^kloOot^ ---الرشاقــــــة انــــــــاقة والمتـــــــــن ملاقــــــة

[غــلاهــا]

يسلم قلبج ...

شنو رجيمج ؟

وجم وزنج حاليا وجم كان ؟؟

 

[^kloOot^]

هلا غلاها انتى شلونج

شخبارج

والله وزني يفشل


ما احب اقوله

انا شوي بعد متنت من بعد ماهديت الرجيم
بس حاليا داشه نادي وقاعده اضغط على نفسي والله


كله بسبيل الرشاااااااااااااااااااااااااااقه مليت جسمي يترهل اكثر واكثر من كثر ما اهد الرجيم واتركه حرام


بس هالمره انشالله خلاص بقاوم


وبتعب عشان اوصل حق هدفي


ريوقي : توست +جبن +نعناع +حليب

غداى من النادي :



فيليه هامور واااااااااااااااااااااااى لذيذ مو صج مع شوي عيش من فليكس غورميه والله شكلي اخرتها بشترك وياهم اكلهم لذيذ بنات



وعشاى مادري يمكن تفاحه او كورن فليكس




جنان لج وحشه والله عوااااااااااااااااااااافي


بنات نبي صور وااااااااااااااااايد عشان نتشجع حتى لو من النت عادي

 

[جنان2006]

بااااااااااك

آسفة عالتأخير لهيت ويا اليهال وتنظيف البيت

كلوووت
بعد قلبي والله ربي يعلم نفس الشعور الله يديم هالصحبة الطيبة دووووووووم والله يعافيج ان شاءالله

وهني وعافية ماكليتي وقواج الله صج الصور اتشوق وشكل الأكل يمي يمي
وانا نفسج عقب القروب اللي طاف للأسف ماعرفت أثبت وزني ورديت اللي نزلته وضاق خلقي والله لي متى جذي مادري وأصعب مرحلة اهيا ثبات الوزن بس ان شاءالله هالمرة عسى ربي يتمم علي وعليكم وننزل بصحة وعافية ونحقق أهدافنا عن قريب ....
وعن نفسي الله يعيني وأقدر أنزل 8 - 10 كيلو والله كريم ان شاءالله

 

[جنان2006]

باجي يومي

الحمدلله غداي اليوم : 2 كباب أمريكانا مشوي بالفرن + طماط + خس + فلفل بارد

وعالساعه 8 السناك : كليت تفاحة خضرا

والساعه 11 تعشيت روب خالي الدسم

 

[غــلاهــا]

هاااي شخباركم ..

انا اليوم ماداومت لان عيني تعورني ..

قمت ساعه 10 ..

عقب صلاه الظهر شربت عصير اناناس ..

واكلت قطعه كاكاو بس عادي مسموح قطعه باليوم موو لووول ..

و الغدا بخلي بعد صلاه العصر كورن فليكس و حليب خالي الدسم ..

كلووتوو وين تروحين اي نادي ؟ و جم ساعه تدريب ؟ و جم بشهر ؟ و جم صارلج فيه ؟

الان ودي اشترك بنادي بس مو راضي لي عندي ..

ابي بس شهر اجرب شسوي قولولي ..

 

[جنان2006]

مساء الورد بنات


اشلونكم عساكم بخير وعافية؟؟؟

انا تريقت عند رفيجتي فطيرة لبنة بالزعتر وسبانخ + جاي
وقطعة حلو

وماراح أتغدى لأن بالليل ان شاءالله عندنا عشا بيت أهلى وهم باكل من الموجود بس ماراح أكثر ان شاءالله

 

[جنان2006]

غلاها

هلا وغلا أجر وعافية ياقلبي ماتشوفين شر ان شاءالله
وعوافي على قلبج ما كليتي ورجيم المطوع مسموح كاكاو صغير

 

[^kloOot^]

