حمــــــــــــــــــــــســـــــــــات :: ملف كامل لكل الحمسات :: متجدد

[:: Diva ::]

----------------------

حميسة الهمبرغر


بصل ومشروم محموس

بديان مقلي مكعبات

بطاط مقلي مكعبات

ومعجون وشوي ماي مع ملح وفلفل على النار

وهمبرغر مقلي مقطع مربعات


وحمسي البصل والمشروم وحطي ماجي وثوم وحطي وياهم البطاط والبديان والهمبرغر وصبي المعجون فوقه سهل ولذيذ حق العشا





وبالعافيه عليكم
======================

الهمبرغر :

صفي شرائح الهمبرغر بصينية و دخليهم الفرن عشر دقايق لحد ما تتحمر و ينزل منها كل الدهن
شيليها من الدهن و قطعيها اربع قطع
و حطي بالصينية النظيفة و فوقها شرائح بصل و فلفل بارد اخضر و شوي فلفل اخضر حار لو تحبين
اتركيهم يتحمرون شوي و بهالفترة حطي بالخلاط طماط و ثوم و ملح و معجون طماط
صبي الصلصة فوق صينية الهمبرغر و البصل و الفلفل و اتركيها تتسبك و تثقل
لو حسيتيها ناشفة ممكن تضيفين ماي
قدميها مع خبز تنور حاار و سلطة بليمون و ادعي لي


==========================


نسلق بطاط ونقطعة مكعبات صغيرة , مشروم مقطع , بصل 2 ملعقة وفص ثوم ,فلفل اسود و1 علبة جبن كرافت مبشور .
نحمس البصل والثوم قي شوية زبدة ونضيف البطاط ثم المشروم والفلفل الاسود شوية كزبرة عشان الطعم والجبن نحمس ليما يذوب الجبن ويقدم مع خبز او في الصمون وصحتين ============

 

[فوشيه عجيبه]

لا يوقف لا يوقف خوووش موضوع

 

[مندوبة ام بندر]

موفقه روعه

 

[:: Diva ::]

ان شالله فديتكم

 

[أحلى همبه كويتية]

يعطيك العافية
كملي
ناطريييييييييييييينك

ياريت بعد تكملين الجميل مع صور
عشان نتشوق اكثر



تم تثبيت الموووووووووووووووووووووضوع :tek:





تستاهلين

 

[أحلى همبه كويتية]

هياااااااا وناسه
يالله دام في ردود و صفقات همبتي الا اكمل و زيااااده

:balo: عشتي حبيبتي :aha:
تسملين يارب

 

[:: Diva ::]

هياااااااااااااااااااااااااااااااااااااااااااا


يا سلااااااااااام مع التثبيت
مشكوره قلبي

رابع موضوع لي يتثبت

 

[أحلى همبه كويتية]

يالله زيدي الهمة
نبي الوصفات تزيد وتزييييييييييييييييييد

 

[:: Diva ::]

بسم الله نبدي ..


اول شي الطبق الرئيسي الأول ( حميسة روبيان )

المقادير :

روبيان طري(( مقشر ومنظف ))
طماطم
فليلفة حلوة
جزر
بصل
ملح الليمون
فلفل أسود
بهارات مشكلة((حسب الرغبة))
ملح
القليل من البقدونس
ملعقة دبس الرمان
زيت للقلي


الطريقة:


نقطع البصل والخضار بهذا الشكل ..



نحط شوية زيت في المقلة
ونضيف البصل يتحمر شوي
ونحط عليه الروبيان الطري
ونقلب الى ان ينضج الروبيان

هذا الروبيان الطري:




ثم نضيف الملح , الفلفل الأسود , البهارات



وملاحظة مهمة جدا جدا

لا تحطون بزار الروبيان الجاهز
ترى يلوع الجبد بالأكل !!


بعد ما يستوي .. نضيف الخضار ونقلب
الى أن تذبل ..




نضيف القليل من ملح الليمون
وملعقة دبس الرمان ..



يزين الطبق بالقليل من البقدونس ويقدم مع الخبز ..

هاذا الطبق الرئيسي الاول و خلصنا منه .. ياويلك يالياااي ...




الياي هم روبيان << عشان لا اطلع الف شي

و لأن مقاديرهم ماراح بعيد و مزاجنا يومها كان بحري ..




الطبق الثاني ..



روبيان صيني بالصلصه .. (( حامض حلو ))


المقادير:
روبيان طري (منظف وغير مسلوق)
فليفلة خضراء
جزر
بصل
طماطم
أناناس
زنجبيل
فص ثوم
زيت
ملح
فلفل أسود


الصلصة:
كوب مرقة دجاج
كوب ماء مذاب فيه ملعقتين نشا
1/4 كوب صلصة صويا
1/2 كوب معجون طماط
1/2 كوب خل
1/4 كوب سكر


الطريقة:

تقطع الخضار الى مكعبات والجزر
دوائر ونفرم الثوم والزنجبيل



نحط شوية زيت بالمقلة ونحمس الروبيان
ومع الملح والفلفل الأسود
وبعدين نضيف الثوم والزنجبيل

وبعد ما ينضج الروبيان نعزله



بنفس المقلة نحط بعد شوية زيت
ونضيف الخضار ونقلب حتى يستوي 1/2 سوى
وما نخلي الخضار تذبل !!!
ومن ثم نعزلها ..



نحط مكونات الصلصة بنفس المقلة
ونخليها تطبخ شوي الى أن تمتزج

نضيف اليها الروبيان والخضار
ونقلب قليلا عشان تاخذ النكهة





هني الألوان خداعه

نطفي النار
ونقدمة بطبق حلو ..أهم شي الطبق حلو عشان لا تخترب الطبخه

.. !!





