روايتي الآولى : لآ تلعبين معاي تراج منتي قدي ( نوف * حمد ) / بقلمي

[ЯỆẾм]

شوفي شيوم انا ابي
باجر عيديتي البارت

ღ♥ღ______ღ♥ღ___ღ♥ღ______♥ღ♥ღ

كل سنه وانتم طيبين
ومعانا موجـوديــن
وبالبسمه منورين

ღ♥ღ______ღ♥ღ___ღ♥ღ______♥ღ♥ღ

 

[ღرحت فيهاღ]

شيوووووم نبي عيدية عطونا عيدية خخخ عيديتنا بااااارت بعد لاتصيرين نحيسة مثلي اخذ عيدية وما اعطي خخخخخ

 

[shyy'Om]

اول شي عيدكم مبارك يالربع

ثاني شي راح انزل 3 بارتات بس واللله اذا ما شفت ردود طوييييلة راح اعلقكم

عاد انتوا كيفكم ما تبوني اكمل الرواية لا تكتبون ردود تونس لوول :$


البارت الــ
26


​

عقب ما شيماء فحصت راحت المستشفى مع حمد عشان ياخذون النتيجة ​

الدكتورة : انا آسفة حبيبتي ما فيج حمل ​

شيماء نزلت دمعتها : بس احنا صارلنة 5 شهور متزوجين و كل ما أفحص ما اكون حامل ​

الدكتورة : لازم نسوي تحليل دم حقج و حق ريلج و نشوف العيب بمنو ؟! ​

حمد بحزن : و متى ناخذ النتيجة .!! ​

الدكتورة : بعد 3 أيام انشاء الله ​

شيماء : يالله مشكورة دكتورة ​

حمد : الله يكتب الي فييه الخيير .. يعطيج العافية ​

••​

بالسيارة ​

شيماء : بسألك سؤال ؟!​

حمد : ادري شنو سؤالج .. وانا لا راح اتزوج ولا راح اطلقج .. وبعدين لا تسبقين الاحداث ​

شيماء : بس اخاف صج مافيني عيال ​

حمد : وليش ما تقولين انا الي ما فيني .. شوفي هالشغلة صعبة حييل علي وعلييج .. و مو شي سهل ان الله ما يعطينة ذرية .. بس انا ما ابي اظلمج مثل باجي الرياييل .. عشان جذي انا حللت مثل ما انتي حللتي .. والله كريم ​

شيماء : لا تقول جذي انت مافيك شي .. اكيد العيب فيني انا ​

حمد عصب : شيماء ممكن تسكرين الموضوع .. وانشاء الله بعد 3 ايام نكون بالصورة و نعرف كل شي ..​

شيماء : صصج شنو صار على السفر .. من قبل جم اسبوع تكلمنا ولي الحين ما يبت طاري ​

حمد : ما لقيت حجز ولا فندق .. الله مو كاتب لنا ​

شيماء : يالله ما علييه .. زين شرايك نروح الخيران .. انا معاك وخالتي وخالي ​

حمد : خوش فكرة .. شوفي انا صاحبي عندة شالييه ملك هناك اذا اهلة مو رايحين ناخذ الشاليييه ​

شيماء : وااي حدك شوقتني قوول انشاء الله مو رايحيين ​

حمد : هههه انشاء الله ​

••
​

عند نوف و نواف ​

نوف : انت مو صاحي .. ليشش ما خذيت كورس صيفي رااح تتأخر ​

نواف : نوفوو مالي خلق ابي آخذ بريك .. بس زهقت من الجامعة و الدراسة ​

نوف : نواف ​

نواف : هلا ​

نوف : انت بعدك معاها؟!!​

نواف : ولي باجر ​

نوف : انزين ​

نواف : يعني لو كويتية جان كنتوا راضين من زمان .. بس لانها فلبينية كلكم مو عاجبكم ​

نوف : نواف تتكلم و جنة عادي فلبينية .. هذول احنا نييبهم خدم و بس .. شكثر كنت تعيب و تتطنز .. والحين تتكلم بكل ثقة ​

نواف : شنو يعني خدم و بس اهم مو بشر مثل ما احنا بشر .. نوف عشاني تعالي معاي شوفييها والله راح تحبينها ​

نوف بتردد : مستحييل نواف .. واذا درت حور .. انا لا يمكن اخسر اعز انسانة على قلبي عشان ..​

نواف قاطعها : بس لا تكملين .. عبالي راح تقولين حاضر ياخوي اهم شي سعادتك .. تلفين و تدورين و تردين على حور .. خلاص حور انتهت بالنسبة لي ​

نوف معصبة : ليش معصب انا ما قتلك رد حق حور ولا تزوجها .. انا قتلك مالي شغل بالموضوع عشان حور !! ​

نواف : شرايج نطلع اليوم ​

نوف : معاها ​

نواف : لا مو معاها ​

نوف : وين ؟!​

نواف : مادري خن نروح البحر ​

نوف : الللله وناسة .. زين خن ناخذ امي ​

نواف : امي بعدها على هذاك ​

نوف : أي و مو شايلة الفكرة من راسها .. اصلا انا حاسة انها تزوجت .. ما قمت اشوفها مثل اول ​

••
​

عند ديمة ​

طبعا عقب تفكييير طوييل قررت انها تدق على خالد .. خالد يوم شاف رقمها قلبة فز من مكانة شال الفون بسرعة ​

خالد بفرح : ديمة .. واخيراا .. ديمة ردي علي ديمة ​

ديمة ساكتة ​

خالد : ديوم ردي و غلاتي ​

ديمة تبجي : انا انا .. انا مو قادرة انسى .. مو قادرة اكمل .. مو قادرة اعيش ​

خالد : لا تبجين عشاني ديوم والله اني اموت لمن انتي تبجين .. خلاص بابا حبيبتي خلاص ​

