للي بسبعينات وتبي الستينات والفال للخمسينات * للجادات فقط * ( مدة الموضوع 3 اشهر )

[Blonde B]

تغديت شوي عيش ملبوج وديااي

لاني ما اقدر اهضم عدل

عاد العصر برووح الممشى

بمشي ساعتين

وبحاول اخلي العشا خفيييف

=)

 

[واثقة بجمالها]

مسا الخيير
ولكم باك بنااات بصرراحه فقدتكم حيييل
انا قست وزني اليووم ولا الصدمه الفاجعه الكبييرة ولا نااازله ولا كيييلو
فخربتها واكلت زنجر سوبريم سبايسي من كنتاكي
ومن باجر ان شاء الله
ببدأ بريجيم ثااني وبكتبه لكم ينزل 4 اذا التزمتي عدل مدل فييه
الريوق (ثابت) 2 قطعتين اناناس طازج + 3 تمرات + حليب قليل او خالي الدسم
الغداا مشااوي أي نووع + سلطه ( من غير طماط وجزر لأن يخزن مااي بالجسم) مع خل او ليمون ( الملح يخززن المااي)

العشا (ثابت) روب+ خيار
بين الوجباات مااي بكثرة وشااي او قهوة أي نووع والحليب ممنوع هالاسبووع

انا من بااجر بسوويه واللي تبي تسويه معااي حياااها ما بقى شي ع العيد ابي افتك من السبعيناات
الحين 71 بعد اسبووع ان شاءالله 67
يارب يارب قووي ارادتي ونززل وزني و وصلني والبناات للوزن اللي نبيه

 

[Blonde B]

ببدأ بريجيم ثااني وبكتبه لكم ينزل 4 اذا التزمتي عدل مدل فييه
الريوق (ثابت) 2 قطعتين اناناس طازج + 3 تمرات + حليب قليل او خالي الدسم
الغداا مشااوي أي نووع + سلطه ( من غير طماط وجزر لأن يخزن مااي بالجسم) مع خل او ليمون ( الملح يخززن المااي)

العشا (ثابت) روب+ خيار

هلآ هلآ

اي والله وانتي صاجه

انا ببدا معاج بس انا عادتا ما اتريق فبخلي الريووق

يعني لو تريقت حليب خالي الدسم بس

والغدا بخليه بس سلطة سيزر مع الجكن او شوربه كنور مع خس

والعشا مثل ما انتي كاتبه خيار وروب

وبشتغل رياااضه

بجربه مده اسبوع من باجر من السبت لي السبت اللي وراه ويا رب انزل 4 كيلوووو

 

[ضعيفه وعصله]

هلا حبيباتي
شلووونكم

انا بخلي رجيمي من باجر
بدون خبز ونفس اكلي كل مره والغدا يكون روب

 

[واثقة بجمالها]

هلا فيك ايمو ويلا انا معاج من باجر نبدأ وان شاء الله ننزل هالاربع كيلوااات

 

[الـكـايـدهـ]

مادري صباحالخير اقول ولا مساء الخييير ..

انه ساعه8 العشا قعدت ههههههههههههههه نوم حده خربووطي ..

الا شربت جاي حليب ويا بقصم لذيف اربع حبات احس شبعت .. بعدين قعدنه شربنه جاي اخضر ويا نعنان زنجبيل
بعدين على ساعه12 تشينه جباتي مسوين في البيت بس طحين اسمر لذيذ كليت ثلاث حباتي ويا جبن خالي دسم ..

بعدين مشيت ثلث ساعه اليووم بعدها على طووول صعدت الدرج ثلاث ادوار صعدت ونزلت وبس .. لانه جسمي انشد من زمانمامشيت وتعبت

 

[ضعيفه وعصله]

هلا بنات اليوم صدددددمه وقفت على الميزان الا زايده لان صج خربطت امس وقبل امس
وااااااااااي لا لا شجعوووني بليييييييز
انا حاليا رديت حق وضعي الطبيعي الرجيم و هالسوالف
بس ابي تشجيع
و بدله العيد يبيلها اضعف كيلوين على الاقل
بلييييييييييز شجعوني

 

[Blonde B]

ضعيفووونه سوي وياينا انا وااثقه

راح نشجع بعض

انا اول ما قعدت الساعه 10 ما اكلت شي

ورحت الممشيى وانا امشي ساعه

وبعدين شربت عصير اناناس

وقلت لامي اشتري لي حليب خالي الدسم ^^

عاد الغدا بشرب شوربة كنور + سلطه ^^

 

[ضعيفه وعصله]

