رسالة الى زوجي

[غارقة بأحزانها]

مشكورين بنات اللي ردوا
الله يسخرلكم ازواجكم ويرزق اللي ماتزوجت بالرجل الصالح اللي يهنيها ويسعدها

 

[لمى الهاجري]

شوفي احسن حل حبوب منومة حطي لهم كلهم بالعصير عقب ما يشربون كل البيت بينام وبترتاحين اليهال في دوا زكام اسمه اكتفيد ينوم انا اشربه بينامون وما بتسمعين صوتهم

 

[غارقة بأحزانها]

يحليلج لمى من صجج لا هم بعد هذيله ارواح
يعني اكيد هالدوا له اعراض جانبية

تبين اضحكج اسم الله عليهم ماينفع معاهم شي العصر
اصلا تدرين الحين برد ومزكمين قاعدة اعطيهم ادوية بندول
وزيرتك وهالسوالف
اهم فيهم النوم ومبين من العسارة اللي فيهم بس شتقولين عالعناد

 

[لمى الهاجري]

هالادوية عادية مالها مضار اصلا حتى هالدوا ما ينومني مع انه ينوم بس ترى ينومهم يبا عادي شربيهم اكتفيد زين حق الرشح وينوم وتفتكين او حطيهم بصالة معزولة يلعبون فيها بعيد عن غرفتكم وجخلي غرفتكم هدوء

 

[لمى الهاجري]

حطي حق اليهال اشرطة فيديو افلام جيزني افلام اطفال او حطي لهم توم وجيري او سبيستون او قطيهم عند اهلج لين بغوا ينامون جيبهم البيت

 

[غارقة بأحزانها]

لمى حبيبتي اشكر لج تفاعلج معاي
انا جربت معاهم كل شي انا ابله روضة واعرف هالاساليب كلها
يبت فيديو يبت صلصال يبت دفاتر تلوين والوان شينية ومائية
التلفزيون شغال على براعم وام بي سي 3 وسبيس تون
والالعاب اشكال والوان
اهم يتهاوشون وصوتهم عالي والولد في عنف شوي
والبنت صرختها ولا صفارة الانذار اسم الله عليهم
ما احب احن عليهم
بس اهلي ليش وشكو يتحملونهم ما بغو يكبرون عيالهم ويزوجونهم
يربون بعد عيال عيالهم
لا هذا مو حل وبعدين انا اكبر اخواني وخواتي وانا عندي خوات واخوان بسن الدراسة فكلش ماينفع

 

[صمت الورد >3]

لا حول ولا قوة االا بالله مالك الاالدعاااااااااء لرب العالمين
الله يريح قلبك ويهدي نفسك ويكسيك بالفرح عاجلا غير اجلا ياررررررب
قطعتي قلبي
الله يفرج همك دعواتي لك ..

 

[لمى الهاجري]

لمى حبيبتي اشكر لج تفاعلج معاي
انا جربت معاهم كل شي انا ابله روضة واعرف هالاساليب كلها
يبت فيديو يبت صلصال يبت دفاتر تلوين والوان شينية ومائية
التلفزيون شغال على براعم وام بي سي 3 وسبيس تون
والالعاب اشكال والوان
اهم يتهاوشون وصوتهم عالي والولد في عنف شوي
والبنت صرختها ولا صفارة الانذار اسم الله عليهم
ما احب احن عليهم
بس اهلي ليش وشكو يتحملونهم ما بغو يكبرون عيالهم ويزوجونهم
يربون بعد عيال عيالهم
لا هذا مو حل وبعدين انا اكبر اخواني وخواتي وانا عندي خوات واخوان بسن الدراسة فكلش ماينفع

حلو دام اخوانج بسن دراسة يعني كبر عيالج خليهم يلعبون معاهم يستانسون مافي الا هالحل اكيد خوالهم بيستانسون عليهم هاي عشان راحتج

 

[حدى عنيده]