ديمة صوتها مو واضح لانها كانت تبجي حيل : خالد ما يصير .. ما يصير ​

خالد : شوي شوي .. خن افهم علييج ​

ديمة هدت شوي : لازم نقطع علاقتنا .. لازم ننسى بعض .. لازم كل شي ينتهي ​

خالد : ليش ديوم ليش ؟! بس انا مافيني بدونج وربي مافيني ​

ديمة : حاول مرة ومرتين وراح تقدر .. انا لمن اقعد مع عيال عمي .. امووت تعرف شنو يعني اموووت .. احس اني حقيرة و ما استاهل اهتمامهم .. انا ما عندي اخوان اهم خواني .. عزوز يعزني مثل ما يعز ريم بالضبط انا اختهم الثانية .. اروح و اكلم صاحبهم .. ما يصير ما يصير ​

خالد : خلاص اتزوجج ​

ديمة : انت أكبر مني بــ4 سنين و اهلي ما راح يرضون اتزوج الا لمن اتخرج من الجامعة .. خالد تنطرني ​

خالد : أي انطرج .. انا عادي عندي انطر العمر كلة مو بس جم سنة .. والله ان شعورج نفس شعوري .. عزوز اكثر من اخو تدرين من متى اعرفة من الابتدائي .. انا قاعد اطعنة بظهرة .. قاعد اكلم بنت عمة ​

ديمة : خلاص عيل لازم كل شي يتغير ​

خالد بحزن : راح اشتاقلج .. انزين أخر طلب ​

ديمة تبجي : انت تامر ما تطلب !!​

خالد : ابي اشوفج آخر مرة .. و تأكدي ان كل هذا من ورة قلبي .. انتي تدرين اني ما اقدر اعيش بدونج .. بس هذا الي لازم يصير ​

ديمة : وين ؟!​

خالد : بحر المركز العلمي​

ديمة : خلاص صار ​

••

​

ديمة وصلت بحر المركز العلمي ​

كانت لابسة تريننق جوسي لونة وردي فاتج و مسوية شعرها سلك و كبة حاطة أليانر أزرق مع كحل ازرق و مسكرة وحمرة و ردية و لابسة كعب شوي عالي ​

كان شكلها حدة ناعم و حلو .. واهي قاعدة خالد غمض عيونها بأييدة تمت مدة ماسكة ايدة وساكتة شالت ايدها الا خالد يقعد يمها ​

خالد : يعني هذي آخر مرة اشوفج فيها !!​

ديمة : هذا الي المفروض يصير ​

خالد : ديوم خن نحاول .. خليني اخطبج .. عطيني رقم بيتكم .. شوفي امي راح تكلم امج و نشوف شنو راح يصير ​

ديمة : خالد انا متناقشة مع امي بهالموضوع .. وسائلتها اذا احد خطبني راح توافق قالت لأ بعدي صغيرة على الزوااج لازم اتخرج من الجامعة ​

خالد : انزين خليني احاول ما راح نخسر شي ​

ديمة : خالد انت ليشش تحبني ؟!​

خالد : عشان كل شي .. انا احب كل شي فييج .. ابتسامتج .. شعرج .. اسلوبج .. صوتج .. وشكلج .. لون عيونج .. احب خشمج ههه .. احبج لمن تعصبين .. ولمن تفصلين من الضحك .. لمن تزفيني .. واكثر شي احبة لمن تقوليلي احبك .. احب الجمعية لانها عرفتني علييج .. تدرين حتى ملاقتج عسل على قلبي .. انا احب طيبتج و طبعج عنادج و دموعج .. احب كل شي فيج .. والغبي الي يشوفج و ما يحبج .. وانتي ؟!​

ديمة تبجي و تطالع خالد : عزوز ليشش ولد عمي .. امي ليشش امي .. ليشش ما يرضون .. متى اتخرج .. متى اشوفك .. وين راح أصادفك .. ليشش لازم اهدك .. متى راح اسمع صوتك مرة ثانية .. شحقة انت رفيج ولد عمي .. ليش انا بنت عم صاحبك . ( زادت بجي ) ليش يصير فيني جذي !!​

خالد قرب منها ولمها حيييل ​

خالد : حبيبي ديمة خلاص .. لا تسوين بروحج جذي .. انا راح اخلي امي تدق على امج .. و صدقيني راح يوافقون .. بعدين راح نتزوج .. صدقني بس عطيني الرقم ​

خالد خذة فون ديمة و قعد يدور ام ديمة ​

خالد : شنو رقم امج .. ​

••​

بالصدفة نوف ونواف رايحين نفس البحر ​

نواف : مو جنة هذا خويلد الي هناك ​

نوف : والله مادري بس نفس الجسم .. زين منو الي معاه ؟!​

نواف : امشي خن نشوف ؟!​

لمن قربوا الا نواف يشوف ديمة ​

نواف : خالد تعال ابي اكلمك ​

راحوا بعيد ​

نواف : انت شقاعد تسوي مو قلنا هالموضوع خلص انت شنو ما تحس يبا هذي بنت عم عزوز و عييب عليك تكلمها و تطلع معاها .. ترى عزوز ما يستاهل انك تطعنا بظهرة ​

خالد ساكت .. نزلت دمعة خالد : نواف مو قادر .. مو قادر اهدها ​

نواف هد خالد وراح حق ديمة .. مسكها حييل من ايدها الا يدزها ​

نواف : انتي شتبين بالريال قلبتي حياتة فوق حدر .. يبا طلعي من حياتة تدرين اذا عزوز درة شنو راح يسوي .. اهم يعرفون بعض من عمر .. وانتي راح تخربين علاقتهم .. خلاص روحي ولا تردين ​

ديمة متنحة ماتدري شالسالفة ولا تدري ليش نواف تهجم عليها جذي واقفة بدون أي ردة فعل .. ونوف ضايعة بينهم مو فاهمة شي ​

خالد : نواف انت خلك بعدين عن الموضوع ​

نواف بصراخ : لا ما راح اطلع من الموضوع .. عزوز رفيجي والي انتوا قاعدين تسوونة فييه غلط .. وانا ما ارضى يصير بالصبي جذي .. شوفي يا بنت الحلال اذا ما وخرتي عن الصبي انا راح ادق على عزيز و اقولة كل شي ​

خالد دز نواف حييل : انت شفييك مو صاحي ​

راح صوب ديمة مسك ايدها : يلا ديمة امشي الحين ​

••

​

عند عبدالله ​

عبود كان بسابع نومة و تلفونة قاعد يرن يرن و اهو سكب آخر شي عصب الا يرد بدون لا يشوف الرقم ​

