يوميات * رشيقات الاضحى *... انطلاقتنا نحو الرشاقة

[ملاكـــ]

مسساء الخيرات

ريجيمي 16/9
الفطور ;
شريحتين توست ابيض+ جبنه سلايس قليله دسم + بيض مقلي بالفلفل
شربت معاه عصير برتقال

 

[مااارس]

وووووووواو وناسة
انا ابي احد يشجعني
انا معاكم بديت من امس
يصير تقبلوني ولا قفلتوا التسجيل

 

[شكشكه أوربيه]

اليوم اول يوم لي بالرجيم وانشالله يكوون بدوون تخبيص

الوزن : 82.8
الهدف الاول : 75
الهدف الثاني 65
الرجيم المتبع : نظام دشتي
بتشجيعكم تقدر نوصل لكل اهدافنا

اليوم صحيت متاخر فعشان كذا كانت وجبه الفطور ملغيه

الغداء كان صحن سلطه + 2 شريحه سمك مشوي

الحين بشرب زنجبيل

بس بغيت اسال بنات الميزان متى راح يكون كل جمعه ؟

 

[RO0O7Y KUWAITYA]

السلاااام عليكم شلوووووونكم


انا اليووم مو لعبت الا خبصت :eh_s(22):
المهم انا مااتبع ريجيم معين بس ابي اخفف

16\9\2012


الصبح
كليت صمون لبنه وصمون حلوم وعصير برتقال
على الساعه 11 كليت شبس


الغدا
كليت سب وي
بعدين كليت برد كورتين مااغشمر بطني فوول




واللحين راده من الكليه بطني يعوررررررررررررررررررررررررني


اي صح هلكت مشي بالكليه مو اليوم انتخابات






واذا باكل بالليل بااكتب مع انا مااتوقع لاني بنفجر من اللي كليته :eh_s(22):

 

[طالبة اخر سنه]

اللي تسأل عن الفيتمينات ترا جداً مفيده الاوميغا3 يبيعونها بالصيدليه

انا رجيمي غلا الاشواق .. ^^ جدا مريح وراقي وشي !! هذا اليوم الثاني لي !! ورياضة كل يوم ساعه
ومتحمسه اوزن يوم السبت

انا اقول نوزن السبت عشان مايصير في مجال تخبصين خميسس وجمعه xD عشان تلتزمين اكثر
شرايكم ؟

 

[روحي تحبك...]

بنات خل اقولكم قصة صارت وياي اليوم


جيبوا مطارة الجاي والقهوة وحب ومكسرات وحلو

وتربعوا يمي واسمعوا







انا امس واليوم بديت اسوي رجيم دشتي وقلت لكم.. امس اول يوم مر تمام التمام << كنت مسويه بروتين صافي

لمن نمت احس من ريولي من ركبي لي تحت تعورني..شايفين شلون بشتا وتحسون برد بريولكم

وركبتي اليمين ذبحتتتتتني احس الم مو طبيعي

قلت يمكن من البرودة.. حلو

اليوم الصبح قعدت تريقت بس بيض

والوضع اوكي

قبل الغدا بشوي حسيت بصداااااع واحس عيني اليسار عليها ضباب ومسكره

قلت ماكو شي مابي اوسوس

العصر توني طلعت زيوتي وصابونياتي.. شايلتهم.. ولا عند باب الحمام وانتم بكرامة شنو صار؟
















طااااااااخ طوووووووووووخ طييييييييييييخ

تكرفست انا وزيوتي وصوابيني فوق بعض .. كانت يمي زوجة اخوي

ما اشوف احد ولا قادره اتحرك واسمع اصواتهم بس احسها بعيده << فلم رعب لووووووول


صحصحوني وودي المستشفى سوو لي فحص ولا عندي هبوط

وقبل ما يغمى علي والله يا بنات احس ويهي من صوب الجبهه ليما خدودي منممل .. حيل خدران

