بعد ما افتكينا من ال 90 وتقلقصنا بال 80 نبي ننجز وندخل ال 70 يلا بنات قووواهد

[{meme}]

ان شاء الله ياغارقه :$

بقول لكم يومي امس
اول ماقعدت شربت كوفي لاتيه شوقر فري
والغد حبتين كفتة دجاج مشويه + سلطة
وفالليل شربت كم قفشة شوربة خضار

ونمت بس ساعتين والحين قاعده واشرب لاتيه بعد والعصر ناويه اروح الجيم

 

[Melo]

Meme
و يبارك بعمرج و يوفقج و يسهل امرج دنيا و آخره
عااادي يا بنتي ولا اهمج لا تحاتين
كلللله بتنزلينه ان شاءالله مع الرجيم و الرياضة و نفسية العرس و لويته بتنزلين لا تحاتين
أنا اليوم ان شاءالله ببدا رجيم وزني بين ٨٩ و ٩٠ ميزانا مو الكتروني فما اعرف بالضبط
ادري حدي بدعت مو صج اللي سويته
بس خلاص من اليوم راح التزم ان شاءالله و مافي تخربط ولا سوالف

 

[Melo]

تفطرت ثلاث تمرات
بعدين صليت و نطرت ثلث ساعه بعدين كليت سمبوسة وحده جبن
و كليت ٥قفاش من طبق اختي مسويته بالفرن و كليت قفشتين عيش مشخول مع بصل و شربت كاس عصير ليمون
بشرب بعد شوي شاي اخضر و زعتر
و السحور بخليه كوب روب عليه قفشتين عيش مشخول

 

[Melo]

قاعده اتبع رجيم طالب الشمري
ما اعرف جم انزل بس بجربه لين اخلص ديني ان شاءالله
و الست ان شاءالله بسوي رجيم اللي كاتبه غارقة والله يسهل

 

[غارقة بأحزانها]

هلا بنات عفية عليكم شطااار

انا امس خذيت فري بعد اسبوعين من الريجيم القاسي

كليت كل اللي خاطري فيه ماكدونالدز وكاكاو وبطاط

واليوم رديت عالريجيم ماصمت مالي خلق استغفر الله

طبعا انا انام الفير واقوم الظهر فالاكل هالحزة اهو ريوق واهو غدا

كليت ٢ بيض مسلوق بدون ولاشي

بحاول اقطع النشويات هالاسبوع

وبشرب ماااي

شكلي اليوم بروح الجمعية ماعندي مستلزمات الريجيم من عصاير وكوفي وروب وهالسوالف يعني

لاني كنت معتمده على الدايت كير برمضان

 

[Melo]

غارقة الله يعطيج الصحة و العافيه يارب
الحال من بعضه بس الحمدلله انا صايمه و الله اتمم و اخلص ديني ياااارب
بغيت اسالج فادج الاشتراك ولا لا
و شكثر نزلتي برمضان

meme
بغيت اسالج اذكر قلتي انج قاعه تتبعين رجيم نيوترشن
نزلتي عليه ولا لا
و شلون تحسين صحتج معاه شعرج يطيح نفس باقي الرجيمات ولا لا
انا بس لقيت هالرجيم حق اسبوع انتي قاعده تعيدينه ولا شالسالفه
و الوزن اللي تنزلينه وهمي ولا لا
العيب الوحيد اللي فيه ممنوع الفواكة و الخضرة

و بنات بغيت اسال عن نظام الديتوكس من صج انزل الوزن وااايد و لا بس جذي
حددده عجبني لان كله خضروات و فواكة و ما راح انحرم منهم

 

[غارقة بأحزانها]

هلا والله ميلو

حبيبتي انا اشتركت شهر رمضان وماالتزمت فيه الا اسبوعين بس
الاسبوعين الاوليين كنت اخربط وااايد وزاد وزني من ٨٤ لي ٨٨
ولما التزمت اسبوعين يوم العيد كان وزني ٨٣
بس انا كان اشتراكي بس فطور وسناك بدون سحور وكانو يحطون لي ٩٠٠ كالوري
وانا كنت اقسمهم على طول اليوم
وساعات كنت الغي الحلو مااكله يعني ٢٠٠ كالوري ناقصة
فالبيوم الواحد اكل ٧٠٠ كالوري بس
عشان جذي نزل وزني بسرعه

 

[غارقة بأحزانها]

وبالنسبة لريجيم الديتوكس
فاهو يختلف من دكتور لي الثاني
في دكتور اسمه بدر النصرالله عنده نظام ديتوكس وايد زين
عن نفسي ماجربته بس في وحدة حاطة تجربتها بالمنتدي سوي سيرج وشوفي

 

[Melo]

الحمدلله غارقة
بالعكس حلو هذا يعني ما بقا شي ع السعينات بالنسبة لج ان شاء الله
بس مو جنه شوي اكلج 700 كالوري شتسوي هذول تحرقينهم بشغل البيت و هالسوالف
قاعده افكر اسوي الديتوكس لان يوم قريت التجارب جذي اقل وحده نزلت 5 كيلو و انا ابي ارجع وزني يوم رجعت الكويت قبل اسافر بريطانيا
فاحتمال كبير اسويه من باجر

 

[غارقة بأحزانها]

ان شاء الله حبيبتي شدي حيلج

اي ادري شويه ٧٠٠ بس انا مااضعف الا جذي

وبصراحة مااااااااحب الرياااضة

 

[Madrideya ~]

كل عام وإنتوا بخير آنآ نفسكم اول يوم وثاني يوم عيد خربطت وكليت كل اللي ابيه بعد رجيم رمضان
والحمدالله رديت بلشت الدايت .. يلا قوووووووهد صبايا ..

