رجيم الدكتور اسامه حمدي من 20 الى 30 كيلو في الشهر(الكيميائي)

[(ذلتهم عيوني)]

انا جربته السنة اللي طافت وايد زين هالنظام

موفقين يارب ^ــ^

 

[q8**girl]

والله جني بجربه ؟؟
وييينكم قاعد اتسونه ولا لأ ؟؟

 

[شكنوومه]

انا عن نفسي جربته بس مدة اسبوع وماقدرت استمر

احس انه وايد قاسي وبعدين مليت من اكل البيض ونص برتغاله

افكر اني اسويه مره ثانيه

 

[الانوثه]

السلام عليكم انا جربته بس جربت الخاص بالكلسترول والله نزلت حيل بس ماكملت بس اللي تمشي عليه بحذافيره عزالله بتضعف وانا عندي عرس في شهر 6 وودي امشي عليه شجعوني تكفووون

 

[soseta]

بنات مو جنه انتحار مو رجيم ؟؟
اي وحده تسويه وتنزل 30 كيلو انا متاكده بس تهده راح تنفجر على الاكل وتزيد 60 كيلو .. لان فيه حرمان مو طبيعي

 

[music_teacher88]

ترى اينن هالنظام سويته اسبوع برمضان شكلي بردله

امبيه صايره بن بطوطه احوووس بالريجييمات ماكمل اسبوع الا وانا مغيره ريجيمي

 

[engmar]

الريجيم الكيميائي تحفة انا سويتة مرتين وكل مرة نزلت 10 كيلو بالتمام في الشهر

 

[شآعرة الخليج]

تصدقون تشوقت حدي اني اجرب هالريجيم ..

بس سألت عنه اول

وطبعا مو زين ويسبب تضخم بالمعده < هذا حجي دكتور موثوق فيه

بس حبيت ابلغكم ...

مشكوره خيتي

 

[gr8iz]

في احد جرب الريجيم ؟ .. انا عندي واحد يشبه هالريجيم .. و كنت انزل عليه يوميا كيلو بالضبط يعني باسبوعين نزلت 13 كيلو و سويته من فتره مت مت و مانزل هالكثر مادري ليش .. بس لاعت جبدي من البيض الله يزيد النعمه

 

[شكنوومه]

خوووش رجيم والله

 

[Nice Lips]

مشكوووورة ل صاحبة الموضوع
هالرجيم سوته مدرستي الكيميا وماشاء الله عليها ضعفت حيل وعطتني اياه وضاع
حتى الرجيم ماله اسمه ولا جان لقيته من زمان
عيزت وانا ادوره
راح ابتدي فيه باجر

 

[SeDuCTive]

مشكوووووووووووووووره

 

[kokokok]

كنت ادور هالرجيم من زمان مشكورة والله يعطيج العافية

 

[bo6aa6ee]

انزين انا فيني حساسيه من البيض اقدر احط بداله جبن ابيض فرنسي ؟

 

[أم خـــدود]

انزين انا فيني حساسيه من البيض اقدر احط بداله جبن ابيض فرنسي ؟

حبيبتي انا اذكر اول وحده كانت تقول ان الكتاب عندهاا وتقول ان بدال البيض تاكل روب

 

[bo6aa6ee]

حبيبتي انا اذكر اول وحده كانت تقول ان الكتاب عندهاا وتقول ان بدال البيض تاكل روب

خوش اذا روب مقدور عليه مشكوره حبيبتي :eh_s(6):

 

[Nice Lips]

بنات اللي سوت هالرجيم يصير اشرب معاه جاي اخضر

 

[.V!P.]

:eh_s(7):

الرجيم حده فظيــع

انا ان شالله ببتــدي من بكـــره

ميـــرسي فديتج على البرنامج

:eh_s(7):​

 

[Nice Lips]

اليوم انا اول يوم ابتدي هالرجيم

 

[ام _خلودي]

هالرجيم صج صج حده عجيب
انا جربتهاا بشهر نزلت 10 كليو
وباجر ان شاء الله ببلش فيه