للي بسبعينات وتبي الستينات والفال للخمسينات * للجادات فقط * ( مدة الموضوع 3 اشهر )

[Blonde B]

طيب اذا يابته لج حطيلياه اوكي

عشان اطبقه ويااج

وباجر بروح الجمعيه بشتري خل التفاح و شاي اخضر

تعرفين شنو احسن نوع ؟

 

[Blonde B]

شوفي هالرجيم

المهم اعجبني هالريجيم ونويت اسويه
وهو معروف بريجيم الانانااااس والكيوي
طبعا اللي جربته وكتبته في منتدى ثاني تقول وتحلف انها نحفت 12 كيلو
مدته هو 8 ايام فقط !!!
طبعا وناااااااسه
بكتب لكم الريجيم واكيد الاجسام تختلف من شخص لشخص
بس لو انحف نص اللي نحفته هي يعني 6 كيلوو ب 8 ايام نعمه كبيره
و12 ياااااااااااااااااااااااااي اكبر نعمه بودع معها كلمة الريجيم
اللي احسه مكتوب على جبهتي من انولدت << الحمدلله ع العافيه
............................
المهم طولت عليكم <<< كتبت قصة حياتها خخخخ
...........
الريجيم يعتمد على عصير الاناناس والكيوي في حرق الدهون
وطريقة العصير كالتالي :
كاس عصير اناناس بدون سكر او مواد حافظه( اللي اعرفه سيزر وندى ويقولون فيه انواع كثيره المهم بدون سكرررر)
حبتين كيوي مقشره ومقطعة
عصير ليمونه (وممكن يحذف )
وبالخلاط لحد مايختلطو مع بعض
(( العصير يؤخذ بدل وجبة العشاء في كل الايااااام ))
والنظام للفطور والغداء كالتاااالي :
اليوم الاول والثاني :الفطور : نص تفاحه + قهوة او نسكافيه او لاتيه بدون حليب او سكر (وممكن سكر ريجيم )
الغداء :تفاحتين
العشاء >> مثل ماقلنا بالاول عصير الاناااناس والكيوي
اليوم الثالث والرابع :
الفطور: نص علبة زبادي +قهوة او نسكافيه او لاتيه بدون حليب او سكر (وممكن سكر ريجيم )
الغداء : علبة ونص زبادي
العشاء >> مثل ماقلنا بالاول عصير الاناااناس والكيوي
اليوم الخامس والسادس :
الفطور : قهوة او نسكافيه او لاتيه بدون حليب او سكر (وممكن سكر ريجيم )
الغداء : خس بأي كمية
العشاء >> مثل ماقلنا بالاول عصير الاناااناس والكيوي
اليوم السابع والثامن:
الفطور :قهوة او نسكافيه او لاتيه بدون حليب او سكر (وممكن سكر ريجيم )
الغداء : 2 صدر دجاج او نفس الكمية لحم (مسلوق او مشوي بدون جلد او زيت)
العشاء >> مثل ماقلنا بالاول عصير الاناااناس والكيوي
.............................. ........
هذا هو الريجيم اللي اتبعته الاخت في المنتدى اللي نقلت منه
وزنها كان 65 (يعني مو كثير) ونقصت ل 53
اكيد كثير بيقولون قاسي ويرجع بسرعه ومو صحي وصعب
بسسسسس
((وش اللي حدك على المرررررر (طبعا) اللي امررر منه ))وماااانبي اعمارنا كلها تروح من ريجيم لريجيم
انا ناوية اجربه هاليومين ان شاء الله
واللي عندها قوة وعزيمه وتحب التجارب تجربه

بس امبيييه حيييل صعب ما اقدر اطبقه لو امووت

بس راح اسوي العصير وطريقته

خلطة عصير الاناناس قوطي بدون سكر مع 2 كيوي وبالخلاط مع شويه ماي بارد

وفي رجيم حلو وياه اذا بتسوينه ضعيفوونه بسويه وياااج

ومشالله البنات إلي اتبعو هذا النظام وايد انحفو
تقريبا بالاسبوعين من 7-9 كيلو

الفطور :عصير اناناس مع 2 كيوي وبالخلاط

الغداء : همبورجر مشوي أو صدر دجاجه أو سمك
مشوي أو بيض مسلوق أو خضار سوتيه مع خلطة العصير
العشاء :حبة فاكهه أو سلطه مع روب +عصير اناناس والكيوي
ويفضل ممارسة المشي ولو لمدة نص ساعه يوميا
أو اي جهاز يكون متوفرلج في البيت

يمكن اسوي هذا بس اعدل عليه شوي

 

