من بكرا رجيم دشتي لمده شهر للجادات فقط حياكم

[white haert]

صباحوووو شخباركم اشلوونكم,,,,,
الحمدالله احس قياساتي تغيرت ونااااااسه يبيلي التزم قاعد احاتي العطله
وان شاءلله التزم ما اخربط اهيء اهيء
امس وناسه خلصت البروتين الصافي واكلت سلطه احس فررق بين البروتين الصاافي البروتين الصااافي اتحسين تكرهين حيااااتج بس لما اتشوووفين النتااايج ترتاااحين
​

 

[ليالي رومانسية]

متى اوزانكم يابنااات متحمسة لكم وااااايد !!
انا صار لي اسبوع ملتزمة ع البرانامج بس فيني عيب وااااحد كل دقيقه اوزن <<<< متفشله من حالها الأخت هههههه

 

[white haert]

كل يمعه الميزااان ,,,,

 

[فوشيهـ]

صبااااحوو
​

 

[فوشيهـ]

بنت مشرف وينك لك يومين مادخلتي
​

 

[white haert]

اليوم خربتها بالكابتشينو بس عيبه كافين واكلت كسرت كاكا سنيكرز ولا عت جبديي حسيييييت واااايد حاااالي
وغداي كان سلطه تبوله وتونا بالزيت

والحين شربت جاي اخضر بالزنجبيل

 

[بنت مشرف ق5]

قوووووووووه ياااحلوين

شخبااااركم
ماشاءالله اشوف القروب نشيط وزايدين البنات (؛ وناسه


صارلي يومين مادخلت لهيت شوي
لكن الدايت تماام لاتحاتون كلش مو ملخبطه ، نفس النظام مالي الي قبل ماغيرته
اللهم اليوم كليت ناجتس ماك كنت مستعيله وابي شي سريع
انا ان شاءالله باجر مسافره دبي اسبوعين
وبتم عالدايت ماراح بس اكيد الكميات بتقل ، لانه مسافرين معانا بيت عمتي ومابي يلاحظون اني اسوي دايت لول ماحب احد يراقبني


والوزن آخر الشهر بكتبه وبشوف شكثر نزلت
مع انه واضح باللبس نزولي وهذا اكثر شي يهمني


احبببببكم وايد ، وياسواد ليلها الي تلخبط
رادتلكم بإذن الله **

 

[بنت مشرف ق5]

هلااا فوشيه

تدرين قولبتها بمخي وفكرت فيها
ماراح اسوي دايت ثاني ولا راح اكسر

بتم علئ دشتي ، بس ماراح احسب الكاربز مثل الحين
يعني ماراح اتقيد
باكل برجرز ، سيزر مع الدرسنج ، نجتس مكسرات وهالسوالف عشان مااحكر نفسي بالسفره وهم محد يلاحظ
يعني تقريبا من 20-30 كاربز باليوم ( المرحله 2 )
وبنفس الوقت اكون تقريبا ماخبصت الدنيا وايد


واذا رديت اسبوع صافي يرمم ماافسده الدهر

شرايج مو خوش فكره ؟؟

 

[فوشيهـ]

اي حبي خوش فكره .. اساسا اسهل لك هالدايت لانك تقدرين تاكلين من المطاعم براحتك ..

وتروحين وترجعين بالسلالامه ان شاءاللهـ .. وانبسطي ..
​

 

[فوشيهـ]

يومي

الفطور : بيضتين وجبن + خس ..

غدا : سيزر سالد

عشا : شيش طاووق وملعقة مايونيز+ سفن اب ..


لي كم يوم ما اخذت فيتاميناتي نفسيتي زفت والكل يعصب فيني
​

 

[يارب اضعف]

مرحبا رشيقات
والله وبتنورين دبي يا بنت مشرف فديتج
عاد ها ترى منقود عدنا تيين ومانجوفج بزعل منج ولاتحاتين ترى مابأكلج غير سلد ودياي يعني لني فاهمين بعض الدايت ملعوزنا"" اوني يعني مب بخل

 

[يارب اضعف]

ويومي كان عباره عن كوفي الصبح
وغداى سلطة جرجير وصدور دياي
وعشاى تونه وخس ومايو وسفن
بس الاسبورت يرحم الله

 

[ام منوره]

مرحبا بنات شلونكم
اول ماقعدت شربت قهوه و اليوم فطوري بيض محموس وجبن
والغدا حمسة تونا مع بصل
والعشا حمسة دياي مع بصل وخس اكلت ثنتين وشربت قهوه بعد


بنات يصير اكل زهره ويصير بروكلي انا قاعد اسوي بروتين صافي

 

[فوشيهـ]

اذا بروتين صاافي لا ابتعدي عنهم شوي.. لين خلصتي ايام البروتين تقدرين تاكلينهم

عندك الخس والجرجير والبقدونس والكزبره هذول كلهم مافيهم كاربز كثير .. ف تقدرين تاخذينهم بيوم البروتين اذا تبين ..

انا كذا اسووي ايام البروتين اكل خس ..
​

 

[فوشيهـ]

ويع عليكم وش هالنووم

بطووطه

يارب اضعف

وايت هارت

وينكم ياجماعه يالله نشوو من الرقااد
​

 

[يارب اضعف]

صباااااحو
امممم تخيلت يوم بوزن بكوون ارتحت من 3 ارقام بس بعدني نزلو بس 6 كيلو
بس بعد حلوين لين اخر الشهر احس بنزلهم
ماتريقت وغداى كان نقانق مقلى ومايو وسفن

 

[فوشيهـ]

حلووووووو سته كيلوو ماشاءالله مبرووك


يومي

الفطور : 15 حبة زيتون +جبن سايل+خس

الغدا : كفتة لحم + مايونيز +خس+سفن اب

العشا : بيضتين وطماطه صغيره +خس

سناك1 : كابتشينو دي كاف
​

 

[white haert]

اهلين فوشيه انا اليوم خربت الرجيم من اوووووومه اشتهيت الغدااا كان مجبوس لحم وكلاس لبن يمي يمي هههههههههههههههه
وان شاءلله من بعد باااجر برجه بروتين صافي لان يبيلي روحه اشتلري الناقص

 

[ام منوره]

اهلين بنات انا اليوم ماتريقت شربت كوفي
والغدا تونا بالزيت مع بصل وشوية جبن مالح
الغدا ستيك لحم واكلت جوانح دياي وخس

شلونكم مع الرجيم وشلونج فوشيه
بطوطه وينها ان شاءالله اليمعه كل وحده تقول وزنها

يارب نضعف بصحه وعافيه ومانمل عاد عطلة ١٥ وييي راح اموووت بس ابحاول امسك نفسي

 

[ام منوره]

صج صاحبة الموضوووع وينهااا عسى ماشر