قروب ريجيم النقاط ^^luxury group for the points diet^^ من 15-9 الى 15-10

[DaloOoLa Q8]

هلا حبيبتي luxury الله يسمع منج ان شاء الله

 

[الليدي...عمشه]

رد : قروب ريجيم النقاط ^^luxury group for the points diet^^ من 15-9 الى 15-10

ابشري باجر اندزلج مبجر

 

[فواصل]

رد : قروب ريجيم النقاط ^^luxury group for the points diet^^ من 15-9 الى 15-10

luxury


ان شاء الله بطرش له لج عبر الخاص


اليوم كل شيء اوكي


احسن من امس

 

[دلال حبي]

رد : قروب ريجيم النقاط ^^luxury group for the points diet^^ من 15-9 الى 15-10

اهلين بنات سامحوني مادخل في كل وقت بسبب زحمتي في البيت مع العيال والشغل
الي فوق راسي وعندي بيبي صغيرونه
اليوع الدايت تبعي ماحسبت النقاط
الغدا اقل من ربع دجاجه
والعصر للاسف قطعتين كيكه مع كوب شاي
شسوي
العشا كان حبة فلافل ونتوفة دجاجه مشويه
ونتوفة كباب لحم بس
وبمشي ساعه
وانتو شخباركم

 

[دلال حبي]

رد : قروب ريجيم النقاط ^^luxury group for the points diet^^ من 15-9 الى 15-10

بنات شجعوني لاتنسوني

 

[DaloOoLa Q8]

تصبحون على خير بنوتات انا ان شاء الله باجر بصوم واول ما اقعد بوزن وبدز وزني حق luxury .

 

[zo'3a girl]

رد : رد: قروب ريجيم النقاط ^^luxury group for the points diet^^ من 15-9 الى 15-10

زوغه تبارك الرحمن عليج بالف عافيه
اشلون مسويه العصير؟

هلا ياحياتي تسلمين فديتج :aha:

والعصير
ماكو مقادير معينه بس لانه موسم خوخ فقلت اسوي عصير خوخ
تيبين تقريبا 3 خوخات وموزه وحده + منجا مثلج شوي +4 قفاش برد فنيليا تقريبا ونص كوب حليب واذا صار وايد ثقيل خففيه بأي عصير عندج منقا او فراواله او اي شي بس مو وايد ولا تحطين شكر وعوافي:eh_s(21): جربيه لذيذ :rerrerek:​

 

[LoOLoO-17]

رد : قروب ريجيم النقاط ^^luxury group for the points diet^^ من 15-9 الى 15-10

انا بـــ:eh_s(17):ـــاك


الحمد لله رحت النادي ومشيت ساعه عالجهاز:weight_lift:


عال10 تعشيت :082502bye_prv:

4قطع شيش طاووق=2
نص خبز صاج خفييييف=1
جاي =0


المجموع =3

الباقي 11-3=8 نقاط:eh_s(9):


ومر اليوم على خيـــر:nbvppw:


بسوي تمارين خفيفه قبل لا انام:n2006107:

 

[zo'3a girl]

رد : قروب ريجيم النقاط ^^luxury group for the points diet^^ من 15-9 الى 15-10

زوزه عليج بالعافيه يا خيتي ويومياتج عســــــــــــــل وتشجعنا اكـثر:eh_s(15):

موفقه حبيبتي :blueSmCLR:

الله يعافيج ياقلبي واجمعين يارب
وانتي بعد عوافي عليج يارب:hjy5jewf:​

 

[zo'3a girl]

رد : قروب ريجيم النقاط ^^luxury group for the points diet^^ من 15-9 الى 15-10

السلام بنوتات

اليوم تفطرت بـ 3 تمرات =نقطه
نص كوب لبن = نقطه

6 قفاش عيش =2نقطه
ربع صدر دياي =2نقطه

والسناك

عصير خوخ وموز =2 نقطه

توست تيركي

2توست = 4نقاط
وتيركي =2 نقطه
ونص قفشه مايونيز =نقطه

حليب = 1 نقطه

عصير برتقال =2 نقطه

التوتل =18 نقطه

وبس الحمدلله :wqedqw:​

 

