من الـ 70 ـنات إلى الـ 60 ـينات ... اللي بتشارك حياها

[كويتيه سبيشل]

ياحياتي مشوخه تسلمين شكرا ع الدعوه

امبيه بنات اليوم وزنت لقيت نفسي زايده كيلو
مع اني ملتزمه بالدايت -_-

 

[$كشوخه$]

اليوم تريقت صمونة حمص وطماط والثانيه مرتديلا وطماط + كورنفلكس مع حليب خالي الدسم

غدآي متأخر وكان صدر دجاج مبهر + سلطه + بطاط + سفن آب

والحمدالله

 

[كويتيه سبيشل]

يومياتي ٣١/٣

الريوق
خبزه - جبن مالح - طماط

الغدا
عيش ابيض مشخول - قطعه من صدر دياي مسلوق - ٢ م مرق

السناك
تايم اوت

العشا
حليب قليل الدسم - بسكوت

سويت رياضه نص ساعه
شربت ٤ اكواب ماي

وبس الحمدالله

 

[بـ سـ كـ وتـ ة]

مساء الخير يا رشيقات

اشتقت لكم بس لهيت شوي كل يومين ثلاثة عندي عمال

وصار له يومين الجو غبار ما أودي بنتي الحضانة فلاهية معاها

وزني ثبت على 76 ... أقل من وزني أول ما حملت بـ 700 جرام

Melo

مو قاعدة أسوي ريجيم والله

أول الحمل نزل وزني وايد بسبة النساة والترجيع وانتي بكرامة

والحين مو قاعد يزيد

وأكلي هالفترة خرابيط لأن ما عندي مطبخ بس ان شالله هالأسبوع يخلصونه وأبدا آكل أكل صحي

في حريم ينقصون وزنهم أثناء الحمل بدون ما يضرون الجنين عن طريق الأكل الصحي والرياضة المسموح فيها

آنا مابي أضغط على نفسي وايد بس بحافظ إنه زيادة وزني تكون المعدل الطبيعي

 

[ياسمين.]

سلاام،
ماشاءالله بنات عزيمتكم ممتازه الله يثبتكم وان شاءالله فالكم العافيه والرشاقة
امم انا قبل كان وزني 96 وضعفت الحمدلله وصار 62 ، يستاهل الحمد
والحين صار 66.3 ف خايفه وحاطه أيدي على قلبي اني ارجع كما كنت لكن بما أنكم موجودات
بحيل الله نضعف كلنا.
بس المشكله اني صايره اكل اككككل مو طبيعي ):

 

[$كشوخه$]

سلاام،
ماشاءالله بنات عزيمتكم ممتازه الله يثبتكم وان شاءالله فالكم العافيه والرشاقة
امم انا قبل كان وزني 96 وضعفت الحمدلله وصار 62 ، يستاهل الحمد
والحين صار 66.3 ف خايفه وحاطه أيدي على قلبي اني ارجع كما كنت لكن بما أنكم موجودات
بحيل الله نضعف كلنا.
بس المشكله اني صايره اكل اككككل مو طبيعي ):

لا تتبعين ريجيم ولا شي بس حاولي تتحكمين بآكلج وبالمقدار
اكلي اللي يعجبج بس بكميه قليله .. يعني مثلاً بالصحن قللي من النشويات وكثري بروتين وخضار يعني ( 4 ملاعق عيش + صدر دجاج + نص الصحن سلطه )
بجذي انتي ما تحرمين نفسج وتتحكمين بوزنج لا يزيد اكثر ..

وبالليل اقطعي النشويات .. خلي عشاج خفيف وقبل 9 او 8

كثري ماي + جآي اخضر

 

[$كشوخه$]

آمس تريقت شكشوكه + خبز ونص بر + جبن وعسل + عصير برتقال

ماتغديت بس خربطت شوي بالآكل .. كليت ككاو مع فراوله + بطاط + جآي اخضر

عشاي كان حمص وحمسه جبده و خبز بر

..

اليوم جاتني الحلوه عشان جذي آمس كليت ككاو

تريقت صمونتين مرتديلا وجبن

وعالمغرب كليت 2 فيليه دجاج + مايونيز + عصير برتقال لايت

 

[$كشوخه$]

ويييينكم بنآآت مختفيين ؟؟

عسى المانع خيييير

يلا اشتقنا للهمه والنشاط .. حتى لو مخربطين نظامكم تعالوا واكتبوا ونشجع بعض :eh_s(17)::eh_s(15):

 

[Melo]

السلام عليكم و رحمه الله
شلونكم بنات شخباركم

من زمان عنكم بس لهيت مع الجامعه
الله يعديها على خير يارب

الحمدلله رب العالمين ملتزمه بالرجيم
اكل كل شي ابي ما اخلي بخاطري شي
بس معتمده على السعرات الحراريه
باليوم اكل ما بين ١٣٠٠-١٥٠٠ سعره
الحركه مو ذاك الزود يدوب المشي من و الى الجامعه
ان شاء الله اكون ضعفانه يارب

 

[ياسمين.]

