تجمع نقدر و نبيها 10 لمدة شهر من تاريخه

[زوجة جوجي]

ام الشوخ صورتج مو راضيه تطلع

 

[سأحقق المستحيل]

شدو حيلكم حبيباتي ..

ربي ينحفكم من غير شر ..

دخلت عشان أشجعكم ..

قوووووووووووووووووووووووو

 

[غرشوبه23]

بنااااااااااااااااااااااااااااااااااااااااات


يصيررررررررررررررر انضم معااكم والله تشجعت ؟؟

 

[زوجة جوجي]

سأحقق المستحيل
تسلمين حبيبتي ما قصرتي

غرشوبه 23
يصير اذا تلتزمين معانا مو يومين و بعدين تختفين

 

[ام الشوخ]

هاي بنات أنا الحين بحط الصورة مرة ثانية
بس ماعذرها شافت أوزانكم اخترعت
انتو بالخمسينات وتبون تنزلون وأنا توني بالثمانينات (ماشالله تبارك الله عيني عليكم باردة)

 

[آليشآآ]

آم الشوخ


الله يعينج ان شاالله وتوصلين مثلنآ
لحقوآ موقآدره آكمل مشتهيه فوااكه حدي

عآد شوفو شنو لقيت
هاذا الدايت يالغاليات
الأسبوع الأول

اليوم الأول
جميع أنواع الفواكه
ما عدا المانجا , البلح , الكمثرى , الموز , البطيخ , الشمام , العنب

اليوم الثاني
جميع أنواع الخضار الورقيه و الغير ورقيه
و ممكن سلقها كخضار سوتيه
و تمنع البقوليات الجافه

اليوم الثالث
مزيج من اليوم الاول و الثاني

اليوم الرابع
8حبات موز على فترات متقطعه مع زبادي خالي الدسم

اليوم الخامس
سلطة تونه أو سلطة خيار باللبن
مع صدر دجاج مشوي او مسلوق منزوع الجلد

اليوم السادس
ثلاثة أرباع دجاجه مسلوقه أو مشويه منزوعة الجلد
أو 3 قطع ستيك مشوي
و خضار سوتيه

اليوم السابع
8ملاعق أزر أسمر
ثلاثة أرباع دجاجه مسلوقه أو مشويه منزوعة الجلد
أو 3 قطع ستيك مشوي

------------------------------------------------------------------

الأسبوع الثاني

الفطور
كوب شاي من دون سكر
مع ملعقه كبيره من جنة القريش و توست أسمر محمص مع بعض الخضروات الورقيه
او عصير طبيعي دون سكر

الغداء
سمكه مشويه
مع شوربة التخسيس ( الملفوف )
و مقدار كبير من السلطه(يفضل بدء الأكل بالسلطه لكي تمتلئ المعده) ل

العشاء
كالفطور

------------------------------------------


نصائح لنجاح الريجيم

- (حاول ) أن تمشي يوميا من 10 الى 15 دقيقه على الأقل
- تمنع المأكولات السريعه
- لا تنام بعد الأكل مباشره
- اشرب لترين من الماء يوميا
- اذا شعرت بالجوع بين الوجبات يمكنك أن تتسلى على الكورن فليكس بلا حليب ... أو اشغل وقتك بالقراءه او مشاهدة التلفاز او الرقص او اخذ قيلوله

يضعفج 4 كيلوو بلاسبوووع

 

[ام الشوخ]

أنا صورتي الظاهر موقاعده تطلع
وزني كان 88 وأول ما بدينا صار وزني 86.7 واليوم وزني بالميزان 85.5 يعني أنا نازلة 1.2

 

[آليشآآ]

ع برركه آم الشوووخ

 

[زوجة جوجي]

شالسالفه جنه بس صفينا احنا الثلاثه والا شنو

ام الشوخ مبرووووك النزول و ان شاء الله توصلين للي تبينه
انا بالخمسينات بس قصيره لايغرج

اليشا
جم كان وزنج اول ما بدينا

 

[قمـة فے الانوثہ]

