Diet خففي أكلج يلا انطلقي معاي 1\5\2012

[دلع بآبي]

ريوقي كالمعتاد كورن فلكس وشاي حليب

غداي عيش مع عدس 10 قفش و10 حبات تمر وطماطة وخيارة ..

وشربت لترين ماي

والسناك 4 دايجستف ونسكافيه

شنو دندن الظاهر ملتحقة بحمله يديده لول

 

[دلع بآبي]

وصح مشيت ساعة ..

 

[الكيكه دندن]

اهلين حبيبتي اييه اشتركت بحمله يديده شامله وان شاء الله خير ابي التزم عندي وايد شغلات وشاورات وكريمات ما استخدمتهم ابي اخلصهم ههههه

تكمله يومياتي امس

الغدا

توست مع جبن سلايس وعصير جوافه بالحليب انا قلت خلني اجربه مع الحليب ولاعت جبدي صار معاي تلبك بالمعده :eh_s(16):

سناك
شمام بالزبادي

العشا

زعتر باللبنه بالاعشاب وشاي حليب

سناك

نص حليب فراوله

 

[الكيكه دندن]

اليوم 12-7


قلاص ماي

الريوق زعتر باللبنه مع شاي حليب


سناك

شمام مع زبادي

الغدا

.....

سناك

فريروروشيه حبه وشربه حليب خالي الدسم


العشا

شابوره وشاي حليب 1 ماجرو توست


وكله اشرب ماي الحين حى اخلص اللتر والنص

 

[دلع بآبي]

أمس كان أووبن دي وطلعت كل الحرة اللي بقلبي هههههههههـ وآليوم تريقت كورن فلكس وشاي حليب

والغدا 3 حبات كوسآ مع حشي مع ربع قلاص بيبسي و 1 آيسكريم وحبة حلو صغير

جنه يوم ثاني اوبن دي بعد >< وباجر بجوف وزني كم وصل !!

 

[الكيكه دندن]

امس بالليل الساعه 11 حسيت بجوع وكليت 3 سمبوسه مشويه



اليوم 13\7

قلاص ماي قبل الريوق

الريوق

شكشوكه وخبزه سمره جبن قليل الدسم


سناك

حبه فريرو روشيه

الغدا

نص خبره سمره فيها حمسه لحم مفروم بالخضار وشربت شوووووي من عصير الليمون ماحبيته كله اصطناعي

سناك
ايسكريم مكس

والعشا

راح اكل شابوره وشرب شاي حليب

قبل النوم احاول اعمل تمارين البطن حتى لو شوي

 

[دلع بآبي]

وزني نآزل بس 50 جرآم يآربي وبعدين مع ثبآت الوزن لاعت جبدي والله

ريوقي 1 ونص شابوره مع شاي حليب و حبتين تمر

وكلت كيكة جلاكسي 144 سعرة ..

والغدآ بآكل بطاط بالفرن مع خبزة سمرة صغيرة

 

[الكيكه دندن]

اهم شي انه قاع ينزل ولو كان شوي حبيبتي وحاولي تاكلين زبادي قليل الدسم او خالي وياه ملعقه صغيره قرفه مطحونه


يومياتي لليوم

14\7

لما قعدت من النوم سويت تمرين البطن 5 مرات


بعدها شربت قلاص ماي

ريوقي

كورن فليكس بالفواكه الحمرا وحليب خالي الدسم باللوز


الغدا

3 م اكل مجبوس+حمسه خضار بالفلفل +قطعتين صغيره ومتوسطه ستيك دجاج مشوي


سناك

حليب موز قليل الدسم


العشا

شابوره وشاي حليب


وخلصت الحين لتر ونص ماي داخله غطا ماي ورد

 

[دلع بآبي]

عيني عليج بارده دندن نظآمج حلوو .. تعرفين وين الغلط بآكلي ؟ الريوق لان الحليب اللي آشربه كآمل الدسم

مع شاي وفيه شكر وفوقه كورن فلكس العآدي ! يمكن هذآ اللي خلا الوزن يثبت عندي

من بآجر نآوية ع نفسي بقووة لي نهآيه الاسبوع وبجوف يا انا يا هالثبآت

ومبروك عليج الشهر مقدمآ ^_^

 

[الكيكه دندن]

اييه ممكن انا مرات اشرب كامل الدسم خاصه لما يخلص عندي خالي الدسم وشوفي حبيبتي ترا الكورن فليكس ماتاكلين كميه كبيره لانه يقولون انه لما تاكلينه بكميات كبيره باليوم كانج ماكله 4 خبزات


