~RaShaGa Group~

[~أنا وخلي~]

صباح الرشاقه ..

سوري ماقدرت اشبك امس كنت بزي بزي

ولا قدرت اخذ النظام فسألت امي لانها تسوي رجيم فديتها هههههههههههه


المهم اول ماقمت س4 شربت عالريج قلاص ماي دافي مع عصرة ليمونه

وعقبها بربع ساعه جذي اكلت بيضه مسلووقه بدون الصفار لاني ماحبه وجبن
وجاي مع محلي رجيم



ورحنا عند الخياط وعزمتني على أهوه تركيه مارديتها هههههههههههههههه
وحليتها بحبة رطب وحده بس والله الشاهد



وتعشيت خس وجبن سلفايد و3 حبات زيتونات

ومشيت على آلة المشي 40 دقيقه

واي نسيت اكلت جم شريحة اناناس


وتقريبا فنجالين قهوه عربيه


واتمنى ان كل شي اوكي ؟؟؟؟؟؟؟


ويعطيكم الف مليون عافيه وبطل عالنظام بشوف اليوم شنو امشي عليه

وتسلمين حبيبتي ليانه عالصوره

 

[~أنا وخلي~]

اليوم بأذن الله

بأكل الريوق

بيضتين مسلوقه + حبة خيار


الغداء :- دجاج ومشوي و أروب كتيفيا
العشاء:- 2 بيضه مسلوقه + سلطه (خيار,خس,فلفل اخضر ووبقدونس)



ونحن لها مع حبيبتنا قائدتنا ليووووووونه :ggdw::ggdw::ggdw::ggdw:

 

[بنـ العـزـت]

اليوم بأذن الله

بأكل الريوق

بيضتين مسلوقه + حبة خيار


الغداء :- دجاج ومشوي و أروب كتيفيا
العشاء:- 2 بيضه مسلوقه + سلطه (خيار,خس,فلفل اخضر ووبقدونس)



ونحن لها مع حبيبتنا قائدتنا ليووووووونه :ggdw::ggdw::ggdw::ggdw:

وانا بعد ان شالله بمشي عالنظام

بس عادي تكون الدجاجه مسلوقه ؟؟؟؟؟

 

[ليانة]

فديتكم و فديت حماسكم
تسلميلي يا أنا وخلي

ينت العز حبيبتي أنا ما أعرف أي شيء و لا لي عندي خلفيه عن جميع حبوب التخسيس ، وايد يحذرون منهم و أسفه عالتأخير ؛)

 

[ليانة]

بدارينو حبيبتي و الله يشرفني إنصمامج معاتا و لكن للأسف التسجيل انتهئ قبل تسجيلج
خيرها بغيرها
ان شاء الله تنصمين للجزء الثاني من القروب اللي بإذن الله بيكون نظام غذائي رمضاني و تقدرين تتابعينا و تمشين على رجيمنا

 

[ليانة]

بنت العز أي حبيبتي عادي الشواء و السلق نفس الشئ بس المهم بعيد عن الدهونات

 

[ليانة]

نصيحة اليوم 2-8 :

~ الجلوس بشكل مستقيم في كل الأوقات و كذلك اثناء الأكل و الشرب يسهل عملية مرور الطعام و يجعل الظهر أكثر تقوسا ~

 

[ليانة]

احم احم

««« قاعده تسوي ريوق و حدها يوعانه

قاعده أسويلي بيضتين و قاعده أقشر لي خياره باكلهم ان شاء الله و بشرب بعدهم بفتره جاي أخضر و ميراميه

أول ما قمت شربت كوب ماي فاتر و بعدها ب 10 دق شربت بطل أبراج بارد


بشروني شاحوالكم اليوم ؟؟

 

[sozaa]

أنا بلشت بكوبين ماي وننتظر حتى الغدااا وممكن أشرب شاي أخضر

 

[سكر وعسل]

احم احم

انا الحلوه يت خخ

مشاءالله اشووفكم شاادين الحييل
تحمست لما قريت ردودكم

اممم
انااا امس التزمت بالغدا

لكن احم احم العشااا خربتهاااااا ورحت المطعم وياااهم >>> اهى اهى ماقدرت اقاااوم

لكن اليووم متحديه نفسي

اول ماصحيت
شربت لي شااي اخضر طبعا من غير سكر

وامم الغدا انشاءالله بسوي لي سلطه ومع دجاج مشوي
مع انه مافي سلطه بس احسهااا وايد تفيدني وتشبع
وماتااثر خخ على كيفهاا
ونااويه امشي على المشايه لاني امس ماااامشيت

اعذروني اول يوم
بس والله حاسه بتانيب الضمر >>>شعقبه


انشاءالله باجيكم بعد العشاااا وابشركم

 

[~أنا وخلي~]

الله يسلمج ياليوونه :eh_s(6):


وهذا ماي بريكفست تصدقون حبيت المرتديلا

>>اقصب نفسي بس عشان قيمتها الغذائيه وامشي عالنظام

بس جد حلوووه كانت دياي مو لحم بقر :eh_s(6):


