*تجمـع سبعينيـات نبي نوصل الستينيات لـي بدايـة عطـلة الربيـع .. ( الجزء الثاني )*

[بريق أنثى]

تفااصيل الروح
احمدي ربك ع النعمة والله يشافيك ويعافيك
وقصدي بالسكر الصناعي مش الطبيعي
ويارب تنحفين
ومااشوف باقي البنات
​

 

[اخت خالتهم]

بنات بما ان دشينا بالسبت و بيتي مافيه ميزان
وزنت عند اهلي
وزني ثابت 78
و علي الدورة ثاني يوم والدم ينزل بالقطااااره

كليت اليوم

صدر دياي و قفشة عيش وحده

و عقب كليت 3 شابورة مع جاي حليب

واللحين حاطة اعشاب و متدفية عشان ينزل الدم عدل

فـباجر ان شاءالله وعقب باجر رجيم لكن راح اضيف عليه نص خبزة سمرة صغيره
عشان الدورة

و بعدها بجرب رجيم الشابورة الغدا والعشا يكون 3 شابورة او 4 مع جاي جليب
أو يمكن اجربهم اذا رحنا الشـاليه و الللللللللتزم



بس بنات مو مستوعبة قبل لو اسوي رجيم يومين ينزل وزني ويبين بالميزان

 

[دلوعتهـ]

انا أشبك من فوني وصعب اني اشبك كل شوي أو أشوف الردود وأرد عليها

 

[om_fajer83]

اكلي امس
الريوق ٧ تمرات وحليب
الغدا صمونة حلوم وعصير
العشا قطعة كيكة و٣بسكوت جاي
ورق عنب ٣ حبات و٣ حبات سبرنغ رول نتفه
وبسسسسسس

 

[توووووتة الحلوة]

صباح الخير بنوتات

اليوم يوم الميزان :ggdw: مين رشيقة الاسبوع عالمرة :eh_s(10):

بريق انثى

الله يعافيك، قلبو

اكلي شيبس مرة بالاسبوع عن خاطرج. اما بالنسبة للميزان :eh_s(11): زايدة نص كيلو الاسبوع، الظاهر على باللي داخلة تجمع النحفيات ههههههههه

ليدي نعومه

انا بعد خطيت على السكرX لاني اكتشف انه يسمني و اليوم اول يوم لي بدون سكر، اليوم في الريق ما شربت شاي لاني ما اقدر اشربه بدون سكر. شوفي هالرابط د/خالد الطيب يتكلم عن حمية خالية من السكر، ترى الموضوع عن خلطة للتنحيف لكن انتي تركي الخلطة و سمعيه عدل :rerrerek:

http://www.youtube.com/watch?v=cN6nlZCBYcw

توتو

بصراحة انا مؤيدة انج اخذتي الميزان معاج علشان لا زاد وزنج تقدرين تتداركينه

اما على سالفه السناك معاج حق، انا غالبا سعرات السناك اللي اكلها اكثر من 100، و امس بعد الريوق اكلت مكسرات فيها 330 سعره، و بعد انا ويهي قاعدة اسأل اختي انا ليش زايدة نص كيلو، صحيح شر البلية ما يضحك :krkrkr:

خلاص هالاسبوع راح اعقل، اتمنى

بس تبين الصراحة مليت من الدايت و نفسيتي تعبت، انا اذا وصلت الى 65 راح اثبته فترة يمكن اسبوعين و بعدها ارجع للدايت لان وزني المثالي 63 حسب مؤشر كتلة الجسم و بعدها يمكن اوقف نهائي و اظل يوميا متابعة وزني علشان ما يزيد

دلوعته

زين في احد رفع معنوياتج، وعوافي ما كليتي قلبو

ام فجر

ها بشري نقصتي هالاسبوع، بس بلييييييز لا تقولين لي كم صار وزنج او كم نقصتي لان الجدول مانزل >> خايفه انزف لوووووول

مداخيل العافية، عنوني

اورنجيه ... تومي ... ليلى

وينكم ياحلوات

 

[توووووتة الحلوة]