عبدالله يتثاوب : نعم .. خير .. منو !!​

..... : امبيييه عبودي شفييك شوي شوي علي شنو استجواب ​

عبدالله : ولييييه خير شتبين ؟!​

..... : انا رديت الكويت ​

عبدالله : زين تبيني اطق رقبة يعني .. وانا شكو فييج رديتي ولا ما رديتي ​

..... : انا رادة مع شي ​

عبدالله : شنو يعني رادة مع شي يا بابا خلصيني شتبين !!​

..... : ابيييك ​

عبدالله : تبيج العافية ​

..... : المهم ابي اشوفك عندي موضوع ضروري ​

عبدالله : خلصيني قولي هني مو فاضي انا ​

..... : انا ...... ​

تتوقعون منو هذي و شنو تبي من عبود ؟!​

نهاية البارت

​

توقعاتكم يا جماعة ​

​

 

[shyy'Om]

لبارت الــ27

عند فاطمة
فاطمة و جاسم كانوا بالعيادة يبون ياخذون التحليل و يعرفون فاطمة اذا حامل ولا لأ ؟!
عقب ما خذوا التحليل قالوا حق الدكتورة ما تقولهم شنو النتيجة !!
فاطمة : انا افتحة ولا انت ؟!
جاسم : كيفج !!
فاطمة : بسم الله الرحمن الرحيم ( بطلت الظرف ) الا ويها ينعفس
جاسم ضاق خلقة : لا تزعلين اللله كريم
فاطمة : ههههه
جاسم عرف انها تجذب : حرام عليج اضيقين خلقي ( حط ايدة على بطنها ) يعني اهني حمود
فاطمة بعفوية : قول انشاء الله طلال يكون معاه .. عايلتي كلها توائم يمكن انا اييب توأم بعد
جاسم فرحان : شغل عدل انشاء الله حمود و طلول و رووانو و رغد
فاطمة : ههههههه قلنا توام بس عاد مو 4
الا يرن تلفون فاطمة
فاطمة : هذي امي خن ابشرها اكيد راح تستانس !! .. ألو

•••​

صقر بحزن : فاطمة
فاطمة بنفسية : هلا عمي
صقر : والله مادري شقولج
فاطمة خافت : امي فيها شي
صقر ساكت
فاطمة : قوول لا تسكت رد علي
صقر : امج بالمستشفى !!
فاطمة : ليشش شفيها ؟!
صقر : فجأة طاحت يوم وديتها المستشفى الا يقولون ان فيها القلب
فاطمة تبجي : اهي الحين شلونها .. بعدها بالمستشفى
صقر : أي بعدها بالمستشفى .. وشلونها والله مادري شقولج
فاطمة : زين انا رادة الكويت اذا لقيت اليوم حجز واذا كلش كلش باجر
صقر : أي لازم اتيين لان امج وايد محتاجتلج
عقب ما سدت الفون
فاطمة : جاسم امي فيها القلب تعرف يعني شنو القلب .. احنا دكاترة و ندري شنو يعني .. اخاف امي يصير فيها شي
جاسم : تعوذي من ابليس انشاء الله مافيها الا الخير .. ونفس ما انتي تدرين قلب عن قلب يفرق .. يمكن امج مو وايد تعبانة .. والمرض مو حييل قوي
فاطمة : واذا قوي انا شنو راح اسوي .. انا لازم ارد الديرة
جاسم : انا ما راح اقدر ارد هالاسبوع كلة عمليات
فاطمة : اعرف ظروفك حبيبي .. بعدين انت توك ماخذ اجازة ما راح يعطونك بعد .. شوف انا ارد واول ما اطمن عليها ادق عليك على طول
جاسم : خلاص حبيبي انا راح احجزلج
( يا فرحة ما تمت )
تتوقعون ام فاطمة راح يصير فيها شي ولا لا ؟!
​

•••​

نوف تسولف مع حور بالفون
نوف : فيني فضوول مو طبيعي .. ودي اعرف منو هذي ؟! .. و شسالفة عزوز
حور : زين اهي كانت حلوة
نوف : انا وين وانتي وين ؟! .. الصراحة كانت دميرة ههههه
حور : دميرة ها ؟! .. شوفي من الكلام الي انتي قلتييه اتوقع ان ديمة تعرف عزوز او تصريلة .. وخالد يكلمها وجذي يعني
نوف : تصدقين ما فكرت فيها .. المهم خن نرد على سالفتج انتي لي متى راح ترفضين الرياييل الي يخطبونج
حور : لي باجر ... نوف انا شلت الزواج من بالي خلاص مابي اتزوج
نوف : بس ما يصير جذي انتي بعدج صغيرة شنو يعني شلت الزواج من بالي
حور : نوف لا تصيريلي امي الثانية .. انزين شصار على مشاري
نوف : بس عطيتة رنة و بعدة لاحس ولا خبر .. امبييه جمييل مو ؟!
حور : اووف حدة .. بعدين شكلة تكانة مادري شلون اوصف لج .. بس حدة حيييلو
نوف : تتوقعين هذا آخر واحد يعني !!
حور : والله مادري عنج ​

•••​

عند نواف وجاسيكا
نواف : ها شرايج .. عجبتج الشقة ؟!
جاسيكاا : so nice
نواف : يالله ما بقا شي و نعيش فيها .. جاسيكا انتي مستانسة
جاسيكا : وايد هبيبي .. انتي وايد طيب
نواف : هههه لازم بدلية انت مو انتي
جاسيكا : ههههه خلصينا انت
نواف : وليييه .. خلاص خلاص as you like
جاسيكا : I can’t say to you how much I love you .. nwaf you change my whole life .. I really love you and I hope that you family be happy for us
( انا ما اقدر اقولك شكثر انا احبك .. نواف انت غيرت حياتي كلها .. انا صج احبك و انا اتمنى ان عايلتك تكون سعيدة عشانة )
نواف : I’m sorry about my family I don’t know why they are not satisfied
) أنا آسف .. انا مادري ليش عايلتي مو راضين )
جاسيكا : that’s ok I know that they will anderstand you latter
( عادي انا ادري اهم راح يفهمونك بالاخير )
نواف : الله يسمع منج
تتوقعون نواف راح يقول حق اهلة عن زواجة ؟! ​

