر اني امبلشة وياكم من اليووم حق الميزان الياي انشالله
وزني الحالي و بكل اسف ٦٨.٥ قسته اليوم

و انشاالله لي يوم الميزان انزل عن هالوزن قولو اميين

 

[FatoOoMa_<3]

بناات اليوم كنت احوس ب اليوتيوب و لقيتلكم فيديو روعه مقابلة ببرنامج ذا دوكتورز مع وحده نزل وزنها و الهفيديو فيه كل التفاصيل وايد حلو و يشجع

‫ذا دكتورز كيف تفقد وزنك وتكون رشيق | The Doctors‬‎ - YouTube

 

[الحراير]

توته مشكوره عالورد والكيكه والبوسه فديتج دامهم منج
واحبكم كلكم حبايب قلبي
اوعدكم راح ارد في يوم مميز 1/1/2013 شرايكم
وبجرب الكمون والعصير مشكوره حبيبتي

تصدقين توته يوم تركت الرجيم احس اني اكل بدون مشتهي يمكن لاني تعودت عالرجيم

 

[الحراير]

حياتي ام براك وربي اني احبج وكلكم خواتي
وان شاء الله كلنا نضعف بصحه وسلامه

 

[سأكون يوما ما أريد]

مبروووووك للي نزلوا تستاهلوا

ربي يوفقج حروره ومنتظرينك لبدايه السنه​

 

[أم وليد الشمري]

مساااااء الخير بنوتات
لا حراير حبيبتي ... طلي علينا لا تغيبين حبيبتي احنا ورانا مشوار تعالي بين فتره وفتره ع الأقل واحنا نحبج عسانا ما نفقدج
مبررررروك يا ورده ... ام براك تستاهلين استمري ياحلو الرشاقه ربي يوفقج
طريق السعاده وسهااام ... مبروك المركز الثاني والثالث
نبي تحدي اكثر شدوا حيلكم ...
فطوووم .. حياج حبيبتي وعسئ ربي يسر امورج
توووته.. فديتج حياتي ... هالمره بتحدى انا ع اللقب وايد متضايقه من نفسي بإذنه تعالى بحاول التزم اكثر واكثر وخصوصا ان العرس بقي له شهر بس
دبه موووت... ربي يسر امورج ويجمع بينكم على خير
زوروو ... انا رجعت بقوه بعد فتره غياب تعالي معاي نتشجع لا تطولين
توته ... والله انتي مودرن واتيكت والاب توب شحلوه وانتي أحلي من صوره الي تتصفحه الي حطيتيها .. انا تاركه الاب توب لدروس البنات وبعد لو فتحته عندي كتكوتين يجننوني يبون يتصفحون معاي وتلاقين وحده تسحب الشاشه وحده تلعب بالكي بو ردع الاقل الاي فون ما يتكلمون وما يجون صوبي
المهم موعدنا الميزان الجاي منو تتحداني؟؟!! ......حدي ثقه......

 

[إم بــــرٍآك]

حراير يعني مقلب هاه هع حلوه اليوم بدايه السنه الجديده

عاشت ايامج فطومتي <متعوده ع هالاسم ياحلوه من اسم والله

ام وليد يالله بهالشهر يمديج ان شاء الله

ابتدى يومي متاخر

مافي فطور بس اكلت برتقاله وبعدها بساعتين تقريبا تغديت.

الغدى
كشري < يمتن بس شسوي احبه والصراحه اكلت صحن صغير بس خلصته


الحمدالله مااكلت شيء بين الوجبات بعد صلاة العشاء اكلت زبادي المراعي بالكرز وكنت بكتفي فيه ع العشا بس للاسف طلعنا وشريت همبرقر اكلت نصه

لعبت رياضه ربع ساعه والحين منسدحه بنام

نايتي ياحلوات ~

 

[طريق السعاده]

وناااااسه انا المركز الثاني خخخ منب هينه اثاريني

يلا شدو حيلكم حبوبات صرت اشكل خطر عليكم الاسبوع الجاي بكون المركز الاول

احبك توته

 

[رومي]

رومي
وعليكم السلام :eh_s(17):
شي حلو اللي قاعدة تسويه رياضة لمدة نصف ساعة يوميا :ggdw: رائع :eh_s(15):
طبعا مع رياضه الضغط وشد البطن
رومي اذا كتبتي وزنك ثاني مرة اكتبي كم كان و كم صار ... علشان تدخلين القائمة اللي ارتبها انا كل عشر ايام

انا. صار لي مشتركه لي اسبوع بس يعني مايمدي افقد وزن والمفروض ماتحسبيني هذا الاسبوع لانه كان اسبوع تحميه وتجهيز لجسمي.الاسبوع الجاي راح احاول انزل كيلو ان شاء الله .

