من الـ 70 ـنات إلى الـ 60 ـينات ... اللي بتشارك حياها

[شوقه.]

كويتيه سبيشل ❤ الافضل يكون فيه وجبات خفيفه عشان الجسم يحرق.

مجهوله ❤ رجيم التنشيف ؟ كيف حلو قد جربتيه ؟

:eh_s(17):

 

[بـ سـ كـ وتـ ة]

مساكم ورد
اشتفت لكم
أبي أبجي من الوناسة، بدول يركبون مطبخي العمال الحين في المطبخ
صج ما راح يخلصون اليوم بس في أمل عالأقل هههه
وزني اليوم قسته 76.2
نازلة نص كيلو عن أول الحمل أتوقع من شغل البيت

 

[بـ سـ كـ وتـ ة]

طبعا بدول يعني بدوا، طوفوا بدلياتي مو مني من الفرحة

 

[Melo]

السلام عليكم و رحمه الله
شلونكم بنات شخباركم
عاشو الملتزمات
بسكوته شلون قاعده تسوين رجيم و انتي حامل
و مبرووووووووك المطبخ الله يجعله قدم السعد يارب و يعطيج خيره و يكافيج شره و تبدعين فيه و تسوين احلى الطبخات ان شاء الله

كويتيه سبيشل
نظامج حلو و بالعكس منظم و زين
اذا بتغيرين السناك حطي فواكه مكسرات خضره بدال الكاكاو
و الدارك جوكلت ترا مفيد و صحي بس اخذي كميات قليله

unknown !
مجربه التنشيف من قبل
و فاد معاج و لا لا
سويت بحث سريع عنه و طلع لي كله مال كمال الاجسام و اللي يبون يعضلون
ما ادري انتي تقصدين نفسه و لا واحد ثاني

العنود
الحمدلله رب العالمين
انا رفعت مستوى الكالسيوم و الفيتامين د عن طريق الاكل و اول ما تطلع الشمس عندنا علطوووووول اطلع و اتعرض لها نص ساعه بدون كريم حمايه او شي عشان استفيد عدل
بس بجرب منقوع التين لي رحت الجمعيه ان شاء الله بشتري التين المجفف
بس مصل الحليب و اللبن شلون تسوينهم
انا يوميا اشرب كوب حليب الدسم اللي فيه ٤٪

و صحه و عافيه كلكم بناتو
و شدووو الهمه

امس الريوق
تفاحه
٥ حبات دايجستف
الغدا بالجامعه اخذت صندوقي معاي
سلطه بدون صلصلة >>> نسيتها
و مرتدلا دجاج
و بليل جعت و اكلت
روب قليل الدسم

اليوم
الريوق الساعه ٧ الصبح
٣ برتقالات
٣ حبات دايجستف

الغدا الساعه ٤ كنت مييييته يوع
باديه كبييييييره سلطه
الصلصه اسويها ببطل نصه خل و ليمون و شويه ملح و روب
و ثلاث همبورجر صغير مشوي
((الهمبورجر اسويه بالبيت
قطع لحم خالي من الدهم فرمته و حطيت عليه لومي و كمون و شويه دارسين و فلفل اسود و بهارات لحم
و اسويه اقراص و احطه بالفريزر و متى ما بغيت حطيته بالمقلى بدون شي على نار وسط هو بروحعه يطلع ماي و بعدين يرجع يشربه))

احس روحي طااااااااافحه الحمدلله رب العالمين
الحمدلله هاليومين صايره بسررررعه اشبع خصوصا لي رجعت البيت
يمكن عشان مالي خلق اطبخ و اكون تعبانه لي رجعت لان دوامي لي ٤ او ٥

مو قاعده امشي لان دوامي من ٩ لين ٤ او ٥ هالاسبوع مافيني شده ارجع البيت اكل انطر صلاه العشا و اناااااام خصوصا اني اقعد من الفجر
و خلاص الاسبوع الياي نبدي اختبارات العملي و ندخل اللابات و ال course work
دعوااااااتكم يا بنات لنا و لكل المغتربين