[ضعيفه وعصله]

ونصيحة اشتري ماء الزعتر عجييييييييب ينزل صج و يمشي البطن اسمه ماء الزعتر العطري مصنوع بتركيا


المهم

هذا رجيم اختي

وبطبقة ان شاءالله من باجر

الريوق : قفشتين وسط نسكافيه + 3 ملاعق حليب + سكر
واجباري نص لتر ماء

بين الغدا والريوق تقدرين تشربين ماي طبعا و تشربين نسكافيه بعد

الغدا = 2 توست اسمر مع 1 مرتدلا + 1 جبن أو ( 2 مرتدلا ) او ( 2 جبن )
مع خس وخيار وطماط وجرجير مع دايت كولا او بيبسي او سفن او جاي وحليب

بين الغدا والعشا ضروري الماي + النسكافيه او الجاي والحليب

العشا = شوربه << كوب بس أو 1 بيض مسلوق مع سلطه + دايت كولا او بيبسي او سفن او جاي حليب

و نزلت 3 كيلوات عليه ما شاءالله



اما عن عشاي اليوم :
2 توست اسمر + طماط + جبن لايت + جاي حليب
والحمدلله

وتوني حطيت ربع قلاص ماي الزعتر مع 3 ارباع الاقلاص ماي عادي وشربته

 

[ضعيفه وعصله]

جست جوي الرجيمات اللي حاطتها وايد صعبه انا جذي اروح اهجم على الاكل

اما رجيمات طالب الشمري يخلي هذا روتينج اليومي
يعني عقب اسبوع جذي
انتي تفكرين تقولين والله حلاته اللحين غداي مثلا همبرجر مشوي مع سلطه
عرفتي يعودج ويخلي كمية اكلج شوي وقليلة ويثبت الوزن

 

[ضعيفه وعصله]

انا راح اطبق رجيمها من السبت ان شاءالله
لان باجر زواره وبيكون شوي فري

 

[Blonde B]

خلاص رجيم اختج احسن =)

الريوق : قفشتين وسط نسكافيه + 3 ملاعق حليب + سكر
واجباري نص لتر ماء

بين الغدا والريوق تقدرين تشربين ماي طبعا و تشربين نسكافيه بعد

الغدا = 2 توست اسمر مع 1 مرتدلا + 1 جبن أو ( 2 مرتدلا ) او ( 2 جبن )
مع خس وخيار وطماط وجرجير مع دايت كولا او بيبسي او سفن او جاي وحليب

بين الغدا والعشا ضروري الماي + النسكافيه او الجاي والحليب

العشا = شوربه << كوب بس أو 1 بيض مسلوق مع سلطه + دايت كولا او بيبسي او سفن او جاي حليب

و نزلت 3 كيلوات عليه ما شاءالله

بس بغير فيه الريوق بخليه علي كافيه 40 سعره

الغدا 2 توست اسمر مع 1 مرتدلا + 1 جبن + دايت كوك يعني 200 سعره

او سلطة سيزر مع قطع الدجاج ودايت كوك يعني تقريبا 200 لوحطيت فيها ليمون وصوص

العشا شوربه كنور كريمة الدجاج يعني 50 سعره

وبشرب مااي بين الوجبات

جذيه اكون اكلت 290 سعره ونقصت 1300 سعره غير اللي احرقهم

وهم باكل خل التفاح و بسوي العصير العجيب اللي كيوي واناناس وبشربه بعد العشا بساعتين

عشان ما ايووع

جذيه حلو بجربه جمعه سبت احد اثنين ثلاثا يعني خمسه ايام واشوف يوم الاربعا كم بنقص

اذا نقت 3 لج الحلالالاوه وراح اكمل فيه =)

 

[ضعيفه وعصله]

حياااتي والله ان شاءالله تنزلين اكثر بعد

يلا انا ان شاءالله بس يتغير وزني وحياتي

اقوول تغيرت حياتي بفضل الله واللي ساعدوني
واللي مشت معاي خطوة بخطوة اللي اهي جست جوي

 

[Blonde B]

انا اليوم زواره ارح عند بيت يدتي

فعشان جذيه باخذه فري نصه ^^"

تغديت عيش ودياي ومرق بس ما كثرت

وشربت مااي

عاد الهشا بكون خفييييف او بدووون

وباجر نبدي انا وضعيفوونه الرجيمم

=)

 

[ضعيفه وعصله]

