الي يبي ينحف يدخل معانا القروب

[chnoof11]

حبيباتي توني قريت في النت اكثر من وحده قالت انه الشاي الاخضر يسبب ثبات الوزن فنبي نبتعد عنه هلوقت فانصحكم بشرب البقدونس المغلي مره حلو وانا مجربته ينزل وزن شي خيالي وصفي البشره اشربي بعد كل وجبه

 

[M6NoOo5a]

بنات انا انسحبت

:")

لاني سمعت انه مو زين مال الدشتي




الله يوفقكم ..)

 

[زهرةالنرجس]

العشاء كباب بالفرن وشوربه

 

[chnoof11]

الله معاك بس بقولك شي لو الرجيم مو كويس كان ماختاروه الرجيم الوحيد من ١٠٠٠ رجيم في بريطانيا وعطوه جائزه افضل بحث واذا مو مصدقه ادخلي علي اليوتيوب وشوفي مقابلات دكتور دشتي علي العموم الله يوفقك *

 

[chnoof11]

هلا زهره النرجس بالعافيه بس شوربه شنو

 

[رسائل البحر]

السلام عليكم


انا كنت صايمه اليوم

فطوري كان 3 بيضات مخلوطه مع طماط وزيتون وفلفل اخضر ومشروم وجبن سلايس مع سلطه ملفوف وفيمتو دايت

 

[chnoof11]

بالعافيه حبيبتي

 

[لمى..]

هلا حبايبي
اليوم العشاأ كان مرتدلاا وبيض مع خس وطماطم وخيار بس وشربت شاي

يالله همه باقي لنا فتره ونصير من الرشيقات وننبسط في العطله

 

[chnoof11]

حبيبتي لمي بالعافيه علي قلبك اي والله صادقه مابقي شي علي يوم الجمعه اليوم الميزان وان شاء اله نكون كلنا نازللين

 

[M6NoOo5a]

الله معاك بس بقولك شي لو الرجيم مو كويس كان ماختاروه الرجيم الوحيد من 1000 رجيم في بريطانيا وعطوه جائزه افضل بحث واذا مو مصدقه ادخلي علي اليوتيوب وشوفي مقابلات دكتور دشتي علي العموم الله يوفقك *

انا ماسبيته
ترى بس قلت رجيمه مو زين

يعني يسبب اضعاف اضعاف الوزن

لو رديتي خربتي الرجيم هذا كان قصدي

لان رجيمه كيميائي

حبيبتي ..||

بالتوفيق للجميع

 

[shak!shoka]

انا بلشت معاكم الاثنين

كنت صايمه و ع المغرب اكلت بيضتين سلق مع جبن قلاص و شوي نسكافيه ما كنت مستوعبه انه في كافيين نص كوب انشالله ما يأثر

و عقلها ب ساعتين طلعت و ريلي شربني غصصصصب عصير اناناس و كيوي خرب علي الله يسامحه

ع الساعه ١٢ لعبت رياضه تقريبا ٤٠ دقيقه ع الاوربت تراك و ٥ دقايق تمارين خصر و خلفيه و زنود


حااااسه بصداع قاتل

توني شربت جاي اخضر ولا اقرا انه يثبت الوزن هديته بس عقب ما ش بت نصه ههه


وزني ٧٠
هدفي ٦٥

و يمكن اذا الرجيم ياب النتيجه المرجوه اكمل لي ٦٠ *

وبس الحمدالله

عاد انا صارلي ٤ شهور والده و من كنت حامل و انا اتحلف بنفسي !




ابي اشكرج صاحبة الموضوع والله كنت متردده بس عقب كلامج و تشجيعج و وجباتج تحممممست
وباذن الله ننزل و ع العيد يارب تكون اجسامنا بيرفكت علشان النيولوك هههه

 

[shak!shoka]

انشالله بدش كل يوم و اكتب وجباتي



ابي اسألج شنوفه
بالويك اند تعرفين زواره و يمعه و ابداع بالاكل
شتنصحيني اسوي 

ما اروح صح ههههههه

وفي شغله مو واضحه لي

الوزن .....
يوم الميزان نطرش لج الوزن و لا عادي كل وحده تكتب وزنها و خلاص ؟

و شرايج بسكر استيفا ؟؟عادي



و مشكوره مقدما *

 

[shak!shoka]

