تجمع خاص للي أوزانهم 60 كيلو و حابين يكون 55 كيلو أو 50 كيلو

[أم وليد الشمري]

توته حبيبتي ماتشوفين شر الف سلامه عليييج
كلي رقة.. حياج الله تنورينااا
هااايدي .. بالعافيه حبيبتي منتظرتك انا هالمره
القرفه روعه تحرق الدهون
الشمر اذا متزوجه ومنتظره حمال لا تشربينها لانها تزيد هرمون الحليب

 

[إم بــــرٍآك]

فطوري : زبادي منزوع الدسم.الغداء: طبق سلطة خضار- شووربة عدس.
السناك: عصير زبيب مع عصير حبة برتقاله.
هالعصير لازم عشان عندي فقر دم الله يعيني.
العشاء: تفاحه واحده فقط .
بأذن الله راح أشرب منقوع الشمر لأنهم وايد يمدحونه لشد الجسم ،
وراح أستمر على الزنجبيل
مع القرفه كثيرررر يمدحونه لحرق الدهون قريته هني بالمنتدى
إنشاءالله أجربه وأستمر عليه.
وأهم شي المااااااااااي البارد ثمان قلاصات أو أكثر في اليوم.

هلابنات شلونكم صار لي يومين تقريبا ماقريت يومياتكم

هايدي زين مااخترتي بخصوص الشمر ترى سيد الشهيه ويشد الجسم ويزيد من الهرمونات الانثويه

والزنجبيل ولااحلى بعد احبه مع مغلي الماي والنعناع المجفف بدون سكر وايد حلو

بس القرفه ماانصحج فيها ترى بتضر معدتج

بنات جربتو تشربون زيت الزيتون ع الريق ؟؟
انا جربته احس من اشربه بشرتي تصير حلوه وفيها رونق بس للاسف يتعب معدتي ويسببب لي دوره بالراس

اما عن اكلي اليوم الصراحه خربتها وايد والحين احس جسمي متكسسسر وتعبانهه

قبل لاانسى تدرون ان الفشار {النفيش}يشبع ويمدحونه للي يبون يخففون وزنهم طبعا يكون بدون اضافات

 

[إم بــــرٍآك]

ليدي,, حرارير,,توته,, ام وليد
فديتكم والله مشكورين ع الترحيب:eh_s(7):


********************************

طولي:161
وزني:62.1
هدفي الاول:59

لاااااه ان شالله التزااااااااااام لا تخافون علي امبديه من يوم السبت ولحين ماشيه في السليم:rerrerek:

هلا وغلا بنت ديرتي توني اشوفج منوره القروب

الصراحه اتمنننى طولي يزيد بس للاسف ههه خاطري اكون 162
طولج ماشاء الله تبارك الله يبي له وزنج يكون 58 مع احتساب نسبة الدهون بجسمج طبعا


موذابحنا الااكل الليل

 

[بحرينيه حبوبه]

هلا وغلا بنت ديرتي توني اشوفج منوره القروب

الصراحه اتمنننى طولي يزيد بس للاسف ههه خاطري اكون 162
طولج ماشاء الله تبارك الله يبي له وزنج يكون 58 مع احتساب نسبة الدهون بجسمج طبعا


موذابحنا الااكل الليل

هلا فيج بعد عمري والله منور بوجودج...

ليش جم طولج؟؟؟؟

مو وصلت ل 58 ورديت زدت:krkrkr:

المفروض وزني المثالي بين 52__58

مشير لي كله ع 62
لكن احمد ربي صار لي سنتين محافظه عليه



************


بصدمكم ترااااااااااا قبل كان وزني 89

حطيت علا نفسي واشتغلت عدل مدل لما وصلت58 والحين ثابت ع 62

 

[سأكون يوما ما أريد]

مسااء الخير لاحلاا قروب

الريوق: حبتين كيوي
الغدا سلطه و4 ملاعق رز وسمكه متوسطه

العشا نص ساندوش صغير

مشيت 33 دقيقه

سونا ربع ساعه

 

[JUMAN]

الثلاثاء : 13 - 1 - 1434

أهلاً أهلاً بـ الرشيقَات


اليوم مشيت نص ساعه
وَ خلصت إجازتي لـ التمارين و رجعت السبَا من اليوم
تمارين كامله لـ الجسم لـ مدة ساعه
إن شاء الله أتكلم بـ التفصيل عنها لكم الـأيام الجايه

