ماذا بعد الرجيم ؟؟ 2012 ( خلاصة تجربتي والفايدة للكل )

[Pissy Missy]

الله يقوم امج بالسلامه ويشافيها ويطمن قلبكم عليها



تسجيل حضووووور

 

[قطوووة]

اشكر متابعتكم


سؤال للكل :


شنو اكثر شي يخلي المرا تمتن ؟؟؟؟؟؟؟؟

شي ينوكل ..........




شنو تتوقعون ؟؟

 

[قطوووة]

من السناكات اللي احبها .......

حب الرفاعي .. مكس لايت

بما اني مسوية دايت

مشترواتي من دايت كير .. مركز سلطان فرع سوق شرق

تم تصغير الصورة. إضغط هنا لمشاهدة الصورة بحجمها الطبيعي 800x598.

ريوقي اليوم

غدا متاخر

صورة جماعية للاغراض

 

[diamonda]

الله يعطيج العافيه قطوه ويشفي امج ويفرحها فيج ياااارب
صراحه موضوعج وااااااايد حلو وفايدني وايد
وخصوصا لما قلتي ان وزنج بثالث شي بدا يتغير وما ينزل باول شهر
لان انا اعاااااااااااني من هالشي وانحبط وما اكمل من جذي!!
بس بكلامج عطيتيني دافع
المشكله ان عندي معلومات غذائيه صح.. واقرى وااااايد واتابع مثلا دكتور اوز وشنو يقول واحيانا اكتب معاه
وادري شنو الصحي وشنو اللي لا
بس المشكله اللي اعاني منها ابدي بشنو!! واشلون اسويلي نظام!
لاني ملوله وما احب الرجيمات كلش
كان عندي نظام غذائي وايد حلو من اخصائية تغذيه .. ومو من انواع الحرمان وهالرجيمات الفاشله.. لان كل شي فيه
بس المشكله ان يبيله مجابل كل وجبه اسويها واطبخها ساعات وما يكون عندي وقت
واغراض هالنظام وايد لما اشتريها
والشي الثاني نومتي مو راضي تتعدل وحتى لو اعدلها ترد تخرب.. فا اللي يصير شنو؟
اقعد متأخر.. اطوف وجبة الريوق.. لما اقوم متأخر ما اشتهي اكل الا بعد ساعتين او 3 ساعات
وبجذب اكون خربت نظامي وقاعده امتن !
شفتي !!
نصحيني شنو اسوي من a-to z بليييييييييييييز
وتنصحيني بمراكز التغذيه!! واي وحده!!
وانا مقتنعه طبعا ان لازم حركه ورياضه وانا كنت مشتركه بنادي بس ما استفدت مع ان كنت اذبح نفسي ساعتين هناك ومن غير فايده .. الحين خلص اشتراكي صارلي شهر وما جددته!
سوري اذا طولت عليج بس بجد محتاجه مساعده لان احس وايد ضايعه ومتشتته ومو قادره اجمع معلوماتي واستفيد منها

 

[قطوووة]

هلا وغلا دايموند

شوفي حبيبتي انا مريت بالمرحلة اللي مريتي فيها واشتركت بنادي بس اكلي كان بطيخ كنت اقص ع نفسي
اخربط واروح نادي ساعه على غير فايدة :bbbiu:

الحل .. انج تحاولين قدر الامكان تضبطين اوقات اكلج ..

ان قدرتي تخلين وجباتج 5 وجبات صغيرة باليوم بدل 3 ( ريوق غدا عشا ) احسن

عشان ماتحسين بالجوع اولا

ثانيا عشان يحرق الجسم

الجسم الجوعان والمحروم بنات ماااااا يحررررق ماااااا يحررق


هذي سبحان الله مثل خط دفاع للجسم .. الجسم ذكي ماتقدرين تخدعينه ..

ان حرمتيه .. احتفظ بالدهون فيه اكثر وتمسك فيها .. لانه ان جاع وما لقى شي يبدا بعد وقت طويل من الحرمان انه ياكل من هالدهن في مرحلة ما .. وبعدين ياكل العضل في مراحل متقدمة ( مثل عارضات الازياء شلون حرمانهم )


الحل .. اول ماتقعدين ريوق خفيف عشان نشغل مكينه الجسم وانه يتطمن ان في اكل وتغذى ..

الغدا ان قدرتي امشي على نظام اخصائيتج .. او مثلي حاليا اخذي وجبات جاهزه

او اشياء جدا بسيطة في بدائل وايد .. شوربات .. او حتى من غدا بيتكم .. لاتكثرين مثلا عيش اكثر من 5 قفاش وكثري سلطة ( بدون زيت او تتبيلة قدر الامكان )


العشا .. انا اعتمدت على سب وي فترة طويلة ..

