رجيم من 1_11_2012 وحتــى السنه الجديده

[E ُ ALBADER]

ماشاء الله انا بعد وحده من اهلي نفس وزني مشتركه فيه ان شاء الله بجوف تجاربكم اذا اوكي بشترك بس مب الحين
اذا نقصت 10 كيلو ان شاء الله

 

[Laidy n3ooma]

اليوم كلت حبة التخسيس وعقبها شاي بالحليب ورحت الجامعه ولما رجعت كلت خبز وجبن وعقبها شاي التخسيس

الله يسترررر بكره الميزان

 

[miss^unique]

السلام عليكم

بنات انا عضوة يديده وودي ادش تجمع اتشجع اني التزم بريجيم ورياضه وابي ناس يشجعوني

أنا قصتي قصه

انا متنت بفترة بسيطه وايد طقيت فوق ال80 واشتركت 4 اشهر بشركات تغذيه باخر الفتره خربطت بس مع كل التخربط وما التزم برياضه الا 4 او 5 مرات بالشهر نزلت 12 كيلو
وكسرت السبعينات ودشيت الستينات

بس رديت اكل بشكل رهيييييييب وكل يوم اكل معجنات وفطاير وحلو
والحين وصلت 73 حسافة تعبت وخربطت

انا على راس السنه عقب 40 يوم ان شاء الله راضيه انزل 8 كيلو قنوعه هههههههه يعني بالعشر ايام كيلوين احس طبيعي مو اوفر مو؟؟

ميخالف ادش معاكم والا متأخره؟؟

 

[سكر وعسل]

بعد إذن صاحبة الموضوع
حياج الله
الله يستر الميزان بأجر
تغديت شيش طارق وسلطه
الحين ميته من الجوع جبت لي سلطه
امم
زعلانه على نفسي مقاعده اسوي رياضه
صغيره كسوله

 

[Madrideya ~]

سلام بنات حياكم الله الصبايا اللي توهم داشين معانا وان شاء لله توصلون للاوزان اللي تبونها بصحه وعافيه يارب
وبالعكس جذي راح يزيد الحماس بينا ..


غنجي ودلوع عادي حبيبتي لا تياسين ولا شي كلنا نمر بهالمرحله اللي هي ثبات الوزن وهذا شي طبيعي
بس ماراح يستمر معاج وايد بالكثير اسبوعين وتنزلين بعدها ..

اليوم وأمس ماشيه أوكيه وان شاء الله بأجر خير ... ماني متحمسه وايد للميزان لأني متليقفه ووازنه وعارفه جم نازله هههه
هالاسبوع ماراحت الجيم كلش بأجر بروحله أن شاء الله اكتشفت أن جسمي من النوع اللي مع الرياضه القاسية ما ينزل يشد بس
بس مع الرياضه الخفيفة اللي بالبيت انزل وايد يعني الأرقام بالميزان مع الرياضه بالجيم أهي أهي ما تتغير الا شي بسيط بس جسمج راح ينشد
وأنا توني ع مرحله الشد اول شي انزل للوزن المثالي وبعدها اشد جسمي وأثبته بالرياضة عشان جذي قررت أروح الجيم مره مرتين بالاسبوع بس



والله يوفقنا يارب ويفر حنا كلنا بأجر ويعطي كل وحده ع قد تعبها أن شاء الله ~

 

[miss^unique]

سكر ومدريديه مشكورين وايد حبيباتي
انا اليوم لعبت رياضه تقريب 35دقيقه وتعشيت عشا ماينبلع بس ادري انه زين لان مجربته مابي اخربط بليل (روب مع موز وبرتقال مقطعين)
وانا بامشي على نظام النقاط 25نقطة باليوم لان بالعب رياضه ان شاء الله
بس مشكلتي انسسسسسى اشرب ماي :\

 

[حزن النفسج]

اهلييين ياحلوات من زمان ابي تجمع للتشجيع


انا بدخل معاكم من اليوم وانا اتبع رجيم النقاط حلو ومافي حرمان وينزل الوزن بشي معقول


