حملة"لا للبلعة"تعالو ابدو رجيم (شهر من تاريخه)

[مريوم 2009]

مرحا بنات.. أنا من اليوم الى الأسبوع الجاى راح أكون خارج التغطيه..
يعنى مراح أدخل.. راح أدرس ولدى علشان الأمتحانات ..أدعو لنا بالنجاح..
...صح كلها رابعه أبتدائى..بس والله معقدتنا..:krkrkr:

 

[om MaRyooM]

*عشق قلبين*

مبروووك الكيلو .. أحسن من ولا شي (مثلي ) ..
يللا شدي حيلج هالاسبوع نبي نشوف نتايج حلوة





*ينبعية*
الله يكون بالعووووون ..
بس لاتخورينها .. خليج ملتزمة بالرجيم وطمنينا عن اخبارج كل مافظيتي
وعسى الله يوفق ولدج ويطلع من الاوائل





*ضعيفة وعصلة*
هلا والله ..
يمكن صج ميزانج مخرف! .. جربي جم ميزان وشوفي منو الصح
وانشالله تنزلين الاسبوع الياي اكثر

 

[عشق قلبين]

شدوا حيلكم بنات

انا تريقت عصير اناناس

وتغديت صحن صغير سلطه وتوسته محمصه مع لبنه قليله الدسم

 

[عشق قلبين]

ينبعيه الله يوفق ولدج ويعطيج العافيه

ام مريوم شخبارج ان شاء الله ملتزمه ماتخربطين مثلي

حبيبتي ضعيفه وعصله ان شاء الله تكونين نازله والله يثبتج ويثبتنااااااااا كلنا يارب

 

[عشق قلبين]

لا الاه الا انت سبحانك اني كنت من الظالمين

للرفع وينكم بنوتاااااااات

 

[..دنيا غريبه..]

انا ابي ابدأ معاكم
وزني الحالي:75ونص
الهدف الأول :70
الهدف الثاني:66
الهدف النهائي:60
بنات دعولي وربي لولكم كان ماسويت رجيم لانكم شجعتوني ويارب كل بنت توصل اللي تبيه والله ان شاء الله مايضيع تعبها موفقات

 

[عشق قلبين]

اختي دنيا غريبه

حياج الله ويانا وان شاء الله نشجع بعض لاتحاتين

وتجمعنا حلوو ووخفيف وخالي من السعرات الحراريه>>>>>>>> شعندها دكتوره التغذيه هههههههههه

والله يثبتج

 

[..دنيا غريبه..]

عشق قلبين انتبيهي معي شوفي انا تريقت كورن فلكس وشربت الحين قهوه وبعد شوي بسوي رياضه وبتعشا بيضه شرايج

 

[عشق قلبين]

حلو بس مو جنه شويه


انا مثلا ريوقي يكون مرات كورن فلكس ومرات عصير والغداء سلطه مع صدر ديايه والعشاء مثلا صمونه وعصير بس اكلج احسه شوي هذا اي رجيم؟

انا رجيمي من مخي ههههههه

 

[عيوووش]

انا اليوم اول يوم بعد اسبوع عسل
تريقت شاي خضر مع جبن قليل دسم
ماتغديت
وتعشيت ماك سبايسي جكن بدون مايونيز مع بيبسي دايت
وسلطة

اشرايكم بوجبتي وااايد صح؟؟؟؟
شجعوني بلييييز

 

[عشق قلبين]

بالعافيه عيوووش

انا تعشيت توست وجبنه مع عصير اناناس

 

[عشق قلبين]

لا عيوش مو وايد وجبتج لانج ماتغديتي

 

[عيوووش]

تسلمين عشق قلبين

على التشجيع

فديتج

 

[عشق قلبين]

بنااااااااااااااااات شرايكم برجيم السوائل؟؟؟

يعني 13 يوم سوائل ( عصاير وفواكه ومشروبات ساخنه)

امممممممممممممممم ودي اجربه بس شكله متعب؟

 

[ام^خدود]

مساء الخير خواتي ..

شلووونكم شخباركم ..ان شاءالله تمام وعافيه ..

بغيت اشارك وياكم لانه حدي استانست منكم ومن تشجيعكم الحلووو حق بعض .. والله يخليكم حق بعض يارب ولا يفرق بينكم ان شاءالله

اامشي على رجيم دكتور يوسف الخضر
الصبح :_ نسكافيه
الغدا :_ حمسه مشروم معه طمام بدون دهن .
والعصر :_ عصير اناناس
العشا :_ لبن اكتفيا

وزني الحالي: 69.6
الهدف الأول :60
الهدف النهائي55​

 

[عشق قلبين]

حياج الله ام خدود اسفرت وانورت

وماشاء الله رجيمج شكله حلوو يبيلي اجربه >>>>>>>>> يابنت ارسي على بر وعلى رجيم واحد

ههههه ان شاء الله نكون كل يوم مع بعض ونشجع بعض

 

[ام^خدود]

الله يحيج ياقلبي ما قصرتي

اي انا كنت عنده من 2005 ونزلت 30 كيلو وبعدين صعدت الى 80 ورديت مره ثانيه وهذا حالتي اصعد وانزل لما الحين قلت احترم نفسي واصكر حلجي ههههههه

اي والله رجيمه وايد حلوووو انا استانس منه ​

 

[ضعيفه وعصله]

هلا بنات
انا اليوم غداي كان صدر ديايه
وتوني قاعده من النوم

بنطر للصبح لين ايوع واكل توست اسمر ومرتدلا وجبن وبعدين بسوي رياضة ان شاءالله واعوض
رياضة ساعه كاملة
بإذن الله

 

[حنين الشمال]

انا صادني اكتئااااااااااااااب حاااااااااد هالاسبوع

مانزل وزني الا زاد كيلو ؟؟ شلووووووووون

والله ماخربط وملتزمة وميوعة روحي

اووووووووووووووف قهرني الميزان ورحت المركز الصحي وزنت نفس الشي >> قلت عل وعسى يكون ميزاني مخرررف ولا شي

الله يعين هالاسبوع بعد

 

[ام^خدود]

هلا اختي حنين الشمال لا يضيق خلقج ولا شي لانه هذا حالتنا معه الرجيم تلاقينه ماناكل ويزيد غرامات او كيلو

بس ان شاءالله الاسبوع الياي ينزل لانه بعض المرات الوزن يوقف او مايحرق الاكل ويتم الوزن

شدي حيلج هالاسبوع وان شاءالله ينزل