•••

عند ام نواف و مشعل

ام نواف : خلاص مشعل اهم الي خلوني اسوي جذي .. واهم شي ان انا معاك الحين متزوجين

مشعل : واخيرا سارة صرتي حقي .. ما تصدقين شكثر انا كنت ناطر هاليوم .. انا حيل فرحان

ام نواف : وانا بعد مستانسة .. يعني راح نرد حق ايامنة .. راح نطلع و نرد و نسافر ونستانس .. احس اني كبر نوفوو بنتي .. الله لا يحرمني منك

مشعل : ولا منج يا احلى شي .. انزين يعني ماراح تقولين حق اعيالج

ام نواف : شوف انا خذيت رايهم واهم ما عجبهم كلامي .. و مثل ما قلت انا امهم م واهم امي .. زين شلون انا ابيت و انت في بيت

مشعل : شوفي انا شاري البيت و قاعد في بروحي .. اذا تبين تيين البيت و صاحب البيت تحت امرج

ام نواف : لا لا ما ينفع .. شلون اهد عيالي و اسكن عندك !! انت تعال

مشعل مستغرب : انا ايي عندج .. شلون بالله انت ما قلتي حق عيالج ان احنا متزوجين و تبيني اعيش معاكم بعد !!

ام نواف : انت تعال و راح احطهم جدام الامر الواقع و الي مو عاجبة يطق راسة بالطوفة .. و بيتك خن انأجرة نستفيد منة بدال لا يتم فاضي .. ها شرايك ؟!

تتوقعون مشعل راح يوافق ؟! و شنو ردة فعل نوف و نواف لمن اشوفون مشعل ؟! ​

•••​

​

شيماء تكلم امها

شيماء : يمة انا خايفة اليوم تطلع النتايج و ما ادري شسوي

ام شيماء بحزن : تعوذي من ابليس و يمكن اثنينكم ما فيكم شي .. انا وايد اعرف ناس اثنينهم ما فيهم شي بس الله مو كاتب لهم عيال

شيماء : الله يسمع منج والله اذا العيب فيني راح اخلييه يطلقني و يشوف غيري .. حمد لازم يشوف عيالة .. واذا العيب بحمد انا راضية اني اعيش معاه

ام شيماء : انت شفيج ما تستوعبين الي اقولة قولي انشاء الله اثنينكم ما فيكم شي و في ناس وايد عقب سنة و لا سنة ونص يابوا عيال و مو الكل من اول الشهور

شيماء : يما انتي لو تحلمين بالاحلام الي انا قاعدة احلمها ما تقولين جذي .. انا كل يوم افز من نومي .. احس ان انا و حمد محسودين

ام شيماء : اكييد هذول بنات خالتج .. ذاك اليوم اسمعهم يتكلمون عنكم انتي لازم تشربين من وراهم

شيماء : يمة لا تقولين جذي لايمكن انهم يحسدوني .. بعدين انا ما اصدق هالاشياء

حمد وصل البيت

شيماء : انزين يمة انا الحين لازم اسدة حمد و صل تامرين على شي يالغالية

ام شيماء : سلامتج يمة .. واذا رحتوا الطبيب قوليلي شنو يصير معاج وسلمي على حمد

شيماء : انشاء الله يوصل يالله مع السلامة

حمد ساكت و يطالع شيماء

حمد : شرايج ما نروح الطبيب

شيماء : ليشش ؟!

حمد : مادري شيوم بس انا مو مرتاح من هالروحة يعني لو ما ندري وايد احسن

شيماء تبجي : بس انا ابي اعرف .. واذا فيني يا اطلقني و تزوج .. او تتزوج علي .. حمد انت لازم تشوف عيالك

قرب منها لمها حييييل

حمد : بابا شيوم لا تبجين حبيبتي انتي .. انا لا راح اتزوجج عليج ولا راح اطلقج .. اصلا انا ما اعرف اعيش بدونج .. انا احبج شيوم و قلبي ما يطاوعني اضيق خلقج .. والي في الخير راح يصير

شيماء : بس ..

قاطعها حمد : لا بس ولا شي .. يعني ترضين اقولج اذا العيب فيني راح اطلقج و تعيشين حياتج .. شيوم انا لج وانتي لي .. واذا احنا ما نصلح حق بعض .. عاد نقدر نتبنى ياهل .. نتبنى ياهل توة مولود و يصير ولدنا .. نسمييه طلال

شيماء : بس ولدك غير .. هالياهل لا من لحمك ولا من دمك .. هذا ولد حرام و اهلة قاطينة

حمد : شيوم شفيج .. انا كلش ما توقعت ان تفكيرج يصير سطحي جذي .. اصلا لمن نتبى ياهل بكل شي انسوييه الله راح يعطينة اجر

شيماء : بس انا مابي .. انا ابي احمل و ابي اوولد ابي اشوف ولدك طلال

تتوقعون العيب من منو من شيماء ولا من حمد ؟! ​

•••​

​

نوف قاعدة ع الفراش و معلية ع الاغاني و قاعدة تقرا روااية فجأة رن تلفونها الا مشيري الحب .. رن مرة و مرتين و ثلاث و نوف حاقرتة آخر شي الا تشيلة و تسكت

مشاري : قوة

نوف ساكتة مدة : قوتين

مشاري : وين الي راح ادق .. انتي شنو تلعبين معاي !