عموما هذا فطوري المتواضع صورته لكم

والبيض كليته بدون صفار بس حطيت فلفل اسود

[/url][/IMG]





انا تريقت مبجر لاني كنت يووووووعانه هههههههههههه

لا عشان الداوم عندي صيفي ياحرام


وبعدين هذا كوب شاااااهي مع شكر رجيم

 

[~أنا وخلي~]

فديتج سكر والله انج سكر وعسوووله


ليوونه حبيبتي شكثر الدياي ربع مثلا ولا نص ولا كامله هههههههههه

نكون بربيع جذي :krkrkr:

اتوقع ربع صدر ديايه ؟؟؟


صح ؟؟لان مافيها دهووون

 

[~أنا وخلي~]

تصدقووون نومي حده حووسه


بسوي لي جاي اخضر بدون شكررررر

وحبيت احط لكم فوائد الجاي الاخضر


......................


للشاي الأخضر فوائد صحية جعلت من الشاي الأخضر أفضل شراب على الإطلاق من الناحية الصحية ، ومن الفوائد:

1- يساعد على حرق الدهون.

2- يساعد على تسريع عملية الايض؛ لأن تأثيره المضاد للأكسدة يساعد الكبد على أداء وظيفته بشكل أكثر فعالية.

3- إن شرب الشاي الأخضر ثلاث مرات يومياً يحرق 200 سعر حراري إضافي يومياً.

4- كذلك وجد الأشخاص الذين يتناولون الشاي الأخضر أن الطاقة لديهم تعززت بشكل كبير، وعلاوةً على ذلك يخفض الشاي الأخضر مستوى السكر في الدم، والذي يعتبر مسؤولاً عن خزن الجلوكوز على شكل شحوم، ولذا فإن تخفيض مستوى السكر يخفض أيضاً مستوى الشحوم المخزونة في الجسم.

5- يحمي القلب من الأمراض.

6- يخفض مستوى الكولسترول في الدم؛ لأن تأثيراته المضادة للأكسدة تمنع تأكسد الكولسترول الضار Ldl في الشرايين.

7- يمنع تشكل الجلطات الدموية غير الطبيعية، وأن له نفس فعالية الأسبرين في هذا المجال.

8- يزيد مستويات الكولسترول النافع Hdl الذي يساعد على إزالة الصفائح الدهنية من جدران الشرايين.

9- يساعد في تخفيض ضغط الدم.

10- يحمي من الإصابة بمرض السكري.

11- يساعد على الوقاية من التسمم الغذائي .

12- ونظراً لأن الشاي الأخضر يقتل البكتيريا فإن شربه مع الوجبات يمكن أن يخفض خطر الإصابة بالتسمم الغذائي البكتيري، ويمنع نمو البكتيريا في الأمعاء، ويساعد على نمو البكتيريا النافعة في الأمعاء.

13- يمنع رائحة الفم.

طريقة التحضير:
يوضع الماء المغلي عليه ويغطى ويترك لعدة دقائق، ثم يضاف إليه السكر حسب الرغبة، ويمكن إضافة الليمون

وأتفضلوا فنجان من الشاى الأخضر :eh_s(6)::eh_s(6):

 

[ديمــا]

قووووة شلوووونكم

انا امس مشيت على الرجيم الحمدالله و كل شي تمام

انا و خلي شنووو الجاي الاخضر الي تستعملينه ؟؟؟

 

[~أنا وخلي~]

تفضلي حبيبتي ديوومه

[/url][/IMG]

 

[MLOO7A]

عسى الله يتمم علينا يارب
والله احس روحي خفيفه ومافيني رباده والله الاكل واااااااااايد يربد وخليج عيزانه تسوين اي شي
الحمدالله مشيت على النظام وامس مشيت 45 دقيقه
يارب نضعف بصحه وعافيه

 

[rawon]

قوووه يا حلوين
ماشاءالله نشيطين
مو انا انام الساعه 6 واقعد 3 لوووووووووووول
اليوم اول ما قعدت شربت قلاص دارسين لان علي الدوره
و قلاص ماي
بعدين كليت شويه تونه امي مسويتها يمكن 5 قفشات صغاار
وبسوي شوي رياضه وبعدين بروح السوق

 

[rawon]

بناااااات تره رياضة الدري افضل من المشي سؤلو عنها

 

[F.A]

مسائكم ورد بنات
حبيت أسئلج ليانه اذا مو مكتوب اضافه بذره الكتان ما نحط للروب والسلطه لأنى بالعشا أمس حطيت


والحمد لله الصبح قمت كليتلى 2 بيض شريحتين مرتديلا وخياره

وكرفت بالبيت كرف من تنظيف للبيت ماطلعت من المطبخ الا عالساعه 5ونص

كنت مسويه صينيه دجاج للغداء
فكليتلى الصدر +وروب أكتيفيا مع بذرة الكتان

والحين قاعدة أشرب


وان شاء الله بعد ساعتين بمشي والله يصبرنى

وانتوا شخباركم؟؟؟

 

[F.A]

وينكم بناااااااااااات