ياااي :eh_s(16): عورني قلبي و انتي تقولين بنوتي ... انتي عمرك 21 سنة متزوجة و عندك بنوته و انا عمري 29 سنة و للحين اشوف نفسي طفلة ... ترى انا مو قاعدة اتغشمر الى الحين اشوف نفسي اني صغيرة مررررة
من الاشياء العظيمة اللي ربي عطاني اياها في هالحياة ... اهي اني مو متزوجة و لا ام و لا مخطوبة "وأما بنعمة ربك فحدث"

الشي الوحيد في حياتي اللي مضيق صدري اهو البطالة ... الله يرزقني بأحسن وظيفة ... و انا محسنة الظن بربي انو راح يعطيني احسن و ارقي وظيفة في العالم كله

الله يوفقك عادي لايعورك قلبك. كل واحد يختار بحياته قراره وانا الحمد لله. ما اندم على هذا القرار بالعكس احس اني اسعد وحده.


والله يوفقك وتلقين وظيفه

شوفي يارومي منطقة البطن تروح بالتدرج لما ينزل وزنك ... انا كانت عندي مشكلة البطن لكن لما نزلت وزني ... راحت كل المشكلة ... بح يا كروشتي هع على قولت ام براك

ههههههه يارب الله يسمع منك




وصراحه انا احب استخدم الاب توب لانه مريييح من الايباد والاي فون.


صراحه بايخه من ناحيه تحميل الصور. ومتعبه للعيون


وانا معك. الاب توب وبس. ههههههههه


بس المشكله ان الاب حقي خرب. وباحاول اضبطه. او بشتري واحد جديد لاني. انا استخدم الاي باد


ومره مزززعج يرفع الضغط. ههههههههه

 

[الحراير]

صباحوووو
كيفكم

انا قلت بطلع وكل شوي ادخل ههههههه

ام وليد ياقلبي عساج ماتفقدين غالي

ام براك اي خووووش مقلب ان شاء الله بكون معاكم بس ماقدر اكتب يومياتي
بدش بيوم الميزان وبشجعكم
توته ياقلبي وينج مابينتي عسي المانع خير وحبيت
أسال لي متي مع الدايت يعني لج وقت معين وتتركين لقروب

 

[توووووتة الحلوة]

كاني ييت يا حروره مشكورة على سؤالج :eh_s(7): امس كنت تعبانه جسديا ، فرحت انام ، الحين احسن، الحمدلله ...

صباح الخير يابنوتات :eh_s(17):

شوي و لي باك مع تعليقاتكم، كالعادة نطروني

 

[توووووتة الحلوة]

ام براك
ايه ... اصلا انا عارفة من زمان انو الفلفل الحار ... يرفع معدل الايض بالجسم، لكن لما قريت عن ريجيم نوع الجسم، طلع الجسم التناسلي اللي اهو جسمي ما يناسبه الفلفل و التوابل تعتبر من المحرمات عليه يعني السالفه اجسام و اجسام. في اجسام لما تاكل فلفل كثير يرتفع معدل الايض و فيه اجسام مثل جسمي لا، و بالعكس تجيب نتايج عكسية ...

اما على الخضار انا راح اقولج حركة حلوة تعلمتها من بنات ايرانيات، مرة من المرات كنت طالعه بره البيت اتمشى كان اشوف لج بنات ايرانيات، كل وحده معها حافظة بلاستيك فيها شرايح خيار و برتقال، هذا كان هو السناك تبعهم. احيانا بالخليج لما نطلع مكان اغلب السناكات شكولاته و شيبس، ايس كريم للاسف مو صحي كلش. بصراحة حسيت بالغيرة منهم، كيف هم مهتمين بصحتهم مو مثلنا و صرت اقلدهم، في البيت اطلع من الثلاجة 2 خيار و طماطه و اقطعهم شرايح و احط عليهم دريسنق لايت ... يمي يمي :eh_s(15): احلا سناك. صدقيني هالطريقة راح تفيدك.

