kloOot diet 3 ----------------------

[om MaRyooM]

مبروك حق اللي نزلو ..



*الحنونة*

بسألج ميزانج الالكتروني مظبوط؟؟؟ انا اعندي العادي بس مومقتنعة فيه ودي اييب الالكتروني
شنو نوع اللي عندج ؟


وبالنسبة لرمضان بالنسبة لي ماني مسوية رجيم معين .. اللهم الفطور بيكون أكل معتدل(انشااااءالله ) .. وبعدين اطيحله جاي اخضر ..ولازم أمشي حتى لو 20دقيقة .. وبعدييين السحور
ترا رمضان فرصة حللوة ان نظعف .. بس خل نبتعد عن الحلويات واحنا بخير

 

[soso.haji]

صباح الخير بنات
ومبروك النزول

ريوقي = سندويش جبن (توست) مع شاي


بالنسبه لرمضان راح احاول اخفف الاكل قد ما اقدر و اترس بطني سوائل ههه انشالله
واحااااااااااااول ما ابتعد عن الحلويات انشالله يارب

مادري صراحه اشلون اسوي رجيم في رمضان واي ريجم اخذ!!!

 

[جنان2006]

صباح الخير

الحنونة

الله يعافيج ياقلبي
عليج بألف عافية إن شاءالله
لا والله مو مشتركة بس دايت كير موجود بمركز سلطان ويزاها الله خير كلوت قالت لنا عنا وإلا قبل ما كنت منتبه له
فصرت كل ما أروح آخذ منهم شي

وبالنسبة لرجيم رمضان للحين مادري بس احتمال رجيم عبدالله المطوع / محمد ربيعه

 

[جنان2006]

أم مريوم

انا بعد عندي الميزان العادي وأحسه مو مضبوط ما يبين لي اشكثر نازلة بالجرامات


سوسو
عليج بألف عافية إن شاءالله

 

[جنان2006]

اليوم تريقت

2توست أسمر + 1سلايس قليل الدسم + حليب خالدي الدسم

 

[جنان2006]

رجيم الدكتور عبدالله المطوع لشهر رمضان الفضيل
ينزل من 6 الى 7 كيلووو
منقول من قسم الأنظمة الغذائية


الفطور :

من 1 الى 3 تمرات
+
اما شوربه اي نوع
او لبن قليل الدسم
او فيمتوو

بعد صلاة المغرب:

سلطه
+
3 ملاعق (تشريبه او يريش اوهريس او معكرونه
اي صنف اخر من الاصناف الموجوده على السفره)
+
60 غرام لحم او دجاج او سمك مشوي
(60غرام = نص كف اليد)
أو
اضافه ملعقتين مع الملاعق الثلاث الأولى

+
دايت بيبسي


الساعه 9:

من 2 لي 3 صب القفشه او لقيمات او قطايف او 3 ملاعق كنافه او محلبيه كوب صغير او اي نوع اخر من الحلويات بس تكون الكميه من 2 لي 3 حبات فقط او حبتين فاكهه


السحور:

من 2 لي 3 ايام بالاسبوع فقط ===> سندويش فلافل اوبطاط وباذنجان ويفضل حلووم او لبنه
او
توسته سمره وحده + جبن او لبنه او بيضه او همبورغر
او
روب خالي الدسم او حليب خالي الدسم او لبن + من 3 لي 4 حبات فاكهه

 

[جنان2006]

وعسى ربي يبلغنا رمضان ويعوده علينا وعليكم بالصحة والعافية إن شاءالله

 

[جنان2006]

رجيم الدكتور محمد ربيع لشهر رمضان


الاسبوع الاول:
----------------


الفطور:يجب التسلسل
----------------------
3 تمرات+ كوب ماء أو لبن أو فيمتو
كوب شوربة صغير

(1) صحن تشريبة+2قطعة لحم من المرق+سلطة

(2) 4-6 ملاعق هريس او جريش+سلطة+ربع دجاجه

(3) صحن معجنات(بيتزا مثلثة كبيرة قطعة واحده+1-2كبة او سمبوسة)+سلطة+عصير

(4) 2-3 سيخ كباب +تبولة+نصف خبزة


بعد صلاة التراويح
------------------
حبة فاكهه او عصير


السحور
--------
2 شريحة توست+جبن او لبنة + خضروات السلطة + حليب

 

[جنان2006]

الاسبوع الثاني
---------------



الفطور
-------
3 تمرات + ماء او لبن

(1) صحن تشريبة + 2 قطعة لحم او نصف دجاجة + سلطة

(2) ملعقتين من كل من (تشريبة+هريس+جريش) المجموع 6 ملاعق+سلطة+ربع دجاجة+لبن


بعد التراويح
------------
قطعة حلو او صحن مهلبية


السحور
--------
(1) 2شريحة توست+قطعة جبن او 4 ملاعق فول او 2بيض+سلطة+حليب

(2) سلطة+لبن او روب+2حبة فاكهه

 

[جنان2006]

الاسبوع الثالث
--------------


الفطور:
--------
3 تمرات مع ماء

1-صحن تشريبه+2قطعة لحم أو نصف دجاجه+سلطة
2- عدد 2 همبرجر أو شريحة لحم +سلطة+ربع خبزة+عصير

>>>>>>>يوم وترك
يعني يوم تشريبه ويوم همبرحر الى اخر الاسبوع

بعد التروايح
-------------
عصير او حبة فاكهه او قطعة حلو

السحور
---------
1-خس مع خضروات +لبن أو روب+2 فاكهه
2- عدد 2 شريحة توست+جبن أو لبنه أو بيض+سلطة+حليب

 

[om MaRyooM]

مشكورة يا جنان ع النقل . .