 

[كويتيه سبيشل]

شوقه اي والله صح كلامج بس انا بس اخفف السناك مثل ما قالت melo السناك اقلل ان شاء الله

يومياتي ٢٦/٣
اليوم قعدت متاخر فا الغدا اهوا العشا


الريوق :- ٢ توست - بيضه - جبن سلايز - طماط - ١ م زيت زيتون
سناك :- تايم اوت
الغدا :-سلطه سيزر انا سويتها

شربت ٥ اكواب ماي




والحمدالله

 

[كويتيه سبيشل]

شوقه اي والله صح كلامج بس انا بس اخفف السناك مثل ما قالت melo السناك اقلل ان شاء الله

يومياتي 26/3
اليوم قعدت متاخر فا الغدا اهوا العشا


الريوق :- 2 توست - بيضه - جبن سلايز - طماط - 1 م زيت زيتون
سناك :- تايم اوت
الغدا :-سلطه سيزر انا سويتها

شربت 5 اكواب ماي




والحمدالله

 

[! Unknown]

ميلو

unknown
تبارك الرحمن
شنو رجيمج
و شلون تعرفين السعرات الحراريه بالاكل

يعتمد ع السعرات الحرارية

فيه مواقع كثيير توفرها لك

انتي بس ابحثي في قوقل وبتلقين كثير كاتبين السعرات لبعض المأكولات

ولو م لقيتي أكلة محددة ابحثي عنها .. وهم لو ما لقيتي كلش

كلي منها شوي بحدود المعقول يعني ..

أنا قبل كنت اعتمد على السعرات بشكل تام أما الحين فإما أحسب السعرات

أو بس أخفف لأني خلاص عرفت ذهنيا وش ممكن يكون عالي السعرات أو لا في بعض الاحيان

unknown !
مجربه التنشيف من قبل
و فاد معاج و لا لا
سويت بحث سريع عنه و طلع لي كله مال كمال الاجسام و اللي يبون يعضلون
ما ادري انتي تقصدين نفسه و لا واحد ثاني

لا ابدا توي أول مرة ..

لكن شفت كثييير بنات استفادوا

هو يكون لكسر الوزن الثابت او لو تبين تنزلين كيلو ب 3 ايام

طبعا مدته 3 ايام بس لا اكثر .. ومدري وش العلة : /

أنا وقفت ماكملت لان مو كل الاكل كان متوفر

ولما وفرته .. الحبيبة شكلها جايتني بالطريق : )

تفتح لي شهيتي بشكل مرررعب ولا اقدر امسك نفسي > الدورة

وربي ماخليت شي إلا واشتهيت آكله : (

بس بكرة بحاول أثبت واسويه

بس المشكلة ما ادري ينفع أسويه هالوقت او لا

لأن الدورة تنفخ لي بطني وتزيد وزني دايم

عموما أنا راح أجربه ولو نفعني بعطيكم خبر

~

آسفة ع الرد المتأخر

 

[آلعنـود]

مآشآءالله مآشاءالله صبآآيآ شو هيدا النشآط الله يحفظكون استانست ع الشطه والله

بسكوته وينس يابنت الناس الي اشتقنا لها ! لس وحشه والله حاولي اتطلين علينا نفس كذا من فتره لفتره الشوق خبرس يخنق

ميلو اي داومي ع التين لانه في بنات مانفع معهم ضوء الشمس والتين اضمن بأذن الله

الطريقه ويت بجيبها لس كوبي باست

مصل اللبن تجيبين لبن عادي بس أهم شي قليل أو خالي الدسم وألافضل خالي الدسم > وهذب طريقته

