تجمع خاص للي أوزانهم 60 كيلو و حابين يكون 55 كيلو أو 50 كيلو

[تووته البسكوته]

هاي عسولات
امس تغديت دياي مشوي وشيه عيش وسلططططططه كليت لين انغثيت ههههه
وتعشيت نص صمونه فلافل ونص فطيرهزعتر وسمبوستين جبن هههههه بدعت صح بس كنت طالعه وبررررد جان احس بيوووووووع
الريوق توست امريكانا الاسمر نمنم وشريت جاي اخضر بالياسمين حده لذيذ

 

[تووته البسكوته]

استحي احط وزني يم اوزانكم اسم الله عليكم لمن يصير 85 راح احطه لان استحي

 

[طريق السعاده]

صباح الخير ي جميلات

الف مبرووك نزولكم جميع والي مانزلت تشد حيلها

عاجبتني المنافسه وان شاء الله كل اسبوع نتقدم للافضل

توته البسكوته ليشش لاتستحين ولا شيء عادي انا كنت بالثمانينات اخرها بعد

بس مع الايام كل شيء تعدل المستقبل قدامك ي حلوه شدي حيلك


دلوله صادقه قروبنا حماسس عسا الله يديم هالمعنويات عندنا بالتوفيق حبوبه

ان شاء الله توصلين للوزن الي تبين بصحه وعافيه وربي لايضيع لنا ولا لك تعب

 

[توووووتة الحلوة]

اسعد الله ظهيرتكم بكل خير حبوبات

اسفه ... اعذروني امس ما قدرت ادش بالليل كنت تعبانه :eh_s(16):

الموهيم الحين انزل القائمة (راح تعرفون مين هي رشيقة الاسبوع و من هي الحاصلة على المركز الثاني و الثالث)

طريق السعادة
الوزن السابق: 70
الوزن الحالي: 68.7
مقدار النقصان: 1 كيلو و 300 جرام

توتة الحلوة
الوزن السابق: 59.7
الوزن الحالي: 61.7
مقدار الزيادة: 2 كيلو و لا احلى من هيك صح يا صبايا :ggdw:

شوشو (حبيبة القروب و الدينمو)
الوزن السابق: 62.5
الوزن الحالي: 58.8
مقدار النقصان: 3 كيلو و 700 جرام

سهام الهاشمي
الوزن السابق: 65.5
الوزن الحالي: 64
مقدار النقصان: 1 كيلو و نص

ام وليد
الوزن السابق: 60.7
الوزن الحالي: 60
مقدار النقصان: 700 جرام

دبة موت
الوزن السابق: 68
الوزن الحالي: 66.5
مقدار النقصان: 1 كيلو و نص

سأكون يوما
الوزن السابق: 61
الوزن الحالي: 60
مقدار النقصان: كيلو

ام براك
الوزن السابق: 58
الوزن الحالي: 57.6
مقدار النقصان: 400 جرام

الحراير
الوزن السابق: 60.1
الوزن الحالي: 60.3
مقدار الزيادة: 200 جرام

زوراروسا
الوزن السابق: 61.5
الوزن الحالي: 61.3
مقدار النقصان: 200 جرام

رشيقة الاسبوع اهي شوشو الدينمو بمعدل خسارة 3 كيلو و 700 جرام :ggdw: :eh_s(9): :ggdw:
الله يبارك لك

المركز الثاني مناصفة بين دبة موت و سهام الهاشمي بمعدل خسارة كيلو و نصف

المركز الثالث ل طريق السعادة بمعدل خسارة كيلو و 300 جرام

الف مبرووووووووووك لكل كلكم يا حلوات ... هالاسبوع، الله يبارك لكم كنتو كلكم روعه بمعنى الكلمة :rerrerek:

 

[توووووتة الحلوة]

الحين باك مع ردودكم، نطروني شوي بس

 

[توووووتة الحلوة]

طريق السعادة
العفو قلبو، ان شاء الله نخدمك بالافراح
بس ترى ما ادري اهو عندهم او لا، انا دخلت موقع GNC ولقبتهم عنهم بكل انواعه لكن مثل ما انتي عارفة الموقع عالمي ... ما ادري اذا اهو متوفر بفروعهم بالسعودية او لا، نصيحتي لك، اتصلي عليهم قبل لا تروحين لهم و اسأليهم