نوف : شسمة .. انا نسيت خو ><

مشاري : يالله سامحتج

نوف : يا سلاام لا تكفى لا تسامحني

مشاري : انزين انتي شسمج اليوم

نوف : ههه انت شارب شي قبل لا ادق علي و لا شموضوعك .. ترى انت مو صاحي

مشاري : كلة منج انتي الي خليتيني مو صاحي .. انتي عفستي حياتي .. انا بس شفت عيونج اويييليي ضعت ضعت

نوف : ههههه .. امبييه ترى ما اعرف ارد

مشاري : لا تردين .. انا بس اسمع الضحكة ادووخ

نوف : امبييه شفيييك ؟! حسستني كيم مو نوف

مشاري : لا صجج انا اتكلم .. انتي احلى وحدة شفتها بحياتي

نوف : عيل شكلك ما تطلع من البيت كلش

مشاري : انتي شفييج .. اول مرة اشوف وحدة يمدحونها ما تستانس

نوف بدلع : قتلك ما اعرف ارد .. مشيري

مشاري : اموووووت انا .. يا عيون مشيري

نوف : ترى حتى انت حلو .. شعرك اينن .. و شكلك حييل رزة .. يعني احب ستايل الشباب الي نفسك

مشاري : عيل اكييد انتي مو طالعة من بيتكم

نوف : هههههههه

و تموا يسولفون لمدة ساعتين خذاهم الوقت و اهم ما يدرون .. نوف حييل استغرب شلون اندمجت مع مشاري بهالسرعة .. حست ان يعرفها من زمان .. وايد اشياء تتشابه بينهم .. و نقدر نقول ان مشاري عرف شلون يتعامل مع نوف من بالبداية ​

•••​

​

عبود قاعد بستاربكس جمعية الدعية و ناطر البلوة الي يايتلة من امريكا

وصلت دانة .. و كانت لابسة نفنوف قصير حييل و ضيج بشكل مو طبيعي مع كعب عالي و مو حاطة شي بويها .. كان جمالها طبيعي .. دانة جميلة حييل بدون مكياج عيونها كانت عسلية و شعرها بني غامج .. كانت حنطاوية و عندها غمازتين كبار و طريقة اسنانها تشوق عيونها و ساع و حواجبها عراض و حلوين

دانة : هلوووو

عبود : وليييه

دانة بدلع : عبود شفيك علي يعني بأمرييكا جنك البخت .. و بالكويت هييك

عبود : دانة بلا جذب .. انا شدراني اذا الي ابطنج مني ولا لأ ؟!

دانة : ت ت ت ما هقيتها منك .. انت تدري ان انا ما اعرف احد غيرك .. واصلا ما احب احد غيرك خو حس فيني .. وانا حدي مستانسة اني حامل و صار في شي يربطنا

عبود : هييي شنو مستانسة هذا ولد حرامم .. تعرفين شنو يعني ولد حراام .. وانتي لازم اتنزلينة

دانة : هذا ولدي و منك و غصبن عليييك راح اتربييه .. انا مالي شغل ولد حرام ولا مو ولد حراام .. اصلا لا انا ولا انت ندري اذا احنا عيال حلال

عبود معصب : انتي مو صاحية شنو ماندري ان احنا عيال حلال .. شوفي يا بنت الحلال سوري سوري بنت الحرام قومي عن ويهي و دوريلج على واحد ثاني تقصين علييه

دانة بعصبية : انا من صجي اتكلم و مو قاعدة ألعب معاك .. انا اكتشفت اني حامل بعد اسبوع من بعد ما انت رديت الكويت .. وانت آخر واحد انا كنت معااه .. وبعدين انت تدري ان انت الوحيد الي انا معاه .. يعني هالياهل ولدك و راح ايييبة

عبود : استغفر الله

دانة قربت من ويه عبداللله : عبود شوف عيوني .. انت تحبني .. انا ادري كل شي فييك يقول انك تحبني .. يا اخي تزوجني و تخلص السالفة

عبود : و انا شدراني ان هذا ولدي

دانة : اسمع انت راح تتزوجني و ننطر لمن اولد و بعدين نسوي تحليل و نعرف اذا ولدك ولا لأ ؟!

عبود ساكت

دانة : شقلت ؟!

تتوقعون عبدالله راح يوافق على الزواج ؟! و صج دانة حامل من عبود ولا من غيرة ؟!! ​

•••​

​

نهاية البارت


​

​

 

[shyy'Om]

البارت الــ28​

•••​

شيماء و حمد و صلوا المستشفى و ناطرين دورهم عشان يدشون على الدكتورة شيماء خايفة حيييل .. حمد متوتر بشكل مو طبيعي .. الموضوع كلش مو سهل انهم ما يشوفون عيالهم .. وان العيب يكون بواحد فيهم
الدكتورة : تفضوا
شيماء : دام فضلج .. ها دكتورة شنو النتايج
الدكتورة : انتوا لازم يكون عندكم ايمان بالله و ان كل شي نقدر نصلحة والطب هالايام تطور حييل .. و في أكثر من علاج
حمد : و احنا راضين بإلي الله كاتبة
الدكتورة : انا آسفة شيماء حبيبتي بس انتي ما فيج عيال
شيماء نزلت دمعة حارة على خدها : بسس .. شلون ؟! ​

حمد منصدم .. كان يتمنى ان العيب يكون فييه بس عشان حبيبة قلبة ما تنكسر و تحس بالنقص .. قلبة قام يعورة عليها .. ما كان يتمى ان يصير فيهم جذي .. بس قدر الله و ماشاء فعل ​

الدكتورة : في أكثر من علاج .. و تقدرون تسافرون علاج بالخارج .. وايد ناس كانت حالتهم اسوأ من حالتكم و تموا عشر سنين يعالجون .. و بعد هالتعب الله يرزقهم بالذرية
شيماء و قفت ما قدرت تستحمل أي كلمة ثانية من الدكتورة حست ان راسها يدور و ما قامت تشوف عدل فجأة قلبها قام يطق بسرعة .. صار عندها صعوبة بالتنفس الا تطيييح من طولها ​

