kloOot diet 3 ----------------------

[جنان2006]

السلام عليكم

عليكم بألف عافية بنات
ومشكورة بيبي جونسون وأجمعين يالغالية

أم خالد الله يوفقج إن شاءالله

شوقر سبايس مشكورة عالمرور

سوسو ميخالف شدي حيلج والله يوفقج إن شاءالله اشرايج برجيم جوليا لمدة أسبوع


وعاشووو قرووووب كلووووت

 

[جنان2006]

اليوم تغديت 3 حبات سمبوسة + جاي

والعشا : 4 قطع شيش طاووق + تبولة + نص خبزة

 

[oum 5ald]

حبيبتي جنان تسلمين ويوفقج ..

انا صارلي 3 ايام برجيم قاسي ومانزل وزني ..

وامس يتلي الدوره .. قست بالميزان ولا نازله 700 غرام .. مع ان المفروض اكثر يعني قولي عالاقل كيلوين

وحدي اكتئبت والله
شرايكم متى يكون وزني صح لمن اقيسه ..؟

 

[جنان2006]

هلا وغلا بأم خالد

لا يضيق خلقج الحمدلله المهم انج نازلة ومعروف الدورة لم تيي تحبس سؤائل بالجسم

وانا هالأسبوع وزني ثابت بسبة الحلوة وإن شاءالله بس تخلصين منها شوفي وزنج وياااارب تضعفين بصحة وعافية


وعاااااشت أم خااااااااالد

 

[al7noona]

بنات لاتتحبطون لازم تتشجعون اكثر ميخالف هالاسبوع وزنج مانزل شدي على نفسج واستمري بالرجيم وانشالله تضعفون وتشوفون الميزان ولا نازل وزنكم اكثر من كيلوين


وترى وقت الدوره لما تقيسين وزنج تكونين زايده الاحسن لما تخلصين الدوره قيسي وزنج

 

[al7noona]

بنات في سؤال بسالكم اياه لان بصراحه يسبب لي احراج وبالاصح اذا قالوه لي ماادري بشنو ارد هههههههههههههههههه


اذا وحده شافتج وقالتلج واااو ضعفانه شتردين عليها؟؟؟

انا اواجهه صعوبه مادري شقول مرات اقول صج زيين احسن مرات اقول اي احسن جذي مادري احس جوابي مو عدل ؟؟؟؟!!!!لوووول لا تضحكون علي بس والله صج ماني عارفه شقول

 

[om MaRyooM]

قوة حبابي شلوونكم ..

انا بروحه وزني ثابت وهالمرة آنسة حمرة زاريتني بعد ..

قاعدة اسوي رياظة بطن 20 مرة صبح و20 مرة قبل مانام .. عشان اطير كرشتي تدرون عقب الولادة خصوصا القيصري يصير شكل البطن وع . .



*الحنونة*
لووول ياحياتي انا احيانا نفس الشي اتوهق احس مااادري شقول .. اذا احد قاللي جذي اقولها صج؟؟جان زين والله قاعدة امشي بين فترة وفترة .. لووول احس جوابي بعد عبيط
بس عادي يباا

انا هلفترة الحمدلله قايليلي ظعفانة بس ماقالولي وااااو . ز يمكن خايفين يغمى علي خخخخ

 

[soso.haji]

الحنونه قولي لهم من شغل البيت و العيال خخخخخخ انه اقول جذي بس يدرون مو صج لاني مو متزوجه

احين فطوري 3 شابورات مع شاي+ حليب شوي
وسكر الدايت


بعد شوي بسوي تمارين خفيفه وبشرب شاي اخضر عليه شوي ليمون<<< امي قالت زين

 

[جنان2006]

صباح الخير

اشلونكم عساكم بخير؟؟

 

[جنان2006]

الحنونة

عندنا وعندج خير يا كثر اللي يسألون والمشكلة الله يهداهم بدون ذكر الله
مع إني متروسة بس الناس ماتخلي أحد بحالها

وانا مو دايما ألتزم برجيم فإذا أحد سألني أقولهم من شغل البيت ومجابل اليهال وانا صاجة ماجذبت عليهم
وإذا حزتها كنت ماشية على رجيم أقولهم رجيم ... وعاد يسألون وقتها أي رجيم وشنو واشكثر ينزل

والله يعيننا وننزل كلنا بصحة وعافية إن شاءالله

 

[جنان2006]

أم مريوم

اشلونج عساج بخير
كرشة الولادة شر لابد منه
ومثل ماقالت الحنونة لو هالكرشة تخف والزوائد تروح جان احنا بخير

ولا تحاتين إن شاءالله بيقولون لج واااااو بس لا تنسين الرقية هم العين حق في ناس سبحان الله يفزون عالشي من غير ذكر الله

