ما شاء الله
اليوم رحت موعد مراجعتي ...
والدكتور كان مستانس من النتيجه وختم على كرتي تم بنجاح .. :eh_s(22):
وعلمني شلون احافظ على وزني .. ( نظام التثبيت )
واهم عوامل التثبيت :
معرفة الوزن المثالي .. وانا وزني المثالي من 55 الى 60 وانا الحين وزني 58
تكوين علاقة صداقة مع الميزان ..بحيث انج تقيسين وزنج مره بالاسبوع الصبح قبل الاكل .
وفي أربع انظمة للتثبيت :
النظام الأول :
نظام التثبيت عن طريق الوجبه .. وهذا النظام ما يصلح
للعشاء فقط للافطار والغداء, يعني لو كنتي معزومه حق العشا ما ينفعج
.
النظام الثاني :
نظام التثبيت عن طريق اليوم .. يعني يوم تاكلين اكل على كييييييييييييفج يوم ريجيم وتلتزمين فيه عدل مدل .
النظام الثالث :
نظام التثبيت بالأسبوع .. يعني اسبوع ريجيم واسبوع لأ .. وقال هالنظام يصلح للسفر وما نصحني اسوي بالكويت لان على قولته ممكن اخرب كل الي بنيته الله لا يقوووووووله .
النظام الرابع :
نظام التثبيت عن طريق السعرات الحراريه وهو ما ينصح بهالنظام كللللللش لان ممكن تحسبين غلط .
طبعا انظمة الريجيم ممكن تتبعين اي نظام من الاربعه الي انا حاطتهم لكم ..
يعني مثلا ..
يوم تتريقين من النظام الاول وتتغدين الي تبين من المقبلات والطبق الرئيسي والحلو وبعدين تكملين عشا من النظام الاول .. فهمتوا قصدي ؟؟
طبعا تقدرين تتبعين اي نظام ما عدا السوائل ما يصير تاكلين وجبه فري لان بتخربين على عمرج ... مثل ما كنت شارحه لكم من قبل ان نظام السوائل يعتمد على السكريات واذا دخلت نقطه دهون بيخترب كلللللل شي ...
والي انا بسويه ان شاء الله النظام الثاني لان هو قالي هذا احسن نظام هو مع الاول ..
بس انا قتله على شغله وهو ايدني فيها ..
شوفوا يا حبيباتي .. انا معلمه :eh_s(22): ودوامنا مافيه راحه يا صاعده يا نازله يا عندج حصه يا عندج ورشه .. يعني يدوب تاكلين لقمتج وركض على حصتج .. ولمن ارجع البيت عيالي يرجعون عقبي اغديهم وزوجي يكون بعده بالدوام يعني جذي ولا جذي انا قاعده اكل بروحي
فإن شااااااااااء الله بكمل الريجيم بالأنظمه الي عطاني اياها .. كل مره بسوي شي .. ويوم الخميس راح اكل وجبه فري واليمعه والسبت كذلك .. او ممكن افتحهم على الاخر يعني الخميس وجبه واليمعه فري والسبت وجبه فري وباجي الاسبوع كله ريجيم ..
قالي بجذي راح تنزلين نص كيلو بالاسبوع وبيني وبينكم احسن علشان اظل بالسيف سايد على قولتهم ..
وقالي هم جذي شي ممتاز منها تاكلين وتسوين ريجيم بس بعد ما توصلين للوزن الي تبينه ترجعين لنظام التثبيت لان ما يبيلي اكثر وهم قالي ما شاء الله حتى بالشكل متغييييييره وما تبين اكثر من كيلو الى اثنين بس علشان تكونين بأمان ..
وان شاء الله موعدي القادم معاه راح يكون بعد شهر علشان يشوف اذا وزني ثابت ولا لأ .. وهم علشان اسوي تحليل الكوليسترول الي لاااااااااااااااااااازم ينزل عن ال8 ...
ما شاء الله واللهم لك الحمد ادعولي بالثبااااااااات واشكر كل البنات الي دشوا موضوعي وقروا بصمت وهم اشكر كل البنات الي شجعوني وحركوا اناملهم على الكي بورد ووالله كلماتكم لي كانت واااااااااايد تشجعني فووووق ما تتصورون ,,, شيخة البنات ورسيل والحساسه واختي الصغيره رفاعيه 19 وكللللللللللللللللللللكم نفر نفر علشان محد يزعل مني والله صج صج صج آزرتوني بهال3 شهور ..