بس بصراحة ماأأيد رجيم معين في رمضان .. أحسه صعب
تخيلي رمضان خو كل يوم عند احد .. شلون بتتقيدين ..
فأحسن شي الاعتدال بالأكل .. وعموما دايما الفطور يكون صحي وزين .. اما الحلويات لازم نسااااها الا بالويك اند ممكن شوي
ومع المشي .. أكيد بننزل

وووبس
صايرة قرقية هههه

 

[LUXURY]

قوه
ادري بتقولون مغبررررررره
بس والله لهيت مع الدراسه والمضاد عفس حسبتي وبعدين شكينا اني حامل وقعدت احاتي بس اليوم قعدت لقيت الحبه البيضه بويهي قلت لا هذي بتيي
عاد بلشت ريجيم مره ثانيه
على فكره كان نظامي بالفتره اللي فاتت وجبتيم كورنفليكس فتنس مع حليب خالي الدسم وسكر ريجيم ووجبه فري
وكنت اتحرك
بس عشان الدوره وزني زايد كيلو ونص
الريجي اللي باسويه حيييييييل قاسي لان ابي يدش عليها رمضان انا ان شاء الله بالخمسينات يا رب
لو 59ونص المهم بالخمسينات
وعني انا ان شاء الله باسوي ريجيم رمضان لاني ما انعطى ويه خخخخخخخ ابي عقب العيد اصير منيكان خلاص


كلوت ماتشوفين شر
ديري بالج على نفسج


باجي البنات
صراحه همه ونشاط الله يثبتكم
يالله مابقى شئ

 

[soso.haji]

رحت الجامعه خذت درجاتي والحدلله نجحححححححححححت

والحين بشرب شاي اخضر

وغداي سلطه تونه

 

[LUXURY]

عددددددنا

سوسو مبروووووووك
والفال للتخرج يارب


بنات انا توني سويتلي ماعون كبير سلطة روب بالخيا لان اليوم نوع من منتجات الالبان ونوع يا خيار ياخس
فاترت روب وخيار
الكميه اللي سويتها تكفي 3 وجبات بينهم باخذ روب اكتيفيا خالي واشرب اعشاب مرتين
وبالعب رياضه اذا خلصت دراسه


اشوفكم بعدين باروح ادرس

 

[جنان2006]

أم مريوم
صاجة والله بالنسبة لرمضان صعب تلتزمين بس نحاول نمسك روحنا خصوصا عن الحلو وانا إن شاءالله بختار يا رجيم محمد ربيعه أو المطوع


لاكجري
هلا وغلا اشلونج عساج بخير وماتشوفين شر إن شاءالله وشدي حيلج وإن شاءالله تضعفين بصحة وعافية
وعليج بالعافية

سوسو
ألف مبروك
وعليج بالعافية

 

[^kloOot^]

سوسو الف مبروك


جنان مشكوره حياتى على الرجيم

انا بالنسبه لي بشترك بكالوري كنترول وجبات ويوصلونها لييييييه البيت وافكر عمري وارتاح واتفرق حق طباخ عيالي وبيتى



لانى العام اشتركت وبدون رياضه خفيفه حدها ماشالله 7 كيلو بشهر كان فطور وسناك وسحور




بنات اليوم ريوقي
على فكره ماداومت لانى تعبانه وخذيته طبيه وبروح بعد شوي مستوصف


كليت كلوب ساندويش (2 شريحه توست اسمر +جبن لايت +مرتديلا لايت ) بشوايه +عصير اناناس كي دي دي


وهذه صوره مثل ماوعدتكم





وبعد شوي جاى اخضر انشالله


والغداء يمكن اكل 2 همبرجر مشوي او مينى هوت دوق 6 قطع فقط مع سلطه

 

[al7noona]

كلوت عليج بالف عاافيه
كالوري كنترول جم ياخذون حق شهر؟؟


جنان يعطيج الف عافيه على الريجيمات وبسالج وين القى اكل دايت كير بمركز سلطان ايي صوب؟؟؟؟ انا كنت سامعه بجمعيه الشاميه بس مارحت بس اذا بمركز سلطان بعد احسن


سوسو الف مبرووك النجاح

 

[al7noona]

انا قعدت الساعه 3 هههههههه بس شربت جاي بايوجي والغدا للحين ماادري شنو اكل

 

[سأحقق المستحيل]

مساء الورد..

سوري حبيباتي مادخلت هاليومين..

كان عندي اختبارات والحمدلله نجحت بالاختبار الثاني اليوم..

وحشتووووووووووووووووني..

 

[^kloOot^]

الحنونه دايت كير موجود بجميع افرع مركز سلطان انا احب اروح اللى بحولي كبير وشرح وسألى اى احد يدليج على ثلاجه دايت كير هناك


جنان بالنسبه لكالوري كنترول اعتقد خذوه 120 دينار لانه بدون غبقه اذا مع غبقه اكثر