طول 158
الوزن 83

الهدف الاول 75
الهدف الثاني 70
الهدف الاول 60


وانشالله يااارب

 

[سكر وعسل]

هاي بنوتات
اممم انا ماحب الرياضه اهىء اهىء
اليوم بروح اسجل بنادي باخذ 3 ايام بالاسبوع
مع مدربه عشان ماتكيسل اعرف عمري ماحب الرياضه ولا حتى اعرف اسوي بروحي خخ

اممم
امس كلييت بسبوسسسسه
خربته شوي وزعلانه على نفسي وايد
فاليوم عقاب
لازم امشي واخفف الاكل
النزول الحمدالله
نازله كيلو ونص
كلولوووووش
وباقي على الهدف الاول 6 كييلووو
باذن الله على نص الشهر الجاي اكون تخلصت منهم

 

[Laidy n3ooma]

امس مشيت بليل بس مادري شكثر يمكن نص ساعه وكنت حاطه على بطني كريم بارتنر لوف للتخسيس

الصبح لما قمت وزنت وطلعت نازله كيلوو بس وصار وزني 76.1

اهم شي ان احسن من ولا شي

 

[غَـنْـجَـى و دَلـوعْ]

الجمعة 22- 11 اليوم 20 لي مع الرجيم :

أمس رحت للدكتورة و وزني خلال أسبوعييييين رجيم طلع ثابت !!
كلامها شجعني حيل حيل حيل إني أكمل و وصفت لي حبوب قالت راح تساعدج على الحرق
و اليوم راح آخذه كامل فري و باجر أبلش و خليت موعدي معاها السبت عشان أكون تامّة أسبوع
ألحين بشرب قهوتي و بطلع مع رفيجتي نمشي على البحر :$

 

[غَـنْـجَـى و دَلـوعْ]

غنجي انا افكر بعد استخدم حبه زنكال بعد وجبه الغدى لان شوي يكون فيها اكل بس مادري متردده بالاول بخلص
هالاسبوع وبجوف معدل النزول عندي

أمس رحت حق دكتورتي و عطتني حبوب تساعد على سرعة الحرق و الله يكتب اللي فيها الخير

إذا مترددة عالحبوب استخيري قبلها و الله يكتب لج الخيرة

 

[غَـنْـجَـى و دَلـوعْ]

صباح الخير
غنجي جربي قهوه تروبيكانا مافيها شكر وطعمها حلوو احسن من النسكافيه
عادي 3 كيلو احسن من ولا شي ..ويمكن انتي تيوعين نفسج وايد
بنات شربو زنجبيل ودارسين
واذا انتي ما تمشين ع نظام معين اخذي لج تفاحه قبل الغدا بساعه الا ربع وااايد زينه ويمدحونها
ويمكن وزنج مو قاعد ينزل لان وقت الدوره قريب |
ميخالف حبيبتي كلنامعاج

صباح الورد ، وين أحصلها تروبيكانا ؟؟

اليوم قبل لا أنام إن شاء الله بشرب لي مطارة كاملة زنجبيل و دارسين ،
بحاول أتعود عليهم مع الأجواء الباردة :")

ما أقدر آخذ تفاح قاعدة أمشي على رجيم معين من الدكتورة :$

 

[غَـنْـجَـى و دَلـوعْ]

غنجي ودلوع عادي حبيبتي لا تياسين ولا شي كلنا نمر بهالمرحله اللي هي ثبات الوزن وهذا شي طبيعي
بس ماراح يستمر معاج وايد بالكثير اسبوعين وتنزلين بعدها ..