ما فطرت اليوم
الغدا و العشا : 2 ساندويتش بيض بـ الجبن + طماطم + صلصه حاره + خيار


روتين الـأكل :
- 4 أكواب ماي قبل كل وجبه بـ ساعه
- علبة زبادي بعد كل وجبه





توته حبيبتي ما تشوفين شر يا رب
أم وليد والله الحمدلله إن شاء الله كلنا ماشين تمام
كلي رقه إن شاء الله ينزل وزنك بـ صحه و عافيه
هايدي اليوم شربت كوب زنجبيل و ما كملته فـ سويت لي كوب حليب و حطيت عليه قرفه
و طلع يا سلام دافي و لذيذ
زوراروسا والله الكيلوات لا زلنا نحاربها و ما عليك خبصي بس مو تكثرين تخبيص أهم شي ما توقفين و تستمرين على نمط صحي
أي شي تشوفينه و تشتهينه كلي منه حاجه بسيطه عشان لا تصير لك ردة فعل عكسيه بعدين و تاكلين هالشي بـ شراهه
أم براك هلا فيك يا غاليه إن شاء الله ﻣا تغيبين إلـا بـ الخير
سأكون يوما ما أريد هلا فيك يا عسل واصلي و إن شاء الله تنحفين من غير شر
بحرينيه ما شاءالله عليك إن شاء الله تواصلين و توصلين لـ هدفك


و بـ التوفيق لـ كل العسولات
إن شاء الله يا رب كلنا نوصل لـ أهدافنا بـ صحه
أهم شي المواظبه على نمط حياه صحي و ابعدي فكرة الريجيم عن راسك














​

 

[إم بــــرٍآك]

ههههه بحرينيه طلعتي راعية اراده ماشاء الله

شوفي طولي 158 والله احس اني قضرت هع
اخبر كان طولي 159 ووزني 60.6

ابي انزل 5 او 4 كيلو وعندي عرس قريب

مااعتمد ع ريجيم معين بس اخفف باكلي وابتعد عن وجبات معينه ومااقرب من الغازيات
ومع حماس البنات ان شاء الله قطعت الكافي تالي الليل مع اني امتنع عن الاكل بعد الساعه 8 او 7 ونص

الااذا رحت مظعم

 

[إم بــــرٍآك]

يهلي بك حبيبتي جمان
توته ماشوفج تاكلين التونه سلامتج ماتشوفين شر

 

[بحرينيه حبوبه]

هههههههههه افا عليج ام براك اعجبج اناااا


اشلون طولين بعد ههههههههههه


شوفي حسبتي انااا

ع ايام المدرسه طولي دايما 160

قياس المستشفا بين 160 و161ّّ

لما اروح وااهووو يقيسوني يطلع 161 واعتمدت حسبتهم كككككككككك

 

[إم بــــرٍآك]

ههههه اشوى موانا بس الي عندي طولين

 

[بحرينيه حبوبه]

يومياتي ليوم الثلاثا

ريوق
نسكافيه 3 في 1




الغدا

6 انش سندويج تونه من ساب وي

كولالايت



سناك

عصير كوكتيل تقاح المراعي


العشا
ميلك شيك كوكيز وذ كريم من باسكن<<<< خبصت باجر اعوض

 

[بحرينيه حبوبه]

تصبحون ع خيررررر



لوعة جبد وراي قعده من صباح الله

 

[الحراير]

عواااافي ماكليتوا ياحلوات
بالنسبه لي كنت صايمه وتفطرت جبن فيتا قليل الدسم مع خبزه سمره وشاي

واكلت2مشمش مجفف
وسحوري دجاج مشوي ودايت سفن وبعدها شربت بيالة شاي

ورقصت ساعه الا ربع مع شوية رياضه

وسهرانه للصبح وبشرب نسكافيه حبيب البي

 

[توووووتة الحلوة]

الحراير و هايدي و ام وليد و جمون و ام براك
مشكورين، ان شاء الله ما تشوفين الا كل خير :eh_s(17):


الحراير
و انا كان عندي امل انك تفتحين اللاب انا اصلا قالبه اللاب تلفزيون و فيديو و DVD ... حتى هالايام طلعت التلفزيون من غرفتي ... خلاص ما صرت استخدمه اطلاقا

اما على اقتراحك حلووو كثير :eh_s(15): خلاص من الاسبوع الجاي يكون يوم الخميس ان شاء الله.

