رواية حالنا افضل ، بقلمي
- بادئ الموضوع قمر جنها
- تاريخ البدء
Ms.romanceya
New member
رووووووووووووووعة
ابدعتي خيتوووو :*
توقعاتي انه الي دق على حسن طبعا بلسم
و اب اب ا ب ااب ااب ::***
ابدعتي خيتوووو :*
توقعاتي انه الي دق على حسن طبعا بلسم
و اب اب ا ب ااب ااب ::***
Ms.romanceya
New member
الجزء الثاني عشر
حسن: لا اللي عرفتيه قبل ,, الحين انا خاطبها خلاص ....
(نظرت نور له بعتب فاستغرب): افا نوونه ,, شكلج مو مستانسة لي ,,
نور: لا بالعكس ,, مبرووك ....
حسن: الله يبارك فيج ,, اوكي بعد اذنج , شويه بس ....
نور: ليش , خلاص عرفت انا الحين , تقدر تكلمها اخذ راحتك ....
(ابتسم حسن و اجاب مكالمة بلسم): الوو , هلا والله ,, هلا بالزين كله ,, الحمدلله زين الحين ,, مدام سمعت صوتج ....
(في الواقع ,, اصرت نور ان يحدثها امامها لتدقق باسلوبه و هو يحدثها ,, رأت الحب بايماءاته و صوته و هو يحدثها ,, فشعرت الفرق ,, فحبه لبلسم يحكم ملامح وجهه تماما)....
(ابتسم ابتسامه ساحره): شرايج بلسم ؟! شمتوقعه !! عالعموم ,, غلط اللي سويته اليوم ,, انا اؤمن بمقولة
& امش سيده يحتار عدوك فيك &
(نور تنظر لحسن مبتسمه): حسن !! انت جبان ؟! ليش ؟؟
(ضحك و قال): والله النونه مجيكه , عشان جذي قلتي لي اتحجى هني ؟؟
(نور لا زالت تتذكره و هو يقبلها , قالت مختنقة بدموعها): لا والله , صج , يبين انك بتكلم بنيه , بس ما ادري خالتي خاطبة لك , بس انت بتصير ريلها , ليش تقول لك جبان؟ ....
حسن: تتدلع (مبتسما) , انا قايل حق امي ابيها , احبها نوونه...
(انزلت رأسه مبتسمة قليلا و قالت): على جذي (رفعت رأسها) هي حلوه؟؟
(نظر حسن بعيني نور و اجاب): تبين الصج ,, حلوه , لكن , (لا يزال ينظر بعينيها) انتي احلى , انتي ملكه نونه , يا ويلج اذا خذيتي واحد جيكر ....
(ابتسمت و دمعت عينها): مو مهم الجمال , حق الريال ...
حسن: عيل شنو المهم ؟؟
نور: مهم انه يحميني , مهم انه يشوفني حلوه , يشاركني بكل سواء احب هالشي اكرهه , يحبني مثل ما انا بالعيوب اللي فيني , و في المقابل (صارت تبادله نظراته) انا بعد , احبه بعيوبه (كانت تعنيه فدمعت عينها , وغطت وجهها بكفيها)....
حسن: نوونه !! بس خلاص عشاني , لا تسوين جذي , لا تشيلين هم شي , راح ايي لج الجيكر اللي فيه هالمواصفات , اكيد (رفع رأسها بيده) , بس حسافه عليج والله , اخذيه حلو و فيه هالاشياء , لكزس كاملة المواصفات ...
(ضحكت نور فقال): يا الله ,, يا ناس الرحمه ....
/////////////////////////////
(في منزل حياة , بعد عودة نور , جلس الجميع , فقالت سهيله): حيوت , حوريه !! اليوم عبدالله و حسن وينهم؟ ما اشوفهم ....
(حياة تقول في نفسها): اليوم استشهاد ابوه , عنده عزا (اجابت سهيله) , ما ادري بس قال [لا تحسبوني بالغدا] يمكن , عنده شغل اضطراري ...
(قالت حور لسهيله بدلع): خالتي سهيله , كافي انا بعد شتبين ؟ لو عبدالله هني يعصب اذا سولفنا , انا لا , شفتي , الحمدلله اني وياكم ....
جمانه: وااي حور , حدج ثقه ....
حور: بعد هذا الصج ....
حياة: نور يمه ...
(نور سارحه فدعتها بصوت عال بعض الشيء): نووور ...
