يوميات رجيمي بالصور + قصه نزول وزني 10 كيلو بشهرين

[ღ Mzajiya ღ]

يومياتي اليوم تاريخ 18 / 4 /2012

طبعا ماصورت اليوم سوري باجر ان شاءالله ااحط صور
الساعه 8 ونص بالدوام شربت كوب نسكفيه وخلطت معاه جاي بايوجي
والساعه 10 ونص كليت حبتين ورق عنب وطول الوقت اشرب ماي لول من الجاي يعطشش بس يسد النفسية
والساعه 12 ونص هم كليت حبتين ورق عنب خراب الدوام لوول
وماتغديت
الساعه 2 شربت نص كوب جاي اخضر ودارسين
الساعه 6 كليت قطعه بيتزا صغيره وماكملتها بعد وشوي سلطه
لي الساعه 10 ونص كليت قطعتين شابورة صغار و قطعة وحده جبن كيري و لبن اكتيفيا لايت الصغير والحمدالله

ادري غداي و عشاي متأخر بس مايعت الا المغرب بحاول اضبط وقتي من باجر ان شاءالله
يلا تصبحون على خير :**​

 

[كوكا كولا]

ღ Mzajiya ღ


شوفي الشاي المغربي عباره عن شاي اخضر ونعناع
انا شريت شاي شركة دلما أسمه شاي مغربي
وهذي صورته وطعمه وايد حلو احلى من ليبتون





وهذا حليب فيتال المراعي
وايد احسن من خالي الدسم علشان الكالسيوم
ومافيه وايد سعرات حراريه يعني قليل السعرات وزين للعظام هذا اهم شي
وطعمه وايد حلو

 

[كوكا كولا]

هذا نظامي اليوم بس عفستها شوي لوووووول


تغديت وعقب تريقت لوووول عفست الدنيا
عاد خدامتي طابخه اليوم مسويه عيش بني لذيذ بالصويا ما قدرت اقاومه
كليت 5 قفاش عيش بس ومنعت نفسي ولا بغيت اهجم

بعدها بساعة قلت خل اتريق لوووول علشان اسد جوعي
وريوقي كان حليب فيتال المراعي + توسته سمره فيها جبن قلاص شوي + خياره





وعالساعة 7 مشيت على جهاز المشي
وحرقت 210 سعرات حرارية






وبعدها خذيت شاور
وعلى ما قمت احوس شوي تعشيت الساعة 10
نص أناناس طازج






واشوفكم باجر مع يومياتي عاد باجر عندي زياره عقب المغرب وبحاول ما اخربط

 

[كوكا كولا]

موعدنا باجر مع الميزاااااااان :eh_s(10):

ياااارب اكون نزلت :yaaaaaarb:

نسيت اقول لكم شي

انا قاعدة استخدم خلطه اعشاب شريتها من التاجره واصله

وايد حلوه وارتحت عليها

اشرب كوب عالريج اول ما اقعد وكوب عقب العشا وما اكل شي عقبها نهائياً

 

[ღ Mzajiya ღ]

اها انا اشرب جاي اخضر بس مااحب النعناع كلش
عليج بالعافية ياقلبي
ويارب نكون نزل وزنا .. انا طبعا توني مبلشه بس بشوف اذا نزلت ولا لأ عالاقل ابي لو نص كيلو لول الله كريم
اليوم خربطت شوي بالدوام لاني طلعت ورشة عمل وخربتها بس ماراح اتغدا تعويض وبليل تمارين ان شاءالله​

 

[كوكا كولا]

ღ Mzajiya ღ

اعطيج نصيحه سوي نفسي
اذا رحت زياره او عزيمه
وشفت كل المغريات جدامي أكل من الحلو قطعه صغيرونه كلش واذا في فطاير حدي قطعتين بس
علشان ما احرم نفسي وبنفس الوقت ما انفجع عالأكل ههههههههههه

 

[كوكا كولا]

بسم الله الرحمن الرحيم



صااااار وقت الميزان :eh_s(10):


هالأسبوع احب اقول لكم اني خربطت مرتين
اول مره يوم كليت ماك فيجي برجر وقعدت على جبدي
وثاني مره أمس لما كليت عيش زين ما هجمت الحمدلله لووووووول
بس سيطرت على نفسي ومشيت علشان احرق الي كليته

وهذا وزني قبل وبعد :rerrerek:





الحمدلله نص كيلو زين خلال اسبوع مع اني مخربطة يومين + الجمعه يوم مفتوح لي
والخميس تكون زياره خالتي

بس ان شاء الله عالخميس الجاي أكون نزلت اكثر وبشد حيلي بالرياضه
على فكره مانزلت وايد لأني قويت عضلاتي والعضلات لما تقوينها راح يزيد شوي وزنها
يعني لا تخترعين اذا سويتي رياضه تقوي العضلات ومانزلتي وايد

 

[يوم أقبلت]

هلا كوكولا انا متابعتج ووووتحمست الى الامام سر اهم شي في نزول

 

[يوم أقبلت]

اب لعيووووونج كملي وانا معاج

 

[كوكا كولا]

يوم أقبلت


ياحيااااااتي تسلمين عالأب وانا مستمره حتى لو اشتهيت شي اكل قطعه صغيرووووونه
علشان ما اخرب نظامي لأن ماباقيلي شي خلاص هانت ومو ضاغطه نفسي عادي عالراحه
ومستمتعه عالنظام تصدقين خلاص تعودت عليه ومعدتي بعد صغرت
وتعودت عالكميات القليلة عاد وراي سفره بالصيف الله يستر خايفه لا يرد وزني
عاد هناك مطاعم 24 ساعه يعني ماكو اكل بيت وكله مشي بحاول ما اخربط هناك
واستبدل دايم بشي صحي وحتى لو زدت الله لا يقول برجع لكم مره ثانية عقب السفر
علشان تشجعوني وانزل مره ثانية لووووووول