امين، جزاك الله خير

و بعدين انا عارفة اني جميلة الجميلات، شوفيني ... فيه احلى من هيك؟؟؟ >> فصله تايم :krkrkr:

الحراير
انا صراحة ضاق خلقي عليج، من اول ما دخلتي القروب ما نزلتي الا كيلو و ردتيهم :eh_s(16): مع انج واااااااااااايد ملتزمة، انا لي تقريبا اكثر من 6 شهور على هالحالة. حالتج تذكرني بحالتي :eh_s(2):
قلبي معاك حبيبتي ... لا تيأسين نفسي و منى عيني اشوفج وصلتي لل 57
الحين اخليج، تستمتعين بالشيبس اللي خاشته :ggdw:
قلبو ليش تسبين الميزان ... كسر خاطري الميزان :eh_s(2): انتي تسبينه و ام وليد ترميه على الطوافه :eh_s(16): قلبي الصغير لا يحتمل ههههههههه

حروره تدرين انو اعجبني الفوندو الدايت اكثر من الفوندو العادي لاني احب الخضار اكثر من الفاكهة

شوشو حبيبتي
هههههههههههه، ضحتيني انو ما نمتي عدل ليلة الميزان. انا تصير فيني هالحالة في ايام الامتحانات بس
لااااااااااااا ما ابي اتزوج واحد متين :eh_s(16): يبي يقعد على قلبي و يقول طبخي لي و سوي لي، عاد انا كلش اكره المطبخ و الطبخ ... ما فيه احسن من اخصائي تغذية او مدرب لياقة، هذا هو الاختيار الامثل

لااااااااااا بليييييييييييز لا تقولين بتنتفخين :eh_s(16): كأنك قاعدة تقولين لي لك مستقبل مشرف مع السمنة :eh_s(2):

يووووووووه انتي مثل حالتي اذا شريت كرتون كاكاو ما يقعد الا يومين، افرمه فرم، كلش ما عندي تفاهم :krkrkr:

انا ما احب الفرايز من برا، احب اشتريه من السوبر ماركت و اقليه بنفسي، يمي يمي
و حتى برجر البيت احبه اكثر مثلج يعني ...
ههههههههه ما بقى شي ما حطيته على الكيك ... اجرام تايم لوووووووول

اما الماجي اعرفه انو مو زين لكن قلت لج انا من ربع قشر و كل مالي صبر اقعد احط بهارات و ابدع مثلج

نفسي اسوي شوفان الحليب لكن فيه سعرات و ايد مقارنة باللي اسويه ... علشان جذي خليني على حقي احسن وايد :eh_s(15):

قلبو انا مؤخرا صرتي نباتيه ما اكل لحوم او دجاج، و مشكوووووووورة على كل النصايح اللي قدمتيها لي

 

[توووووتة الحلوة]

بنات انا الحين بروح امشي بعدين اسوي باك على باقي ردودكم ان شاء الله

كالعادة راح اقولكم نطروني

 

[رومي]

انا كان ودي احط وزني لكن ما قدرت لييش


لان الميزان كل شوي له راي. وزنت بالغرفه. يطلع رقم. ووزنت بالحوش لان الارض مستويه. وطلع وزن ثااني


صراحه ما عرفت شسوي


قلت. بروح للمستشفى بوزن. عندهم. وبخبركم


مع ان الميزان اللي اشتريته. جدييييد وماركه المانيه.


يمكن انا ما عرفت استخدمه


لكن على كل حال. يوم الميزان هذا الاسبوع فاتني. لكن. اوعدكم راح. اخبركم اذا رحت للمستشفى.


وممكن اعرف متى يوم الميزان القادم. حتى يكون عندي. خبر. لكن انا حسبت. الايام اتوقع 16/1/2013


وما ادري. اسفه ياتوته خيبت ظنك.


بس والله جنني هذا الميزان هههههه


وراح اصوره لكم واحط صورته​

 

[رومي]

الف مبروووووك. للرشييقات

هذي صورة الميزان.