طريقة مصل الحليب* ( ١لتر حليب خالي او قليل الدسم+ملعقتين خل) نغلي الحليب لما يفور ويرتفع نضع ملعقتين خل .. راح ينفصل الجبن عن المصل.. المصل لونه لازم اصفر.. نصفي المصل من الجبن ..ناخذ المصل ونرمي الجبن .. والي يقول حرام نرمي الجبن هذا راح يجيب العيد .. لان العيد بسبب الجبن

. يخزن المصل بالثلاجة لمده شهر .. ويؤخذ يوميا لمدة شهر .. ممكن اضافه نسكافيه او ككاو بودر او عمل شوربات بالمصل .. . وبالعافية

بنات ترى شرط شرط تقطعون منتجات الاجبان لانه هي الي ترفع الكالسيوم والكالسيوم اذا ارتفع زياده عن اللزوم ينزل فيتامين دال للقاع واذا نزل فيتامين دال يصعب نزول الوزن بسهوله

واحد من اسباب صعوبه نزول الوزن ركزو صبايا

وبس تقريبا

--------

انا حاليا قطعت نظامي بس باديه هالنظام ع امل اني اضعف فتره الامتحانات وعقب ببدى لاني منضغطه تقديمات وابحاث وامتحانات جعواتكم صبايا

ميلو بالتوفيق ياعمري والله يوفقس في كل الي بتمرين فيه يارب وكل المسلمين

ويلآآ بككرا الفري دآآي بتاعنا صبايا قود لآآك اند هاف انايس ويكند :rerrerek:

 

[$كشوخه$]

آنا لاني انضغطت بهالتفره فا قاعده احاول اوازن آكلي ولا اخرب نظامي ..

طبعاً قست اليوم وزني وطلع 61،7 (زايده 800 قرام) .. الحمدالله ع كل حال .. بحاول في هالآسبوعين اشد جسمي والتزم بإذن الله

اليوم تريقت موزه

غدآي راب بالحبوب الكامله بمرتديلا ومايونيز + نص رآب ب جبن لايت وعسل + عصير برتقال قليل الدسم

والحمدالله

 

[Melo]

السلام عليكم و رحمه الله
شلونكم بنات شخباركم

امس كليت
الريوق
٣دايجيستف
٣ شرائح أناناس
الغدا
٥ دايجستف
و تفاحه
و العشا
عصير برتقال فرش ٥٠٠ ميلي
و صمونه فلافل ٢٧٠ سعره حراريه جاهزه من قهوه
و كليت
كاكاو ٣٧٠ سعره
مشيت نص ساعه


اليوم
ما مشيت
الريوق
٣ بسكوت دايجستف
الغدا
٣ بسكوت دايجستف و ٣ برتقالات صغار
العشا
علبتين تونه مع بصل و ثوم و خل و ليمون و لومي مطحون و شويه مايونيز


كشوخه ما عليه هالاسبوع التزمي و لا تخربطين و شدي على روحج شويتين
العنود تسلمين حبيبتي على الطرق
ان شاء الله هالاسبوع اجرب المنقوع و الاسبوع الياي اجرب المصل باذن الله
unhnown
شكرا على الردود
الله يتمم عليج كل ما اشوف شريطج اتشجججججع بشكل غير طبيعي
باذن الله اصير نفسج يارب
باقيلي شهرين على رجعتي و خاطري اكون باول ال ٨٠ قبل لا ارجع الكويت
و ان شاء الله ما اسمن هناك و ابدع بالاكل مثل كل مره

صحه و عافيه عليكم كلكم بنات
و لا تنسون الميزان و شدو الهمه

 

[Melo]

السلام عليكم و رحمه الله
اليوم قست وزني ٩١ كيلو نازله كيلو واحد بس
الحمدلله رب العالمين
ان شاء الله هالاسبوع اودع ال٩٠ يارب

 

[$كشوخه$]