تتوقعون شيماء تكمل مع حمد ولا تطلب الطلاق و تخلييه يشوف حياتة !!؟ ​

•••​

عند خالد
خالد : يمة انا خلاص قررت اتزوج
ام خالد اتيبب : هذي الساعة المباركة .. و انا اعرف وليدي دام ييت فجأة و قلت ابي اتزوج يعني انت حاط عيونك على بنت
خالد بعفوية : أي يمة و هذا رقم امها .. يمة تكفة دقي عليهم اليوم .. آخاف البنت اطيير من اييدي
ام خالد : من عيوني هذي قبل هذي .. بس الحين فشلة و قت غدا و بعد الغدا الناس تشرب جاي الضحى و تحط راسها و تنام و عقب ما يقعدون يصلون المغرب و بعدها العشاا .. لا لا اليوم ما ينفع
خالد طلعت عيونة : يمة لا تصيرين جذي كل يوم نفس الروتين .. عشاني يمة و الله ابيها
ام خالد : يا حليلك يا خوييلد يعني راح تكبر و اشوف عيالك
خالد : يما ادعيلي ان كل اموري تصير مضبوطة و اييبلج ولد اشقراني و اسمييه على اسم ابوي .. واذا يبت بنت اسميها علييج انتي بس دقي
​

ام خالد : يالنصااب .. خلاص خلاص راح ادق بعد نص ساعة عقب الغدا ​

•••​

عند ديمة
ام ديمة : ديوم خلاص انتي كبرتي و قاموا يخطبونج
ديمة فرحانة : صج ! ليشش منو خاطبني
ام ديمة : اهي مو خطبة خطبة بس خالتج ام عزوز قطت نغزة شكبرها عنج
ديمة بحزن : ليشش انشاء الله تبيني اتزوج واحد من عيالها .. اصلا انا ما اشتهي عزوز و احمدوو مثل اخوي
ام ديمة بعصبية : الحين احمدوو صار مثل اخوج .. وين الي تحبة و تبي تتزوجة .. وانا مثل ما قتلج احمدوو حقج وانتي حقة و عادي عندي تكلمينة
ديمة بعصبية : امبيه ماما اول مرة اشوف ام تقول حق بنتها جذي .. انا خلاص شلت احمد من بالي ​

•••​

رن التلفون
ام ديمة : ماما شيلي التلفون مالي خلق
ديمة : الو السلام
ام خالد : و عليكم السلام .. هذا بيت ... الــ....
ديمة عرفت ان هذي ام خالد
ديمة : أي خالتي
ام خالد : انزين امج موجودة
ديمة بفرج : دقيقة خالتي الحين تكون عندج
ديمة : يمة هاج في وحدة تبيج


•••​

ام ديمة : السلام عليكم
و طبعا خالد وديمة قاعدين نفس القعدة و يتسمعون .. خالد كان رافع السماعة من التلفون الثاني و سمع صوت ديمة
ام خالد : السلام عليكم ام ديمة .. شلونج شخبارج عساج بخير
ام ديمة ضايعة : بخير لله الحمد
ام خالد : والله يا ام ديمة انا وحدة ما احب ألف و ادور و بدش بالموضوع على طول .. انا عندي ولييد اسمة خالد و حابة ازوجة و سألت عن بنات الحلال و نعتولي بنتج .. و وايد مدحوها انها بنت حلال و خوش و حدة
ام ديمة بنفسية : حياج الله يا ام خالد
ديمة تشققت من الفرحة .. نفس شعور خالد بالضبط
ام خالد : الله يحييج
ام ديمة تقاطعها : بس بنتي مخطوبة
خالد انهاار : مخطوبة شلوون !!
ديمة نزلت دمعتها : ليشش يا يمة ليشش توقفين نصيبي و تبعديني عن الي احبة
ام خالد : بس الي قايليلي عنها ما قالولي انها مخطوبة
ام ديمة بدون نفس : أي مخطوبة حق ولد عمها .. و هالخطبة توها صايرة محد يدري يعني
ام خالد اندقرت : الله يوفقها انشاء الله .. و يسخرها حق ولد عمها و منة المال و منها العيال
ام ديمة : الله يسلمج تسلمين
سلموا على بعض و سدت التلفون​

•••​

ديمة بصرااخ : ليشش جذبتي عليها و من قال اني مخطوبة حق ولد عمي انتي ما تفهمين انا ما ابي احمد ما ابييييه
ام ديمة شكت بالموضوع : وانتي ليش معصبة لا يكوت تعرفين الصبي
ديمة تبجي و تصرخ : أي اعرفة و اذا مو عاجبج طقي راسج بالطوفة و غير خالد ما راح اتزوجج .. واحمد زواج منة ما راح اتزوج .. والله اذا ما زوجتوني خالد راح اتنحر .. وانتي تدرين اني اسويها
ام ديمة عطت ديمة كف : انا اطق رااسي بالطوف كل هذا عشان خالد و منو خالد هذا و شلون عرفتييه
دزت ديمة حيل ع الارض
ديمة قامت و بدت تكسر كل شي جدامها من براويز و مزهرياات كسرت كل شي بالصالة
ديمة : انا ابييييه انا احبة ابي خالد ابي اتزوجة مو غصب .. مابي احمد ما ابييه ​

•••


بالطرف الثاني عند خالد
ام خالد : انت شلون تعطيني الرقم والبنت مخطوبة
خالد متنح : يمة صدقيني انا امس مكلمها .. اكييد امها اجذب .. اصلا اهي لو مخطوبة ما تعطيني رقم امها .. فكري فيها بالعقل
ام خالد معصبة : هذا الشي اذا تأسس على غلط شوف شنو يصير .. انت لو عندك اخت ترضى واحد يكلمها لا طبعا
خالد يرقع : يمة انا ما اكلمها اهي معاي بالجامعة و انا معجب فيها و قتلها اني ابي اتزوجها و عطني رقم امها .. اصلا انا مو مصدق السالفة
خالد قعد بالغرفة و يفكر بالموضوع حس ان راسة راح ينفجر من التفكيير
خالد : مو معقوولة .. يعني اهي ما تشتهي عزوز عشان تتزوجة و احمد تقول مثل اخوها .. و ما عندها عيال عم .. انا متاكد ان امها تجذب .. انا لازم اشوفها

تتوقعون ام ديمة تغير رايها و ترضة على الزواج ولا لأ ؟! و عقب ما درت عن الموضوع تخلي ديمة على راحتها و لا تتغير المعاملة ؟! وخالد راح يتم مصر على الزواج من ديمة ولا شالها من بالة ؟! ​