ايدي اليسار خدرانه... بس غصبت نفسي وقلت ماكو شي


سأل الدكتور امي قال اهي مو ماكله ؟ قالت له مسويه رجيم ولها يومين مو ماكله

قالي اكيد رجيمج قاسي.. وشرحت له موضوع الرجيم وقال رجيم دشتي حلو
بس انتي بديتي فيه غلط بروتين صافي... وغير جذي ندج فقر دم

ما انصحج فيه يعني لازم تاكلين فواكه تشربين عصاير

قالي انا كان وزني 95 وما حرمت نفسي من شي

بنات لو تشوفون جسمه تتمنونه,.... ما شاء الله ضعيف ورشيق

مو ضعف الرياييل الي يخرع له مناسب جسمه والله << شكلها عشقت الدكتور لووووووووووووووووووول


المهم قلت له شلون وزنك صار جذي

يقول اكلي هو هو ما حرمت نفسي من ااااي شي حتى حلويات وكاكاو اكل

قلت شلووووووووووووون نورني الله ينور عليك

قال اخفف ... كل اكلي هو بس تخفيييييييييييييييف بس اشوف نفسي شبعت اكفي الاكل

مع ان في مجال اكل بس لا اكل على قدي وعلى راحتي
واشرب يوميا عصير برتغال واناناس

يقولي صالي 6 سنوات ولا يوم تركت الممشى لازم اسوي مشي ورياضه خفيفه


يقولي اتركج من هالسوالف انتي مو بالسمنه الي تخليج تسوين رجيم نفس جذي قوي على جسمج وبنيته

انتي بالكثير يبيلج 7 كيلوات وتضعفين

قالي سوي الي قلت لج



وقالي فليها يومين وسوي رجيمج عادي بس عشان العلاجات




وجذي خلصت قصتنا واخر وحده تشيل الصحن والسفرة وتنظف المكان لووووووووووووووول​

 

[مسك إلمحآسن]

مرحبا

16-9 الأحد أول يوم ريجيم
بسم الله

ع الريج قفشة عسل + ماي
ريوقي عصير برتقال + توسته جبن

الغدا قلاصين ماي
دجاج مشوي + سلطه تبووله و دايت بيبسي

المغرب نسكآفيه

العشا
روب + فاكهه اتوقع رمآن


الرياضة مشي نص سآعة


و الحمدلله :eh_s(7):

​

 

[روحي تحبك...]

بنات انا هذي مره اسوي رجيم دشتي ويصير فيني جذي... << ابي اخلي للزمن القادم لووووووووووول


بنات انا من باجر راح ابدا تخفيييييييف مثل ما قال الدكتور وبجرب نفسي اسبوعين.. واشوف وزني

وابي اكثر من عصير الاناناس... وروب خالي الدسم يوميا بعد العشا << يخفففففي الكررررش

والرياضه امس سويت الستب 50 مره ابي اعود جسمي عالحركه اول شي بعدين ابدا رياضه

كلامي هذل مو معناته ان ماكو رجيم ولا تجمع لا انا وياكم كل يوووم

ببدل الخبز والتوست بالاخبر الاسمر واقلللللل من العييييييييش

نجوى كرم تقولي انا بخلي شي بخاطري بس بعمل رياضه كل تلات ساعات << لها حيل لووووووووووول

وصج بنات بنبهكم الي تسوي رياضة البطن


اوبرا وينفري ببرنامجها مره ملتقيه مع مدرب رياضه
يقول النساء يسوون رياضة البطن من 3-5 مرات بالاسبوع << يعني لا تسونها يوميا

يقول لان اذا سوتها يوميا يطلع لها عضلات نفس الرياييل ... واوبرا قالت انا طلعت فيني وقللت منها وراحت


يعني بنات خففوا من رياضة البطن << انا عن نفسي اسويها 4 مرا بالاسبوع

الزم ما علينا يا بنات صحتنا وعافيتنا

 

[روحي تحبك...]