 

[طريق السعاده]

الف مبروووووك شوشو وكل الصبايا

توته ادري بدق عليهم قبل خبرك كل شيء عالمي بكل الدنيا غير عنا خخخ واكيد انتي جميله تعجبني الثقه لبى قلبك يكفي جمال اخلاقك الله يسعدك

رومي ي قمر ميزانك حلو بس ترا مايصلح توزنين ع فرشه حطيه ع السراميك فهمتي المهم ع سطح مب مفروش وبعد ترا اذا لابسه جنز وكذا يزود يعني بتوزنين خليك لابسه بيجامه بيت او شي مو ثقيل

جربي كلامي وشوفي وان شاء الله يضبط معك

 

[نــُــور]

يومي ..~
الصبآأح : نآأيمة مآأجلست
الغذآء : صالونة خضآأر
سنآأك : ـأفنديه + ربع خبز ـأسمر وثلاث حبآأت تمر
العشآأإء : فتة بس دايت حطيت البطآطس والبآذنجان وقطع الخبز بالفرن بدون اي زيت والروب استخدمته قليل الدسم
ريآضة : مشي سآأإعةة ونصف

​

 

[sho-sho_93]

شوشو حبيبتي
هههههههههههه، ضحتيني انو ما نمتي عدل ليلة الميزان. انا تصير فيني هالحالة في ايام الامتحانات بس
لااااااااااااا ما ابي اتزوج واحد متين :eh_s(16): يبي يقعد على قلبي و يقول طبخي لي و سوي لي، عاد انا كلش اكره المطبخ و الطبخ ... ما فيه احسن من اخصائي تغذية او مدرب لياقة، هذا هو الاختيار الامثل

لااااااااااا بليييييييييييز لا تقولين بتنتفخين :eh_s(16): كأنك قاعدة تقولين لي لك مستقبل مشرف مع السمنة :eh_s(2):

يووووووووه انتي مثل حالتي اذا شريت كرتون كاكاو ما يقعد الا يومين، افرمه فرم، كلش ما عندي تفاهم :krkrkr:

انا ما احب الفرايز من برا، احب اشتريه من السوبر ماركت و اقليه بنفسي، يمي يمي
و حتى برجر البيت احبه اكثر مثلج يعني ...
ههههههههه ما بقى شي ما حطيته على الكيك ... اجرام تايم لوووووووول

اما الماجي اعرفه انو مو زين لكن قلت لج انا من ربع قشر و كل مالي صبر اقعد احط بهارات و ابدع مثلج

نفسي اسوي شوفان الحليب لكن فيه سعرات و ايد مقارنة باللي اسويه ... علشان جذي خليني على حقي احسن وايد :eh_s(15):

قلبو انا مؤخرا صرتي نباتيه ما اكل لحوم او دجاج، و مشكوووووووورة على كل النصايح اللي قدمتيها لي

لوووول اصلا انا وقت الامتحانات ما سويتها:krkrkr: لاني بس امسك الكتاب اتخدر وانام:eh_s(1): هههههه لازم تاخذين دوره طبخ لوول اقرب طريق لقلب الرجل معدته هههههه المشكله ليش عندنا بس تولد تمتن :eh_s(14): و الاجانب لا:eh_s(10): لان تلقينها نفس اليوم تطلع من المستشفى تمشي وعندنا تاكل عصيده وقبوط :eh_s(1): حق شنو ما ادري عجين بعجين بشكر :bbbiu:وتطلع من الاربعين تقول متنت:eh_s(4): ههههههه انا اذا ما شفت دياي او لحم انتحر

 

[sho-sho_93]

كح كح كح امس بالليل يعت :eh_s(2): كليت اناناس :ggdw:

اليوم قعدت متأخر:krkrkr:<< مو شي يديد لوول ع طول سويلتي غدا قطعة سمج سامون و وخضره بالفرن لوول اول مره اجربه اهو حلو بس جنه زبد :cxxxp: ترسته دقوس عشان اكله لوول ما اتوقع اجربه مره ثانيه:O_SHH_: خذيت حبتي واعشابي

عقب ساعتين مشيت ساعه و ربع :weight_lift:

وخذيت سناك روب فواكه خالي الدسم فيه 51 كالوري بس :eh_s(15): ومع بلو بيري و بذره الكتان ( بس ما شبعني كذر روب عادي وكسرات يعت بسرعه:eh_s(11) واخذتلي شريحتين اناناس

العشا طق براسي شوفان بس مابي اسويه مع ايدام كافي جريمه الغدا:eh_s(4): عاد يبت جزره ضغير و نص حبه فليفله و بروكلي شويه و زهره شويه 3 مشرومات صغار:eh_s(22): فحت الخضره و طحنته (لوول تخيلته اكل يهال) و حطيته قفشتين شوفان همممممم حلو بس كل مره احلى وبعد شوي اعشابي :ggdw: وبالليل رياضه

وهذا كنزي الثمين:eh_s(22): مرات افصل عليه خخخخخخ

 

[نــُــور]

عآأد ـأنآأ مشتهيه اليوم ـأنآأناس
أفتح الثلـأجة أشوفه في وجهي ـأسحبة بسس بعدين ـأتعود من ـأبليس وـأرده مككْآأنه

​

 

[رومي]

اليوم مشيت 10 دقائق واكلت غدا خفايف وعشا مكرونه

وبث

 

[توووووتة الحلوة]

باك مع ردودكم

فطومتي
و عليكم السلام و رحمة الله و بركاته، الحمدلله على السلامة، ان شاء الله عمرة مقبولة

يااااي :eh_s(16): يا انا اكره حبوب منع الدورة كره لانها عبارة عن هرومونات ... عمري بحياتي ما اخذتهم، بس انصح فيهم للضرورة القصوى مثل حج او عمره ... غير كذا لا، بعض البنات يأخذونها برمضان، انا لو ايش ما اخذتها لاني اعرف انها ضارة ... طبعا اقصد صحيا ما جأء على بالي سالفه الوزن

لا تقلقين على الكيوين يا قلبي انتي، انا نفس حالتك اتعبت نفسيتي و قمت بس اكل، لكن الحمدلله الحين بديت نظام جديد و متفائلة اني راح اقدر انقصهم بأذن الله. تعالي كتبي يومياتك و لا تيأسين

على فكرة ما حطتج بالقائمة خفت تزعلين، تقولين انا صار لي ظرف خاص، و الا الود ودي اني احطج بالقائمة. مو مشكلة يوم الميزان الياي راح تكونين بالقائمة بأذن الله

الف مبروك ل ولد خالتج، عاد احنا الميزان في 20/1 قبل ملجته بيوم

اكيييييييييييييييد راح انشجعك :ggdw: :ggdw: افاااااااااا عليج نعين و نعاون، فديتج

شوشو المبهجة
الف مبروووووووك على اللقب :ggdw: قود ورك

نور
اهلا و سهلا فيج :eh_s(7): نورتينا ... اسفه تأخرت بالرد عليج
بلييييييز اكتبي كم طولك؟
الكلام اللي في توقيعك روووووووعه :rerrerek:

سهام الهاشمي
الف مبررررررررررروووووك النزول و المركز الثاني

طريق السعادة
الله يهديك، لا قلبو نزولك مو بطىء كلش ... كل عشرة ايام تخسرين كيلو و كم غرام واااااااااااااايد زين ... الله يبارك لك. تعالي شوفي حالي انا اذا التزمت و ما خربطت ما ينزل الا نص كيلو و احيانا ما ينزل شي. لا تتبطرين على النعمة. احمدي الله

شوشو المبهجة
خلاص توبة توبة، اقرب صوب الشيبسات و الشوكلت من بعد اللي صار لي، لا توصين حريص
ايه يا قلبي دايم نقعي يم الخضرة و الفاكهة، اكل صحي مية في المية :rerrerek:

سمعي لا تشربين حليب او اي شي خالي الدسم اخذي قليل الدسم، هالنصيحة سمعتها من اخصائي تغذية، عليج بالعافية التمرات الثلاث اكييييييد تستاهلين المكافئة

انا ما ادري اشلون اكلتي الجمبري المفيوح، انا احب الجمبري بس ما اكله الا مقشر ... تعجبيني عشاك اول امس كان صحي