مع الوقت ومع الرجيم صرت مااشتهي اتعشى ..
في اجسام لما تمارس الرياضة ماتحس بالجوع تالي هذا انا
كنت ارد من الممشى وماااا اكل شهيتي تنسد سبحان الله

واحيان كنت اكتفي بعصير برتقال فرش بس .. وبدون سكر






اول الايام .. كنت اعاني من جوع .. كنت شسوي

مثلا اذا الريوق توستتين .. اقصها بالنص واكل نص .. وبعد نص ساعه جذي اكملها


يعني اكل بالاقساط


نفس الشي الغدا .. كنت مااكمله .. واخش نصه بعد ساعه ولا ساعتين اكل


ونصيحة .. جربوا تشربون قلاص ماي .. فاتر قبل اي وجبة بنص ساعه

شي عجيب .

 

[صمت اللـ ي ـالي]

مشششكوورة

ويعطييج الف عاافيه

 

[diamonda]

فديتج قطوه بعد عمري ما قصرتي
ان شالله بحاول اسوي نفسج والتزم ادعيلي
وان شالله توصلين للوزن المثالي soon
ما قلتيلي قلبي شنو احسن شركة تغذيه جربتيها من ناحية الاكل ونزول الوزن!!
دشيت مواضيعج وشيشتيني ^_^
ولا مره جربت شركة تغذيه اشرايج انتي؟؟

 

[فطوم الكويتيه]

تسلمييييييين حبيبتي


يالتوفيييق

 

[قطوووة]

حياكم بنات

دايمون
من ناحية الطباخ والطعم
عندج كالوري كنترول وفرش دايت ودايت كير هذول التوب بالنسبة لي اكلهم لذيذ

وجربت هيلث كمبني الاكل ماعجبني حيل بس كنت انزل معاهم للامانة .

انتي جربي مثلي اخذي مثلا وجبات من مركز سلطان وترى راح توفرين مبلغ كبير ..

اشتراك الشركات بحدود 200 دينار
يعني مايقارب 5 الى 7 دنانير لليوم الواحد لكامل الوجبات


انا اروح اشتري وجبات غدا ( لان الغدا اهم وجبة باليوم انج تحرصين عالكالوري )
اشتري 4 او 6 وجبات على حسب الصلاحية ..

يطلع علي حسابي من 6 الى 10 دنانير تكفيني 4 أيام

الريوق سهل عندج وايد خيارات
توست اسمر وجبن لايت
نص خبز اسمر وحمص
كورن فلكس مع حليب خالي دسم
لاتيه تروبيكانا

والعشا ايضا خفايف


حسبيها وشوفي ..

 

[abaliabal]

ماشالله عليج
الله يعطيج العافيه ويرزقنا و اهلج واهلنا بالصحة والعافيه
الحين انا صارلي من بعد اول حمال وانا اخربط بين الوزن المثالي والتسعين

مت وانا افكر شلون ارد رشيقة وجربت الدايتات مالوت النت
والوبات وحتي دشتي

لكن دايما بعد خامس يوم او بعد اسبوعين انهار كلياً

العذر ... دوامي اكرهه ريلي .... بيتي ..... عيالي ... اليمعات والزوارات

حتي وصل الوزن المرعب 92 وليما قبل ثلالثة ايام

اكتشفت الصفه المرعبه الي فيني .... اكتشفت اني مو قاعده اشوف نفسي متينه وبالعكس اقدر البس وانه ليلحين مقاساتي بال12 وال10

حتي صورني ولد اختي ضحك بالكاميرا والي معروف انها تزيد 5 كيلو بعد شكلا

انصعقت@@
اكتشفت اني بطة
واخوي صورني بالتلفون وحان بدبي وتفاجأت بالمنظر المرعب

اثاريني كره مدورة وانا مو منتبهه

وبعد كلامج الحلو وشلون انج شرحتي بكل بساطه وعالبطاطا كل المفاهيم الخاطئة الي نسويها واحنا ماندري

شكرا لج والله يطول بعمرج ويهديكم لبعض ويصلح حالنا جميعاً

اشكرج من صماصيم قلبي

ابالي ابال (( للاسف هذا اسم الدلع وانا ياهل))

 

[فنار الكويت]

باجر اخر يوم اشتراكي مع هلث كومبني وبصراااااحه حاسه اني بضيييييييع وماراح اضبط نفسب وما قدر اسيطر على االرجيم بس بحاااااول واشوف وانشالله خير
سؤال قطوه لما تشتركين وجبات دايت كير طبعا مكتوب جم كالوري
طيب اذا الريوق من البيت شلون تعرفين جم كالوري. والفاكهة والروب او حليب الخالي الدسم شلون تعرفين الكالوري ياريت تساعديني انا بالنسبه لي اهم وجبتين الريوق والغدا والريوق بجرب نص خبزه الشعير من المخبز مع كفشة جبن خالي الدسم وهم ماعرفت جم كالوري
والغدا من دايت كير والسلطات مو مهم بس الحلو شنو اخذ مع اني مدمنة حلو وكاكاو فكرت اشتري كاكاو السنيكرس والمارس والباونتي الميني وكل يوم اكل وحده بس هم مو عارفه جم كالوري والله صحيح شركات التغذيه رااااااحه اكلج جاهز وبس تسخنين
اذيتج معاي قطوه وياريت تساعديني وبالذات صارلي يومين مخربطه الشهيه مفتوحه​

 

[قطوووة]

ابالي اباااااال

ذكرتيني بنفسي يوم وصل وزني 69 ( اعلى وزن وصلت له )

فعلا ترى كنت بحالة انكار ومااشوف نفسي متينة .. لاني كله البس شي يغطي عيوب جسمي

لين شفت لي صور ههههههههههههههههههه

مشكلتنا مانشوف نظره واقعيه الا لما يطيح الفاااااس بالرااااااس ونقرب من مرحلة الخطر

وحياج الله وان شاء الله انتي قدها ..

 

[قطوووة]

باجر اخر يوم اشتراكي مع هلث كومبني وبصراااااحه حاسه اني بضيييييييع وماراح اضبط نفسب وما قدر اسيطر على االرجيم بس بحاااااول واشوف وانشالله خير
سؤال قطوه لما تشتركين وجبات دايت كير طبعا مكتوب جم كالوري
طيب اذا الريوق من البيت شلون تعرفين جم كالوري. والفاكهة والروب او حليب الخالي الدسم شلون تعرفين الكالوري ياريت تساعديني انا بالنسبه لي اهم وجبتين الريوق والغدا والريوق بجرب نص خبزه الشعير من المخبز مع كفشة جبن خالي الدسم وهم ماعرفت جم كالوري
والغدا من دايت كير والسلطات مو مهم بس الحلو شنو اخذ مع اني مدمنة حلو وكاكاو فكرت اشتري كاكاو السنيكرس والمارس والباونتي الميني وكل يوم اكل وحده بس هم مو عارفه جم كالوري والله صحيح شركات التغذيه رااااااحه اكلج جاهز وبس تسخنين
اذيتج معاي قطوه وياريت تساعديني وبالذات صارلي يومين مخربطه الشهيه مفتوحه​

اذا حاسة انج مو قادرة تسيطرين ع نفسج خلج عالوجبات

بس هم اقولج جربي اسبوع

بخصوص الميني جوكلت انا كنت نفسج اشتري ميني واكل وحدة باليوم ..


وبخصوص الكالوري راح انزل لج طريقتي بالرد القادم


برب احمل الصور

 

[قطوووة]

شلون نعرف احنا ناكل بالقدر المناسب او لا

لازم نتعلم شلون .. نقرا البيانات اللي عالمنتج ..
صدقوني ترى جدا سهل لما تتعودين
يمكن بداية الامر تحسين صعب او مو مهم بس والله جد مهم ..

مثلا :

التوست الاسمر اللي بالحبوب وهو المفضل لدي .. مكتوب بالجيس من برا وصورته مخصوص لكم




شوفي مكتوب السعرات الحرارية بالشريحة الوحدة


ومثلا عندج هذا الجبن الفرنسي اللايت احبه



ومكتوب ايضا جم السعره للشريحة الوحدة

وبجذي نقدر نحسب جم كلينا
مثلا شريحين توست اسمر + شريحة جبن لايت =
2×65 كالوري + 29 كالوري =

يعني اكلت 159 كالوري ..


سهله صح ؟


فيلاديلفيا لايت .. وحاطين الكمية للـ 30 غرام ع جنب العلبة

وهي تقريبا مقدار قفشة وحدة









وبالنسبة لاكل دايت كير يكتبون جم كالوري



غداي اليوم

 

[فنار الكويت]

بعد قلبي قطوة الله يعطيج الف عافية يااااارب استفدت منج وانشالله بجرب بروحي اسبوع واشوف مع اني مستغربه معقوله اكل الشركات من ثلاث وجبات وسلطتين وفاكهه وروب او حليب كل هذا ١١٠٠كالوري

عندج فكره كاكاو الميني جم كالوري في​

 

[لمسات فتاة]

ماشاء الله عليج والله شجعتيني

كملي كلمي :eh_s(9):

الله يشفي امج يارب وتفرح بتخرجج ان شاء الله .. ^_^

 

[قطوووة]

مادري والله بس انا دوم اقرا واقسم ع حسب الوزن وجذي

وخلي التحلية مالتج حبه فاكهه احسن
او عصير طبيعي بدون سكر

او اي شي تكون معروفة سعراته الحرارية افضل

 

[قطوووة]

اشكر متابعتكم


سؤال للكل :


شنو اكثر شي يخلي المرا تمتن ؟؟؟؟؟؟؟؟

شي ينوكل ..........




شنو تتوقعون ؟؟

وين اجاباتكم بنات

 

[ام حديجان]

^^^

اممم اظن النشويات , عيش خبز صمون .. الخ

 

[لمسات فتاة]

الككاو !!!!