هلا حبيبتي

حتى انا اليوم زواره
فـ راح يكون فري

وانا اساسا كل يوم يمعه فري

و موووفقه ياااارب

و احنا حاليا طالبين من مغل محل لوووووول
بس الحمدلله نازل وزني شفته
زين بـ النسبه حق يومين

 

[ضعيفه وعصله]

اي صح جست جوي ضميري مأنبني شوي
فـ قلت بس اتغدا بشرب ماي الزعتر العطري

و بريح نص ساعه

بعدين بمشي ساعه كامله فـ أصير جني ما كله نص الاكل اللي كليته

يلا ارد ورا الغدا ان شاءالله واقول رايي فيه

 

[Blonde B]

انا ان شاء الله اذا رحت الجمعيه

شريت خل التفاح

ماي الزعتر

توست اسمر

مرتديلا

جبن لايت

عصير اناناس

شوربة كريما الدجاج من كنور

بس هذا اللي ناقصني

=)

 

[Blonde B]

عندي فكره ليش ما نعطي اللي تنقص اكثر شي بالاسبوع وسام

واللي تنقص اقل شي او تزيد عقاب

مثلا امشي ساعه او سوي تمارين 30 دقيقه ؟

 

[ضعيفه وعصله]

جست جوي ان شاءالله

وعلى طاري العقاب و الوسام

تبين اسوي وسام

بس وين ماكو غيري وغيرج اللي من صجنا

فـ المهم لو انتي نقصتي اقل مني او انا نقصت اقل منج

عاقبيني

و انا اسوي وسام و نجمع اوسمه تكون صغيره نحطها بتواقيعنا


وانا حاليا بقوم اسوي رياضة مشي مدة ساعه

لاني كليت برياني مغل محل .. وتحسسسسسسسسسسسسسسفت
حسيت ان مو هذا اكلي :s

يلا رجيم ورجيم والله كريم

 

[ضعيفه وعصله]

اي صح اليوم راح نتيمع في بيتنا يعني اخاف اخربط بس بصير قويه وما اشرب الا جاي

 

[Blonde B]

اوكي يا قويه

لا تخربطين

اوكي مو لازم نيمع بنات احنا بروحنا راح نقدر نقلل من وزنااا بروحنا

انا بشجعج وانتي شجعيني

شوفي شرايج نصور وجباتنا يعني كل ما اكلتي شي

صوريه وحطيه عشان نتشجع ونحس اننا من صجنا بهالشي

=)

رقصت مده 30 دقيقه

وبروح امشي مده ساعه بعد شوي

=)

 

[ضعيفه وعصله]

انا توني مخلصة مشي

والا صوت الجرس يتنا خالتي

بروح اتسبح وانزل عندهم

و خلاص ولا يهمج من باجر بصور وجباتي وشنو شربت بين الوجبات


وطريق الألف ميل تبدا بخطوة

وطلعتلي مناسبة بشهر 4

و ودي اكون انساانه يدييييييييييييييييده والناس يتعرفون علي و يقولون منو هذي اول مره نشووفها

 

[ضعيفه وعصله]

يـلا اخليج اللحين و اشوفج بليل واقول شسويت

 

[واثقة بجمالها]

ضعيفه وجست جوي شلونكم بنااات
ممكن انضم معاكم ويا ليت التزم
وبالنسبه لريجيم طالب نزلت عليه خمس كيلوات وبرمضاان هديت الريجيم وزدت خمسه
كنت 65 وصرت 70 وابي انزلهم قبل العيد
ممكن اكون صديقتكم؟؟
ونتشجع

 

[Blonde B]

هلآ وآآثقه

اكييييد حبيبتي حياااج الله

لان الكل قال يالله احنا معاكم

بس ما يلتزموووت ابد

يا ليت تلتزمين معانا وان شاء الله ننزل كلنا

شوفي سوي الرجيم اللي يعجبج

والميزان كل يوم اربعا اول ما تقعدين من النوم

روحي الحمام بعدين قيسي وزنج

واذا تقدرين تصورين اللي تاكلينه افضل =)

طيب ان شاء الله قبل 2010 كلنا نضعف

Go Go Go

 

[Blonde B]

انا توني مخلصة مشي

والا صوت الجرس يتنا خالتي

بروح اتسبح وانزل عندهم

و خلاص ولا يهمج من باجر بصور وجباتي وشنو شربت بين الوجبات


وطريق الألف ميل تبدا بخطوة

وطلعتلي مناسبة بشهر 4

و ودي اكون انساانه يدييييييييييييييييده والناس يتعرفون علي و يقولون منو هذي اول مره نشووفها

ان شاء الله قبل 2010 نكوون واصلين ال 60

قولي اميييين

=)