بنت النور

شكشكه اوربيه

مارس

حياكم الله بالتجمع وشوا حيلكم


باقي الصبايا برافوووا عليكم

ان شاء الله هالحماس والهمه عل طووووووول

 

[مسك إلمحآسن]

روحي سلاااااااااامااااااااااااات

انا ضد هالريجيمات

وفيج فقر دم يابنت ديري بالج :rgewrg:​

 

[غرور الريم]

روحي تحبك سلااامات ماتشوفين شر
ما انصح احد يجرب ريجيم دشتي حييييييل قاسي



يومياتي كانت
الريوق صمون حلوم مع ببيبسي صغيرون
الغدا دجاج مسلوق مع بطاط
بعد الغدا اكلت ارووو لانه اخف كاكاو وعادي تاكلينه بس مو يوميا
العشا ماكووو

 

[غرور الريم]

ومشيت ساااعه تقريبا من غير الرقص
سويت البيت ديسكووو ...لوووول

 

[الكيكه دندن]

اسم الله عليج روحي

بس هم مت من الضحك على سرد القصه
هههههههه والله اشتهيت ونا اقراها اكل مكسرات واشرب شاي خخ

وانا عشان جذي ما احب الريجيمات ومبلشه تخفيف تقريبا صارلي 6 شهور اتوقع ونزلت 5 كيلوات الحمدلله

وما احرم نفسي من شي لان قبل لما كنت اسوي دايت كان معاي فقر دم وويهي يخرع ضعيف واصفر وكله قشور
ومن بلشت بالتخفيف فحصت ولله الحمد دمي سليم وما عندي اي مشكله استرديت عافيتي

وهذا اهم شي ننزل واحنا بصحه وعافيه

 

[الكيكه دندن]

يومياتي لليوم 16\9

الريوق

بيض طماط وفلفل +فول +خبزه +شاي حليب

سناك

مكسرات وحليب

الغدا
خبزه بزعتر وجبنه شرايح وشاي حليب

وما تعشيت لاني باجر صايمه

يعني عشاي اهوا سحوري ان شاء الله

والرياضه بعد شوي اقولكم شنو قررت

 

[الضوء الخافت]

انا ليوم وايد خبصت اكلت فاست فود وحليت بكيكة وبليل كليت روبيان مقلي وحبة جلاكسي ووايد تعبانة اني خربطت بنات شجعوني ترا انا وايد ارادتي ضعيفة قدام الحلويات مادري شسوي وبشنو تنصحوني اي ريجيم بليييز بنات

 

[الضوء الخافت]

سلامتك روحي تحبك وما تشوفين شر حبوبة ديري بالج من لريجيم القاس. وسلامتك

 

[روحي تحبك...]

الله يسلمكم يا بنات حبايب قلبي انتوا


الكيكة دندن

على طاري الويه... عاد اخوي الصبح ضغطني

يقولي ويهج ويه سيلانيه لوووووووووووووووول

والله امس واليوم بس سمررررررررررت حيييييييل

ويهي تغير

احس هالرجيم لعن خير البرنامج الي مسويته لووووووول

 

[شكشكه أوربيه]

هااي قايز

المغرب اخذت سناك كان شرايح خيار + م ص جبنه سايله

العشاء للاسف خبصت فيه رحت للمول وماقدرت اقاوم وزعلانه من نفسسي ندمت اني خبصت

بس انشالله ماتنعاد صبايا

روحي تحبك حمدالله ع سلامتك ماتشوفي شر

بس باقي ماقررتو موعد الميزان متى بيكون ؟؟

 

[روحي تحبك...]

شكشكه اوربيه

الله يسلمج يا رب

بخصوص الميزان ... مافي هالاسبوع ...

الجمعه الي بعدها

افضل كل اسبوعين عشان مو كل ويك اند نتوتر ونحاتي

 

[روحي تحبك...]

بنات شوفوا هالرابط

فيه رياضه وايد حلوة

حركات رياضية لازالة الكرش و الارداف - حركات رياضية لكى تكونى رشيقة


طبقوها العصر اذا انتم متبعين رياضه كل يوم الصبح



وهذي الرياضه عجيييييييبه ترفع الارداف وتخليها مشدودة

سووها كل .. اذكر وحده كانت تقول اسويها 5 مرات باليوم
كل ما اخلص صلاة اسويها 10 مرات يعني 50 مره