يومك اول امس رائع بكل معنى الكلمة، و اسلوبك جدا مشوق( خصوصا انه مدعم بالصور)، و اكلك صحي (هالشغله تعجبني فيك كثير، الله يبارك لك)

ام وليد
مساء الخير، زين انك تتبعيننا، خليج جذي، دام انا ما حضينا بشرف مشاركتك على الاقل حضينا بشرف متابعتك << بنات لا احد يسرق جملتي تراها من تأليفي، باختصار متعوب عليها :krkrkr:

مشكورة على المؤازة و المواساة. الله يعينك، قلبي معاك

ايه صح فرررررررررحت كثير انو وصلتي لل 61 الف مبرووووووووك عقبال الكيلوات الباقية ان شاء الله

لا تحاتين ما راح اندقق على البدليات، لان محدثتك يا كثر بدلياتها >> حدث و لا حرج

 

[توووووتة الحلوة]

شوشو
بما ان ام وليد يابت سيرة توقيعج، راح اقولج عن انطبعي اول ما دشيت عندنا التجمع و قريته

اول ما قلتي بشارك لفت انتباهي توقيعج، و قلت هالبنية ايش اللي جابها عندنا :eh_s(10): شكل الحزن ما كلها اكل، يمكن جايه تسوي ريجيم علشان تشغل نفسها، بعدين قلت في نفسي، هذا راس مالها اسبوع و تنسحب احس الحزن ناخر عظامتها :eh_s(2): >> عدال عدال خفي على البنية يا المحقق كونان، ما بقى الا تقولين راس مالها اسبوع و تروح برج خليفة و تقفز، القفزة الفلكسية الانتحارية :krkrkr:

شوشو، ترى اتغشمر معاج لا تزعلين، حبيت تضحكين

دبة موت
يا هلا بي هالطلة، الف مبروووووك على النزول الحلو. فرحت لج من كل قلبي

يومك حلو لكن قاسي كثيررررررر، ترى القسوة بالدايت تجيب نتايج عكسية، بليييييييييز حبيبتي انتبهي

سأكون يوما
و عليكم السلام
الف مبروووووووك النزول، وااااااايد حلو :ggdw: الله يبارك لك
ان شاء الله الاسبوع الياي تكونين بالخمسينات

ايه صادقة، نزول البنات هالاسبوع يثلج الصدر. مشكورة على مباركتك للبنات

قلبو انا صرت ما اسوي رياضة كثير مثل قبل لاني امشي في السطح و الحين برد، احيانا لما يكون الجو حلو على طول ارقي السطح لكن احيانا يكون برد مثل اليوم، انا اصلا احب المشي مو بس علشان الدايت، احسه يحسن من مزاجي كثيررررر

نور
لا مو يوم السبت و لا الاربعاء الميزان، كل عشرة ايام نقيس، يوم الميزان القادم راح يكون بأذن الله في 20/1 يوم الاحد وراح اعلن قبلها بيوم او يومين ان شاء الله

يومك روووووووووعه، الله يبارك. اذا استمريتي كذا صدقيني راح توصلين لهدفك بأذن الله. عندي سؤال صغير ايش معناه "نعنو" بصراحة ما فهمت هالكلمة :eh_s(10):

ام براك
اعجبتني تحيتك، و انا بدوري اقولج مساء الخير يا وجه الخير

الف مبرووووووك النزول و حبيت اقولج انو وزنج المثالي 56 عرفت هالشي من اخصائي تغذية عندي في التويتر، المرأة تنقص 102 من طولها يطلع لها وزنها المثالي، الرجال العكس ينقص من طوله 100 بس لانو نسبة الدهون بجسم المرأه اكثر من الرجل

مثال بسيط: انا طولي 160 انقص 102 يطلع 58 .... هذا هو وزني المثالي :rerrerek:

الحراير
اهلا فيج حبيبتي، مساء النور و السرور، ان شاء الله يوم الميزان الياي تكونين ناقصة
بالعافية ما كلتي (باليوم المفتوح )

 

[sho-sho_93]

