يوميات رجيمي بالصور + قصه نزول وزني 10 كيلو بشهرين

[كوكا كولا]

ღ Mzajiya ღ

ليش الاحباط ياحياتي بالعكس اذا نازله بالأسبوع من نص كيلو الى كيلو حلو
وهذا هو النزول الطبيعي الصحي
شدي الهمه يالله وخليج متفائله المهم ان الوزن قاعد ينزل

 

[كوكا كولا]

عششق القهوه

زيييييييين مبرووووووك والله فرحت لج يالله ماباقي شي انا بعد ترا مو شاده على نفسي
ماخذه راحتي الجمعه وساعات السبت
عاد باجر بتغدى بره مع ريلي وبحاول اكل شي صحي ومابي اخربط الدنيا
ماراح احرم نفسي بس باكل شي صحي وابلش رجيمي صح الأحد ما اقدر ارد عزومه ريلي فديته

 

[كوكا كولا]

بسم الله الرحمن الرحيم


نبتدي معاكم يومي المفتوح في زيارتي لأهلي
لوووووول بدعت


اول شي بقول لكم سرررررررر
تعرفون عضوتنا (جوري وبنفسج) المبدعة في السلطات والأفكار والأكلات اللذيذه والفناتق
احم احم...... تصير أختي فديتها

واخليكم الحين مع فناتقها أهي معودتنا كل جمعه تسوي لنا فناتق وسلطات لذيذة

هذا بوفيه السلطات





وهذا فنتقها الجديد فديتها ام الفناتق





ونبتدي مع اول سلطه (سلطة البقوليات) يمي يمي لذيييييييييييذه





وهذي سلطتي المفضله (الشمندر والرمان)





وهذي الي صج صج ما اقاومها (سلطة الربيان بالأفوكاتو) يمي يمي يمي من قلب





وهذا فنتقها الجديد بعد ما فتحت البوكس











وهذا صحني عقب ما خذيت حصتي
طبعا هذا الدور الأول لوووووووول








اممممممممممم صج الأكل متعه واستمتعت بيومي المفتوح
والدور الثاني حطيت شوي هريس وحبتين ورق عنب و 4 قفاش عيش واهم شي كليت شوي لحم لأن عندي نقص بالبروتينات
وشربت نص قلاص عصير برتقال طازج



والمغرب كليت 3 قفاش كبيره ام علي يمي لذيذه



وبالليل عشاي هذا أدري بدعت اليوم هههههههههه



تبوله وماش بوتيتو بس ماكليته كله نصه ومعكرونيتي المفضله وشويه شوربه ماجي بالشعريه وعصير برتقال طازج


الحمدلله على النعمه وهالأسبوع لازم امشي كل يوم على جهاز المشي
يالله شجعوني واشجعكم فديتكم

 

[كوكا كولا]

اليوم الكل يقول لي بس خلاص ستوب stop لا تضعفين اكثر جذي جسمج حلو
بس وحياتكم بضعف بعد هههههههههههه
بوصل 60 وبشوف اصير عصله ولا زوين وعقبها اقرر

 

[LuLiTa]

موفقة و ان شالله توصلين للوزن اللي ف بالج

 

[نارنجه]

ماشاااء الله تبارك الرحمن
روعه ^_*

احب سوالف السلطااااات و فناتقها

عليكم بالف عااافية

بس ديري بالج من الميني لان القالب خبز و وحدة تجر وحدة ههههههه


و بميزان حسناتج ان شااء الله
ماقصرتي فينا بهالرجيم
بس ياربي رجيمات المطوع ماتنزلني بسرعة
حييل بطيئة
كان عندي امل بالرجيم هذا بس طلع مثل الي قبله

بشوف لي عيادة اراجع
مليت ابي وزني ينزل بسرعة
طالت المدة
امصخت السالفة لوووووووول

 

[كوكا كولا]

LuLiTa

تسلمين ياحياتي منوره

 

[كوكا كولا]

نارنجه

الله يعافيج ياحياتي :eh_s(7): لا افا عليج كليت بس حبه وحده
على فكره الرجيم يعتمد على الجسم نفسه بسرعه يحرق ولا لأ
هالكلام قاله لي الدكتور عبدالله المطوع بنفسه

وقال لازم رياضه الأفضل علشان الوزن يتحرك
بالبداية ترا ماراح يتحرك بسرعه بس من تستمرين شهر خلاص ينزل اسرع شوي
انا ببدي رياضه المشي يومياً من اليوم لأن ابي احرق واشد جسمي
الحين مشكلتي الشد عااااااااااااا :eh_s(16): بديت استخدم كريم نيفيا
اسمه (جود باي سيليولايت) بستمر شهر كامل واشوف في نتيجه ولا لأ
بحط منه مرتين يومياً وبشوف وان شاء الله الاقي نتيجة مع المشي

 

[ღ Mzajiya ღ]

كوكا كولا
حياتي تسلمين عالتشجيع
اليوم وزنت ولا 85 ونص ونااسه ؛)
صح كلامج الحمدلله اهم شي ان قاعد ينزل​

 

[فواصل]

موووفقة


والله يحفظج من كل عين

 

[عششق القهوه]