•••


​

حور تمللت و تبي تطلع اشم هوا دقت على نوف عشان تطلع معاها راحوا ستاربكس البدع
حور و نوف دشوا اطلبوا عصير برتقال و جيز كيك
بعد ربع ساعة
نواف و جاسيكا دشوا ستاربكس
جاسيكا قعدت على الطاولة و كانت معطية حور ظهرها عقب ما نواف طلب لمن قعد قبال حور الا ينصدم
حور الدمعة بعينها : نوف !
نوف : حور شفيج ؟!
حور : امشي خن نطلع
نوف : شفييج حتى العصير ما خلصناه بسم الله تونة واصلين
حور : نوف مو قادرة خن نطلع و اقولج شفيني
نوف و قفت و طلعت طبعا اهي ماتدري شالسالفة لانها معطية ظهرها حق جاسيكا و نواف ... حور كان فيها فضول تشوف هالجاسيكا الي نواف هدها بس عشانها بس للأسف ما شافت الا شعرها من ورة
عقب ما طلعوا راحو قعدوا ع البحر
حور تبجي : نواف !
نوف : شفييه
حور : كان قبالنة ... ( تشهق حيييل )
نوف : شوي شوي عشان افهم .. شفيها اذا كان قبالنة
حور : معا .. معاه .. الــالفلــ..
نوف : حور خلاص لا تسوين بروحج جذي عشان واحد ما يحس فييج .. و باعج برخيص عشان خدامة انتي لازم تشوفين حياتج .. شوفي طراقج اهو الي صحاني و خلاني انسى شي اسمة حمد و ابلش حياتي من يديد .. انتي بعدج تتذكرين نواف .. ما يكفي ان هدج عشان سبب تافه الي اهو اهلج .. وبعدها بجم شهر راح حب وحدة مادري من أي شارع يايبها .. و يبي يتزوجها .. لو انا منج اكمل القعدة و اضحك و اتغشمر عشان يعرف انج نسييتييه و شلتيه من بالج لان اصلا ما يستاهل دموعج
حور : مو قادرة نوف بكل شي اذكرة لمن اسمع اسمة يفز قلبي .. لمن اشوفة ادوده مادري شنويصير فيني .. نوف تعرفين شنو يعني احبة .. انا احب نواف
نوف : حب من طرف واحد .. وانتي تدرين شنو يعني حب من طرف واحد .. انتي وايد تعبتي .. انتي وايد رفضتي ناس .. والي يقهر ان كل وااحد احسن من الثاني عشان شنو ؟! قوليلي عشان شنو ؟!​

​

حور تبجي: نوف ما اقدر تعرفين شنو يعني ما اقدر .. انا احبة و انتي تعرفيني لمن احب ما اقدر انسى بسهولة .. انا ادري ان ما سيتاهل و ان هدني بالوقت كنت حيل محتاجة حقة .. و عشان سبب اتفه منة ماكو .. صعب نوف صعب .. انا مو قادرة اتغير و لا قاعدة اعطي من نفسي .. انا ودي اتغير ودي اتزوج .. ومثل ما انتي تدرين ان وايد تقدمولي بس ما اتخيل روحي مع واحد غيرة

نوف : بس لي متى حور ؟! لي متى وانتي جي مو زين علييج انتي قاعدة ادمرين روحج بروحج .. جذي ما راح تقدرين تكملين .. بكل شي تتذكرين نواف حارمة نفسج من وايد اشياء بس عشانة .. انتي لي الحين الاشياء الي ما يحبها نواف ما تسويينها انزين ليش اذا اهو مايدري عنج

حور : لاني تعودت .. وقت الي يقولي حور مو حلو عليج جذي .. خلاص لو شنو ما راح يصير علي حلو ؟! حور لا تيين هني لا تسوين جذي .. دني عن الشباب الي بالجامعة لا تطلعين مع بنات بروحكم .. خلاص لا تلبسين شورتات .. طولي شعرج احلى علييج و وايد و وايد وانا كلة حاضر و من عيوني .. و آخر شي جذي يصير فيني

نوف : الحين حطي ابالج انتي راح تنسين .. انتي راح تكملين حياتج بدون نواف

تتوقعون حور راح تنسى نواف و تكمل حياتها ولا راح تعيش على ذكراه ؟!

​

•••
​

عند مشعل و ام نواف ( سارة )
سارة : انزين شرايك اليوم نروح فلم .. فلم امس ما عجبني واايد
مشعل : خوش فكرة .. حتى انا ما عجبني واايد مبالغ فييه ما احب الافلام الي جذي
سارة ساكتة
مشعل : سارة .. سارة ( يأشر بأييدة ) وين وصلتي ؟!
سارة : ها ! لا بس تذكرت عيالي .. صارلي يومين مو نايمة بالبيت
مشعل : انزين لا يضيق خلقج انتي قولي متى تبينة نروح حق عيالج وانا حاضر .. انا كلش مو معارض انتي الي معارضة .. بس انا اخاف يصير مشاكل بينج و بين عيالج
سارة بحزن : اهم كلش مو موافقين على الزواج .. الحين لمن ارد البيت و معاي ريال شنو راح يسوون
مشعل : سارة قلنا تخافين على عيالج و ما تبين زعلهم .. بس مو لدرجة انج تخافين منهم
سارة : انا ما اخاف منهم انا اخاف عليهم .. خلاص احنا لازم نرد البيت
مشعل : خلاص باجر راح نروح بيتج و لازم عيالج يدرون احنا لي متى راح انتم جذي .. انزين يالله عاد ضحكي انشاء الله ما يصير الا الخير

تتوقعون شنو ردة فعل نوف و نواف لمن يشوفون امهم رادة البيت معاها ريال غريب و متزوجة ؟!


