تجمع مواليد ( مارس & ابريل ) 2014 الله يحفظهم

[baa6aa]

صباح الخييير
فوفو وينج
اختفيتي فجأة ان شاء الله ماكو الا العافية

وشلونكم بنااات

 

[خوخه89]

ليش ماتشاركون

 

[baa6aa]

انا موجودة ناطرتكم

 

[Q8_QT]

مرات الهى مع اليهال والحين امتحانات بعد الله المستعان

 

[baa6aa]

الله يعينج و يسهل عليج يارب

 

[حمرة الورد]

شلونكم بنات
فوفو مختفيه بكل وسائل الاتصالات وينج ههههه

 

[fofowa_q8]

مساء الخير

شلونكم حبيباتي؟؟

انا موجودة اللي يسأل عني بس لهيت مع الجامعة

ورديت اداوم ويييع الدوام خايس وتعبوني وايد

لين ياني طلق وانا توني بالسابع وعطتني دكتورتي

اجازة اسبوعين وبعدين قالت لي ماي البيبي زايد

بطني فجأه كبر ونزل غصب امشي الحمدلله على كل حال

شخبار عيالكم؟ عبادي كمل سنه قبل اسبوعين فديته

قام يحبي ويوقف بس مايمشي يخاف وذابحته

الضروس اسم الله عليه الطواحن طلعو مره وحده

اللي فوق واللي تحت .. لاتنسون تطعيمات عيالكم

 

[fofowa_q8]

حمره شخبارج انتي بعد مختفيه شلون علاوي

والصبيان؟

الله يحفظهم

 

[حمرة الورد]

هلا والله ام عبودي طمنتيني عليج الحمدلله والله يعينج ويسهل عليج انا والعيال بخير الحمدلله امتحانات وعلاوي الحمدلله بس تصدقين مايمر شهر الا تعبان ومرات فجاه بالليل ألاقيه مسخن

 

[baa6aa]

فوفو هلا بالغايبين
زيين طمنتينا عليج
الله يسهل عليج يارب ويعينج ان شاء الله

عاد استعسار و تعب الضروس يتعب استغفر الله
والعمر كله حق عبادي يارب عقبال تزفينه معرس ان شاء الله

 

[baa6aa]

حمرة حبيبتي الله يعينج عالامتحانات ان شاء الله تعدي على خيير

 

[Q8_QT]

مرحبا بنات شلونكم

 

[Q8_QT]

فوفو

كل عام و عبودي بخير والله يسهل عليج ويقومج باللسلامة

 

[Q8_QT]

حمرة


سلامته علاوي ما يشوف شر انا بنتي بعد مرات فجأة تسخن وباجر تشوفينها مافيها الا العافية

 

[baa6aa]

اهلاااااااااااا كويت
وين هالغيبة

 

[خوخه89]

شخباركم بنات من يخطط للحمل مره ثانيه

انا كان ودي هالشهر بس الله ماكتب بنحاول ع الشهر الجاي ان شالله

 

[baa6aa]

هلا خوخة
ربي يرزقج باللي تبين يا رب
بس بالنسبه لي مؤجل الى اجل غير مسمى حاليا
يمكن اذا كملت بنتي سنتين افكر بالموضوع
لان متعبه حيل لازقه فيني فما اتخيل عندي 2 لازقين

 

[لما ضاقت]

كيف الحال مشتاقة لكم دايما اتابع بس مالي خلق اشارك شلون اليهال و شلونكم الحمد الله بدت عطلة اليهال هذا اخر اسبوع للابتدائي الحمد الله عندي شوية مشاكل داخلية اشغل نفسي بالريجيم و الرياضة و بس ما عندي جديد ليما الحين

 

[لما ضاقت]

بغيت اسالكم اختي مشاركة في المنتدى من شهر تقريبا و ليما الحين ما وافقوا الادارة تشترك باسم ثاني احسن و الا في امل يوافقون لها

 

[لما ضاقت]

بالنسبة للحمال افكر بس بنتي تكمل سنة و نص بس زوجي رافض نهائيا