 

[Melo]

عيل غارقة أنا أموت عليها بس ما عندي اجهزة بالبيت
ولا اقدر اشترك بنادي

أنا مو نافع معاي شي الحين
مو عارفة شسوي ما بقا شي عالسفر و العرس

 

[Melo]

مدريدية و انتي بخير يارب
لووووول عيل أنا تخبص تقريبا كل رمضان

بس الحمدلله ملتزمة من ثالث العيد الحمدلله ماكو تخربط
و من السبت بسوي الديتوكس ان شاءالله لان بأجر عندي عرس و يوم الجمعه زواره

 

[Melo]

تفطرت ثلاث تمرات و كليت ٣ وردات سبانخ أنا مسويتهم
و كليت بيتزا توست وحده و شربت بربيكان
الحمدلله رب العالمين

ما اتوقع أني اتسحر لان و أخيرا خلصت العيش المشخول اللي مسويته
فبخلي السحور خيار و روب و بحط معاه ثوم مطحون شوي
و الحين بقضيها ماي و قهوة و شاي أعشاب

 

[مهندسه "]

قوة


كل عام وانتم بخير > تو الناس

انا بالعيد خربطت وايد
بس ما كليت لا عيش ولا خبز اللهم الحلوووو

( معمول وحلاو وقهوة ) كليت للرااس

الحين عودة قويه للدايت والله يوفقنااا

 

[غارقة بأحزانها]

هاااا بناااات وينكم مااشوف احد يرد الا كل يومين ترى قاعدة ادخل اشيك عليكم hehehe
انا الحمدلله وزني نازل
صرت ٨٢ طبعا نزول بطيء لان بدون رياضه
وهابة بالكاكاو هالايام لازم اكل واحدباليوم
مادري شفيني
او اني اكل شي دسم مثل بيتزا او فطاير بس يكون وجبه وحدة
يعني مو ماكله شي من الصبح ولا اكل عقبه شي

 

[Melo]

السلاااااااام عليكم
يتلكم دبدوبتكم
سويت رجيم يومين و يتني المسعده فوقفت الرجيم بسس تخفيييييييف وجبه وحده باليوم و الحمدلله
اكره ميزان بيتنا لان مو الكتروني فما اعرف الوزن بالضبط
السهم بين ال89 و 88
واااايد صايره انام و فيني خمول مو طبيعي و بسرعه اتعب ع اقل مجهود و شعري احتتتتتتتتتت بشكل امي قامت تبجي لي شافته
مو عارفة اي رجيم اسوي و لا ابي احط خطه نفس كل مره لاني مو قاعده التزم بالريجيمات اللي اقول بسويها

حتى لو فتحتو تجمع يديد ترا بدش معاكم ان شاء الله عالاقل اتشجع لان بحس بالنقص
خصوصا ان بكون ببريطانيا ان شاء الله فهذا راح اسهل علي اني اسوي رجيم حدددي

بنات وينكم من زمان عنم و في بنااات حددده من زمان ما دخلو عسا ما شر و عسا المانع خير يارب

 

[Lulu_Perla]

السلام عليكم
حددددددددددددددددددددددددددددددي غطيت عنكم
صارتلي ظروف عقب العيد و كنت بقمة الحووووسة ><


الحمدلله وزني تحرك شوي صرت 77
و علي الدورة

بس اخلص اخر هالاسبوع ببدي استخدم اوربت تراك و اخفف اكل
ليش علي الدورة هابة بالكاكاو شوي
الله يهديني و اوقفه

يالله بنات مابي يصير اخر الشهر الا ولا وحدة فيكم بالثمانينات



اليوم ريوقي
شاي حليب & كرواسان زعتر

 

[غارقة بأحزانها]

هلا بنات شلونكم حبايبي انا ترى يوميا قاعدة ادش بس مو لاقية ردود
وانا صايرة كلشمو ذاك الزود بالاكل
وهم بعد مثلج ميلو شعري يحت وقلبي معورني عليه
والنوم والخمول على قولتج
ضايق خلقي ان الاسبوع الياي دوامات حدة صاكة فيني الدنيا مااحب دوامي كلش
ومتزاعليه وياريلي من اسبوع فالنفسيه حدها موشي

ادعولي بنات والله صاكة فيني الدنيا من قلب

 

[غارقة بأحزانها]

بالنسبه حق وزني اليوم قست لقيته ٨٢ و٧
بس علي الدورة
+
امساك تكرمون من قله الاكل

ودي اشرب جاي رويال بس مالي خلق
عوار بطن