والله كلامج عبر عن اللي بقوله حق ابو فانيله وسروال وركب سوده بس شنو سوي بلاء من ربي نحتسب عليه الحمدالله ع كل حال

 

[غارقة بأحزانها]

لا يا لمى مو كبرهم اخواني بالجامعة والثانوي والمتوسط
وانا ولدي باولى روضة والبنت 3 سنين
وقتلج من قبل محد يتحملهم
وبعدين مو معقوله. يوم بروح حق اهلي
مو حل اهو لازم يتحمل عياله وحتى لو ما تحملهم لا يقط السبب علي
انا شنو ذنبي

 

[ocean.emotion]

حبيبتي كثري من الاستغفار
و بالنسبه حق اليهال كلهم جذي مزعجين و هواش
لا ينامون الظهر و دخليهم نادي العصر مثل شامبينز و انتي معاهم
و علميهم على اسلوب المكافاه مثلا اذا ما تهاوشتو اعشيكم بمطعم و اذا قصرتو صوتكم وقت ابوكم نايم احطلكم نجمه خصصي لهم لوحه. و لي ياخذ اكثر له جائزه
يا حبيبتي هذيل يهال انشاء الله بتسيطرين عليهم و تر يمكن لانج تصرخين و تعاتبين دايمن اهم منزعجين بس هذي طريقه تعبيرهم

 

[لمى الهاجري]

لو انا بنفس بلدج جان خذتهم وطلعتهم بس انا بقطر امم تدرين لازم تسوين له غرفة العاب بعيد عن غرفت نومج انت ريلج عشان الصوت ما يطلع لكم او تحطون عازل واذا عندكم حوش خليهم يلعبون فيه لين ينامون

 

[غارقة بأحزانها]

ياحياتي يالمى ماقصرتي هذا من طيب اصلج
الله يرزقج باللي يستاهلج
وحبيبتي اللي قالت عن سالفة النادي السالفة مكلفة وانا ماعندي ميزانية
ثانيا اصلا زوجي مايحب سالفة الطلعة كل يوم
ثالثا انا ياية من الدوام تعبانة واحتاج الراحة مافيني اطلع الا بعد المغرب وغالبا
اقضي اشغال البيت الجمعية المستوصف حق اليهال او شغل الدوام حتى المواجيب نادرا ما اروح لها
لان زوجي يتضايق منها الا اذا كنت اساسا رايحة عند اهلي ورحت مع امي وخليت اليهال عند خواتي
وايد قاموا يشرهون علي
والدوام صرت مالي خلقه لاني شايله فوق طاقتي وصرت اغيب وايد والكل قام يتضايق مني
واهو مو مهم عنده الا اني التزم عشان المعاش
والناس ماتهمه اهم شي اني اكون مجابله اليهال و ياويلي لو صار لهم شي ما يعرف شي اسمه قضاء وقدر
كله مهمله بارده بس همج الطلعة والسوالف
ااه لو شنو اتكلم ماكو فايدة وان زعلت انا سخيفة وادور المشاكل

 

[لمى الهاجري]

بس طبيعي اليهال يطيحون يمرضون كلنا ياما طحنا ومرضنا عادي مافيها شي انتي بيتج صغير صح اذا عندج مكان نقلي صالة اليهال خليها بعيدة عشان الازعاج وممكن الحوش تحطين لهم سور عشان ما يطلعون برع والعاب

 

[لمى الهاجري]

هاي اغنية يهال حطيها لهم لعل وعسى يقعدون بهدوء ويستمعون لها http://www.youtube.com/watch?v=FWujY0xauDM

 

[قسى قلبه وخلاني]

الله يعينج حسيت انج قدامي وتتكلميين
الله يفرج همك

 

[الكويت&الكويت]