[دلال حبي]

رد : قروب ريجيم النقاط ^^luxury group for the points diet^^ من 15-9 الى 15-10

انا بـــ:eh_s(17):ـــاك


الحمد لله رحت النادي ومشيت ساعه عالجهاز:weight_lift:


عال10 تعشيت :082502bye_prv:

4قطع شيش طاووق=2
نص خبز صاج خفييييف=1
جاي =0


المجموع =3

الباقي 11-3=8 نقاط:eh_s(9):


ومر اليوم على خيـــر:nbvppw:


بسوي تمارين خفيفه قبل لا انام:n2006107:

عليج بالعافيه حبيبتي
رووووووووعه نقاطش انشالله تضعفين يارب
واضعف انا بعد مليت من المتن
تخيلو كل من شافني قالي متغيره اقول لهم ليش اشفيني
يقولون لي سمنانه :eh_s(22):
تعبت نفسيتي تعبت بس ابي منكم التشجيع ضربوني على راسي ان خبطت:23_asmilies-com::j013:

 

[دلال حبي]

رد : رد: قروب ريجيم النقاط ^^luxury group for the points diet^^ من 15-9 الى 15-10

السلااااااااااااااااام عليكم

بنات جني باييب خيزرانتي الفوشيه؟؟؟
هااااااااااااااااااا قرب الميزان تبون تضيق خلوقكم؟
لا يابنات نبي نصير تجمع مميز بالالتزام
مانبي اخر التجمع نطلع نازلين كيلو كيلوين بشهر

نبي نتغير يابنات تكفون
مافادنا الاكل وبالاخير موهو طاير
لاهو حاط ولاهو طاير سيبه عذب حبيبه

احممممم اندمجت شوي خخخخخ


انا تعشيت بال6 نقاط عيش وربيان من اشاز يايبين تيك اوي
من كثر الفلفل قلت بيتهضم ببلعومي قبل لا يوصل المعده خخخخخخخخخ
حسيت نفسي هنديه على الفلفل اللي كليته
بس المهم ماعديت 20 نقطه


الحين بديت يوم الثلاثا ب3شابورات وكوب حليب وسكر دايت = 3نقاط ونص
اليوم باسويلي ماعون سلطة معكرونيا فيها معكرونيا وخضره وجبن فيتا وذره ومشروم وصلصه ويمكن احط صدر دياي مشوي اقصصه
وباقسمها عال3 وجبات ومع كل وجبه عصير كيوي بالاناناس وباخذ مع الغدا روب ببذر الكتان مطحون
علشان ابي صج استانس عالميزان واحس نفسي قطيت حمل


بصراحه اليوم كل ما البس شي والا زين علي من عقب ماكانوا بينفجرون
الحمدلله يارب
شدو الهمه
وتره الميزان بيكون الصبح قبل الريوق يوم الاربعا ان شاء الله


فواصل
عسى المانع خير غطيتي والله فقدتج

اي والله يخيتي تكفين جهزي الخيزرانه بكره_03BA:
والله كلاامج صح الاكل مو طاير احنا يلي بنطير
اه على الرشاقه والله لين شفت زميلاتي رشيقات وكل شي ياكلونه ويلبسونه اتحسر :krkrkr:

 

[دلال حبي]

رد : قروب ريجيم النقاط ^^luxury group for the points diet^^ من 15-9 الى 15-10

تصبحون على الف خير

 

[زوجة جوجي]

قوه بنات
يومياتي

شابوره وحده ......... نص
وغداي/عشاي
فرايز ,,,,,,6.5
كبابه صغيرونه ........3
4 قطع شيش طاووق ...... 3
تبوله ...... 3

وتوني ماخذه سناك
جزر ..... صفر
اصبع توكس ...... 4

والحمدلله على النعمه
مجموعي 20
وسويت رياضه 40 دقيقه
20-10= 10 points

وبس

 

[ام الحلوووين]