~

أشوى الحمدلله لما رحت للدكتورة و كلمتني حسيتها رفعت معنوياتي
و حمستني أني ابتدي هالأسبوع صح و التزم عدل بدون لا أحذف الوجبات
لأن أنا مشكلتي ما آكل كل اللي تعطيني و اهي أقنعتني إن هالشي خطأ و يضير ماينفع

 

[Madrideya ~]

اليوم وزنت طلع وزني 74.5 يعني نازله كيلو ونص كنت 76

الحمدالله وأخيرا تلحلح الميزان شوي

 

[غَـنْـجَـى و دَلـوعْ]

اليوم كلت حبة التخسيس وعقبها شاي بالحليب ورحت الجامعه ولما رجعت كلت خبز وجبن وعقبها شاي التخسيس

الله يسترررر بكره الميزان

نعومه شنو حبوب و شاي التخسيس اللي قاعده تاخذينها ؟؟؟

 

[Madrideya ~]

اللي تبي تشتري حبوب الزينكال أمي جربتها ما تمدحها كلش
واصلا ما تحرق الا دهون الوجيه اللي كلتيها يعني الدهون المختزنة فيج القديمه ما تحرقها
وشسمه لما تاكلين جسمج يتغرق دهن يطلع من ورا ..

إذا تبين حبوب عجيبه عندج ما غريم دايت من لبنان حيل يمدحونها ما تنباع بالصيدليات تاجره هنئ معانا بالمنتدى تبيعه
انا كنت بأخذها بس قالتلي ما تنفع للي أعمارهم اقل من ١٨ مؤ زينه لهم.. تلاقين هنئ بالمنتدى وايد بنات جربوها ادخلي شوفي تجاربهم

 

[محبوبة محبوبها]

مساء الخير كان النت عندي معطل وزمي ثابت لاني لخبطت الاسبوع الي فات واليوم كمان
من بكرة ان شالله التزم

 

[ღسلڨاناღ]

مساءكم خير
انقطع النت وتو ه اليوم يرجع:eh_s(4):

الشهر الأول [ اليوم التاسع عشر 20-11-2012]
الفطور: لا يوجد
الغداء : ربيان ورز
العشاء : كاس شاي

الشهر الأول [ اليوم العشرون 21-11-2012]
الفطور: بيضه مسلوقه
الغداء : لا يوجد
العشاء : كورن فليكس وحليب

الشهر الأول [ اليوم الواحد والعشرون 22-11-2012]
الفطور: كاس حليب
الغداء : سمك مشوي + رز
العشاء : لا يوجد

الشهر الأول [ اليوم الثاني والعشرون 23-11-2012]
الفطور : لايوجد
الغداء : دجاج بالخضار في الفرن
العشاء : أناناس مقطع

الرياضه المشي لجميع الأيام

مثل ما أسلفت بأحد ردودي ماراح اوزن الا عقب الشهرين :eh_s(8):

​

 

[miss^unique]

السلام عليكم يا حلويييييييييين

اشلونكم

انا غطيت امس كنت مشغولة
خرتها شوي وامس مالعبت رياضه
بس باجر لازم اشد اكثر لان ابي انزل بسرعه 4 كيلو بعدين اكمل شوي شوي عندي عزيمه والبدله تفشل خخخخخخخخخخ


مبروك لكل اللي نزلو عقبال ماتوصلون للهدف النهائي

اللي يسألون عن الحبوب انا من سنييييييين سمعت ان زينيكال مو زينه وتسبب مشاكل بالجهاز الهضمي
انا توني شاريه حبوب القهوة الضرا وباجربهم اشوف صج يضعفون والا لا
انا اخاف اخذ حبوب بس هذيل مكتوب عليهم ان بسسسسسس خلاصة القهوة الخضره
وصج جنها كبسوله داخلها بودر تحسون اعشاب

 

[ضحكتي ماركة ]

بنات انا تو بلشت ريجيم صارلي ٣ ايام

ووزني ٨٦.٥
طولي ١٦٠

ووزني مثالي لازم ٥٥ وبخاطري اضعف ومحد يشجعني لان متني بالاراداف.

وانا ممنوعه من البيض والحليب والجبن لان سويت تحليل ب١٥٠ دينار بالمركز الالماني

وقالتلي الدكتوره اللي يسببلج متن هالشغلات وصج انا ما اكل غير هالاشياء

وابي ريجيم ساعدوني تكفووون لان بستمر ل١٢/٢٠ اكمل شهر واقيس وزني ان نزلت خير وبركه

مانزلت بسووي عمليه مع ان دكتور قالي ماتحتاجين تكميم لان جسمج يحتاج ريجيم بسس

وانا بكو معاكم كل يوم