السلام عليكم
كشوخه حبيبتي بالضبط هذا اللي بسويه ونبهتيني على شغله حلوه اللي اهي العشا.
اليوم تريقت ٢ توست اسمر ملعقتين لبنة قليلة الدسم ملعقة زيت زيتون وشرائح خيار
الغدا: مرقة دجاج مع نص خبزه سمره + سلطة خضرا
السناك: حبة فاكهه
العشا: ١ توست + بيضا

 

[بـ سـ كـ وتـ ة]

مساء الخير

كشوخة لازم تغيرين اسمج تصيرين شطورة لأنج شطورة ما شالله عليج

اليوم قست وزني زايدة 400 جرام صار 76.4

أمس مشيت تقريبا 3 ساعات في سيتي سنتر لما عورني ظهري

وقبلها بيوم كنت منظفة الصالة تنظيف عميق

يومين رياضة ورا بعض

شربت 500 مل ماي عالريج

وتريقت 2 توست أسمر وجبن كرافت

ما قررنا شنو نطلب عالغدا ليلحين



ميلو

تمام ما دام محافظة هذا أهم شي


ياسمين.

حياج الله حبيبتي شاركي معانا وان شالله توصلين النتيجة اللي تبينها خصوصا إن إنجازج كبير ما شالله

حرام يضيع التعب

 

[$كشوخه$]

بسكوته

حبيبتي كلامج بحد ذاته تشجيع :eh_s(7)::eh_s(17):

حلوه متابعتج لوزنج ما شاء الله .. عشان بوقت النفاس ترتاحين بإذن الله

ميلو

الله يوفقج وييسر لج امرج .. ومعليه اعتبري طريق الجامعه مشي رياضي .. امشي بسرعه ولو تحسبينها من والى ترى بتكون حلوه المسافه :rerrerek:

ياسمين

بداآيه حلوه .. استمرري :rerrerek:

 

[$كشوخه$]

اليوم الصبح قست وزني وطلع 61،4 .. الحمدالله .. نازله عن آخر مره 400 قرآم .. ويمكن لآن علي الحلوه فا عشان جذي مو نازله وآيد .. بس راضيه دام الوزن ينزل ولو بالقليل :eh_s(17):

ريوقي كان متأخر عصير برتقال لايت + 3 حبات صمون محشيين بشكشوكه وجبن

وشوي واروح امشي ان شاء الله

والحمدالله

 

[ياسمين.]

صباح الخيررررر يا حلوات،
اليوم تريقت ١ بيضا مع طماط و ٢/٣ خبزه سمره
وبعد شوي بروح الممشى

 

[! Unknown]

السلام عليكم

كيف حالكم بنات ؟ يارب بخير

لكم وحشة والله ..

إن شاء الله لي رجعة ع نهاية الاسبوع الجاي

ودي ارجع وانا وزني 70 أو 69.9 ع الاقل

الحين نازلة علي الدورة مع ذلك قست وطلع 71 بالضبط

ف احتمال كبير - بإذن الله - اشوف السبعين ع الاسبوع الجاي

دعواتكم ~

 

[كويتية وكلها جاذبية]

بنات اقدر اشترك معاكم وزني 75 وعندي عرس بعد ااسبوع تقريبا. واحس شكلي حده غلط ببلش رجيم السوائل من باجر اذا ممكن عشان اكتب يومياتي معاكم :eh_s(2):

 

[ياسمين.]

صباح الورد
الحمدلله امس عدّى على خيرر
ريوقي كان بيضا وكوب شاي نعناع
الغدا فول
العشا بيضا
السناك: قهوه وشاي.
،
اليوم راح يكون مثل امس، سويت هالنظام لان اذا جتني الحبيبه اكل لدرجه ازيد كيلوين
عشان جذي بتدارك الموضوع -.-

 

[! Unknown]

السلام عليكم

كيف الحال ؟ غريبة .. وينكم كلكم اختفيتوا دفعة وحدة : (

والله زمان عنكم :"( .. إن شاء الله المانع خير

شسمه

لما كانت معاي الدورة وزني وصل 71 بالضبط فتوقعت اشوف 70 بالضبط

مدري ايش الخطا يمكن عشان وقت دورة او ما وزنت صح .. او يمكن اني كنت آكل بشراهة مع الاسف : $

امم .. المهم ، الحمدلله دخلت الهدف الثالث .. وباقي لي اثنين

وزني الأول : 90 كغ
وزني الحالي : 70,9 كغ
طولي : 166 سم
كتلة جسمي : 25,4 " وزن زائد "
نقصت : 19.1 كيلو حتى الآن " الحمدلله "
مقدار حاجتي من السعرات الحرارية : 2011 سعرة باليوم
آكل حوالي : 1011 سعرة حرآرية باليوم

 

[حظ من عنده انا]

السلام عليييكم


بشارك معاكم



وزني =70

طولي= قزومه هههههه

وزن زايد = 29,14




حاجتي من السعرات الحراريه = 2,184



ودي اعتمد رجيم حلو وسهل

كنت ابي رجيم التمر واللبن بس التمر يعور سنوني

شرايكم بنات شنو الرجيم الي اعتمدتوه وشفتو النتيجه

 

[! Unknown]

السلام عليكم ..

وزني الأول : 90 كغ
وزني الحالي : 69.9 كغ
طولي : 166 سم
كتلة جسمي : 25 " وزن زائد "
نقصت : 20.1 كيلو حتى الآن " الحمدلله "
مقدار حاجتي من السعرات الحرارية : 1999 سعرة باليوم
آكل حوالي : 1000 سعرة حرآرية باليوم

^ حسيت اني جنية وانا لحالي