جنان علييييييييييييييج بالعافيه

انا اقول اخذي اكلج معاج مدام بيت اهلج عشان لاتخربطين لانه قطعه من هنى وقطعه من هناك وحسبي عاد الكالوري جم فوق 2000 حرام واللله

انا دايما اروح جمعيه الشهداء مرات واخذ من ثلاجه دايت سنتر واحطه بالجنطه او اروح مركز سلطان حولي في ثلاجه دايت كير
او شعب البحري فيه فليكس غورميه وفيه لو فات محلين يم بعض



غلاها انا مشتركه بنادي فليكس بشعب البحري 3 شهور

والله اكلهم لذيذ وما استغني عنه


شدو حيلكم بنات

عيل وين البنات الباجي مالهم حس

 

[^kloOot^]

هذا غداي من دايت سنتر لذيذ حده دياي مع خضار وصلصه معاها وخبز صاج

 

[جنان2006]

هلا وغلا بكلووووت

اشلونج عساج بخير؟؟

الله يعافيج ياقلبي وصاجة والله أمس لم رحت كنت ماخذة أكلي معاي بس اليوم أمي متحلفة فيني تدرين خايفة علي اتقولي اخاف ادوخين وراج بيت ويهال ومن هالحجي إجباري آكل تقولي بسج رجيم شوفي ويهج اشلون ضعف ====> مو مهم ويهي أبي جسمي يضعف بعد

بس ان شاءالله ماراح أكثر

 

[جنان2006]

كلوووت عوافي على قلبج يالغالية

 

[جنان2006]

وصاجة والله مادري وين مشاركات باجي البنات ؟؟؟

شدوا حيلكم وشاركوا معانا ويارب ننزل كلنا بصحة وعافية

 

[^kloOot^]

انشالله

 

[غــلاهــا]

بعافيه عليكم وانا من صبح بروحي قاعده انطركم ..

انا اكلت كورن فليكس مع حليب خالي دسم نسيت اصور سوري ..

متي ميزانكم ؟

قاعده اكتب لسته حق جمعيه اكلات رجيم ..

 

[^kloOot^]

انشالله السبت


كل سبت راح يكون ميزان



باذن الله




اممممممممم بعطيج جم شغله حق اكلات الرجيم



كورن فليكس
توست اسمر
حليب خالى الدسم
سكر رجيم
جبن سلايس الرشاقه
صدور دياي
خضار
تونه

 

[^kloOot^]

لا صج كل خميس الميزان انشالله

يعنى بااااااااااااااااااااااجر الميزان

شدو حيلكم من الصبح

 

[غــلاهــا]

يسلموو ذكرتيني بس انا نباتيه لووول ..

كتبت لسته شكبرها من موضوع عجيب موجود عن مشتريات الجمعيه لرجيم ..

عاد الحين بروح اجيك ع ثلجه اسوي احصائيه ..

و صج باجر يعني ان شالله من صبح اشوف وزني وانزله قبل لا اروح دوام ..

 

[غــلاهــا]

وينكم ؟؟؟؟

 

[جنان2006]

بااااااااك

هلا غلاها عوافي على قلبج ان شاءالله وكاني موجودة بس طلعت العصر رحت عند أهلي


كلووووت

انا شفت وزني اليوم والميزان مو عندي ابيت أهلي اتصدقين أشوه ان مو عندي وإلا كل اشوي ناطة فوقه ومتحبطة من وزني
وان شاءالله باجر بإذن الله أحط الفرق بالوزن ويارب كلكم اتكونون نازلين بصحة وعافية

 

[جنان2006]

اليوم كان العشا اجباري عند أهلي والحمدلله اعتبرت العشا وجبة مفتوحه لأني الحمدلله طول الأسبوع ملتزمة وماخربطت

كليت 2 عرايس +حبتين طرشي

وورا العشا بشوي كيكة صغيرة + جاي

والحين بدور نظام ثاني عشان أبلش فيه من باجر بإذن الله