 

[جنان2006]

سوسو

عليج بألف عافية إن شاءالله
ويارب توصلين للي تبينه بصحة وعافية :ggdw:

 

[جنان2006]

اليوم بداية الأيام البيض
وللأسف ماصمت بسبة الحلوة
وتوني شربت جاي + 2توست أسمر + 1جبن سلايس قليل الدسم


كلوووووت مكاااانج حيــــل امبين الله يردج بالسلامة إن شاءالله

 

[soso.haji]

انشالله معاج ياااااااااااااااارب


بالعافيه جنان


بالنسبه لرجيم جوليا هم ماقدرت التزم فيه

 

[soso.haji]

احين بروح امشي شوي وبعده بشرب شاي اخضررررر
بالتوفيييييييييق بنات
ما بقئ شي علا يوم الجعمه انشالله نضعف هالاسبوع وباقي اربعه ايام انشالله مانخرب الرجيم ليه الويكند

 

[جنان2006]

الله يعااافيج ياااارب

ونفس حالتي رجيم جوليا التزمت فيه 4 أيام واخترب اجبارياً من الزوارة

والله يعطيج العافية

 

[om MaRyooM]

*جنان *

الله يسمع منننج ..





* soso*

اذا تشربين جاي اخضر في خلطة وحدة من العظوات قايلتها .. ومن اليوم ببدي فيها .. لأن اغراظها حامية وتحرق الدهون
*كمون حب *نعناع فريش *شرايح زنجبيل يعني تبشرينه او تقطعينه شرايح ..
مع عض حطيهم بالمطارة وكل يوم شربي كوبين او ثلاث ..

 

[soso.haji]

بااااك لعبت شوي رياضه واحين بشرب الشاي الاخضر

ام مريوم انه قبل جم يوم سويت الخلطه بس ماقدرت الطعم مب شي حدددددد


فاحسن شي شاي اخضر مع ليمون اقدر اشربه ومابتلوع جبدي
وهم في موضوع عن اصنعي اقراص ومادري شنو قلت بسوي جذي و ماراح احس بطعم عاد اشفت المشاركات وقالو ان مافادهم

في احد جرب شي ونفع بليييز فيدونه بنات

 

[^kloOot^]

هااااااااااااااااااااااااااااااااااااااااااااااااااااااااااااااى

يا احلى بنات والله والله والله وحشتوووووووووووووووووووووووووووني
شلونكم شخباركم




سااااااااااااااااااااااااااااااااامحوني انا خربت اللى اكو والى ماكو بسفره بس الحمدلله ليش كله مشي قاعده احرق اللى كليته





شسوي

بس مو حاسه بذنب لوووووووووووووووووول


والله دبي تهبل بس كلها تسوق مافيها شي والجو وايد احلى من الكويت الرطوبه خفيفه والليل الجو حلو

وتحسين نفسج جنج بدوله اجنبيه


بالنسبه للاسعار وااااو تهبل يا بلاش بس كل شي مووووووووووووووووووجود بالكويت نفس المحلات بالضبط نفس الافنيوز بس على احلى بس البضاعه نفس ما اهي وحتى المطاااااااااااااعم بس جوكلت بار ماشفته بس الاسعار ناااااااااااار مو نفس الكويت بصراحه
وبالنسبه لسينما ارخص من الكويت 30 درهم بس ادشين وانتى تختارين المكان مافي عوايل لا

دخلت فيلم احمد حلمي ماعجبنى القصه سخيفه



والمهم انى استانست وايد عقبالكم حبايبي





وعاشوا قروب كلوت ومن بااااااااااااااااااااااااااااااااااااااجر باذن الله راح اشد حيلي وبروح اقيس وزني بشوف الله يستر


جنان وسوسو وام خالد وكللللللللللللللللللللللل البنات وحشتوني والله وايد



جنون فديتج والله احبج ياقلبي

 

[ضحكة بريئة]

بنات انا غاطه هاليومين

مفتشلة من كثر ما خبصت وما التزمت تدرون ليش ؟؟؟

كنت حاسة نفسي نازله على الاقل لو نص كيلو للأسف لقيت وزني زايد

قمه الاحباااااااااااااااااااااااااط

قمت اعاند نفسي اكل حلو وكل اللي حارمه نفسي منه

اليوم غداي برياني دياي وعقب الغدا كليت قطعة كيك من سابليه

اهني صحا ضميري وقمت اتمرن على الجهاز وشويه تمارين تقريبا نص ساعه

وعاهدت نفسي ما اشوف وزني الا الاسبوع الياي واحاول التزم بالرياضة