يومي امس

الريوق

2 بيض مسلوق مع خبزه متوسطة. سلطة و كاس شاي

السناك

مكسرات = 330 سعره

الغدا

مافيه غدا

العشا

مجبوس دياي مع سفن اب

الرياضة

مشيت نص ساعة

 

[Laidy n3ooma]

تفاصيل احنا قصدنا عن السكر الصناعي

دلوعته والله خدامتنا تقول نفس الكلام تقول يور بودي از سكسي خخخخخخخخخخ

اقولها اوكي اي ول قيف يو 10 كيلو لووووووووول

والله مادري شعاجبهم بالمتن

اخت خالتهم والله نفس الحاله بس انتي سوي اللي عليج ولعبي رياضه اكثر


توووته الحلوه

والله كلامه يشججججججججع واقتنعت ان السكر هو اللي ماينزل الوزن

وبسوي خلطته

 

[Laidy n3ooma]

طبعا امس كلت مالذ وطاب من الاكل

واليوم بدايه جديده

مع دايت بدووون سكرررر ورياضه اكثرررر

الفطوووور شاي

وبيضتين مسلوقتين

 

[Orangiya]

صبااااااااااااااااااااااااااااااااااااااااااااح الخير بناااااااااااااااااااااااااااااااااااااات


آآآآآآآآآآآآآآآآسفة من يومين ماا دشييييييت ... كنت نايمة ببيت ابوي من يوم الخميس نستعيد عزوبيتنا انا واختي وعيالنا هههههه

المشكلة للحيني ما رديت شقتي .. يعني ما شفت وزني بميزاني و ميزان امي احسه مخرف ومستحيل اصدقه !!!!!!! يعطيني اكثر من وزني بكيلويين مستحيييل !!!

بنات سوري ما قريت الردود ...

اليوم اكيد راجعة الشقة و اشبك من لابتوبي ( هذا لاب امي) .. والجدول بلابتوبي .. ف ان شالله انزل الجدول بليل ..

لا تنسون الاوزان حبوبات ...


لي بااااك........~~~~ احبكم كلكمممممم ~~~~~

 

[قــل مـا تـشـاء]

اهلينات بنات شلونكم ان شاء الله طيبييين .,
سامحوني حبيباتي ماقدرت ادخل امس كنت مشغوله وحتى اليوم بنشغل بس قلت خل ادخل واسجل وزني
شخباركم وشخبار الدايت ., انا اليوم ماوزنت للأسف بس عندي وزني مال يوم الخميس
بسجل جم وبرسله لأورنجية ,,
وتعالوا ليش التجمع شوي نايم وين اورنجية وتومي ؟! وشخباركم بريق ودلوعته وام بوني ونوشه واخت خالتهم ,,
تفاصيل تقبل الله حبووبة ,,
توووته تسلمين حبيبتي وكل من يرى الناس بعين طبعة الطيب هو يشوف اللي حوالينه طيبين ومشكوورة قلبوو ,,
ليدي نعومآ انا توقعت عدم نزول وزنج من السكر وهذا اللي يصير معي يخلي نزولي بطيء جداا , فعشان جذي قمت استخدم سكر الدايت احسن لي ,, حتى لو مااكلنا وايد تخيلي انا منزلة برنامج عشان يحسب لي السعرات الحرارية اللي اكلها ويحسب لي توقع النزول في وزني لمدة 5 اسابيع ويوم من الايام الفات المفروض آكل 30% باليوم أنا أكلت 46% كتب لي بعد 5 اسابيع يصير وزني 69 قلت شدعوى .,, مع انه سعراتي ماوصلت حتى الـ1000 بس كل هذا من السكريات والحلويات
ويوم آكلت صحي وفواكه والفات نسبته قليله جداا كتب لي بعد 5 اسابيع يوصل وزني 67
ويوم معتدل وحلو كتب لي انه بعد 5 اسابيع يوصل وزني 68 > وانا حسيت هذا مناسب وحلوو ومااضغط على نفسي بالسعرات ,,
وووبس الباقي عليج حبوووبة اقطعي السكريات او خففي منها .,
قلت برد عليكم عالسريع اشوفكم على خير بكره ان شاء الله ,,