هلا ايمو خلاص معاكم ان شاءالله

ورجيم رجيم والله كريم

بما اني من اللحين بلشت خو ما يصير اعوض غداي فـ ببدي من العشا
اليوم ريوقي نسكفيه وما اقدر اغيره
والغدا تغديت اقل من ربع صدر متحطمة نفسيا ما ادري ليش
و 4 قفشات سلطه بسسسسسسسس

و خلاص راح يكون رجيمي مثلكم بس الريوق نسكفيه

الافطار : نسكفيه + لتر ونص ماء
الغدا : سلطه سيزر مع جكن
العشا : روب اكتيفيا + خياره

 

[Blonde B]

خلآلآص عيل

انا وواثقه وضعيفووونه

دااشين بقوه ^^

تغديت شوربه كنور + خسه واحده فقط وماي

=)

ان شاء الله هالاسباااع كلنا نازلين 4 كيلو ع الاقل

 

[Blonde B]

العصر رحنا السوق

مشيت ساعه بعد

يعني اليوم مشيت ساعتين

شربت ع المغرب جاي اخضر واختي كانت مسويه

بسبوسه خذيت منها قطعتين ^^"

شريت حليب خالي الدسم

وشريت روب اكتيفيا

^_^

 

[ضعيفه وعصله]

هلا ايمو حبيبتي

حياتي مووووفقه يارب .. يلا بنسامحج على البسبوسه
زين انا ما تغديت اليوم غداي 4 قفشات سلطه و يمكن لقمتين من الدياي
اتعشا والا لا ؟

 

[ضعيفه وعصله]

بنات راح نغير موعد الميزان ما راح يكون الاربعا
بنخليه الخميس عشان نكون بادين بالرجيم شهر بالضبط ونحط وزنا بهالشهر وبعده

 

[واثقة بجمالها]

قووة يا حلوووين
ما قدرت اشبك اليوم كان عندي امتحاان ودرااسه
الريوق 3 تمرات وحليب قليل الدسم ماكان عندي اناناس وشريت قبل شوي من مركز سلطان
والغدا الفيليه اللي قالت عنه ضعيفونه سويته نفس الطريقه وطلع يمي يمي + سلطه خضرا
والعشا الحيين قااعده اكل خياار وروب
وريجيم ريجيم والله كريم ويلا اتشجعوا ما بقى شئ ع العيييد

 

[واثقة بجمالها]

صبااح الهمة واريجييم
انا تريقت حليب قليل الدسم+ 3 تمرات+ شريحه أناناس
والسااعه 9 شربت قهووة فرنسية + لتر مااي
والحيين بشرب اللتر الثااني..
وريجيم ريجيم والله كرريم ..

 

[العـذوب]

يصير انضم لكم


عندي نفس المعضلة ويا الوزن الل موب راضي ينزل



اووووووووف انذبحت منه

 

[ضعيفه وعصله]

العذوب حياج


واثقه هلا وغلا عاافيه يارب

انا عن نفسي ريوقي كان نص قطعه كاكاو + نسكفيه
و غداي اللحين ان شاءالله جكن فليه قطعه وحده + سلطة + بيبسي دايت

 

[واثقة بجمالها]

صباح الورد
غداي كان ربيان مشوي +دايت بيبسي والعشا روب وخياار
وتريقت اليوم قطعة اناناس + حليب قليل الدسم+3 تمرات
والحبن بشرب لتر مااي
وريجيم ريجيم والله كررريم

 

[Blonde B]

هلآ بناات

اوكي ضعيفون بكون الخميس افضل بعد

واثقه عفيه علييج كملي

انا قبل امس العشا بس روب اكتيفيا

امس الريووق حليب خالي الدسم

الغدا 3 شيش طاوق وسلطه وعصير اناناس

العصر سفن دايت وبطاط ليز ملح بس فيه 60 سعره ^^"

الموهيم عاقبت نفسي وما تعشييت ^^"

اليوم يوم شفت وزني والا نازله كيلو بس بهاليومين

فاليوم بكمل هالرجيم صح وباجر واللي عقبه ^_^

حيييييل استاانست

يمكن اتريق كورن فليكس وحليب خالي الدسم ^^

 

[Blonde B]

مالقيت الا كورن فليكس كاكاو
ما كليته شربت لي حليب خالي الدسم ورع خبزه سمره وجبن
الغدا بكون نقانق صغيره مشويه و شوربة كنور وخردل ^^
الحين قاعده اشرب مااي
انا مستانسه اليوم لان اووف فمرتااحه
^_^