صباح الورد يا حلوين

شلونكم



ريوقي اليوم

٢ بيضه مقليه ب قفشه وسط زيت زيتون + طماطه صغيره + زيتون + رشه جبن موزاريلا

والسلطه واضحه خس + شويه نعناع+ نص خياره + نتفه جبن ابيض


حدي شبعت الف الحمدالله

و بعد شوي اشرب ماي



تمام جذي ؟؟

 

[shak!shoka]

اي صح نسيت رشيت شويه زعتر ع البيض

 

[chnoof11]

هلا حبيبتي حياك الله نورتي القروب
اول شي يوم الاثنين لا تحسبينه لان بصراحه كله غلط
اول شي الممنوعات الي كلتيها هي
النسكافيه بكافيين و واناناس وكيوي ممنوعه الفاكهه اول مرحله
بس الباقي صح
ولا تشربين شاي اخضر لان يثبت الوزن
ومشكوره جدا علي تشجيعك لي ان شاء الله اذا مشيتي صح ان شاء الله بتشوفين النتيجه من اول اسبوع

 

[chnoof11]

بنسبه للويك اند حبيبتي عادي روحي واستانسي وصلي رحمك بس الممنوع لا تلمسينه يعني الحلويات و الفاكهه و المكسرات لاتمسينها ابدا سوي نفسك ماتشوفينها وحتي اذا جاء موعد العشاء والغداء كولي مثلا دجاج او لحم او سمك بدون رز او خبز كوليه مع سلطه
شوفي انا اذا صارت زوارتي عند حمولتي يوم الاربعاء اسوي معي اكلي حق الرجيم مثل صينيه مصقعه مع فتوش وازيد علي قولتهم الجيله واحسب حسابهم معي واكل معهم عادي مايدرون اني مسيه دايت بس الفتوش اخذ منه بس اشيل الخبز منه لان ممنوع واخذ معي سفن دايت كبير لنا كلنا بس وهذا حالتي كل زواره

 

[chnoof11]

او بنسبه للوزن كل وحده ترسلي اسمها المستعار وعمرها وزنها السابق وزنها الحالي وانا بسويله بجدول بس ابي من كل البنات انهم يزنون الجمعه بس ابي الوزن الصدق مابي تلاعب عشان نشوف من اكثر وحده نزلت بشهر واي وحده تكون انزلت اكثر في الاسبوع راح نحطها علامع او نجمات او اي شي مافكرت يكون حافز لها وش رايكم

وبنسبه لسكر ان جبت اي سكر حق مرضه السكر من الصدليه احسه مايفرق

 

[chnoof11]

فطورك اليوم حلو مره وبالعافيه بس الزعتر العادي مممممممممممممممممممممممممممممنوع لا فيه سمسم والسمسم ممنوع اذا تبين تستخدمين زعتر خوذي الزعتر البري الاوريغانوا

 

[chnoof11]

اليوم القروب نايم وش فيكم يالله تشجعوا
اليوم انا فطره بيض مخبوط مع نقانق حلقات وفطر شرائح وقبل ماتنضج حطيت عليها 2 جبن سلايس وكلتها مع خياره وخس وزيتون ونسكافيه

وتغديت مصقه بيذنجان اجنان مع خس وسفن اب
والعشاء كباب الجاهز حق امريكانا بالفرن وسفن اب
و سلطة جرجير
جرجير تقطعيه وتحطي معا زيتون مقطع شرايح و1 حبه بصل اخضر والصوص زيت زيتون وشويه توم وخل وملح وفلفل اسود واوريغانو شويه ونعناع ناشف شويه وتخلطي الصوص مع الجرجير وبعدين تبشري جبنه كرفت شيدر وتحطيها معاها وبالهنا والعافيه

 

[لمى..]

هلا والله
اليوم صحية الساعه ست وجوعانه لا شعوري فتحت الثلاجة واكلت نص العلبه زيتون ونمت ولما صحت اكلت بيضه مقلي مع جبن سائله
والغدا كان صدر دجاج وخس وسلطه خيار وطماط مع سفن دايت تضايقت أني كثرت من الزيتون
بنات اللي علي آلويكند اذ عندكم اجتماع اكتفي بتمره وفنجان قهوه وخلي معك كاس مويه أملي بطنك فيها
لا تخربوا اللي وصلتي له
عادي لو نسوي القروي عن طريق الجوال برنامج وايس اب وش رايكم *