حملة"لا للبلعة"تعالو ابدو رجيم (شهر من تاريخه)

[عشق قلبين]

السلام عليكم هلا بنات شخباركم

حيالله ضعيفه وعصله بالعافيه عليج اللي كليتيه
حبيبتي حنين الشمال لايضيق خلقج يمكن هذي عضلات عشان جذيه زاد الوزن لاتحاتين وان شاء الله الاسبوع الياي تكونين نازله
حبيبتي ام خدود شخبارج طمنيني عنج ملتزمه بالرجيم

بنات انا من قعدت من النوم ماكليت شي نفسي مسدوده بس عالغداء شربت عصير اناناس وقطعه سمج صغيرررررره
الله يثبتنا ويقوي ارادتنا وعزيمتناااااااااااااااااااااااااااا

 

[Crispeya]

قوووووووووووووووة بناااااات .. شلوووووووووووونكم هاا بشروا شخبار الريجيم معااكم ...

أنا الحمدالله عن نفسي ليلحين ملتزمة و ماشيه على ريجيم المطوع و هالاسبوع دخلت باللي فيه سوائل أمس كان أول يوم سوائل واليوم لي ثاني و توني راده من الناادي و إن شا ء الله الوزن ينزل قولوا آمين

 

[..دنيا غريبه..]

مراااااااااااااااااااحب شلونج يالغاليه
انا اليوم اكلت كورن فلكس شويه واكلت توست اسمر وجبن سلايس ودايت سفن بس وبالعشا باكل بيض وابشرج نزلت كيلو بإسبوع شرايج بس بغيت اسألج انتي كم وزنج

 

[ام^خدود]

هلا بنات شلووونكم .. انا بخير عشق قلبين والحمدالله الى الحين ملتزمه بالرجيم الحمدالله وكل شي اوووكي ولا يهمج

قعدت من النوم وعلى طول غدا كليت توووونه وسلطه والحين قاعده ويمكن شويه اسوي رياضه ودعولي اضعف ان

شاءالله والفال لكم يارب :ggdw:

 

[مريوم 2009]

:ada:مرحبا بنات..
أولدى أخذ راحه يقول يبى يروح يصلى.. قلت خلينى أشوفكم..
اليوم ريوقى كان حليب حار قليل الدسم مع بسكوت..والغدا كان شوية عويشه مع فلفل أسود..وبعدها شاى أخضر وبس:dddds:[
/SIZE]

 

[عشق قلبين]

ياسلام عليكم شدووووووا الهمه

 

[ام^خدود]

افا عليج لا توصين كلنا شادين الهمه

:ada::ada::ada:

 

[عشق قلبين]

ام خدود انا خرتها شوي وكليت قطعه صغيره ككاو من ايد بنتي حبيبتي ماحبيت اكسر بخاطرها>>>>>>>> ولي متى ياحظي

خلاص مابعيدها هههههههه

 

[عيوووش]

السلامعليكم
رشيقات المستقبل
تريقت متاخر 3 شابورات مع شاي خضر
وتعشيت سلطة يونانية
طبعا بدون رياضة ولا شي
متكيسلة عن الرياضة يمكن علشان ركبتي تعورني

شدوووووووووو الحيل
واهم شي يابنات تكون نفسيتكم مرتاحة
واعتبروا هالريجيم منهج لحياتج مو بس فترة وتعدي


وربي يوفقنا

 

[عشق قلبين]

وعليكم السلام هلا عيووش

بالعافيه عليج الاكل

 

[عشق قلبين]

انا تعشيت توست ولبنه قليله الدسم مع عصير اناناس

وان شاء الله نضعف

 

[ام^خدود]

عشق قلبين يلا سامحتج بس لا تعيديننها مره ثانيه :ggdw:

وعليج بالعافيه :ggdw:

وان شااءلله نضعف

 

[عشق قلبين]

بنااااااااااااااااااات
تتوقعون ينزل وزني هالاسبوع اكثر من كيلوووو على رجيمي هذا

توست وعصير ريوق

قطعه ديايه اوقطعه سمجه صغيره او فواكه وطبعا عصير للغداء

والعشاء توسته وعصير او كورن فلكس او روب

لاني ناويه على الاسبوع الياي ابدأ برجيم السوائل

 

[ام^خدود]

ان شاءالله ينزل اكثر من كيلو

وعشاي كان برتقاله ولبن اكتفيا والحمدالله

 

[عشق قلبين]

بالعافيه ام خدود

 

[ضعيفه وعصله]

هلا بنات
ها شلوووونكم

انا اكلت توستتين سمر مع مرتدلا وجبن
هذا الساعه 3 بليل

عاد الغدا بيكون صدر ديايه ان شاء الله مع جزر و خيار
ودايت

واليوم عوووضت و سويت رياضة ساعه ونص
صارلي جم يوم ما اسوي الا نص ساعه

 

[عشق قلبين]

هلا ضعيفه وعصله بالعافيه عليج الاكل وزين ماشاء الله انج سويتي رياضه

انا يابنات من قعدت من النوم ماكليت شي وحتى الغداء مالي نفس اتغدا بس شربت عصير اناناس

بشروووووووني بنات شسويتواااا

 

[ضعيفه وعصله]

عشق قلبين
حبيبتي يعافيج ربي
الدكتور يقول حطو في بالكم ان الاكل مو لازم يكون له موعد
يعني ما تاكلين الا لما صج تيوعين

 

[عشق قلبين]

تصدقين ضعيفه انا من بديت بهالرجيم وانا ماادري شصاير فيني بالعاده بالرجيم اشتهي كل شي وهالشي يخليني اخرب الرجيم هههههههه

بس هالمره كل الاغراءات موجوده بس ارادتي قويه خلاص ودي اضعف مليت بس مرات الوزن يقهرني ماينزل وااايد

بس متفائله خير هالاسبوع انزل اكثر من كيلو ياااااااارب

والله يثبتنا كلنا

 

[ضعيفه وعصله]

حياااااااتي اي الوحده من تكون ارادتها قوية ما يهمها شي
شوفيني انا اسبوعين وزني مثله ما تغير
والحمدلله الحين احسه متغير
و عند الدكتور يبين كل شي


و للحين ملللللتزمه و مو هامني
لان ادري اذا الوزن ما نزل وايد
هذا اثبات ان السعرات الحرارية نفسها اهي اللي احترقت يعني الجسم نفسه تغير
الشكل
و هالشي واايد زين
وهم كل ما ثبت الوزن اكثر كل ما اثبت ان راح يقل وايد بعدين