•••



نوف ردت البيت واهي حييل معصبية و مقهورة على حور .. على طول راحت غرفة نواف و قعدت اطق الباب حييل شوية و تكسرة
نوف تصرخ : نوافوو قوووم قوووم
نواف : ياي ياي
بطل الباب
نواف : غلطانة يبة المرة الياية كسري الباب
نوف كان بأييدها قلاص مااي بارد .. فجاة الا تكب القلاص بويه نواف
نواف متنح
نوف : اصحى نواف اصحى .. انت شنو ما تحس البنت هنااك راح تموت والسبب انت .. وانت هني نايم بالعسل حرام علييك يا اخي شنو ما عندك احساس
نواف مسك شعر نوف حيييل
نوف : آآآي نواف هدني هدني
نواف : قسما بالله يا نوف اذا عدتي الحركة مرة ثانية ما تلومين الا نفسج .. و بعدين ما ابيها ولا افكر فيها شنو يعني السالفة غصب .. وحدة ما عندها كرامة مثل حور عمري ما شفت
دز نوف حييل
نوف : تكلم عن البنت عدل و مو اهي الي ما عندها كرامة .. ناس ثانين الي ما عندهم كرامة .. انت هني ترضع مع المدام والبنت هناك تحترق !! انت صج ما تحس
نواف : بدال لا تحاتين البنت .. شوفي امج صارلها يومين برة البيت ولا انتي لاهية حيل مع ست الحسن والدلال و نسيتي امج !!
نوف تصرخ : انت من صجك !! اكييد امي سوتها و طقتنا كلنا بالطوفة وراحت حق شين الحلاية
هدتة و مشت


نهاية البارت
​

 

[ღرحت فيهاღ]

ثااانكس على البارت ونواف قلبك جاااسي وام نواف يعلج ماتربحين وحور ياصبر ايوب على بلواه وشيوم تكسر الخاطر وجكوسا ما ادري شنو اسمها يعل عزرائيل يا خذج ويغربلج قولي اميين عللله وناطرينج

 

[احب المدرسة]

الباراتات عجيبين
وام نواف ماااالت عليج هديتي عيالج ورحتي وراع شنو ماكو قلب ما تفكرين فيهم
نواف مالت عليك انت الثاني هديت وهدة قمر ورحت عند جاسوكا وماادري شنو اسمها
نوف لا لا عاجبتني بهالجم بارت &#55357;&#56861;
شيماء كسرت خاطري حرام &#55357;&#56852;
حمد اتوقع ان بيضل مع شيماء بس بعديت يطقها

 

[ipod-apple]

ويييي وييييييي ..... تأزممت الاموووور وااااااايد ..!!!!

كل وااحد طـلــع له بساالفه الحييين .. =\

امبييييه بشوووف شرااح يسييير لمن يشوفون ريل امهههم ..... :0

ونواااااف موووصج شكلهاا سااحرتته ... @

وناااطريينج حياااتيي =))

 

[ღرحت فيهاღ]

الباراتات عجيبين
وام نواف ماااالت عليج هديتي عيالج ورحتي وراع شنو ماكو قلب ما تفكرين فيهم
نواف مالت عليك انت الثاني هديت وهدة قمر ورحت عند جاسوكا وماادري شنو اسمها
نوف لا لا عاجبتني بهالجم بارت ?
شيماء كسرت خاطري حرام ?
حمد اتوقع ان بيضل مع شيماء بس بعديت يطقها

تعالي الفلبينية شنو اسمها جاسوكا ولا جكوسا :eh_s(10):

 

[احب المدرسة]

تعالي الفلبينية شنو اسمها جاسوكا ولا جكوسا :eh_s(10):

خخخخخخخخخخخخخخخخخخخ:krkrkr::krkrkr:???
اهي اسمها جاسيكا

 

[ღرحت فيهاღ]

خخخخخخخخخخخخخخخخخخخ:krkrkr::krkrkr:???
اهي اسمها جاسيكا

خخخخ واحنا لعبنا باسمها لعب :krkrkr:

 

[Dashtawya]

الروااااااااية روووووووعة كملي ناطرينج و نوااافو ابداع ما لقى الي ام السعف و الليف مالت و الام مشاءالله ما اقول الا الله يكملها بعقلها ينت و الله يعقل نوف حبيبتي

 

[حبكـ ملكني]

الباراتات روووعــــــــــــه
وام نواف ماااالت عليج هديتي عيالج علشانه ...
نواف كان عاجبني اول البارتاات بس يوم حب هالفلبينيه وهو ما يعجبني هديت حوور بنت ديرتهاورااح لهالفلبينيه
نوف عجيبه وان شاء الله ربي يحقق منااهاا
اتـــــــوقـــــع ..حمد يتم مع شيمااء مدهـ بعدين يطلقهااا
وان شاء الله يتزوج نووووووووووف

 

[Te Amo<3]

روعه البارتات والاحداث عجيييبه وشوقتينا اكثر واحسن زين يصير بشيماءخخخخ
ونواف شكوو يتحجى عن حور جذي مايستحي من حلات الفلبينيه عاد مالت عليه المفروض حور تتزوج وتنساه خل يولي
وامهم انشالله تعرف حقيقة زوجها الي مستانسه فيه ومنو بعد اي وشكو نواف برفيجه كيفه اهوا والي يحبها مو قع يلعب اهوا يبي يتزوجها وام ديمه مالت عليها وبعدين مو كانت تحب ولد عمها ولا شنو الحين
المهم كملي اب اب اب اب اب اب اب اب

 

[احب المدرسة]

خخخخ واحنا لعبنا باسمها لعب :krkrkr:

خخخخخخخخخ اي مو فيج على شان نبين ان احنة منقهرين

 

[om sa3ad]

ناطرينج

 

[Zhm1996]

رووووووووعه
اتوقع يطلق شيماء و يرد حق نوف
و جلكسي تكره نواف
و ناااااطررررينج

 

[احب المدرسة]

رووووووووعه
اتوقع يطلق شيماء و يرد حق نوف
و جلكسي تكره نواف
و ناااااطررررينج

كاااااااااااااااااااك عجبتنيجلكسي ??

 

[Zhm1996]

Looooooooooool 

 

[ღرحت فيهاღ]

رووووووووعه
اتوقع يطلق شيماء و يرد حق نوف
و جلكسي تكره نواف
و ناااااطررررينج

لووووووووووووول اسهل شي جلكسي خخخخخخ جلكسي ولا مارس مارس ولا مايو مايو ولا مسبح مسبح ولا مسباح كاااااااااااااااااااااااااااااااااك جني وااايد ملقت لوووول اليوم انا فاصلة خخخخخخ :krkrkr: