يوميات قروب (( عزوبيات للرشاقة ))...تابعوني..

[مات الاحساس]

ان شاءالله راح اتعشى وبنزل لكم الأيام الباقيه
الدكتور قال هالرجيم ينزل ف الأسبوع من 3 الى 4 كيلو
على حسب الجسم
وقال لي بينزلني في شهر من 10 لين 12 كيلو
اذا التزمت
ان شاءالله هههه

 

[روحي تحبك...]

صباااحووو صبايا

شلونكم شخباركم؟؟


اليوم ما اكلت وايد

مالي نفس متضايقه بسبة الوزن وغير جذي الحلوة قربت فعشان جذي مالي نفس

باجر يوم مفتوح بس خفيف مو تخبيص طبعا

 

[روحي تحبك...]

مات الاحساس

طولج حلوووو الله يسامحج بس وزنج كبير

<< عبالي انا البطه هني لوووووووول << مو تزعلين يا الغلا

ورجيمج واااااااااايد حلوو يبيله والله .. هالاسبوع بسوي رجيم محمد ربيع

والاسبوع الي بعده بسوي رجيمج

بس ما احب سكر سبلندا سمعت انه مو زين لانه مواده صناعيه

 

[روحي تحبك...]

ساره

الف عافيه يا قلبي

 

[روحي تحبك...]

الملكة اهلين وسهلين

زيييييييين بينتي يا الغلا


ما عليه يعطيج الف عافيه وان شاء الله تردين لنا باسرع وقت يا رب

 

[أم سعود23]

المشي واااااايد حلووووو حق الرجيم

يعني حاولي تمشين ساعه او ساعتين

واهم شي روتينج الغذائي حق الاكل لاتحرمين نفسج من الشغلات الضروريه لصحتج

 

[روحي تحبك...]

ام سعود

يعطيج الف عافيه عالنصايح يا قلبي

واكيد ما نستغني عن المشي << كافي كرف البيت طالعه نازله لووووووول

نورتي يا الغلا

 

[أم سعود23]

اي بس حبيبتي حطي ببالج لاترهقين نفسج واااايد بشغل البيت مو زين على صحتج ترا ماراح يفيد شي بالروتين اللي انتي منظمته

انا اشتغل بالبيت وصج بيت ريلي لوووويه كله يهال

بس ماارهق نفسي لو شنوو

ديري بالج

 

[نهايات الوله ~]

مبروك لكم بنات ويارب توصلون للوزن المثالي :eh_s(17):


مات الاحساس
ماعليك من احد ولا تحبطين نفسك .. راح تعدين هالكيلوات
بعزيمتك وارادتك .. ورجيمك حلوو استمري واحنا معاك

انا بصراحه راح اشد على نفسي هالاسبوع ..
وبكره مفتوح بس ماراح اشق الحلق هههههههههههههههههه


سارونا
وين ماشيه قدامي اوريك خخخخخخ
لاوالله فرحت لك وعقبال 50


هيلين
لك وحشه لاتقطعين
ورينا وزنك وين وصلتي .؟

 

[الياسمين23]

مساء الورد شخباركم

امس زواره الله لا يراويكم العشا قبوط و مرقوق و هريس و عيش و فقع


ولا اكلت تعشيت بسكوت ولبن و فراوله

مات الاحساس منوره يالغاليه

هلين و الملكه لا تقاطعون

سارونه باجر الصبح بشوف وزني ان شالله

اليوم قعدت من النوم 10 ونص ليلحين ما اكلت شي بتغدا

خضار سوتيه مع رغيف خبز اسمر خفيف و روب و عقب باكل كيوي حبتين

العشاب روب و برتقاله

 

[NaYoob]

شلووونكم عزوبيات

ابي ادش معاكم بالقروب بما أني عزوبيه مثلي مثلكم :eh_s(15):

معلومات عني
عمري 21 و 1 - 3 بصاير 22 أحم

وزني 66
الطول 165
الهدف الاول 60
الهدف الثاني 55
الهدف الثالث وليت الشباب يعود يوماً 50 :eh_s(11):

انزين بنات انتوا ليش ماتتبعون رجيم السعرات الحرارية لانا انا سامعه المعدل الطبيعي
ألف وشي حق اللي يحتاجه الجسم

 

[SARA*]

ام سعود مشكوره نصائح الحلوه

الياسمين ان شاء تكونين نازله وتبشرينا بدخولج ال70 نات

نهايات الوله لا لا لا لا ماتقدرين الاحسن خليج وراي انا واصله للخمسينات قبلج هههههههههههههه

يارب كل وحده بالقروب تحقق حلمها وتوصل للوزن المثالي
انا اول كنت افكر اسهل شي الرجيم بيومين اقدر انزل وصار الي هذا درس حتى احافظ على جسمي ومايزيد

حبيبتي روحي تحبك وانا السبت ابدي برجيم محمد ربيع بصراحه انا هذا الاسبوع مشيت عليه 3 ايام وخربطت

 

[*المــــلكة*]

السلااام عليكم
شلوووونكم
ريوقي : توست اسمر مع لبنه دايت ولبن اكتيفيا
الغداا : سلطه + ربيان وعيش قفشتين
مشيت نص ساعه
وبعد شوي بكمل مشي بمشي اليوم ساعتين ونص
والعشا يمكن اكل حبه فاكهه وبسسس
والله يعطيكم العافيه بنااات كملووو استمروووا​

 

[مات الاحساس]

هههههه روحي تحبك لاتخافين انا دايما احسسس الناس انهم رشيقين صوبي هههههههههه :$
وساره ان شاءالله الحين بنزل باقي الأيام

اليوم نمت للظهر :$ اعوض تعب الأيام الي فاتت الدوام
وماتريقت !
ويوم ييت للغدى نفسي منسده مادري شفيني
شربت عصير فيتامينات الي عطاني اياه الدكتور
وغصبت روحي اكل لقمتين فيليه سمج
احس معدتي صارت صغننه ههههههههههه :$ <اهم شي ان صغننه

 

[مات الاحساس]

اليوم الثاني :
الريوق : جاي او قهوه مع شكر سبلندا ( او اي سكر رجيم ) < لأن روحي تحبك قالت سبلندا مو زين + بيضه مسلوقه + شريحتان جبنه .
وجبه خفيفه بين الفطور والغدى : جاي او قهوه مع شكر سبلندا + سلطه ( خس + خيار )
الغدى : صدر دجاج مشوي او مسلوق + صحن سلطه ( خيار + خس + ملفوف + فلفل حلو ) + عصير الفيتامينات الي ماعطني اياه .
وجبه خفيفه بين الغدى والعشى : جاي او قهوه + سلطه
العشى : ملعقتين لبنه قليله االدسم + شريحتين مرتديلا + خياره

 

[مات الاحساس]

اليوم الثالث :
الريوق : جاي او قهوه مع شكر سبلندا +بيضه مسلوقه + ملعقتين لبنه + خياره .
وجبه خفيفه بين الفطور والغدى : سلطه ( خس + خيار )
الغدى : سمك مشوي ( قطعه فيليه كبيره ) + صحن سلطه ( خيار + خس + ملفوف + فلفل حلو ) + عصير الفيتامينات الي ماعطني اياه .
وجبه خفيفه بين الغدى والعشى : جاي او قهوه + سلطه
العشى : علبه تونه صغيره + شريحتين جبنه + عصير بوليرو ( الفيتامينات )

 

[مات الاحساس]

اليوم الرابع :
الريوق : جاي او قهوه مع شكر سبلندا ( او اي سكر رجيم ) + قطعتين جبنه + ملعقه كبيره لبنه + خياره
وجبه خفيفه بين الفطور والغدى : جاي او قهوه مع شكر سبلندا + سلطه ( خس + خيار )
الغدى : صدر دجاج مشوي او مسلوق + صحن سلطه ( خيار + خس + ملفوف + فلفل حلو ) + عصير الفيتامينات الي ماعطني اياه .
وجبه خفيفه بين الغدى والعشى : جاي او قهوه + سلطه
العشى : قطعتين جبنه + جبود ( خمس قطع ) مشويه . + عصير فيتامينات

---------------------------------------------------------------------------------------------------------------------

اليوم الخامس :
الريوق : جاي او قهوه مع شكر سبلندا + شريحه مرتديلا + بيضه مسلوقه + خياره .
وجبه خفيفه بين الفطور والغدى : جاي او قهوه مع شكر سبلندا + سلطه ( خس + خيار )
الغدى : سمك مشوي _ قطعه فيليه كبيره + صحن سلطه ( خيار + خس + ملفوف + فلفل حلو ) + عصير الفيتامينات الي ماعطني اياه .
وجبه خفيفه بين الغدى والعشى : جاي او قهوه + سلطه
العشى : شريحتين جبنه + ملعقتين لبنه + 4 اوراق خس .

-------------------------------------------------------------------------------------------------------------
اليوم السادس:
الريوق : جاي او قهوه مع شكر سبلندا ( او اي سكر رجيم ) + قطعتين جبنه + بيضه مسلوقه
وجبه خفيفه بين الفطور والغدى : عصير+ سلطه ( خس + خيار )
الغدى : لحم مشوي او مطبوخ + صحن سلطه ( خيار + خس + ملفوف + فلفل حلو ) + عصير الفيتامينات الي ماعطني اياه .
وجبه خفيفه بين الغدى والعشى : جاي او قهوه + سلطه
العشى : سلطه بالجبن الأبيض < احلى شي ف الرجيم كله ههههه + علبه تونه صغيره بالماي طبعاً + عصير

-------------------------------------------------------------------------------------------------------
اليوم السابع :
الريوق : جاي او قهوه مع شكر سبلندا ( او اي سكر رجيم ) + ملعقتين لبنه + شريحتين جبنه + خياره.
وجبه خفيفه بين الفطور والغدى : عصير+ سلطه ( خس + خيار )
الغدى : 5 حبات ربيان مشوي + صحن سلطه ( خيار + خس + ملفوف + فلفل حلو ) + عصير الفيتامينات الي ماعطني اياه .
وجبه خفيفه بين الغدى والعشى : جاي او قهوه + سلطه
العشى : بيضه مسلوقه + شريحتين مرتديلا + عصير


------------------------------------------------------------

* يمكن استبدال الجبن بالبيض اىو التونه او المرتديلا او اللبنه وبالعكس .
* يمكن شرب الجاي والقهوه اي وقت بشرط استخدام سكر الرجيم .
* يمكن استبدال السمك باللحم او الدجاج او العكس .
* يجب شرب 8 اكواب من الماء .


وبس :$

 

[روحي تحبك...]

مساء الخير

ما شاء الله القروب عامر اليوم لوووووووول

عساني ما انحرم منكم كلكم يا رب

موفقين جميعا يا البنات

نهايات الوله اي ديري بالج تفتحين الحلق ترى احنا على طريف << ما نصدق خبر


الياسمين

ايوووووووواااااااا خلج جذي قوية وصامدة جدام المغريات ما تنفعنا ابدا


نايوب << جذي صح لووووووول


حياج يا قلبي ويانا نورتينا يا الغلا

وزنج ما يبيله وايد يمكن خلال شهرين توصلين لين 55 بس شدي على نفسج اكثر

ولا تخبصين << احنا الي تخبص نعاقبها لووووووووووووول

السعرات الحراريه حلو ... بس هذا انا مخليته اخر الحلول

الملكة نووووووووووووووووووووورتي يا الغلا

يا دوبه لا تنحاشين قولي جم وزنج صار

ترى اعاقبج هذا اذا ما ذبحتج

 

[روحي تحبك...]

سارونه

حطي رجيم محمد ربيع الي عندج << يا ليت يكون للاسبوع كله

لاني ناويه على نفسي هالاسبوع لووووول


مات الاحساس

فديتج يا قلبي تسلم هالانامل الي كتبت الرجيم وشكله حلو بس احس فيه وايد اكل

اعتقد يعتمد على بنية الجسم ويبين هالشي بعد تحاليل خصوصا انتي مسويته عند دكتور

 

[روحي تحبك...]

بنات لقيت كذا رجيم لمحمد ربيع

اختاروا الي يعجبكم منه


الاول

الافطار:
3-5 تمرات+حليب أو كوب قهوه ساده أو إذا كنتي حدج يوعانه أو تعبتي بالدوام ودختي 2 توست أسمر مع جبن أو لبنه لايت مع طماط وخيار

الضحى:عصير أو ككاو صغييير << الاحسن كتكات صغير الاصبعين

الغداء:
(1) 2 هامبرجر+ سلطه+ربع خبزه+دايت
(2) 2 بيض+سلطه+ربع خبزه+دايت
(3) علبة تونه+سلطه+ربع خبزه+دايت

المغرب:فاكهه او عصير او 3 تمرات مع قهوه أو نسكافيه

العشاء: لبن+2 فاكهه أو روب بالخيار+2 كيوي

الثاني



الإفطار
2 توست + لبنة أو جبنة + سلطة

بعد قليل
شاي أو قهوة


الضحى
تمر أو فاكهة


الغداء

اليوم الأول : دجاج + سلطة + 1/2 خبزة

اليوم الثاني : 4 قطع تكا + سلطة + 1/2 خبزة

اليوم الثالث : سمك + سلطة + 1/2 خبزة

اليوم الرابع : 2 همبرغر + سلطة + 1/2 خبزة


ثم يكرر من اليوم الأول وهكذا


العصر

فاكهة أو تمر


العشاء
2 توست + جبنة أو لبنة + سلطة + شاي أو قهوة


أو

فاكهة ( كيوي + أناناس + برتقال) مع لبن أو حليب << الافضل لبن اكتيفيا



الثالث



<< بنات الثالث حق شهر كاااامل وتقدرون تختارون واحد منهم اوووكيشن

تفضلوووا

الاسبوع الاول:
*************

الافطار: 5 تمرات+كوب حليب خالي لدسم

الضحى: حبة تفاح احمر او اخضر

الغداء: (1) 1-2 صدر دجاجه+سلطة روب وخيار وثوم ونعناع+ربع خبزه
(2) علبة تونه+خضروات السلطه+ربع خبزه
(3) 2 قطعو لحم+سلطة او تبوله+ربع خبزه

المغرب: 3-5 تمرات+ ماء

العشاء: خس+ سلطة روب وخيار+عصيرالخلطه( اناناس وكيوي)
************************************************** ******

الاسبوع الثاني:
*************

الافطار: 5 تمرات+ نسكافيه بالحليب

الضحى: عصير اناناس او برتقال او جريب فروت

الغداء: (1) 2 بيض مسلوق+سلطة+ربع خبزه
(2) 1-2 صدر دجاجه+تبولة+ربع خبزه
(3) 4-5 ملاعق فول+ سلطة+ربع خبزه
(4) ستيك+سلطة روب وخيار+ربع خبزه

المغرب: حبة فاكهه او عصير او 5 تمرات


العشاء: (1) خس+ لبن+ 2فاكهه(كيوي+برتقاله)
(2) سلطة+ روب+ عصير الخلطه(اناناس+كيوي)
************************************************** ******

الاسبوع الثالث
*************

الافطار: (1) 2شريحة توست+ جبنه+ خس+خيار+طماطم+حليب
(2) 5 تمرات+حليب

الضحى: عصير

الغداء: (1) سلطة+ 3-4نقانق+ربع خبزه
(2) نصف علبة فاصوليا خضراء+سلطة+ربع خبزه
(3) 2هامبرجر أو 3-4 شرائح مرتديلا+ سلطة+ ربع خبزه

(4) سمكه+ سلطة+ربع خبزه

المغرب: حبة فاكهه أو عصير أو 5 تمرات

العشاء: (1) خس+لبن+2فاكهه
(2) سلطة روب بخيار+عصير الخلطه(اناناس+كيوي)
************************************************** ******

الاسبوع الرابع:
*************

الافطار:3-5 تمرات+حليب

الضحى:عصير

الغداء: (1) 2 هامبرجر+ سلطه+ربع خبزه
(2) 2 بيض+سلطه+ربع خبزه
(3) علبة تونه+سلطه+ربع خبزه

المغرب:فاكهه او عصير او 3 تمرات

العشاء:سلطة+ لبن+2 فاكهه