حياتي بتكون احلى .. ابي عشر بنات بس

[أم شاهين]

الشر ماييج شيخه البنات

بالنسبه لي اليوم الحمدالله اشوا صج اني ماحس بطعم الاكل بس رديت

عالرجيم

كليت خمس تمرات وحليب لووفات

وكليت سيخين كباب وشويه شبس عشر حبات معا ورقيات ودايت بيبسي

بئذن الله العشي روب وكيوي وفراوله

 

[simple.girly]

السلام عليكم ورحمة الله وبركاته ... مساكم الله بالخير بنوتات .... حلوين وللرجيم انشاء الله صامدين لوول صرت شاعرة
1- ممم شيخة البنات فصيلة دمي بي .. شكلي ببل دشتي ان شاء الله ...
2- انا معاكم حتى لو ما اشبك لأن النت وايد بطئ ودقيت على الشركة والله يسهل انشاء الله .
3- بنات ابي احد مجرب خلطات طبيعة او بالصالونات حق السواد تحت العين .. مشكورين

 

[ديمـ77ــا]

سلام...اشلونكم...شدوا الهمة...اعترف الخميس والجمعه خبصت...اليوم السبت ان شاء الله نظام..

 

[simple.girly]

السللم عليكم ورحمة الله وبركاته ... ان شاء الله موفقة

 

[رجيميه]

بنات الحمدالله انا ماشي الرجيم معاي واحس اني تعودن شوي ويالله يالله شدووو الهمه شدوو الهمه ​

 

[simple.girly]

السلام عليكم ورحمة الله وبركاته ....مساكم الله بالخير شلونكم .... اييه والله شدو الهمة ... تريقت جبن وشباتي وبيبسي بس مراح اتغدى وبروح امشي شوي . وان شاء الله بعد ما اتعشى

 

[شيخه***البنات]

عليييييكم بالعافيه بناات ..

..

انا امس خذيته فري داي ..

وكانت يومياتي ..

الريوق ::

نص خبزه خفيفه + جبن لوفات + جاي اخضر ..

سناك ::

كيكه ريد فالفت صراحه اموت عليييها كلييييت وايد ..

ماتغديت مبجر ..

عالساعه 7 ..

كليت من صب واي .. نص صمونه سمرا فيها صدر دياي مشوي وصو لايت وجبن لايت كل شي فيها لايت مع ماي ..

بعدين كليت سناك ::

كوكيز مال صب واي ..

وبس ..

واليوم رجعت للرجيم مره ثانيه ..

 

[ديمـ77ــا]

سلام..

اشلونكم اليوم...

اشلون الهمه ..

اليوم الحمدلله..صرت احسن من الايام اللي طافت...

قعدت 2 الظهر..

كليت شمام...وكيوي...قهوه..وتمر..

عقبها بساعه..شاي اخضر..جبن..وخبزه سمرا..

عقب المغرب..تفاحه..كت كات >>> دش عرض بس حسيت ابي شوكليت شوي

قبل ساعه..شاي اخضر ..قطعه خبز ايراني..

قبل شوي..روب مع نعناع..

باقي لي العشا ان شاء الله..

كيوي..بطاط مسلوق مع بقدونس..

خوش اليوم..بس الشاي كان فيه سكر..والجبن مو لايت..والخبز الايراني مو من جدولي..

بعد بعد يبي لي انتظام اكثر..والا شرايكم..

بنات صج...وين رسيل...عسى المانع خير ؟

 

[ديمـ77ــا]

شيخة البنات...عليج بالعافيه...وشنو هذا كيكه ريد...شهيتيني عليها من كلامج...وانا ما اعرفها

 

[أم شاهين]

هلا بنات انا بعتها بالعربي

الصبح عصير تفاح
بعدين الغدا همبرجر معا سلطه معا ورق عنب
الظهر شربت شاني ونص كاكاو فليك
بعدين قرصني اليوع كليت امبيه اموووش معا شاني

بعدها رحت مشيت مشي حسيت بالذنب

والصراحه بعد المشي يعت كليت ميني كراوسان معا حليب خالي الدسم

 

[شيخه***البنات]

ديما 77 ..

الله يعافيج حبيبتي ..

هالكيكه لذيذه شوفيها بس لاتفكرين تاكلينها الا لما تسوين فرري هههه لانها ادمان صراحه ..

يمكن تكشين شوي لأنها حمره بس طعمهاااا ممممممممممم ..

 

[شيخه***البنات]

ام شاهيييييين ..

ليش ليش حساافه ليش تخربييين يوومج ..

اموووووووش عاد كله دهن !! ..

بس زين سويتي ومشيتي ..

 

[شيخه***البنات]

^^.. يوميـاتي يوم السبت ..^^ ..

..

ماتريقت ..

الغدا ..

2 صيخ كباب وربع خبزه ايرانيه + قفشه حمص ..

سناك ..

جاي اخضر بالليمون ..

العشـا ..

4 بسكوت دايجستف لايت + حليب لو فات ..

 

[simple.girly]

السلام عليكم ورحمة الله وبركاته ...
صبحكم الله بالخير هلا والله شلونكم .؟
ما تريقت اله حبيب موز وجم قطعة ام اند ام ام ......
الغدا ان شاء الله جلاوي ... والعشا ما ادري
موفقين انشاء الله الله شيخة البنات من وين الكيكة .....

 

[أم شاهين]

هلا بنات
هلا شيخوه اى والله حسيت بالذنب لاوماكلته بالليل يالله اعوضها انشاللله بس حاليا الحمدالله الشهيه قلت ترى مو نفس قبل


قمت الصبح والحلوه نازله علي وبطني اووف عوار
سويت لي بيضتين معا طماطم مقطع وبصل مقطع وزيت وشريحه جبن سلايز وقفشه دهن سويتها معا نص خبزه سمره وحليب خالي الدسم معا زنجبيل

بشرب الحين مطارة اعشاب لزوم الدوره

الغدا مادري شكلي باكل3 حبات تمر معا قلاص من قشر القهوه

العشا شكلي شوربه او سلطه بتعشي امبجر وبمشي



بنات ياربي الدورة اذا نزلت شنسوي يعني النظام الغذائي عادي نمشي عليه لانه يقولون موزين تيوعون نفسكم
اللي عندها برنامج تقولنا عشان امشي عليه من غير ماخربط

 

[simple.girly]

عسى الله يوفقج ان شاء الله ام شاهين ...

 

[رسَــيــل]

شيخه البنات
عوافي حبيبتي
وهالكيكة ضيعتني هههههههه شكلها يشوق
من وين تاخذينها .. وعليج بألف عافيه يااا رب

سيمبل قيرلي
يالله أوكي .. نبحث عن عدد السعرات ..ونرتبها
واذا ع موضوع السواد تحت العين .. انا من شهر
خذيت من دار الشفااا كريم ليلي لتحت العين خففهم بنسبة 50 بالاميه
اذا تبين اسمه حاضر


ديما
احناااا تماام ..
وعوافي ما كليتي حبيبتي
واذا ع الرياضه مادري انا يومي العب ع الاوربت تراك من 20 - 30 دقيقه
ويهدون حيلي هههههههههه




اخوي كشخه وكيوت
موفقه يااا رب .. وبشريني شصار عليج برجيم التنظيف



ام شاهين
ما تشوفين شر يا قلبي
شلونج ألحين ان شاء الله احسن ..؟
وييييه فيج حيل تتطنزين هههههه
يااارب تنزلين أكثر وحدة فينا ...


ريجيميه
اشتاااقت لج العااافيه
يالله موفقه يا رب .. وزين تسويييييين ...

 

[رسَــيــل]

شلونكم بنات ..

انا آسفه الجمعه والسبت ما طليت عليكم ..
بس تعرفوون زوارات ..
وحووسه مع الجهال مع الويك أند ..


الموووووهيييم ...


الخميس .. رحت مراجعتي ..
وخذيته فري ..

والحمد الله كل شي تمااام ..
بس وقفت الرياضه الخميس والجمعه والسبت
ما قدرت والله ..









بنات اذكركم .. ان شااء الله باجر الوزن ..
دزولي جم نزلتوااا ... مو ضروري الوزن .. وموفقااات يااا رب ..

 

[ديمـ77ــا]

بنات ياربي الدورة اذا نزلت شنسوي يعني النظام الغذائي عادي نمشي عليه لانه يقولون موزين تيوعون نفسكم
اللي عندها برنامج تقولنا عشان امشي عليه من غير ماخربط

سيم سيم الحالة:eh_s(10):...

ياربي..بطني يعورني...ومالي خلق رجيم ولاشي...

صج بنات...شنسوي بمثل هذي الظروف...

 

[رسَــيــل]

لا عادي ديما أول يومين أكلي اللي تبين بس بدون اي حلويات او شكر
لأن عموما الوزن ما يزيد او ينقص بالدورة ..

وثالث يوم امورج طيبة .. بلشي ريجيم مرة ثانية ..