انا اكتب بموضوعي وهنآآ
تشجعين الواحد انتي ماشاءالله ...
انا جسمي اليوم حلو ماشاءالله لبست بنطلون وبلوزه كانو ضيقين علي
واليوم حلوه ع جسمي
لكن مشكلتي الكرش مع الولاده او بالاصح الترهلل
تمارين البطن الي سويتها اليوم ثلاثه
وكل تمرين منها 20 مره
مع اني خبصت بالاكل اكلت كتكات وتمر ومكرونه بس شوياات منهم ...
يلا بكره ان شاءءالله امشي صح وامشي ساعه اقل شي

 

[هدفي الرشاقة]

رد: يومياتي ياكوكا كولا

[QUOTE=هدفي الرشاقة;30268039]

صباح الخيرات والحب والطموح
اليوم ريوقي كان
كوب حليب خالي الدسم زيرو فات بالشاي وسكر اقل مايمكن
قطعة توست شابورة دايت
سلايس جبن برايد زيرو فات


وانا الحين بالدوام وجبت معاي تفاحه وخيارة وكيوية للظهر

وبالبيت الوالده طول الله عمرها الي وحفظها تعمل لي فاصوليا خضرة بصدر الدجاج

هااااا قبل ماانسى البارحه رياضه بالدراجه الثابته نصف ساعه ونصف ساعه تمارين خاصة بالارداف والبطن


بس عندي مشكله كيف اتخلص منها ماادري انه انا عندي واهس اقيس وزني بالميزان يومية بس ابشركم امس عديت ال123 وصرت 122ونص الحمد لله​

:ggdw:[/QUOTE]

مشتاااااقين ياامورات يابطلات الرشاقه واحب اهني نفسي واهنيكم باني نزلت من 126 كيلو الى 121 ومستمرة بالريجيم طبعا احييكم على التشجيع حبيباتي خصوصا صاحبة المساهمة الاخت كوكا كولا واتمنى الكل يحقق حلم الرشاقه وادعولي احقق هدفي واوصل 90 كيلو لان طولي 175

 

[هدفي الرشاقة]

عندي سؤال محيرني ياحبايبي متى يبدء الوزن بالنزول السريع في بداية الريجيم او لاحقا

 

[كوكا كولا]

ღ Mzajiya ღ

مبرووووك النزول شفتي شلون مو مهم شكثر المهم ان الوزن قاعد يتحرك وينزل
هذا اهم شي عكس انه ثابت او يزيد

 

[كوكا كولا]

فواصل


آمين يارب
تسلمين عالمتابعة والتشجيع

 

[كوكا كولا]

عششق القهوه

تسلمين ياحياااااتي عالكلام الحلو اكيد التشجيع عامل مهم
واذا خربطتي شوي مره وحده مو نهاية العالم تقدرين تحرقينها بالتمارين والمشي والالتزام من اليوم الي وراه
استمرررررررررررري وهالبنطلون البلوزه بيصيرون خيمه عليج مثلي

 

[كوكا كولا]

هدفي الرشاقة

مبروووووووووووك ياحياااااااااتي عالنزول والفال للهدف الأخير يارب
بالبدايه يكون النزول بطيء بس مع الاستمرار بالرجيم والرياضه ينزل اسرع أسأليني
وأكيد هدفنا التشجيع
اشجعكم وتشجعوني

 

[كوكا كولا]

هذا نظامي أمس زوجي كان عازمني على مطعم واخترت ساتشي الي كانت تمدحه الحـــــور فديتها
وطلبت نفس طلبها وطلع واااااااااااو بصراحة وايد حلو ولذيذ والأكل خفيف عالمعدة ما يغث
بس نسيت اصور صورت على آخر شي لما خلصنا تقريباً اكل وخذيت ولدي معاي

طلبت سلطة ساتشي سبيشل سالاد+ شوربه بحرية يمي لذيذة اسمها هوت اند ساور

وطلبت سوشي اسمه مارينا ماكي شنو لذييييييذ ويشبع حيل ويعتبر وجبه بروحه ما طلبت طبق رئيسي
لأن اهو كان يكفي ما شاء الله فيه 8 قطع لذيذه دماااااااااار


هذا طلب ولدي ميني برجر 3 حبات برجر ميني صغار كللللللللش





وانا هذا طلبي سوشي (مارينا ماكي) يمي عجيب وانصحكم اهو بروحه يكفي ويشبع
واحلى شي مخلل الزنجبيل الي لونه وردي عجيييييييييب ويهضم حيل حليت فيه اخر شي





وبعدها طلعنا تمشينا ولعبت ولدي وماردينا الا عقب المغرب

وبالليل كنت تقريباً شبعانه شوي وكليت بس أناناس عالساعة 10
طلبته من محل عصاير لأن ماعندي أناناس لوووووول

 

[ر-وح الجوري-]

مآشآء الله أستمري حبوبه ورح توصلين مرادج..

 

[كوكا كولا]

ر-وح الجوري-


تسلمين ياحياتي انا مستمره بإذن الله بس احاتي هالسفره
اخاف وزني يزيد فيها الله يستر لأن عارفه السفر بس اكل بالمطاعم ومشي وايد