زوراروسا

و عليكم السلام. اتركي عنك فكرة الريجيم ... احسن شي لك التخفيف خصوصا انك ام و عندك عيال ترعينهم

هايدي
صباح الفل يا حلوة، احنا بخير عساك دوم بخير، يومك حلو يا حلوة :rerrerek:

كلي رقة
اهلا و سهلا فيك، لكن ما كتبتي كم طولك؟ نظامك حلو و صحي و ان شاء الله تضعفين عليه :eh_s(15):
استمري

ام وليد
مساء الفل و الجوري :eh_s(17): الحمدلله بخير

ام براك
اهلا و سهلا نورتينا مرة اخرى هاه بشري كم صار وزنك؟

سأكون يوما
صباح الخير يا حلوة، يومك رائع استمري :rerrerek:

جمون
اهلا فيك، دائما يعجبني التزامك الله يبارك لك

بنوتات هالنصيحة رائعة من جمون اقرأوها "أهم شي المواظبه على نمط حياه صحي و ابعدي فكرة الريجيم عن راسك"

ام براك
انا احب التونه لكن ما اقدر اكلها لما اكلها اتعب كثير احس كأن جسمي متسمم ... ما تناسبني كلش

ام براك و بحرينية
ام براك انتي نفس عقدتي الطول ... انا طولي 161 و اخره مرة تقول لي 159 ... احباط و ضاق صدري و زعلت و قتها. بحرينية اني اهون الفرق 1 سم انا 2 سم

بحرينية
يومك حلو، وان كان على التخبيص ... قولي لي انتي مين اللي ما يخبص

الحراير
يومك تمام :eh_s(15): عندي سؤال انتي اي نوع نسكافية تشربين؟
3 في 1 ؟

 

[توووووتة الحلوة]

يومي

الفطور
لايوجد

الغدا
صحن متوسط رز+ نص فخذ دجاجة + خياره. 1 بيبسي

العشا
ساندويش جبن فيتا+ 5 زيتونات+ كأس شاي

السناك
اكلت شوي شيبس و بسكويت مالح

الرياضة
مشيت ساعة مساء

 

[توووووتة الحلوة]

بنات ان شاء الله من الاسبوع الجاي ... الميزان راح يكون يوم الخميس

 

[زوراروسا]

صباح الخير
ماشاء الله ع الحماس القروب اليوم شاد حيله ماشاء الله تبارك الله
ام وليد طلعتي من حسبتنا بالثلاثينات ههههههههههههه يالله العمر كله ان شاء الله وربي يجعله في الصلاح والعباده امين يارب العالمين
امس يومي كان زين الحمد لله
بديته بقهوة اللولؤة <<< ادمان
بعدها شويه حركه بالبيت
قبل الفطور لعبت رياضه 40 دقيقه بين ابتتراك وتمارين طبعا ادهن بطني بكريم الزنجبيل والفلفل واربط مشد وبعد سويت سونا 10 دقايق
فطرت خفيف وتغديت خفيف وتعشيت خفيف الحمد لله

 

[الحراير]

عوافي توته حبيبتي

وبالنسبه للابتوب انا صارلي فتره ماستخدمه وولدي يستخدمه
والشي اذا نسيته ولدي ياخذه ويقول لابتوبه هههه
نفس اجهزة التلفون لما يستخدمها يقول ملاتي هع

ومشكوره انج وافقتي علي اقتراحي
اي استخدم نسكافيه٣في١

 

[مسكـ المطيري]

تصدقون من دشيت تجمعكم اشتهيت روب اكتيفيا فراوله
شكو مادري لا يكون تنسيت عندكم بس ههههههه
يلا شدوا حيلكم والله ينولكم مرادكم بصحه وعافيه
و لا تتركون لاحد مجال يحبطكم مهما كان
لان مايفرح بالنتيجه الا من تغلب على المتاعب
قلبي داعي لككككككككككككم

 

[كلي رقة]

صباااااح الخيرااااات
انا طولي تقريبا 154 (قزووووومه هههه)
امس تريقت توسته مع جبنة سلايس
والغدا كان روب اكتيفيا صغير
والعشا بيضتين مسلوق مع 2 توست وجاي حليب
ومشيت تقريبا 20 دقيقة