 

[عششق القهوه]

موووووووووووفقه يارب بس ياربي نفسي اكل تشيز وكاتكات وكاكاوات مليت وانا اداري وزني وانقصه ؟؟؟
بس كل شي للرشاقه يهوون
مشيت ع ريجيم كورن فليكس
نقصت فاربعه ايام كيلوين
بس داخل معه فواكه وخضره

 

[كوكا كولا]

عششق القهوه

حياج الله ياحياتي
انا رجيمي فيه ككاو بس صايره ما اشتهي الككاو والخرابيط
الحمدلله ان الله صدني عنها ولا قبل ادماااااااااااان
واستبدلت الككاو بالتفاحه الخضره لأني صايره ما اتحمل اكل ككاو اتعب مادري ليش
حتى لي كليت شي ثقيل عشا هم اتعب واحس برجع ولايعه جبدي

 

[كوكا كولا]

أهلييييييييييين

اليوم عفستها بالليل لوووووووووول

اول شي ريوقي وغداي كان حيل حيل متأخر لأن ماكنت جوعانه
ولهيت مع العيال وحنتهم ويالله نومت ولدي الصغير وفضى لي الجو علشان اكل

كليت الساعة 3 ادري وايد متأخر بس شسوي العيال اسم الله عليهم حنه ورنه
علشان اخليهم ينامون العصر شوي لأن ورانا زياره بالليل وما ابيهم يدوخون


هذا كان ريوقي وغداي
حليب فيتال المراعي + طماطه + بيض عيون + توسته سمره











وعالساعة 7 ونص لما زرت شربت فنجالين قهوه وقطعه صغيره كيكه

والعشا الساعة 10 كليت شوي عيش وقطعه صغيرونه صدر رجاجه
ورديت البيت شربت شاي رويال هههههههههههه علشان يمشي بطني لأن لاعت جبدي وحسيت بلوعه وبرجع
هذا الشعور يحوشني اذا كليت شي ثقيل بالليل حتى لو قفشه وحده مادري ليش تعبت من هالشعور



واشوفكم باجر عندي يوم مفتوح عند اهلي لوووووول بس هم بسيطر شوي وماراح اكل على كيفي
عاد غدانا على كيف كيفكم بوفيه سلطات وأطباق لذيذه يمي وراح اصورها لكم اكيد

 

[شيخه***البنات]

عليج بالعافيه ماشاءالله و خوش رجيم

والله يقوي ارادتج وتوصلين حق هدفج ..

قاعده افكر برجيمج جني بسويه ..

 

[نارنجه]

عليج بالعافيه كوكا

ومبروك النزول ان شاااء الله تنزلين اكثر هالاسبوع
وفعلا كل ماقربتي من وزنج المثالي يصير صعب النزول

ويالله ماعليه هذي من فوايد حنه العيال اسم الله عليهم
يسدون شهية الام احيانا و يقللون من اكلها غير حالات الدمج بين الوجبات ههههههه
الله يحفظهم يارب

تابعي :****

الله يوفقج





/

شيوخ
ترا نفس الرجيم الي حطيته لكم بالتجمع
على قولتهم
الرجيم الصاروخي للمطوع :d


موفقه :***

 

[نارنجه]

ايه كوكا

في موضوع مثبت عن صور وجبات الرجيم
http://www.q8yat.com/t1036966.html

وماشااء الله صورج اتهبل
كلها ذوق مثل راعيتهم

ياريت تشاركين فيه
اذا مافيها كلافة

 

[ღ Mzajiya ღ]

سووري انا مو ملتزمه باليوميات عدل
بس اليوم وزنت وزني نازل بهالثلاث ايام شويه ؛(
كان 87.1 صار 86.3
طبعا انا وايد زايده عن قبل شهرين ثلاث
والحين مو راضي ينزل بسرعه ينني
ادعوولي بناات اضعععف حايشني احباط ​

 

[عششق القهوه]

الاسبوع الي راح كنت 70
وزنت الاثنين لقيته 68
اليوم 66
والكرشه شووي نقصت ...

 

[كوكا كولا]

شيخه***البنات

حياج اتكلي على الله وسويه ترا وايد حلو ومتنوع وما يملل
بس انا مو قاعدة التزم فيه بالحرف لأن نظامي كله غلط ما اقعد الصبح واتريق
انام واقوم الظهر لووووول وريوقي وغداي واحد وهذا غلط بس شسوي ماكو وقت
وانا ابي انام وارتاح بدال القعده والأكل الصبح لأن ولدي اسم الله عليه ما يخليني انام بالليل عدل
منقص علي نومتي

 

[كوكا كولا]

نارنجه

اي والله حنه ورنه سدو نفسي غير الامتحانات بعد الله يعين الحمدلله تونا تنفسنا عدل
على فكره انا الي مخترعه أسم (رجيم عبدالله المطوع الصاروخي) لوووووول
وما شاء الله الكل نسخه ونشره بمنتديات ثانية بس ماكنت منزلته هني كنت منزلته بمنتدى ثاني
واسمي بعد الفراولة لوووووووووووول
ما شاء الله انتشر موضوعي انتشار مو طبيعي ههههههههههههههههه
خل ارد عالبنات وبنزل يومياتي اليوم عاد بدعت اليوم ههههههه يوم مفتوح واستمتعت عدل بالأكل