(كانت نور تتذكر حسن حينما كان يناظرها بعينه و يقول لها[بس حسافه عليج والله , اخذيه حلو و فيه هالاشياء] , فاستيقظت من ذكرياتها): هلا , هلا يما .....
حياة: شفيج يمه ! ما قاعده تاكلين ؟؟
نور: بلا يما حياة , بس قاعده اكل تفاح , الحين بتغدى بس اخلص من تفاحتي ....
حياة: بالعافيه حبيبتي ....
نور: الله يعافيج يما ,, يما , وين عبدالله ؟
حياة: يمه شفيكم لا تخلوني اوسوس , قال لا تحسبوني غدا ...
حوريه: تعالي حيوت , مبروك على بدران ....
(ابتسمت حياة بفخر): الله يبارك فيج حوريه ....
سهيله: على شنو (قالت ساخره) فجت العقده و خطبتي له ....
(حوريه غاضبه): لا , ياب الماجستير , عبالج ماكو شي يباركون له غير الزواج ؟!
سهيله: عشتو , زين والله , و ليش ليلحين معلق فوق ما نزل نبارك له ....
حياة: سهيله , لا تسوين روحج غشيمه عنه , ما ينزل هو ...
جمانه: مبروك خالتي ....
(اجابتها حياة بابتسامه صفراء): الله يبارك فيج يمه ....
///////////////////
(في الواقع , كان عبدالله يرسم لوحه تمثل استشهاد والده و يتنهد , فسمع صوت فتاة تقول): ليش (تضايق لوجود احد على مقربه منه , فصوت الفتاة كان قريبا جدا , لكنه اعتقد تتحدث في الهاتف فلم يلتفت) رسوماتك في كل مره , فيها جمال يخطف القلب و تفاؤل و نجاح (التفت للفتاة , كانت ذات الفتاة التي تتابعه و هو يرسم لوحاته , ظل عبدالله ينظر اليها , كان وجه الفتاة قد اسره لدرجة انه لم يستطع انزال عينه) لكن هاللوحه العكس تماما , هذي , فيها وحشيه و الوان داكنه تعبر عن تشاؤم و هزيمه ....
(عبدالله لا يزال ينظر اليها): انتي منو ؟؟
الفتاة: انت ما تعرفني , حتى لو عرفتك بنفسي , انا بس (بربكه) اعشق فنك , و كنت اتابعك كل ما اشوفك ترسم , على اي حال اسفه على تطفلي , لكني فعلا قدرت التمس الجمال اللي بداخلك من رسوماتك , بس مو قادره استوعب رسمتك اليوم ,(نظرت اليه وجدته يقف مستقيما ناظرا في الارض) فقالت , اسفه مره ثانيه اخ امم ....
عبدالله: عبدالله ,, عبدالله عادل ال ....
(تفاجأت قائله): انا اعرف اسامي الشهداء ,, ابوك عادل ال.... , الشهيد , وله تشابه اسماء؟
عبدالله: ايي , ابوي الشهيد (صار عبدالله يعبر عن كل الالم الذي يعتصر قلبه كانه عاد طفلا), و استشهد جدامي , طلعت روحه جدامي , تميت فتره عقب استشهاده اتحلم بالموقف باللي شفته , و احس بكسر ابووي لما ذبحوه , محد حاس , اهلي , بيتنا ايي يوم استشهاده , عندهم استعداد يفرحون بهاليوم , انا ما اقدر ....
(دمعت عين الفتاة الا انها اجابته متماسكه): اخوي عبدالله , ترى استشهاده فخر , مو كسر , و لا تنسى , ان الشهداء احياء عند الله سبحانه و تعالى , صدقني عبدالله , الوالد انكسر لان الغزو مرت عليه سنين , و انت لحد الحين عايش فيه بسبب استشهاده , الوالد راح يحس بالفخر بانجازاتك حق نفسك و للبلد و يكون فرحاان فيها , يعني اكيد انه يفخر انك موهوب , يفخر بوظيفتك (سألته) انت مدرس فنيه؟؟
عبدالله: لا , وظيفتي مالها علاقه نهائيا بالفن , انا لوا بالجيش الكويتي ....
الفتاة: ايي , جذيه ابوك يفتخر ما ينكسر صدقني ,(انزلت رأسها , محرجه من نظرات عبدالله لها فداعب شعرها الكستنائي وجهها) , يالله اخوي استأذنك و ولأحساسي انك انزعجت اني اتابعك و انت ترسم , اوعدك ما ازعجك مره ثانيه (انسحبت من امامه و استدارت , صارت تخطو لترحل و عبدالله ينظر اليها , التحق بها و دعاها).....