توته الحلوه
الله يبارك فيج ههههه الميزان الياي يثبت�� احنا باجر يمعتنا خايفه اخورها لووول ما يسوون اكل احبه الا لمن اسوي رجيم وكل الناس تيبلي ككاو وحلاو اليوم اخوي يايبلي نوتيلا��وينك ما ييت من قبل
عاد تدرين توني ما صارلي شهر قمت اشرب حليب قبل من الصبح اشرب جاي اخضر �� لووول ما احب قليل الدسم ��اخاف يزيدني 100 جرام ما ادري لا جد احسه ثقيل ما ادري صج ولا يتهيألي �� حبيتي والله قاعده احاول اغير سلوكياتي بالاكل مو عن سالفه رجيم بس لين متى اضعف وامتن كل حياتي رجيم خلينا عالاكل الصحي يفيد جسمنا و ما يمتنا �� لوووول والجمبري قبل ماً اكله خو اقشره خو �� واااي تخيلي اكل مع قشر
لوووووول وع سالفه الحزن كل واحد بقلبه شقا الليله بس يحكر نفسه بدوامه الماضي والحزن اوكي صدقيني كل انسان وله مشاكله الخاصه وممكن لو تسمعينها يشيب راسج بس ليش احبس نفسي بدوامه الماضي والي يسبللج الحزن مرتاح وعايش حياته بعدي بعمر صغير اعيش حياتي وما اخلي شي يأثر علي ذكريات ممكن ما ننساها بس ما نعيش شي صار وخلص اعيش يومي بيومه لا عادي اخذي راحتج انا ماخذه الحياه فصله وضحك وغشمره وهبال? تيكت ايزي هههه

 

[توووووتة الحلوة]

دلال الحلوة
و عليكم السلام و رحمة الله و بركاته

اهلا فيج يا صديقتي العصقولة انا اتابعكم بصمت، مشغولة اهني لاني المديرة
مشكورة على الزيارة و التمنيات الطيبة و الف مبرووووووك الزيادة و الوزن اللي وصلتي له :eh_s(7):

زورا
الف مبروووووك النزول و ان شاء الله المرة الياية يمون النزول اكثر

توتة البسكوتة
اهلا فيج، لا تستحين حطي وزنج عادي ما فيها شي، او اقولج حطي بس كم خسرتي يعني اذا صار كيلو قولي نقصت كيلو اذا جرامات قولي جرامات، خلاص اتفقنا

رومي
اهلا فيج، وينج غطيتي حسبتج تركتي القروب و الدايت بعد
مثل ما قلت لج طريق السعادة، الميزان ينحط على البلاط لا تحطينه على الفرشه علشان يطلع لج قراءة صحيحة

ايه حبيبتي ما عرفتي تستخدمينه و الا الميزان ما فيه شي، و الف مبرووك الميزان اليديد ... ان شاء الله تتهنين فيه يا قلبو

يوم الميزان الجاي راح يكون في 20/1 يوم الاحد بأذن الله

لااااا حبيبتي ما خيبتي ظني و لا شي، انتي في حالة وحده راح تخيبن ظني اذا تركتي الدايت
و انتي ان شاء الله ما راح تتركينه

شفت صورة الميزان ... يجنن، الله يبارك لك

طريق السعادة
علشان احنا سعوديين ف كل شي عندنا غير

في نكته كلما تذكرتها ضحكت لانه تدل اننا شعب غير كلش

تقول النكتة: الجراد لما راح الصومال اكلهم (قصدهم اكل محاصيلهم الزراعية) و لنا جاء الجراد السعوية هم اللي اكلوه :krkrkr: ( مثل ما انتي عارفه ربعنا كانوا ياكلون الجراد لما يجي على المزارع و كان يعتبر من الوجبات المفضلة بوقتها عندهم)

نور
يومك رائع من كافه النواحي سواء رياضة او اكل :rerrerek: استمرررررررري

 

[توووووتة الحلوة]

تعبت من القراء و الكتابة

شوشو المبهجة
ما بقى الا انتي اعذريني بكره ان شاء الله اعلق على يومك و اللي كتبتيه، لاني تعبت صار لي اكثر من ساعة و انا اقرأ و اكتب :eh_s(16):

على فكرة انتي الوحيدة اللي تخليني اضحك لما اقرأ تعليقاتها و يومياتها علشان كذا سميتك شوشو المبهجة

سي يو دير :eh_s(7):