قووووه

بنااات بقووولكم شسويت اليوم

طبعا قعدت الصبح اكلت 7 تمرات + عصير مليت من الروب

و عالساعه 5 ونص تقريبا اكلت شوووية عييش و صدر دجاجه مشوويه

و الساعه 9 اكلت عيش لين مال البيبيات لأني كنت مشتهيييته لووول بس مااكلت الا شويه بعد

و بسس

تصدقوون مادري شفيني مامشيت عالغزال قلت يمكن لأن مو معدله نومتي اقعد 2ونص 3 و مااكل الا عال3ونص بس تمر و تنسد جبدي لمااا تصير 8 اجوووع و اروح اشوف الجهال شمسوين و اخربط معاهم عاد ياتلقينهم من مطعم يا همبرجر و بطاط بالبيت و انا اخم من وراهم هه و كله اقول شويه و شويه


عاد انا باجر بقعد عال11 بس اذا احد قعدني بقعد عال9 لأن ابيلي خام وبدور عليه
بس جذي و لا جذي بقعد ابجر من كل مره


و برب اشووف وزني و اردلكم

 

[قمـة فے الانوثہ]

66.3

زيين و الله تصدقووون يمكن من التمر و الله ينفع بكمل عليه اسبووع بعد و بشوف شيصيير

و ان شاء الله بعد امشي عالغزااال هالاسبووع بقوووووة

 

[زوجة جوجي]

قمة في الانوثه
جم كان وزنج اول ما بدينا

 

[قمـة فے الانوثہ]

مثل ماموجود عالشريط 67.3

و ان شاء الله انزل معاكم العشره كيلوو و ال2 اسويهم بروحي لووول



شوووفووو بناات هالموضووع و انا اقراا تشوووقت اسووي اليوم قبل باجر لووول

http://www.q8yat.net/showthread.php?t=28837


قلت رجيم التمر استمر عليه 4 الحين خلصت اسبوع و باقيلي 3 اسابيع

و اتوقع انزل عليه من 4 الى 5 كيلوو ( بصراحه ودي انزل عالبطيء عشان مايرد الوزن بسرعه )

و بعدين استمر على رجيم السوائل بس بسووي مره وحده لأن ادري ان مو زين
يعني اول شي العشر ايام اللي كلها سوائل ,, و بعدها الرجيم الفصال استمر عليه لمدة اسبوووع

 

[قمـة فے الانوثہ]

وييي بنات نسيت الرمضاان ورااانااا ماراح يمدي هههههه

الا جم باقي عالرمضان ؟؟

 

[زوجة جوجي]

انا نزلت كيلو
ام الشوخ 1.2
اليشا 1.4
قمة في الانوثة كيلو





الفايزه هالاسبوع اليييييييييييشا

عاشو عاشو

اليشا شكلي ببلش برجيمج اللي حطيتيه من باجر شكله هين

قمة في الانوثه
اتوقع باقي 3 اسابيع

 

[سارونه87]

صباح الخير
سامحووني ماقدرت ادخل احط وزني لان يدتي توفت
وانا وزني مثل مااهو
اوعتذر عن التواجد بالقروب 3 ايام العزا

 

[قمـة فے الانوثہ]

مبروووك اليشاا و ان شاء الله توصلين للوزن اللي تبييينه

و ان شاء الله بهال3 اسابيع بكمل رجييم التمر

ساارونة عظم الله اجرج ياقلبي و الله يرحمها و يغفرلها ..

 

[آليشآآ]

وآآآآو ونآآسه آنآ الي فززت
:tomato2:

اليووووووم

بديت بآلرجيم

كليت بس برتقآله مو مشتهيه

زوجه جوجي

لقيت الرجيم هووون

http://q8yat.net/showthread.php?t=412214

 

[زوجة جوجي]

سارونه
عظم الله اجرج حبيبتي

اليشا
انا بلشت فيه بس بسويه مع شوربة السالاري تنزل اسرع
شربت قهوة و الحين قاعده اشرب شوربتي
شكلي هالاسبوع ما راح انزل عدل لان بتشرف المسعده

 

[smile]

انا اليوم بديت رجيم دشتي

وودي اشترك معاكم احس علاقتكم حلوة

طولي 161,5
وزني 80
ابي 70
اليوم تغديت برجروجبن سلايز وسلطة



هذا الشريط مال الوزن شلون اخليه بكل مشاركة موجود عفية علموني