ايه خسارتج نوعا ما طبيعية، لكن كثير من اكل السناك الصحي علشان ما يقل معدل الايض بجسمك، بعدين بعدها تعانين :eh_s(16): من بطىء نزول الوزن ... او اذا مرة اكلتي اكل دسم اليوم الثاني وزنج يضرب

خلاص دام البلاك بيري اخف عليك، سوي اللي يريحك قلبو، اهم شي نشوفك

فطومتي
الله يبارك بعمرك :eh_s(17): مشكورة حبيبتي على التهنئة لي و للبنات :eh_s(7):
ان شاء الله ينزل وزنك، ما ادري انا عندي احساس قوي انج راح تكونين رشيقة الاسبوع الياي

مشكورة كثيررررر على الرابط حق ذا دوكتورز ... شايفة هالحلقة انا من قبل، بصراحة قصتها تشجع
الواحد يضعف

الحراير
العفو حبيبتي، تستاهلين اكثر :eh_s(17):
يا سلام ايش هالخبر هالحلو ، راح تستمرين معانا :eh_s(9): واااااااااااي وناسة راح اطق اصبع

و شي حلو كثير انو ما بديت تشتهين الاكل مثل الاول، هم هذا خبر حلو كثيرررر :ggdw: اصلا انا ملاحظة عليج، انتي من النوع اللي اكله قليل في الاصل حتى لو اكلتي حلو، تاكلين قليل مرررة، ترى هذي نعمة عظيمة، الله يبارك لك

سأكون يوما
اشفيه شكل المود مو تمام :eh_s(10): الله يبارك بعمرك حبيبتي، مشكورة على التهنئة لي و للبنات ... اممممممممواه :eh_s(22): >> يمكن يتحسن المود

ام وليد
صباح الورد و الفل و الكادي، ايه ابيج قد التحدي ترى احذرج في منافسات قويات في القروب حاولي تنتزعين الصدارة

ام وليد تقول للانسة توتة: توته ... والله انتي مودرن واتيكت والاب توب شحلوه وانتي أحلي من صوره الي تتصفحه الي حطيتيها

توتة ترد على ام وليد و تقول: انا اعرف انني مودرن و اتيكيت و احلى وحده بالعالم و ما فيه مثلي لكن ما هذا الكلام؟؟؟ اني اشم رائحة النفاق الاجتماعي من خلال حديثك يا عزيزتي

ام وليد ههههههههههههه :krkrkr: لا يطوفج اهم شي اشم رائحة >> الظاهر توها طالعه من محل عطور كاااااااااااااااك

ام براك
يومك حلو امس و صحي بعد لان فيه فاكهه و زبادي :eh_s(15): لكن انا اعتبر البرتقاله كريوق قليل الصراحة

طريق السعادة
شوي كلمة ما انتي هينه، كنتي راح تصير المركز الاول ... الفرق بينك وبين المركز الاول 100 جرام بس. الله يبارك لك. اكيد تشكلين خطر

و انا بعد احوبك يا بنيه :eh_s(17):

 

[توووووتة الحلوة]

حابة اشكر كلا من: ام براك - ام وليد - سأكون يوما

على مشاركتهم لي في الكتابة للحراير بمناسبة مغادرتها لنا اشكركم من كل قلبي

الحمدلله، بنات الكلام جاب نتيجة حلوووووة، ما راح تتركنا :ggdw:

رومي
قلبو انا حطيتج في القائمة لان خفت تزعلين اذا ما شفتي اسمك بالقائمة و تعتقدين انو مو شايفينك او حاسبينك وحده مننا خصوصا انك مشتركة يديدة. معاك حق في كلامك انو المفروض، ما احطك هالاسبوع في القائمة ... لكن الحين اظن عرفتي السبب اللي خلاني احط اسمك

الله يسعدك اكثر و اكثر، و شكرا على تمنياتك الطيبة لي

زين انو في كم شخص بالعالم يشاركني حب اجهزة اللاب توب. ان شاء الله تصلحينه او تشترين واحد يديد. انا مثلج كلش مو مستسيغه التابلت ماعدا في السفر ... الله يوفقك و توصلين لهدفج في القرب العاجل

الحراير
صباح النور و السرور :eh_s(17): مو مشكلة حروره لا تكتبين يومياتج لانو انا اعرف ايش كثر تعاني لما تدشين المنتدى من الفون، اهم شي نشوفك بين فترة و الثانية و خصوصا في يوم الميزان علشان نعرف اخر التطورات على الساحة الحرورية
بصراحة ما حطيت وقت معين لانتهاء للقروب ... راح استمر فيه ان شاء الله. اما الدايت ف انا راح استمر فيه طول حياتي بعون الله