ذكرتيني بكلمه ابله فوزيه الدريع واااايد احب كلامها
قالت:اااااخ يامن يصنع لي حبت الصبر
عشان اعطيها لكل الازواج والزوجات
حبيبتي انتي مشكلتج عاديه وفي مثلج واااايد
بس احنا مادري ليش كله عبالنا ان بس احنا بالدنيا نعاني
اولا بالنسبه لعيالج انتي تقولين عيالي شياطين المصيبه انتي ابله روضه يعني متاكده ودارسه ان من ضرورات هالعمر فرط الحركه عند الاطفال خاصه مثل ما ذكرتي مع الحكره والملل الحين ابيج تتخيلين الله لا يقول لو واحد فيهم مريض شنو تكون دنيتج شنو يكون عالمج ؟؟ انا مثلج مدرسه وعيالي همن صغار وزوجي يتشكي من صوتهم وازعاجهم لكن والله اني يوميا احمد الله واشكره انهم سليمين لا امراض ولا اعاقه الولد الصغير عندي كان معاه اطياف توحد وكنت اداوم واخليه وارد واهوه نفس المكان ماتحرك لاشطانه ولا حركه ولا شي سارح بعالم ثاني واقول بقلبي ياليته شيطان ياليته شاق الارض وطالع والحمدلله علي كل حال
يا امي يا حبيبتي تري الريل مو اهم مافي الكون وانتي واضح انج مضغوطه لان بيبي يديد ودوام ونومج مخربط والعيال والبيت يبون الله يعينج بس ديري بالج تتسرعين وتفكرين بالطلاق اصلا الكلمه شيليها من قاموسج
حبيبتي انتي في نعيم يحسدج عليه الكثييييير
اولا عندج زوج لاتقولين لي الله والزوج تري في غيرج تدور ريحت الريال ومستعده تاخذه بعيوبه
عندج بنات وعيال حمدلله صحه وسليمين
عندج وظيفه في زمن الناس بالليل تفكر باجر اموين تييب لقمتها
ياقلبي بالحمد تزيد النعم
ما اوصيج الا تقرين البقره امانه عليج يوميا حتي لو بضع ايات والله يا اختي فيها من تفريج الهم شي لاتصدقينه وقاعده اقولج عن تجربه
المشكله من شايف بلاوي الناس هانت عليه بلواه انا لو اقولج عن زوجي والله لتحسين ان زوجج ملاك ومع هذا عازته ورازته وهدايا وكلام طيب مو عشانه عشان رب العالمين
الله يوفقج ياقلبي ولا تنسين سوره البقره والاستغفار

 

[غارقة بأحزانها]

حبيبتي انا ما تذمرت من شطانتهم وحامدة ربي وشاكرته بس انا قاعدة ابرر موقفي
يعني ما بيدي حيله وهم انا متملله من هالشي ابي احد يحس فيني مو يلومني
ويذم فيني انا متحمله وايد ابي احد يقولي كلمة حلوة ويقدر جهودي مو يكون اهو والظروف علي

 

[آلعسليه]

-




آلله أكبر ي آلرجآل ، آقسم بآلله مآفيه آقسى منهم
ودآئمآ آلزوجه تكون مقصره ب عيونهم ،
لو إنك رفلآ ووسخه كآن عشتي عيشة ملككه
هذآ هو زمننآ ، وهذآ هو تفكير رجآلنآ

ف نصيحتي لك ،
آلعمر مره نعيشه وإنتي تبكين وتزعلين وتطنقرين وهو يروح للجآخور يتونس ويفلهآ
ليه مآتصيرين مثل بروده ؟ ليه مآتعيشين ل نفسك ول عيآلك ؟
صديقيني لو مرضتي ولآ طحتيَ محد بيوقف معك
لآنك إنتي تمرضين نفسك ب نفسك وهو مآدرآ عن هوآ دآرك
لآ تقولين له آي شيء خليه يروح ويجيَ ب كيفه
آنتي إجلسي مع عيآلك إطلعو تمشو
آمآ طلآق وتشتيت لإ ،
آدعي آن آلله يهديك ويريح بآلك
وإكثري آستغفآر وقيآم آلليل ،
ولآ زعلك مو نآفعك ،
آمرآضنآ ونفسيآتنآ آنقلبت وآلسبب إننآ نآكل ب آنفسنآ