............

 

[:: Diva ::]

3 حبات كوسه

*حبتين جزر

*بصله كبيره

*ليمون اسود

* (مكعب ماجي / ملعقه كبيره ملح / ملعقه كبيره ممسوحه كركم / ملعقتين صلصه كبيره /بهاراتك العاديه ملعقه كبيره /كمون حسب الرغبه)

الطريقه ,,

قطعي البصل صغير واحمسيه على النار

بقول لكم شيء غريييييييب للي ودها جيبي حبة ثوم كامله الدائريه ههههههههه حلو الوصف واحمسيها مع البصل والله مايجي ريحه بالاكل لانها ماتقطعت بالعكس تاخذين كل الفوايد اللي فيها

خليه دقيقتين عشان الصلصه بعدها حطي فوقه المويه والرز

ربع ساعه وطفيه وبالهنا والهافيه.......................................... ....................

ترى كل الفوائد فيه خاصه الخضار لاتنسون تدعون لي
وعلموني عن تجاربكم واي استفسار انا جاهزه

 

[:: Diva ::]

1 بصلة مفرومة
1 م ط زبدة
1 علبة مشروم مقطع
1 فلفل بارد مقطع مكعبات صغيرة
2 كوب عصير طماطم طازج ( تضعين الطماطم في الخلاط بعد تقشيره حتى يصبح عصير)
1 م ط سكر
بهارات قليل من كل من كركم + فلفل أسود + ملح + 1 مكعب ماجي
1 فص ثوم مطحون
زعتر ناشف ( نوع من التوابل) + أوريجانو
* خلطة الجبن :
1 علبة جبن شيدر مبشور
1 كيس صغير جبنة موزريلا مبشور
3 م ط جبن بارميزان
تحمر البصلة المفرومة مع ملعقة طعام زبدة على نار هادئة ثم تضعين عليهم علبة مشروم مقطع و تقلبين قليلاً ثم تضعين عليهم البهارات( ملح كركم وفلفل أسود ومكعب ماجي) ثم تضعين عليهم الفلفل البارد وتستمرين بالتقليب ثم تضعين عليهم 2 كوب عصير طماطم و 1 ملعقة طعام سكر وفص ثوم مطحون ويترك على النار لمدة 15 دقيقة مع التقليب بين الحين والآخر حتى تثخن الصلصة ثم تتبلينها بزعتر البيتزا الناشف (نوع من التوابل) ثم تحضرين الجبن وهو خليط من ثلاث أنواع شيدر و موزريلا و بارميزان تبشرينهم و على النار الى ان تذوب الجبنه

 

[:: Diva ::]

دجاجة مسلوقة ومقطعة (مثل طريقة الشاورما) +1كوب ملفوف أخضر مقطع طولياَ + بصلة مفرومة + 1كوب جزر مبشور + بصل أخضر مقطع شرائح +1كوب مشروم +1 فص ثوم مطحون + 1 كوب ماء دجاج +2 م ط بقدونس مفروم+ 1 مكعب ماجي+ 1 م ط صلصة الصويا + ملح وفلفل أسود وقليل من البهارات( يحمر البصل بالزيت ثم يضاف عليه المشروم ويقلب لمدة دقيقتين ثم يضاف الملفوف ويقلب لمدة دقيقتين ثم الجزر ويضاف إليهم الدجاج فيما بعد والبصل الأخضر و البقدونس والثوم وماء الدجاج والماجي و صلصة الصويا والبهارات ويترك على النار لمدة 5 دقائق مع التقليب)

 

[:: Diva ::]

دجاجة مسلوقة ومقطعة (مثل طريقة الشاورما) +1كوب ملفوف أخضر مقطع طولياَ + بصلة مفرومة + 1كوب جزر مبشور + بصل أخضر مقطع شرائح +1كوب مشروم +1 فص ثوم مطحون + 1 كوب ماء دجاج +2 م ط بقدونس مفروم+ 1 مكعب ماجي+ 1 كوب طماطم مقطعة + ملح وفلفل أسود وقليل من البهارات+ 2 م ط معجون طماطم( يحمر البصل بالزيت ثم يضاف عليه المشروم ويقلب لمدة دقيقتين ثم يضاف الملفوف ويقلب لمدة دقيقتين ثم الجزر ثم الطماط حتى تذبل ويضاف إليهم معجون الطماطم ثم الدجاج فيما بعد والبصل الأخضر و البقدونس والثوم وماء الدجاج والماجي والبهارات ويترك على النار لمدة 5 دقائق مع التقليب)

 

[كويتيه مذهله 87]

مشكووره حبيبتي

سيفته عندي
,,,

 

[:: Diva ::]

عليج بالعافيه

 

[رهشRAHASH]

تسلم الأيادى

 

[امي سبب بلاوي]

رد : حمــــــــــــــــــــــســـــــــــات :: ملف كامل لكل الحمسات :: متجدد

حمسه السجق
سجق
طماط مقصص صغار
بصل مقصص صغار
بطاط مقصص صغار
ماجي ربع
صلصه طماط
طريقه:
نحمر بصل لين يتشقر بعده بطاط بعده سجق ونتركه ينلقي لين يستوي سجق نحط طماط بعده نحط مااجي وشوي بزار وشوي كركم ومااجي واخر شي صلصله وبل عاافيه

 

[جارة القمر]

رد : حمــــــــــــــــــــــســـــــــــات :: ملف كامل لكل الحمسات :: متجدد

موضوع رووووووووووووووعه

ويستاهل التثبيت

 

[:: Diva ::]

يا بعد قلبي
مشكوره حبي

 

[أحلى همبه كويتية]

صبااااااااااااااااحو ديفونا
شخبارك

يعطيك العافية حبيبتي