ميلو

انا لاحظت ما شاء الله ان المشي هو اللي كان يحرك وزنج .. بس دامج مشغوله الحين قللي نشويات وجهزيلج اكل بالويكند عشان انشغالج بالدوام ما يأثر ع آكلج ..
يعني مثلا جهزي صدور دجاج مقطعه مكعبات بهريها بروب وليمون وبهارات وكمون وحطيها بآصياخ مع خضار وكل ماتردين من الدوام حطيلج بالفرن :rerrerek:
والله يوفقج وييسرلج حبيبتي :eh_s(17):

 

[Melo]

كشوخه

هالاسبوع كان حيل صعب اني اتحرك و امشي
لان دوامي كان كامل و ارجع البيت منهد حيلي بس ابي انام
ان شاء الله هالاسبوع اتحرك لو نص ساعه


عطوني اكلات خفيفه حق اللخم و الدجاج و اللحم المفروم
عشان باجر اسويهم

 

[كويتيه سبيشل]

قوا بنوتات صارلي يومين مو داخله بالس الحمدالله مواصله

الخميس ما اذكر يومي بالضبط شنو كان بس كنت ملتزمه

الجمعه كان يوم مفتوح


وزني بالبدايه كان ٧٥،٤
صار ٧٤،٤

يعني نزلت كيلو والحمدالله

 

[كويتيه سبيشل]

قوا بنوتات صارلي يومين مو داخله بالس الحمدالله مواصله

الخميس ما اذكر يومي بالضبط شنو كان بس كنت ملتزمه

الجمعه كان يوم مفتوح


وزني بالبدايه كان 75،4
صار 74،4

يعني نزلت كيلو والحمدالله

 

[كويتيه سبيشل]

يومياتي ٢٩/٣

اليوم قعدت متاخر ويومي متخربط ��
ريوقي :- ٢ توست - جبن سلايز

الغدا اهوا العشا ؛- بسكوت وحليب

وسويت رياضه نص ساعه
وشربت ٤ اكواب ماي


والحمدالله

ادعولي بنات باجر عندي امتحان '_'

 

[$كشوخه$]

كويتيه سبيشل

مبروك النزول استمري :rerrerek: والله يوفقج بامتحانج يارب :eh_s(17):

..

انا آمس تريقت صمونه مرتديلا بخس وطماط + مثلث جبن لايت مع عسل مع نص خبزه + عصير برتقال لايت

تغديت توت ويوسفي

عشاي كان خبز بر بدجاج وصلصه + سلطه + عصير ليمون

وبعدها سناك شاي مع بسكوت

والحمدالله مشيت :rerrerek:

 

[$كشوخه$]

ميلو

شوفي طريقه اصياخ الدجاج حلوه وسريعه

وهم تقدرين تبهرين قطع الدجاج اللي عندج كل قطعه بتبهيره معينه عشان لا تملين وكل يوم سويلج شي

يعني مثلا بهري الدجاج بمعجون طماط + ليمون + بهارات + كمون + ملح وفلفل .. واول ماترجعين حطيه بصينيه وعالفرن

اللحم انا اشوف الانسب تسلقينه وبعدها حطيه بصينيه وسوي صوص يتكون من بهارت ومعجون طماط وليمون ودبس الرمان وشوي زيت زيتون اذا حابه وقطعيلج جزر وحلقات فلفل بارد وعالفرن

 

[$كشوخه$]

اليوم تريقت صمونه مرتديلا بخس وطماط + مثلث جبن لايت مع عسل مع نص خبزه + جآآي اخضرر

غدآي كان كورنفلكس مع حليب خالي الدسم

تعشيت صمونه بر بحشوة جبده + عصير برتقال لايت

والحمدالله

 

[كويتيه سبيشل]

يومياتي ٣٠/٣

الريوق : صمونه - جبن سلايز

الغدا عيش ابيض / تونا / صوص

العشا: صمونه / جبن سلايز / فاصوليا/ حليب

وبس الحمدالله