سورررري بنات خربطت من يوم الاحد لحد الثلاثا
جاتها عين >>>> اخاف انجلينا جولي صرتي هههههههههههههه
وانشالله من اليوم بمشي صح مع اني كنت متحمسه بالاول اهئ اهئ

 

[LUXURY]

كالسلااااام عليكم
صياح الخير لاحلى البنات


اشلونكم؟


زوغه
مشكوره عالطريقه باروح اييبلي خوخ واسويه

دلال جوجي سارونه لولو وكل الحلوين
مشكورين لانكم ملتزمين والله مشجعيني صراحه
لا وحده تزعل ماكتبت اسمها مو قصدي بس كلكم حبيباتي


ام الحلوين
اشوووووفج غاطه منخشه هاااا
لا لازم تلتزمين
لا قارنتي وزنج بالبنات بتتشجعين وتتحمسين انج تضعفين
شدي الهمه حبيبتي وابدي من هاللحظه


طبعا عارفين الاسطوانه بنتي الصغيره قعدت من النوم وقعزتني معاها
والحين اتقلب بانام ماكو
واهي بفراشها تحن
راسي بينفجر


يالله بنات اشوفكم في وقت لاحق

 

[LUXURY]

انا وزنت لان كنت يوعانه وابي اكل
طبعا هذا يعتبر ريوقي صج اني اتريق مرتين بس اليوم باخليه ريوق واحد لان خذيت وايد نقاط
شربت كوب حليب مع سكر دايت =2
خذيت 3 توستات = 6
وحطيت بكل وحده قفشه صغيره جبن =3
وحاطه يمي قهوه حاطه فيقه قفشه وحده كوفي ميت لابت = 1
المجموع 12 نقطه

باقيلي 8 نقاط لباقي اليوم
وناويه الغدا يكون خضار علشان ما اصرف نقاط وايد

ولازم نلعب رياضه اليوم

وبث يالله نشوف يومياتكم يا حلوات

 

[LUXURY]

بنات توني قريت معلومه بمنتدى ثاني
سوو دراسة على رياضة المشي على فريقين حريم
فريق يمشون نص ساعه باليوم لمدة 5 مرات بالاسبوع مع ريجيم
والفريق الثاني بس ريجيم بدون مشي

الفريق الاول نزلوا ضعف كمية الشحوم اللي بجسمهم من الفريق الثاني وقياساتهم من نص الجسم اللي اهو البطن والخصر نزلت اكثر من الفريق الثاني
هذيل ماشين نص ساعه باليوم جذي عيل لو نمشي ساعه باليوم يوميا لمدة شهر؟؟؟
يالله يابنات تشجعوا وشدوووووووو الهمه وان شاء الله بنصير منيكانات

شفتوا كيم كارديشان اللي ذابحينا فيها؟؟
تره كل جسمها تجمييييييييييل لايكون صج عبالكم ان تلعب رياضه وتضعف؟؟
اختي شافت تمارينها تقول المدربه تشتغل وهذي لو اهفها طاحت
احنا مانبي نقتدي فيها احنا نبي الناس تقول شوفوا فلانه اشحلات جسمها نبي نسوي نفسها ونصير مثلها
ونصير احنا حلم للحريم

بس امااااااااااااااااانه يا بنات الله يخليكم كل وحده تقرا على نفسها
والعين حق ومذكوره بالقرآن كل وحده تقرا وتتحصن
خصوصا المتزوجات
عن تجربه الله يعلم بحالي الحين من العين واللي اكبر من العين بس ربكم كريم ويفرجها

 

[اثمان]

رد : قروب ريجيم النقاط ^^luxury group for the points diet^^ من 15-9 الى 15-10

السلام عليكم

اليوم اخر يوم من السته واول يوم من الايام البيض 13 و 14 و 15

شرايكم اكمل اصيام الى السبت

او اوقف

احس انى للحينى فى رمضان

 

[بيه كويتيه]

قوه بنات

اليوم تريقت

2 توست مع جبن

4 شرايح خيار

وحليب موز