عبدالله: اختي , ما عرفت اسمج ؟؟؟
الفتاة: فاطمه , اسمي فاطمه ....
عبدالله: عاشت الاسامي , اخت فاطمه , انا ابي منج , ان يكون لقاءج فيني و اني ارسم شي ما صار , حاولي تنسينه , انا اهلي ما يدرون اني ارسم ....
فاطمه: لكن , انا كنت اسولف حق صديقتي عنك ....
///////////////////
(في الواقع , كان عبدالله يرسم لوحه تمثل استشهاد والده و يتنهد , فسمع صوت فتاة تقول): ليش (تضايق لوجود احد على مقربه منه , فصوت الفتاة كان قريبا جدا , لكنه اعتقد تتحدث في الهاتف فلم يلتفت) رسوماتك في كل مره , فيها جمال يخطف القلب و تفاؤل و نجاح (التفت للفتاة , كانت ذات الفتاة التي تتابعه و هو يرسم لوحاته , ظل عبدالله ينظر اليها , كان وجه الفتاة قد اسره لدرجة انه لم يستطع انزال عينه) لكن هاللوحه العكس تماما , هذي , فيها وحشيه و الوان داكنه تعبر عن تشاؤم و هزيمه ....
(عبدالله لا يزال ينظر اليها): انتي منو ؟؟
الفتاة: انت ما تعرفني , حتى لو عرفتك بنفسي , انا بس (بربكه) اعشق فنك , و كنت اتابعك كل ما اشوفك ترسم , على اي حال اسفه على تطفلي , لكني فعلا قدرت التمس الجمال اللي بداخلك من رسوماتك , بس مو قادره استوعب رسمتك اليوم ,(نظرت اليه وجدته يقف مستقيما ناظرا في الارض) فقالت , اسفه مره ثانيه اخ امم ....
عبدالله: عبدالله ,, عبدالله عادل ال ....
(تفاجأت قائله): انا اعرف اسامي الشهداء ,, ابوك عادل ال.... , الشهيد , وله تشابه اسماء؟
عبدالله: ايي , ابوي الشهيد (صار عبدالله يعبر عن كل الالم الذي يعتصر قلبه كانه عاد طفلا), و استشهد جدامي , طلعت روحه جدامي , تميت فتره عقب استشهاده اتحلم بالموقف باللي شفته , و احس بكسر ابووي لما ذبحوه , محد حاس , اهلي , بيتنا ايي يوم استشهاده , عندهم استعداد يفرحون بهاليوم , انا ما اقدر ....
(دمعت عين الفتاة الا انها اجابته متماسكه): اخوي عبدالله , ترى استشهاده فخر , مو كسر , و لا تنسى , ان الشهداء احياء عند الله سبحانه و تعالى , صدقني عبدالله , الوالد انكسر لان الغزو مرت عليه سنين , و انت لحد الحين عايش فيه بسبب استشهاده , الوالد راح يحس بالفخر بانجازاتك حق نفسك و للبلد و يكون فرحاان فيها , يعني اكيد انه يفخر انك موهوب , يفخر بوظيفتك (سألته) انت مدرس فنيه؟؟
عبدالله: لا , وظيفتي مالها علاقه نهائيا بالفن , انا لوا بالجيش الكويتي ....
الفتاة: ايي , جذيه ابوك يفتخر ما ينكسر صدقني ,(انزلت رأسها , محرجه من نظرات عبدالله لها فداعب شعرها الكستنائي وجهها) , يالله اخوي استأذنك و ولأحساسي انك انزعجت اني اتابعك و انت ترسم , اوعدك ما ازعجك مره ثانيه (انسحبت من امامه و استدارت , صارت تخطو لترحل و عبدالله ينظر اليها , التحق بها و دعاها).....
عبدالله: اختي , ما عرفت اسمج ؟؟؟
الفتاة: فاطمه , اسمي فاطمه ....
عبدالله: عاشت الاسامي , اخت فاطمه , انا ابي منج , ان يكون لقاءج فيني و اني ارسم شي ما صار , حاولي تنسينه , انا اهلي ما يدرون اني ارسم ....
فاطمه: لكن , انا كنت اسولف حق صديقتي عنك ....
يتبع......
Ms.romanceya
New member