لآ تهتمين وخلي قلبك بآرد ، وآلتهي ب آلعيآل وآنبسطيَ
دآمه غآثني آطنشه آحسن لي ، وش آللي موزي آغث نفسي عشآنه ؟


آلله يخلي لك عيآلك ويريح بآلك ويسعد قلبك وينور دربك
ورددي ، آللهم آجرني في مصيبتي وآخلف لي خيرآ منهآ ،

ولو تشوفين مصآيب غيرك تهون عليك مصيبتك ،
آسكتي عنه ، وإحتسبي آلآجر ،


دعوآتي لك + موفقه ي آلغلإ ,

 

[كليـ دلعـ]

حبيبتي اختي كلي دلع والله احبج واحب ردودج
احسج تفهميني من قلب
حبي سويت طريقتج والحاصل ان اهو اللي يهددني بالطلاق ان ما رديت البيت ويقولي بشهر اخذ غيرج
وعيالج ما تشمين ريحتهم

حبج االله يالغاليه

وويشررفني رايج فيني

واخت عزيززه

احنا اهنيه كلنا خوات

نتشارك ونتسااعد

ونحاول نخفف عن بعض

الله لايغير عليناا

سمعي ياا امي

هالكلام وحطيه حلئه بودنك

معاشج

لاااااااا. لاااااااااااا لااااااااااااا


تصرفين منه ع البيييت

لاااااا تصرفين منه ع البيت

ولااالج شغل

البيت ومصروووفه

ع سبع البروومباااا


لاتصرفين فلس حمررر ع بيته

سمعتي

وفلوسج لايااخذهااا

ولاله حق ولاكلااام عليهاا

فلوسج من شقااااج

من تعبج

لاتعطينه ايااهاا بارده مبرده

لاتكونين ضعيفه خلج قويه

الله عرفناه بالعقل

مصرف البيت وعياله عليه

فلوسج لج

انتي فقط!!

ان بغيتي تعطين من طيبج

وان مابغيتي

انتي حرره

وزووجج حرام حرااام فيه

فلس

فلوسج حفظيهااا

سوي لج مشروع صغييرر

جمعيهاا

حافظي عليهاا

هذي سندج بالدنياا

لا اهل ولاغيررره

بفلوسج معزززه مكررمه الكل يبيج

ومحتاااجه الكل ماله خلقج


ولاله شغل فيج

هذي الدنيا دنيا القوي

فلوسج حفظيهاا

ماتدرين عن الدنياا

باجرر يتزووج ويقطجج

شبتسوين حزتهاا!؟!

لاتخلينه يجمع فلووسه

اخذوو حقكم منه اهو الملزووم موانتي

وسالفه

يتحكم فيج داومذ التزمي المعاش اقوااا!!!


شنوو هذاا!؟

خير!؟

المره تصير ذكيه فطينه قويه

مو امممممعه يوجهها ع كيفه!!

لوكفووو قلنا يستاهل

لكن هذا موكفووو

لاتخلينه يتحكم

داومي سوي!!

شكووو!؟

انت بالاول احسن معاملتي

عيش صح

لمنا انا وعيالي حواليك ومتعنااا

ووقووم بواجباتنا

عقب تعال صير ريال!!

قطططيييييعه


المهم

صحتج اهم شي

دوري راحتج

قطيه ورا ظهرج

وفلوسج حفظيهاا

تسلحي للزمن

خلج مفتحه وفاهممه

لايحط كل شي فوق راسج

ويستنزفج

ماديااا

ونفسيااا

وجسديا


تالي يقطج!!!

تغدي فيه قبل يتعشاا فيج

>>>>>>>>>هههههه



الله يسخررره غصصبن عليه