 

[ToOMii]

السلام عليكم
شخباااركم بناات ؟؟
سووري مادشيت لا امس ولا اللي قبله بس كنت حدي متلخلخه
توني اليوم راجعه للحياه لوول ذبحتني الدوره :"(

المهم توني قاعده وسييده ع الميزان مع أني اعرف ان بيكون زايد
وتخيلوا جم عطاني ٧٢.٧ ههههههههههه طبعا هاي من سابع وثامن وتاسع المستحيلات
عقب ما أغسل بقولكم وزني الحقيقي جم

 

[om_fajer83]

هــً��ـــلآ توتة اي نازل جم جرام الحمدلله

 

[قــل مـا تـشـاء]

اهليناات تومي واورنجيا وام فجورة
شكلنا كلنا هالاسبوع بعد جايبين العيد
شكلنا جذي عاد ماادري منو اللي بيطلع له الوسام
الله يستر بس بقول بعد لازاالت الهمة موجودة وان شاء الله خييير
تومي ولا عليج امر حبوبه ابي تمارين جيليان اللي سويتيها
وجم مدتها هي ؟ لاني قلت ابي اشوفها بشويها بس مو الحين
لاني بسوي التمارين اللي حطتها مره توته اول ابي استمر عليها عالاقل اسبوع

 

[ToOMii]

Liloo .. لأ لا انا واثقه أني نازله جم غرام خصوصا ان قياسات جسمي تغيرت
بس الدوره دايم تزيدني كيلو ولا اثنين بس اذا غسلت بيبين جم نزلت =]
ترا اهيا وايد عندها فيديوات وانا ناويه أجربهم واحد ورأ الثاني لين ما اوصل هدفي
عاد اللي اييب معاي نتيجه حلووه بقولكم عشان تنزلونه
الفيديو اسمه Jillian Michael : 30 Day Shred
الفيديو فيه ثلاث ليفلات .. تسوين كل ليفل لمده عشره ايام وعقب تنتقلين للي بعده
التمرين مدته ٢٠ دقيقه وهاي اللي احبه فيها تمارينها دائماً اقل من ٣٠ دقيقه لكن تهلكج عدل

 

[بريق أنثى]

:eh_s(17):يسعد مساكن شو اخباركن :eh_s(17):
ياااااااااااااااااحبي لكم
مشتااااااااااااااااااااااقة بقووووه بس عاارفين اجازة والنوم مقلوب
وجمعة المهم اليوم وزنت وشفت نتيجة مرضية سمعتوا بلا تخفيف بلا هم
اللي تبي تنحف تسوي الرجيم التقليدي حذفي جميع الدهون وحتى اذا سويتي لك صدر دجاجه لازم تشيلين اي دهن فيه ومشتقات الحليب خالي الدسم والنشويات انا حذفتها بس اكل يوم او يومين
والسكريات محذووفه الحلى عندي موز او تمر واسويه شديد واخربط بس يوم بس عندي اعراض ووجهي اصفر وضربات قلبي قوية حدي مبسوطه عقبالكم
:eh_s(22): بس الله يستر مااخربط عشان الاجازة
​

 

[Laidy n3ooma]

قل ما تشاء عطيني البرنامج اللي تستخدمينه ابي اسوي مثلج

ولكم باااااااااااك بنات

 

[Laidy n3ooma]

انا زلت 200 جرام بس

 

[om_fajer83]

وينج اورنجيا نبي نشوف الهباب اللي عملناه

 

[Orangiya]

بااااااااااااااااااااااااااك ...


شالسالفة الكل مختفي اثاري مو بس انا ... لوووول ..


يلا بنات استعداد للجدول ..

توني فضيت رديت من بيت ابوي و سبحت عيالي اهم شي .. وقلت لاااازم انزل الجدول الحين ..


عطوني دقايق على ما اضيف البيانات .. واشوووف منوو اللي مووو دااازه .. علطول وسام الدبدوبة لها .. ماكو تفاهم .

سنعوود بعد قليل .. ههههههههه

 

[om_fajer83]

ننطرج

حرام عليج مسبحه عيالج بهالصقيييييييع