يعني اكليه بس باقتصاد

ونا هم ودي اسوي رياضه بس احس الجو مايساعد حاليا وهم برمضان راح يكون ارهاق وشغل وتعب

الله يعين

ودي اضعف عالاقل حاليا 6 ومو مستعجله حتى لو بالشهر كيلو 1 احسن من لا شي

والله يبارك فيج حياتي رمضان مبارك عالكل يارب وربي يجعلنا من عتقائه باذن الله

وها شلون جدولج الديني برمضان؟

والله يعينا ويثبتنا وننزل وحنا بصحه يااااااااارب

 

[الكيكه دندن]

اييه صح نسيت انا بعد العشا كليت سناك

شوكليط ابو نجوم


والساعه 12 حسيت بجوع كليت قطعه شمام


تصبحون على خير

 

[الكيكه دندن]

يومياتي لليوم


15\7


تمرين البطن 5 مرات


شربت قلاص ماي


تريقت 3 فلافل و2 سبرنق رول بالخضار+شاي حليب

 

[الكيكه دندن]

بسم الله الذي لا يضر مع اسمه شيء في الارض ولا في السماء وهو السميع العليم
بسم الله الذي لا يضر مع اسمه شيء في الارض ولا في السماء وهو السميع العليم
بسم الله الذي لا يضر مع اسمه شيء في الارض ولا في السماء وهو السميع العليم


:eh_s(17):


غداي لليوم

خبزه سمره وربيان وروب هندي

سناك

حبه فريروروشيه وكوفي

العشا

شابوره وشاي

واذا جعت بالليل راح اكل شمام ان شاء الله

وخلصت لتر ونص ماي
وبلشت ببطل يديد ماشاء الله

حى ينظف الجسم والبشره :eh_s(15):

 

[دلع بآبي]

ان شاء الله واذا الله أحياني لرمضآن رآح آختم القرآن اكثر عن مرة ..

اليوم مشيت 40 دقيقه وتريقت بيضة مفيوحه + طماطة + خيارة مقصصة دواير

أول مرة أتريق هالريوق امواااح لي أحسني للحين راضية عن نفسي

وبعدين بوافيكم بتقرير عن باجي اليوم

 

[عاشقة الككاو]

ماشالله
حلوو برنامجج كيكة
ترى انا بين وفترة وفترة اطلطل عليكم
وحبيت فكرة الروب مع الفواكه الطبقات

ماشالله فنانة

 

[الكيكه دندن]

هلا بعاشقه نورتي الصفحه اييي حلوو وايد اهوا سناكي المفضل

دلع عوافي على قلبج انا هم فكرت امشي بحاول اليوم حتى لو ربع ساعه لان وايد اهملت الرياضه

اليوم
16\7

قعدت من النوم شربت قلاص ماي

وبعده تريقت
خبزه سمره بلبنه بالاعشاب وزعتر احمر وشاي حليب

غداي

اصابع دجاج حمرهم بشويه زيت مع حمسه خضاربالفلفل وروب بالنعناع والكزبره ههههه حاولت اقلد برامج الطبخ وازين شكل الصحن بس ماضبط ههههه

العشا
شابوره وشاي حليب

واحاول اخلص اللتر والنص تبع الماي

وراح اوافيكم بالتفاصيل اذا حصل اي اضافه

 

[دلع بآبي]

الغدا كلت 1 لبن قليل الدسم + ملة صغيرة تمر

السنآك

حبتين مآكنتوش + نتفه بسبوسة مآكلت يعني بس أجرب الطعم

والعشآ عصير كوكتيل وشربت يمكن لتر ونص ماي

 

[modern]

ماشالله دندن الله يخليكي بهمتك و ارادتك و نحنا متابعينكم

 

[الكيكه دندن]

تسلمين حياتي :**

اخيرا تشجعت ورديت للرياضه ههه

مشيت نص ساعه وحطيت على بطني وخصري كريم الشاي الاخضر

وعملت تمرين البطن 30 مره
والخصر 10 يمين و10 يسار
والمؤخره 40 مره وكنت حاطه كريم هيب آب عليها

وخلصت لتر ونص ماي الحمدلله وماشاء الله

والحين راح اكل شويه شمام

تصبحون على خير

 

[دلع بآبي]

اليوم مشيت 40 دقيقة

تريقت 1 ونص شابورة مع شاي حليب

وعقبها ب 3 ساعات شربت لبن قليل الدسم

وشربت لين الحين لتر ونص ماي